火鍋煮場 (Closed)

真係唔好睇小$100 100支啤酒嘅威力，仲要係味道唔錯嘅德國啤。上次同一班損友嚟開咗個plan，諗住起碼飲50支，點知個個講就凶狠，結果都係飲咗12支，仲有88支要喺兩個月內完成，於是今日又來幫襯，可惜原先五個人今晚得返兩個，我哋已經好盡力，每人飲咗4支，呢隻幾好飲，大家有機會可以試吓。至於啲嘢食其實都唔錯架，就以呢個響鈴為例，即叫即炸，攞到埋嚟仲係熱辣辣，非常有誠意。呢個羊肉真係幾新鮮，又唔會有瘀紅色一撻撻，雖然切得唔算好薄，但係放落湯度淥一陣就食得。呢個黑毛豬柳條好好食，肉質嫩豬肉味濃而且又有得咬吓，俾黑毛豬片更勝一籌。聖子超新鮮，好清甜。貪得意叫咗個冰豆腐，都唔錯。

呢間火鍋店火鍋配料質素高但價錢合理，性價比高，淨係睇呢碟安格斯就知道夠晒靚，佢呢度用牛小排，打邊爐一流。呢個西班牙橡果黑毛豬柳條好好食，有咬口得黎豬肉味濃。鱔片好新鮮，厚薄度啱啱好，滾一陣就食得。即叫即炸響鈴唔係咁多地方食得到，真係要趁熱同睇熱。蟶子好鮮甜，滾10秒就食得，呢個真心推介。其他火鍋料都夠新鮮。湯底叫咗皮蛋芫茜，無咁熱氣啦。另外我地仲叫咗兩個小食：炸墨魚餅夠鮮味夠彈牙。炸雞軟骨都幾大碟，餸酒最啱。

特選美國穀飼牛雖然係呢度最平嘅牛肉，不過味道同質素比想像中好，起碼都仲見到油花而唔係大部份都係白色脂肪。新鮮農場雞子係細細粒嘅，比平時食開嗰D雞子起碼細一半，食落又唔錯，一定要用佢比你的大罩呢去淥，否則會唔知去晒邊好難搵返出黎。黑豚肉都OK，肉質唔錯。自家製三色餃有水餃、雲吞同韭菜餃，每樣有3粒，呢個真係好食，D餡料好新鮮，呢個就係自己包嘅好處。即炸紫菜響鈴又係好正，即叫即炸，可以當即食小食，又可以落湯淥。呢個炸蝦餅又係好好味，佢D蝦膠好新鮮同埋佢蝦嘅成份都應該幾高。羊肉片無羶味，刨得都夠薄，淥兩淥就食得。手打蝦丸拼墨魚丸，又係好鮮味，我鍾意墨魚丸多D，勁正。西班牙橡果黑毛豬柳片呢個最有驚喜，食橡果嘅豬果然係唔同D，而且D脂肪分佈都唔錯。南瓜片都OK。衣家呢間火鍋店做緊$100 100支德國啤，真係誇張，第一次打邊爐飲啤酒唔洗就住就住。

$100 100支啤酒係咩玩法？真係未試過打邊爐飲啤酒唔洗就住就住咁叫都米話唔爽呢﹗我地好努力之下都係飲咗12支，仲有88支可以兩個月內用埋佢，即刻Mark時間再黎啦，計返條數，$1一支，仲要係德國啤，9款任揀，上面呢幾隻都幾好飲，真係抵到無朋友。一開始開咗個啤酒Plan之後先叫個炸雞軟骨食吓餸吓酒先。跟全叫咗個龍蝦刺身，然後再椒鹽兩食。隻龍蝦都算大隻，兼且幾新鮮。本來想食美國桶蠔，不過呢度無，所以改食廣島蠔，一份有6隻，雖然細隻過D美國桶蠔，不過味道都唔錯。碟牛望落去就瘦咗少少，不過食落又唔錯woo，新鮮度高，其實少D脂肪仲好啦。即炸紫菜響鈴，可以淥或者就咁食，我就覺得淥一淥先食正D。呢度D餃類都唔錯，叫咗個三式餃拼盤，有雲吞水餃加韭菜餃，三款都好食，三款都似係自己整嘅。另外仲叫咗勝子，一人一隻，好鮮味好好食。炸魚片頭同埋鯪魚滑就後加嘅，都唔錯。

環境雖小，但食材新鮮足料，價錢小貴，但勝在好味！叫左個芫茜皮蛋湯底，皮蛋好味！紫菜響鈴，萵筍正，三味丸中蝦丸好正，爽滑。只係唔飲酒既人，飲品比較少！可以增加多d款既飲品。

天氣終於凍返少少，係時候去打邊爐，鍾意黎呢間因為貪佢有德國啤酒飲。叫咗個炸蝦餅餸啤酒等齊人，個蝦餅彈牙好食。啤酒就主力飲呢兩隻，來自德國嘅，左面係黑啤右面係西柚啤，衣家仲要做緊特價$10一支，平過飲汽水。湯底揀咗豬骨湯，都幾多豬骨，另外D粟米都幾甜。呢度D韭菜餃都幾新鮮，味道唔錯，D韭菜好香，新鮮就係好食D啦。我地仲叫咗個手打蝦丸，一份有八粒，晶瑩剔透，幾新鮮幾爽口彈牙。打邊爐如果無肉又點得呢？不過我地反傳統，無叫一般肥牛，反而叫咗牛白肉同埋手刨羊肉。牛白肉基本上焯一焯一見佢縮就食得，好爽口，呢個真係好好食。羊肉嘅羊味都幾濃，不過就唔羶。

今晚來了這間火爐店來個海鮮邊爐盛會，估唔到深水埗區都有食材高質素的火鍋店。話明係海鮮盛會一黎就叫咗個龍蝦刺身，仲兩食埋。龍蝦刺身夠晒爽口，真係活龍蝦刺身，因為我地就坐喺魚缸同刺身師傅旁邊睇住佢整，$880黎講都算大隻。之後個龍蝦頭同埋D腳嗰D就椒鹽，都幾惹味。大隻蟶子都好好食，勝在夠新鮮，一人一隻，每隻都連少少粉絲。我打邊爐好鍾意叫脆肉鯇魚片，貪佢有好爽嘅口感。即叫即炸紫菜響鈴，黎到時仲熱辣辣，就咁食或者放落湯滾佢一滾都一樣好味道。牛肉都幾靚，唔算好肥。牛白肉反而好好食，雖然有D人話係脂肪，不過又無食過D脂肪咁爽口。呢個三拼都好食，有水餃雲吞同韭菜餃，三款都係自己包，夠晒足料，而且D料都新鮮。最後想講呢間野衣家有個好誇張嘅啤酒Promotion，$100可以飲100支德國啤酒，兩個月內有效，$1一支，打邊爐飲野唔洗就住就住了。

自從開咗個100蚊100支德國啤的Plan之後今次已經係第4次來打邊爐，飲埋今次都仲有43支未飲，呢個$100 100支啤酒都真係好勁，9款啤酒之中我最鍾意西柚啤，是相中左邊嗰3支橙色的，易入口而且酒精度又低，啱晒女仔飲。湯底叫了番茄牛尾湯，佢個番茄湯底好正，D牛尾亦好入味。侍應仲推介我地試吓個加拿大象拔蚌，味道又真係幾好，侍應話加拿大象拔蚌嘅級數比加州的象拔蚌更高，口感更爽更鮮味，咁我地食落感覺上都真係幾正，最緊要新鮮兼爽口。脆鯇片好爽口，淥一陣就食得。碟安格斯牛小排D脂肪紋好靚，牛肉味都好出。牛柏葉都OK，無雪捉藏味，幾爽口。鮮蝦雲吞都好食，佢地自己包嘅，感覺上D餡料好新鮮。另外叫咗兩份菜。

今晚嚟呢間火鍋店打邊爐皆因有個friend之前嚟咗開咗個100蚊100支嘅啤酒Plan所以就叫我哋嚟幫手，我哋梗係義不容辭啦，不過今晚我哋都只係飲咗十幾支，仲有七十幾支，好彩仲有個幾月時間可以再嚟幫襯繼續努力飲。全部都係德國啤酒，味道唔錯，我就鍾意右手邊深啡色嗰隻麥啤，我啲friend就話左手邊白色嗰隻都唔錯。啤酒慳咗唔少錢所以今晚火鍋都幾豪，一開始已經叫咗個龍蝦刺身， $880都幾大隻，睇住佢喺魚缸攞出嚟好新鮮。另外又叫咗鮑魚，$68一隻，都係喺魚缸新鮮攞出嚟。海鮮方面我哋仲叫咗個白鱔片同廣島蠔，佢整體啲料都幾新鮮。叫咗個牛伯肉口感唔錯，淥一陣就食得，好爽口。呢度嘅西班牙黑毛豬柳粒又估唔到都幾好食，有機會真係要試吓。脆炸午餐肉可以當火鍋料又可以當小食，其實就係將午餐肉切條再炸，勝在即叫即炸而且又唔係好多油。呢間嘢嘅自家製手打墨魚丸都幾好食，識到墨魚味而且彈牙。羊肉片都幾新鮮。

呢間喺深水場的火鍋店嘅啤酒真係好好好好抵飲，$100有100支即係$1支，D啤酒唔差架，德國啤酒，我地3個人好努力先飲到7支，下次再黎飲，因為呢100支啤酒可以2個月內慢慢飲，我最鐘意左邊起第二三支啡色招紙嗰支。湯底叫了番茄牛尾湯，個番茄味幾濃，D牛尾又林又入味。每人一隻鮑魚，$68都幾大隻兼幾新鮮。即炸紫菜響鈴幾好食，始終係即叫即炸，所以熱辣辣，就咁食好正，落湯淥一淥食都OK。佢有農場雞子同新鮮雞子兩款，我地兩款叫晒睇吓有乜野分別，左邊係農場雞子右邊係新鮮雞子，農場雞子就係我地平時食開嗰D。味道同口感其實差唔多，係大粒同細粒的分別。碟牛好靚，叫了安格斯牛。脆鯇片都幾新鮮，打邊爐至愛之一。萵苣打邊爐都唔錯woo。

去年疫情期間光顧過這家火鍋店念念不忘，除了火鍋配料新鮮外，它的德國啤酒優惠真的非常驚人，是$1一支德國啤酒，而且味道不錯，有330ml亦有500ml的，今天再來打邊爐，竟然仍有這個100支德國啤酒$100的Promotion，我真的很幸運。因為朋友未到齊，所以先點了一個皮蛋夾酸薑餸啤酒。還點了這個炸墨魚餅，即叫即炸，新鮮熱辣。牛肉選了安格斯牛小排，質素不錯。另外點了一份牛白肉，跟牛肉一樣灼一會就可以吃，很爽口。由於大家都是食肉獸，所以還點了羊肉片及西班牙橡果豬柳片，此西班牙橡果豬的味道真的不錯。接著還點了魚皮餃和萵筍。是晚也飲了不少啤酒呢，個人最愛西柚啤。

確實係因為大概10日前係 open rice 推介下睇到 $100/100支德國啤所以想同朋友去試吓 🤓可能翌日係清明假期8:30pm 都坐滿9成人只剩2張細枱鋪面咁算大但有閣樓我哋被安排最入－張枱，雖然客人多但招待我哋嘅四眼哥哥好耐心、有禮向我哋提供/意見先試邊啲啤酒 👍🏽😍食物方面：因為刺身冇乜特別吸引，都係象拔蚌、三文魚…. 唯一吸引就係剩番1隻龍蝦🦞 $888 可刺身但又吾夠7人分享所以今晚冇叫刺身🔥鍋叫咗瑤柱花膠湯底但真心冇乜兩舊花膠流流哋 👎🏽食材方面吾係差，不過不失，但冇乜嘢吸引你下次－定要再嚟，哩－點老板要下啲工夫冇理由用$100/100支啤酒只想吸咗人嚟食1次冇下次掛 🤔 哩過推擴吾算成功 食物方面我哋都叫咗好多款餐前小食： 炸水餃、魚角、椒鹽鯇魚腩、炸鯪魚球，椒鹽鯇魚腩過咗火有啲乾、柴口感🔥鍋料：聖子皇/頂級牛小排/鱔片/鵝腸/牛柏葉(冇黑葉）脆鯇(有淨腩）/ 鵝腸 / 農埸新鮮雞子/魚皮餃/鮮蝦丸/炸午餐肉/炸響玲/韮菜餃/雲吞/水餃其中鱔片係好👍🏽夠彈牙、牛小排賣相、油花、口感都好好（雖然 $398 係偏貴少少）真心好味哩兩様都encore 叫多1碟 😋😋😋我吾

100支德國啤酒$100真是一個瘋狂的啤酒優惠，因為D Friend都鍾意飲，所以揀呢間深水埗火鍋店打邊爐。齊人前叫個炸魚片頭食住等，一邊飲$100 100支德國啤。今晚都算係咁，飲咗8支。叫咗條象拔蚌，紐西蘭嘅，$880算係價錢合理，上次唔記得喺邊間食過平D嘅不過係南美洲象拔蚌完全唔掂，雖然係平不過唔好食所以有D浪費。牛肉就揀咗安格斯牛小排，幾靚幾好食，牛肉味都幾出。新鮮鮑魚$68一隻都係合理價錢，size算大而且都幾新鮮，食得出海鮮的鮮甜味。呢間野有兩款雞子，一款係農場雞子，另一款係新鮮雞子，我地叫咗新鮮雞子睇吓有幾新鮮，黎到先知道新鮮雞子細粒好多，而我地平時食開大粒嗰隻原來係火雞雞子。呢隻細細粒，味道都OK。

有Friend話要黎呢間深水埗火鍋店打邊爐，因為佢有幾十支啤酒quota未飲晒叫我地一齊去飲。坐低即叫啤酒然後叫咗個三文魚刺身，厚切嘅，都新鮮woo。呢碟係A4日本和牛拼安格斯牛小排，$398黎講都算抵食。水魷都唔錯，D魷魚鬚比想像之中大條，都幾新鮮幾爽口。紫菜響鈴熱辣辣應該係即叫即炸嘅，就咁食都好正，不過我鍾意放落湯淥一淥先食。佢個水餃味道都幾好，D餡好新鮮。醉雞都幾入味(其實想食醉雞點解唔叫醉雞鍋呢？有時都唔明D Friend係D乜野構造)。再食咗個娃娃菜。今晚飲咗咁多，$100有100支啤酒真係太得人驚嘅Promotion，仲要唔係難飲嗰D古怪啤，抵到爆。

上星期黎咗一次，$100  100支德國啤真係嚇死人，開咗個Plan，伙記話兩個月內慢慢飲，於是今個星期即刻翻焯，繼續用埋個Plan佢，上次飲咗16支，今晚戰鬥力麻麻地，飲咗10支，仲有74支慢慢玩。今晚湯底叫咗蕃茄牛尾湯，個湯底好濃蕃茄味，同埋蕃茄同牛尾本身D味好夾嘅，所以唔打邊爐就咁飲都好正。今晚牛就點了安格斯，係牛小排部位，D脂肪花紋都靚，師傅唔會切得厚薄適中，所以口感唔錯，太厚難熟又易韌，太薄就一陣風咁樣麻麻地。呢度仲有牛白肉叫，正，爽口，滾兩滾就食得。蟶子好新鮮，又係滾兩滾就食得，10秒左右就掂晒。雲吞同韭菜餃都唔錯，用料新鮮，食得出係好野，特別係韭菜餃，好好食。