火鍋煮場 (Closed)

朋友介紹，黎呢到食係為左佢個100蚊100支啤酒，飲唔晒做可以存，2個月內有效掛住飲唔記得影食物相當晚無食海鮮，可能飲左好多啤酒，都唔係叫左好多野食，我最中意係佢火鍋有苦瓜，呢樣唔係好多地方有

又打邊爐了，鍾意這家因為so far佢D火鍋料嘅質素都好懲定，特別係D牛肉。今晚問waiter D牛頸脊靚唔靚，佢話OK(佢試過話麻麻叫我食安格斯)，所以叫咗牛頸脊，真係唔錯，我自己鍾意牛頸脊多D，因為牛味濃D同埋有得咬吓，無似安格斯咁林。另外仲試咗個花雕牛肉，D花雕都幾香，淥咗之後D花雕味就變淡。脆炸午餐肉雖然話可以即食或打邊爐，不過我覺得即食好食D，炸一炸後更邪惡。鱔片好新鮮，D鱔肉有彈性。手打蝦丸墨魚丸雙拼，兩隻丸都好味。今晚仲好豪咁叫了象拔蚌刺身，真係好正好爽甜。蟶子又係好正，waiter話淥10秒就食得，真係啱啱熟無淥over。呢個水餃都好味，唔會成舊冰咁，入面D餡料都新鮮，入面D木耳好爽口。佢衣家仲有德國啤酒優惠，$100有100支，真誇張。

今晚打邊爐全因有個Friend早兩個星期喺呢度開咗個啤酒Plan飲唔晒，我話你小心比人呃，佢話首先$100一百支啤酒，可以兩個月內用，單叫一支都三十幾蚊啦，而且以前都試過，所以今日就大家去幫手飲吓，佢仲話上次4個人飲了8支已經好勁。好啦，去啦，坐低未齊人於是叫住小食飲住啤酒先，開Plan個Friend都未到，不過原來講佢個電話號碼已經可以飲佢D啤酒，咁我下次識Do喇。我自己比較鍾意呢3隻。小食就叫了魚片頭、炸雞軟骨同埋炸蝦餅。三樣之中炸蝦餅最好食。終於齊人打邊爐，見個魚缸D象拔蚌好新鮮，所以先來一個象拔蚌刺身，真係又爽口又鮮甜。牛肉就揀了牛頸脊同牛白肉，牛頸脊的脂肪相對多D，反而無咁un仲好食D，同埋D牛味都算濃。牛白肉切到好薄，淥兩淥就食得，好爽口。碟鱔片都好靚好新鮮，D伙記話今日啱啱返所以真係好新鮮。個紫菜響鈴係即叫即炸嘅，就咁食同落湯滾一滾都得。呢度嘅韭菜餃係自己包的，味道都唔錯。鯪魚滑都算新鮮而且夠彈口。黑柏葉唔係成日有所以都叫一碟食下，都幾新鮮，真係唔錯。

是晚一班朋友相約一起打邊爐，約晚上7時半，但因為其中幾人一早便放工，所以未夠7時已坐下來，這店正進行$100 100支啤酒優惠，正合我們心意，可以邊飲邊等。它共有8款啤酒可以選擇，8款都是來自德國的，由於$1/支的關係，我們每款也試一試，總結來說以下3款我們覺得最好飲。等人途中除了啤酒外，我們還點了三文魚刺身及紫菜炸響鈴。三文魚刺身是厚切的，味道不錯，亦很新鮮。紫菜炸響鈴是即叫即炸的貨式，很脆口。終於等齊人可以開餐了，我們點了本地手切牛頸脊、鮑魚、三式拼餃等，當中以鮑魚最精彩，強力推介，因為真的很鮮味很彈牙。手切牛頸脊偏痩，不過牛味真的很rich，如果像我喜歡吃火的朋友應該不會失望。三式拼餃其實就是水餃雲吞韭菜餃三拼，三款餃均是自家製，味道亦很好，個人認為韭菜餃的味道最出色。

高質火鍋遇上超抵啤酒優惠無啦啦又凍返，即係代表又要打邊爐啦。朋友話要去呢一間試，因為佢依家都做緊$100有100支德國啤酒嘅優惠，真係夠晒震撼。今晚都叫咗好多樣嘢，包括首設本地牛頸脊、象拔蚌刺身、聖子、鮑魚、鱔片、羊肉、韭菜餃、水餃同埋牛白肉，非常豐富。首先想講一講佢個$100一百支德國啤酒優惠，原來唔係要一次過飲晒(講真一次過點飲得晒)，佢係開plan起計兩個月內飲晒就OK，最正就係可以叫friend嚟講自己個電話號碼就可以照用呢個啤酒plan，佢仲有八款啤酒任揀，超抵玩。我哋今晚都算勁，飲咗17支，有相為證。跟住要講啲食物，首先叫咗炸魚片頭、紫菜炸響鈴同埋爭午餐肉作餐前小食，魚片頭就間中都會食到，不過個咋午餐肉就比較少見啲，兩樣味道都唔錯，用嚟餸酒一流。跟住上枱嘅係象拔蚌刺身，條象拔蚌好新鮮好爽口。碟牛頸脊都好靚，牛味濃兼有啲𡁻口，脂肪分怖都唔錯，好食。牛白肉師傅切得夠薄，焯一焯就食得，爽口好食。羊肉一啲都唔羶，不過好似刨得厚咗少少，所以一唔小心淥耐咗就有少少韌。鱔片好新鮮，唔係啲千年雪藏貨。侍應提我哋個聖子水滾落淥10秒左右就食得，我哋跟足指示做，真係啱啱熟，鮮味得來夠爽夠彈牙兼

疫情緩和， 加埋開返晚市， 今日終於可以約齊8人一枱食餐好野。今日去左深水埗的火煱煮場， 小小的店舖， 但非常好食， 價錢合理。今晚入座， 座無虛席。 人人食得辣， 就叫左個麻辣湯底， 湯底有陣羊肉味， 幾特別。手切本地肥牛，超好味， 有牛味， 肉質好軟好林， 但有少少咬口， 呢款手切本地牛， 必食。安格斯肥牛，有油香，肉質嫩滑。 手打墨魚滑， 彈牙爽滑。牛白肉， 好少火鍋店有得食， 輕輕滾一滾就已經變透明， 咬落爽爽聲， 正。呢個價錢食到呢種質素， 真超值。

終於可以打邊爐，呢間火鍋店仲有$100一百支德國啤酒優惠真係好抵打。我地4個人叫咗本地牛頸脊、黑柏葉、蟶子、鮑魚、鱔片仲有蠔等等，實行來個海鮮大餐。幾樣海鮮之中我最鍾意鮑魚，今晚D鮑魚好靚好新鮮，一人一隻好開心。蟶子都算大隻，亦都係好新鮮，侍應叫我地唔好淥咁耐，如果唔係就會太un。呢個廣島蠔都唔錯，不過就當然無鮑魚同蟶子咁正啦。因為有個朋友好鍾意食魚，但係其他3人都唔食，所以佢喺脆鯇同鱔片之間揀咗鱔片，我個Friend話好新鮮。黑牛柏葉唔係間間有，所以叫黎食，爽口好味。呢碟牛頸脊都唔錯，牛味都香濃。想介紹一下呢個紫菜曫鈴，應該係即叫即炸的，因為真係好脆，同埋個感覺好新鮮。菜就叫了娃娃菜，OK啦。另外佢地個100蚊100支啤酒真係令人瘋狂，我地4個人開一個Plan，飲了12支，都算係咁啦，幾款之中我地最鍾意呢款麥啤。仲有88支下次黎繼續飲。

4月21號終於放監了，朋友揀咗呢間打邊爐，佢哋做$100一百支啤酒，即係$1/支，可以兩個月內使用，仲可以叫friend黎飲，真係好爆。點了皮蛋莞茜湯底，火鍋配料就叫咗脆鯇片、水餃、鮮蝦雲吞、廣島蠔，牛就揀咗手切牛頸脊。水餃同雲吞都好食，入面啲餡好新鮮，蝦肉好彈牙。脆鯇比想像中大碟，又係好新鮮好好味。碟牛頸脊d脂肪分佈都唔錯，牛肉味亦算濃。廣島蠔就一啖一隻，我朋友好鍾意，但我自己就鍾意美國桶蠔多啲，因為大隻啲啖啖肉。啤酒就因為$100一百支所以8款德國啤酒都試晒，我哋最鍾意呢三款，最右嗰支係無酒精啤酒，幾有趣，我朋友話揸車都飲得，非常好。

晚市禁堂食前成班老友都想黎呢度打邊爐，即刻打電話Book位費事到時無位。叫咗超多野食，盡興。老闆話要清食材，象拔蚌大特價，印象中平咗1/4，超抵，即刻叫一條，好新鮮好爽，物超所值。象拔蚌刺身外，老闆問食唔食三文魚刺身，又有折，好，殺埋，厚切好正，都幾新鮮。叫咗蟶子，好鮮甜，連埋粉絲好正。蟶子之外又叫鮑魚，老闆話淥分半鐘左右，又係好新鮮，好味。鱔片係我的最愛，正，都係好新鮮，其實基本所樣樣都好新鮮，所以好好味。雞子原來有兩款，為咗想比較一下，所以叫晒兩款。大粒係平時食開嗰隻，原來係火雞子，所以先有咁大粒，至於細粒嗰隻真係第一次食，幼滑D，幾過癮。牛白肉薄切，咬落去好爽。呢個係墨魚餃，其實好似水餃皮包住墨魚丸咁樣，都幾好食。羊肉都唔錯，不過記住唔好淥太耐。炸牛餐肉可以就咁食或者放落湯底打邊爐，兩個食法都唔錯。唔夠飽於是再叫貢丸、潮州魚蛋、黑椒牛丸同三式餃(雲吞、水餃、韭菜餃)，D餃好好食，特別係個韭菜餃，丸就正常啦，另外個潮州魚蛋唔會成舊粉，幾好。全場德國啤酒$10一支真係唔通仲飲藍妹青島咩？! 西柚啤同7號仔都好飲，另外試咗呢支0酒精啤酒，味道真係好似啤酒，幾過癮。希望快D回復正常可以再

人大咗食量細咗，所以唔去任食打邊爐，寧願比貴少少食好少少又唔洗趕頭趕命限時要走，而呢間火鍋店正正合晒我心水。安格斯小牛排脂肪分佈真係好靚仔，淥兩淥就要食，否則太熟會無咁好食。呢個牛白肉好正，煙煙un un，又係淥兩淥就食得。紫菜響鈴係即叫即炸，所以好脆，伙記話即食或者落湯滾一滾都得。手打蝦丸同墨魚丸好好食，好彈牙，同埋食落去覺得好新鮮。雲吞同水餃都正，我鍾意雲吞多D，入面隻蝦又大又新鮮，食得好開心。大勝子都好正，伙記話水滾時淥10秒就要食，跟住佢咁講淥10秒真係啱啱好，好正呀又無縮細。

冬天最岩就係打邊爐，約埋幾個朋友一齊吹下水，食肥牛🤣今次揀左大家既中間位深水埗，福榮街呢間火鍋煮場，叫左個鴛鴦湯底，因為有人食唔到辣，所以另一邊係唔辣，揀左芫荽湯底牛頸脊相當唔錯，有油花，肉味又夠濃👍🏻活魚刺身等緊湯熱既時候就叫份刺身，份量都幾多，仲要有造型🤣夠凍夠新鮮炸蝦餅蝦餅已經剪好哂一件件，方便夾黎食，彈牙墨魚滑上面仲加左蟹籽，煮熟後都幾爽彈廣島蠔打邊爐最鍾意落蠔，煮熟後都唔會縮到好細隻

第一次失望到寫食評見網上評價唔錯就約朋友去食仲擔心星期日多人book定位點知去到得我哋食都心知不妙 點會好評多 但冇人幫襯正文來了服務態度唔差 服務員態度和藹親切不過食物真係不了醬油一開始就收咗60蚊收服務費都115蚊湯底又收錢雖然食物望落大份但係熟咗熟薄一片啲食物又唔係話新鮮仲有雪味份份嘢食都100蚊起 又唔係特別好食我哋三個人食咗1200幾蚊 完全唔抵我啲朋友都食到黑晒面話下次食放題好過得啤酒叫抵啲 10蚊支不過唔會有下次

We booked a table early and met with a couple of friends here.I loved the food here. Lots of options and the beef is very good quality. So good selection of drinks and soup base.We would definitely come here again. Loved it!

天氣終於變凍，終於有冬天嘅感覺，低溫空氣令人對打邊爐嘅意慾大大提升，所以去滾亦非常合情合理。我幾鍾意黎呢間深水埗小店打邊爐，因為幫襯咗幾次，D火鍋配料同價錢都幾合理，尤其是佢D安格斯牛，唔知點解總係好食過其他地方嗰D。佢呢碟牛份量正常，唔會燈影又唔會鋪到好有技巧咁等你覺得好大碟，值得一讚。牛味都算OK，脂肪分怖都唔錯。碟牛脷都幾好食，無渣，薄切淥落去好易熟又唔易un。呢碟牛白肉真心正，出面唔係好多打邊爐嘅地方有得食，口感非常有彈性，如果未試過真係要試下。手打墨魚丸係我每次必叫，打得好彈牙，而且又真係食到墨魚嘅味道，丸黎講都算新鮮。今次幫襯咗佢地新出嘅刺身，叫咗個細size刺身拼盤，鍾意佢厚切，咬落去特別好呆。

今晚一行四人，原先打算買完野去吃火鍋，殊不知愛人忘了訂位，食店要930才有枱，於是轉塲試新嘢⋯⋯店舖面積細細，分了兩層，門口寫著德國啤酒優惠，$10/支，相當吸引⋯⋯上層有張大枱，店員話只要安心出行，可以坐六位。炸海蝦雲吞$68~色澤來看，油已用了一些日子，扁乾身過火，但配啤酒，炸物是必須的。艇家鮮活魚蜆鍋$188~清清哋，依個鍋作湯底是一個不錯的選擇。頂級安格斯牛小排(大)$288~優美油花，夠腍身。獅頭鵝腸$188~現在很少地方有肥膏鵝腸，爽口彈牙，膽固醇萬歲，罪過罪過⋯⋯鮮腐竹$38~頂級魚皮餃及自家製茶肉餃各$68~這裡的餃子很有自家感覺，一讚。鳳城水餃及豬粉腸各$68~筆者一向對豬粉腸一般，但這裡有驚喜，粉香味濃。特色德國啤酒每支$10~無酒精啤酒$10~整體來說:$10支德國啤酒作賣點，相當吸引。