火鍋煮場 (Closed)

認識呢一間火鍋店就係之前D Friend話佢有$100  100支啤酒的優惠，成件事真係好得人驚，因為$100有100支即係$1一支啤酒，仲要唔係大陸啤而係德國啤，真係抵到無朋友，簡直平嶵口過落酒Bar。不過之前因為個優惠無咗，所以一直都無機會試，不過今晚機會黎喇飛雲竟然比我撞正第一日推出$100的100支德國啤，終於飲到$1一支的德國啤了。$1一支梗係乜都試吓啦，佢一共有9款啤酒比你揀，除咗支零酒精啤酒無試之外其他我都試晒，我地最後選出呢4支我地覺得最好飲嘅。我地今晚都豪(因為啤酒慳咗好多錢)，所以就叫個龍蝦刺身食，仲要係兩食(食完刺身就攞個龍蝦身去椒鹽)牛肉我地就揀咗安格斯，碟牛都幾靚，食落都幾新鮮。聖子都正，一人一隻，淥一陣就食得，否則會太熟un晒。呢間火鍋店嘅韭菜餃都唔錯，韭菜好香。最後叫多個菜，Perfect!

氣氛十分舒適。店員好友善迎接我地，並且帶我們到我們的座位。說話態度都十分好湯底選擇好豐富，有清淡的雞湯到辣味的麻辣湯，仲有其他湯底，如酸菜魚和咖喱湯底等。我們點了麻辣湯底。麻辣湯底味道很正宗，辣味和麻味非常平衡配料種類都好多，有各種肉類、海鮮、豆腐和蔬菜等。安格斯牛非常新鮮，切得很薄，煮熟後口感非常嫩滑。海鮮方面，蟶子和蟹腳都好新鮮呢間火鍋店值得一試，他們的湯底和配料都好齊，服務都好好。我肯定會再次光顧這家店。

4條友每月一聚，每次都諗食咩，最緊要個地方岩傾偈，又要一路食一路講，唔使俾人催賣單，打邊爐就滿足哂✨個個都怕辣，所以揀咗胡椒粉腸豬肚鍋都係有少少胡椒嘅辣味，入面都好足料⭐️手打孖寶 蝦丸，墨丸$98⭐️炸魚皮 $48⭐️本地手切牛頸脊 $328⭐️野生竹笙 $68⭐️即炸紫菜響鈴 $68⭐️牛舌心 $128另外再嗌多碟粉腸繼續煲😛德國啤酒每支都係$10 ，好抵！埋單每人$320，每款嘢食唔算好平，正常嘅單嗌價錢，係新鮮丸類覺得跟左少少🤏不過洗手間唔係咁乾淨，地下濕笠笠，沖廁水fill得好慢，等個女廁都好耐，但飲咗酒冇辦法唔去廁所😗如果廁所衛生再搞好啲就好啦

百物騰貴，食材加價加到癲，出面好多食開嘅食肆一係就加咗價一係就份量少咗，難得呢間火鍋店價錢冇乜變但係水準依舊保持到。先嚟兩個小食，炸午餐肉同埋魚片頭。湯底揀咗蕃茄牛尾湯，呢間舖頭個蕃茄湯底做得唔錯。牛肉就揀咗安格斯，呢度係用牛小排嘅，所以油花、牛味同埋口感都比較好。仲叫咗碟牛白肉，好爽口，切到好薄， 滾兩滾就食得。佢呢度嘅雞子有兩款，因為唔知乜嘢係農場雞子就問侍應，佢話係新鮮雞子，另一隻就係平時食開大粒嘅，原來係火雞雞子，於是叫龍翔雞子試吓，好細粒，要用筲箕藍住淥，如果唔係實搵唔返，味道同口感同大粒嘅雞子基本上係一樣。佢啲啤酒好抵飲，德國啤酒， $10一支，有八至九款任揀，呢隻幾好飲。

天氣又凍返所以D同事決定是晚打邊爐當團年飯我梗係舉腳贊成啦。湯底叫咗最傳統的沙嗲皮強芫茜鴛鴦湯底，佢個沙嗲湯底都幾香沙嗲味。我地仲好豪咁樣喺正式打邊爐之前叫咗個龍蝦刺身，澳洲龍蝦黎嘅，都算幾大隻食咗好耐先食晒。打邊爐配料就有好新鮮的蟶子，伙記叫我地湯滾時落淥10秒就好食，因為太熟會UN。個花雕牛又幾特別，D花雕酒好香，因為D牛淥一淥就食得，所以D花雕酒仲未揮發晒仲有殘餘的花雕味。佢個手打墨魚丸拼蝦丸都好食，好彈牙同埋都算幾新鮮，呢D應該係自己做唔係交貨黎。個韭菜餃都好食，韭菜味都幾出，之後仲再叫了碟牛頸脊，不過掛住食無影到，估唔到呢幅相影到少少。碟牛頸脊都算大碟，雪花紋都靚，抵食，衣家好多地方D牛都又貴又細，呢間OK。菜就OK啦，打邊爐點都要食D菜嘅。

D friend話黎呢間在深水埗的火鍋店打邊爐，因為佢D德國啤酒$10一支超抵飲。先來象拔蚌刺身，都幾新鮮，而且比想像之中多，好似食極都仲有咁。打邊爐點可以無牛呢？我地今晚手切食本地牛頸脊，D牛肉味比較濃，另一個鍾意本地牛的原因就係貪佢夠新鮮。除了牛頸脊，我地仲叫咗牛白肉，淥一淥就食得，幾爽幾好食。佢有黑柏葉梗係要叫黎試吓啦，新鮮好味，我自己就鍾意黑柏葉多過白色的牛柏葉。魷魚鬚爽口彈牙，佢呢隻魷魚鬚幾好，淥完唔會縮細。佢個水餃都唔錯，自家製，入面D料幾新鮮。我地試晒佢9款啤酒，覺得呢3隻都幾好飲，中間嗰支係零酒精啤酒幾過癮，$10一支真係超值。

打邊爐前有個friend話想食三文魚刺身，於是就叫黎試一試，切得幾厚，食嘅時候真係會開心D。打邊爐一定要有靚牛肉，今晚我地安格斯牛小排同本地牛頸脊兩樣都試晒，兩款都唔錯，本地牛頸脊就瘦D有咬口D牛肉味濃D。安格斯牛小排就脂肪均勻D咬落去就D。海蝦雲吞同鳳城水餃兩樣都唔錯，佢地都係自家製，所以D餡料都食得出幾新鮮，入面D蝦都彈牙爽脆。我地今晚仲叫埋鮑魚添，真係超豪，以佢D鮑魚嘅新鮮程度黎計，$68一隻都幾抵食，渌到剛剛熟即刻食真係好正。

今晚黎呢間位於深水埗的火鍋店打邊爐，火鍋料新鮮，不過最抵就係德國啤$10一支，打邊爐點可以無啤酒嘅呢？我地雖然只有你和我兩兜友，少少地飲咗6支都算係咁啦。除咗啤酒之外，我地一開波先叫咗炸雲吞同蜆芥鯪魚球餸吓啤酒，兩樣都幾好食，我自己就鍾意個炸雲吞多D。湯底叫咗好普通嘅皮蛋芫茜所以無特別影。牛肉方面我地就揀咗安格斯牛小排，質素幾好，一D都唔韌。呢碟獅頭鵝腸堅正，有D人可能會嫌佢好肥，不過獅頭鵝腸最精彩嘅部份就係呢D鵝油，甘香到呢，如果怕肥就食出面嗰D橡筋鵝腸唔好食獅頭鵝腸。最後點多份脆肉鯇魚片，都幾新鮮，爽口好味道。

天氣涼涼地一定要打邊爐啦。湯底揀了番茄蟹湯，D蝦蟹同番茄湯底分開上，D海鮮都幾新鮮。牛肉就揀咗本地牛頸脊，牛肉味都幾重，同埋D牛都真係幾新鮮。另外就試咗碟牛白肉，淥一淥就要即刻食，如果唔係淥耐咗就會好韌。碟牛白肉好爽，都好新鮮。我覺得用炸魚片頭打邊爐好過魚蛋，D魚片頭吸晒D湯特別正。佢呢度嘅韭菜餃係自己包嘅，好重韭菜味好正。之後再加咗個炸紫菜響鈴，即叫即炸，所以好脆，佢可以就咁即食或者落湯打邊爐，兩種食法都唔錯。

今晚主要係想試下$100/100枝啤酒嘅威力，點知去到侍應話promotion已過，有啲失望， 咁算數飲番平時飲開嘅大枝裝啤酒，但啲啤酒唔夠凍， 飲啤酒嘅第一大忌講到食物嘅質素屬於平平， 啲牛肉雪得太耐變黑唔新鮮 ， 但都可以拎出嚟畀客人食，同埋啲象拔蚌都係普通， 蟶子皇嘅真係笑死呀，仲細隻過我平時喺街市買嗰啲， 但係都要58蚊一隻， 象拔蚌就八百八十蚊一條 ， 石蚌活魚刺身就接近400蚊一條 ， 頭尾椒鹽要加40蚊 ，價錢絕對唔便宜， 應該都唔會有下次， 其他朋友要去嘅就要諗諗啦。。。

難得約老友交收，梗係食埋晚飯先走啦！有咩揀呀？無意中上OpenRice睇到火鍋煮場呢間舖頭，一百蚊一百支啤酒，好黐線囉！叫一支要30幾蚊，但係一百支只係一百蚊，不過而家冇咗Lu,依家賣梗算係啲手工啤酒，不過就十蚊一支，都唔錯幾好味！好重麥味，西柚啤酒好似飲汽水咁😋海鮮新鮮就唔使講啦！牛肩肉牛舌心呢啲全部都好新鮮，仲有手打墨魚滑加白魚蛋，紫菜響鈴即叫即炸😋😋😋成餐都好滿足，有定有下一次，不過撞啱嗰晚可能太多客人的關係，非常嘈吵，我同朋友要大大聲先傾到計，好辛苦囉！想靜靜地食餐飯都唔得，希望下次去的時候不會這樣。

我同我D朋友都鍾意黎呢間火鍋店打邊爐，因為佢D食物質素都Keep得到，尤其是D牛肉，因為好多時出面D火鍋店D牛肉質素時得時唔得，加上衣家D牛肉真係貴咗好多，所以衣家我地呢班吃貨都決定唔搏了。平時我地鍾意食本地手切牛頸脊，不過今晚老闆叫我地要安格斯唔好要牛頸脊，因為今日條牛頸脊好瘦，會比較un，我地梗係聽話啦，叫了安格斯，雖然牛味無牛頸脊咁重，不過脂肪分怖都幾靚，所以好好食，老闆無老點我地。紫菜響鈴基本上次次都叫，貪佢即叫即炸，我自己鍾意就咁食多過淥一淥先食，好香口好正。手打三寶丸又係必食，三樣之中我最鍾意蝦丸，彃牙好食。今晚試咗魚皮餃，D魚皮餃漲卜卜，都OK。另外仲叫了潮州魚蛋同炸午餐肉，好耐無食過起角嘅潮州魚蛋，諗起佢成餅切出黎好似好正咁。炸午餐肉我就會放落湯底淥一淥先食，個人喜好啦。仲有羊肉片，羊味濃，都好食。

話說朋友個朋友介紹過嚟深水埗 打邊爐 話有 100蚊100支啤酒嘩～ 咪仲抵過落酒吧飲我哋一行5人 即刻就衝去試一試佢嘩～ 唔飲過都唔知 原來德國啤酒係咁好飲呀由於瘋狂喪飲 所以都唔太記得啲食物好定唔好😝😝淨飲酒都抵返晒啦

今個夏天幫襯咗呢間火鍋店幾次，佢d野係好食，不過更重要係佢個$100有100支啤酒嘅Promotion，即係$1/支，係支裝唔係罐裝，仲要係德國啤酒，真係抵過落Bar，而且唔洗直場撩咗鼻先俾你入，今晚五個人飲咗十三支，計你$20一支都要$260啦，仲未加一喎，如果有平過呢一度嘅地方麻煩話我知。今晚個湯底要咗蘿蔔牛腩湯，一滾起揭開個蓋非常香。牛肉就揀咗安格斯，脂肪分布唔錯，牛肉味香，質素幾好。佢呢度有黑柏葉，叫咗一份，都幾新鮮，我自己鍾意食黑柏葉多過白色嘅牛柏葉，始終覺得冇加工過係好食啲。海鮮方面就叫咗聖子同埋鱔片，兩樣都好新鮮，特別係個聖子，淥10秒左右就食得。最後仲叫咗個珊瑚蚌，都新鮮嘅同埋好爽口，好食。

上次嚟幫襯開咗個$100一百支啤酒嘅plan未用晒，梗係要趁未到期快啲再用啦，只可惜兩次夾埋都只係飲咗42支啤酒，仲有58支真係同志仍需努力。今晚主要飲西柚啤，因為上次飲過真係覺得好好飲。我仲聽到隔離枱話呢度抵過去酒吧添。除咗飲啤酒，我哋都食咗幾多野，首先打邊爐之前拉咗個刺身拼盤，入面有三文魚、筆記杯、帶子、八爪魚同埋墨魚，都幾新鮮。今晚嘅湯底就叫咗蕃茄蟹鍋，除咗有蕃茄同埋蟹之外仲有蝦、青口同埋顯，啲湯料分開上，隻蟹真係好新鮮，出嚟個湯都好鮮味。海鮮方面我哋仲叫咗鮑魚，一人一隻，脆口彈牙新鮮好好食。牛肉反而今晚淨係叫咗牛白肉冇叫安格斯或者牛頸脊，呢度嘅牛白肉切得好薄，真係桌一桌就食得，好爽好有牛味。記得上次食過佢嘅鵝腸好好食，係獅頭鵝嘅腸，因為鵝腸入面係黐住啲脂肪，有油當然特別香啦，尤其是鵝油。另外有叫咗新鮮雞子，佢嘅size比較細粒，味道都唔錯。今晚叫咗好多餃，有韭菜餃、魚皮餃同埋墨魚餃。我最鍾意食韭菜餃，因為韭菜好香。墨魚餃其實就有啲似台灣蛋餃嘅餃皮包住粒墨魚丸，魚皮餃都OK，其實三款搞嘅味道都幾好。最後仲叫咗竹笙、手打蝦丸同埋脆鯇片，樣樣都幾好食。