街頭火鍋

Open Now

Now Closed

今日黎到銅鑼灣呢間街頭火鍋，一間坐得好舒服既火鍋店。天氣涼番咁多，放工同男朋友黎打個邊爐就岩👫🏻中意食辣既我地湯底簡佐台式麻辣新鮮雞紅冰豆腐鍋，好香麻香辣，雞紅係新鮮，好少見，特別嫩特別滑，冰豆腐好吸汁好入味，爽😊我地見有二人餐就試下，豬既二人餐，好豐富，試到咯同豬既部位。當中好特別既有極品第一刀👀一隻豬入面好滑好嫩既部位，油香十足，豬肉味濃，肥美可口👄套餐仲有手打丸既拼盤，品質好好👍🏻二人餐仲有狀元及第豬什，豬什好豐富，夠晒新鮮，豬腳筋呢啲特別既部位都有，爽嫩好味😙我地額外追加佐海鮮拼盤🦐🦪🐟超級豐富，有蠔有鮑魚有大蝦有魚， 生蠔肥美creamy，大蝦香甜彈牙，魚肉又嫩，全部海鮮都好新鮮好好味！

今日係朋友介紹之下，去咗銅鑼灣嘅街頭火鍋。入邊嘅裝修真係好特別，好有街頭嘅氣氛，而且店員嘅態度都非常之好，佢會推介一啲適合兩個人一齊食嘅菜單👍🏻我哋就揀咗一個二人餐佢都有豬或者牛去揀，我哋就揀咗要牛嘅套餐🐮係湯底方面我哋就要咗台式麻辣新鮮雞紅冰豆腐，佢入邊有好多好新鮮嘅雞血同埋超級爽口嘅豆腐🥳而且呢個麻辣湯底真係好值得鍾意食辣嘅人去試一試。我哋另外仲加點左幾樣嘢，分別係新鮮鵝腸、新鮮雞子同埋新鮮雞紅🥳牛肉方面都感到非常之新鮮，碌咗十幾20秒就啱啱好。個餐點仲包埋好多打邊爐必點嘅小食，包括有各色各樣嘅丸同埋有好多唔同嘅餃子類，每樣都可以好完美咁吸收到個湯底又帶出到自己嘅鮮味。

街頭火鍋係銅鑼灣金利文廣場，佔佐全層，極大間，坐都坐得好舒服。🍲台式麻辣新鮮雞紅冰豆腐湯底雖然都係麻辣鍋，但湯料絕對唔常見。新鮮雞紅好少食到，原來好滑好嫩，好似食緊燉蛋咁，又唔腥，好新鮮好味，另外冰豆腐就吸晒啲湯汁，麻辣味出晒黎，好正！🐄封門柳封門柳係牛既橫隔膜，肉質鬆軟，唔會好韌好難咬，牛味超濃，而且油花分布好平均，好鮮甜好好味！🦵🏻沙薑雞腳呢個即食既小食黎，沙薑味好濃，雞腳爽脆，好快就清晒！🤧台式臭豆腐新鮮即炸既臭豆腐脆卜卜，熱辣辣一咬落去軟滑既豆腐好臭但好好食，正宗到爆！🐣新鮮雞子雞子好大粒好肥美，滋補養血，又鮮又滑！

朋友介紹呢間火鍋店，真係別有一番風味。湯底同埋配料都唔似出面火鍋店會有嘅。😮😮杏汁新鮮豬肺湯就咁睇佢個名以為係畀我哋飲嘅湯，但真係估唔到原來係湯底。雖然作為湯底但係一啲都唔hea，能夠保持真正豬肺湯嘅水準。🧐海鮮盤就咁睇都已經好大堆頭。大大隻嘅生蠔同埋鮑魚就在眼前，仲有鮮甜嘅魚片同兩隻大蝦。真係啱曬海鮮一族。🤗蝴蝶腩呢個部位真係好罕有。筋膜嫩滑，肥瘦恰到好處，真係好難得可以食到呀。😳牛頸脊滿滿嘅一碟鮮紅色嘅望落好新鮮。分量都幾多，鋪滿曬成個碟，每一塊嘅形狀切到一啖一塊咁，超鮮嫩。🥰炸魚皮炸豆腐生根呢度咋物都係值得一讚嘅。特別係豆腐似係臭豆腐嗰種，細細粒幾易入口。🤤

一人火鍋別有一番風味，配上啤酒更加有獨醉之美。呢度嘅啤酒竟然有Ashaki，所以我都幾大力推介。首先食粒咖喱魚蛋，再飲一啖啤酒，彷如置身街邊嗰種情懷。真係令人好嚮往三五知己喺街角篤住魚蛋燒賣飲啤酒嘅情景。📺火鍋進補嘅配料唔少得雞子。呢度嘅雞子分量都幾多，粒粒都好大粒。將雞子放入呢個麻辣雞紅冰豆腐湯中，簡直令雞子充滿麻辣味，咬落去爆漿之中亦都有種辛香。🚬今餐雖然一個人食，但都食得幾滋味，特別係Ashai嘅啤酒令我最滿意。一路食嘢一路飲啤酒嘅感覺真係好正。😇😇😇

📍銅鑼灣謝斐道496號金利文廣場2樓今日為大家發掘到一間稀有嘅火鍋店，點解稀有？因為佢有罕見嘅豬雜仲有蝴蝶腩湯！🌟丹波赤麵豉味噌蝴蝶腩湯🌟出面火鍋一定會有鹹湯底，如果有麵豉湯都唔出奇，有牛腩湯亦都唔出奇，但如果呢兩樣夾埋一齊就真係未必有。所以呢個都算係幾少有嘅湯底。而且佢嘅咸道都係啱啱好。🌟厚切牛舌芯🌟牛舌芯係牛舌最林嘅部分，出面都唔係度度有。分量多肉質鮮都幾讚。🌟黑柏葉🌟亦都係出面未必有嘅食材，因為通常都係白色嘅。黑色就係比較新鮮因為冇被漂白過。🌟狀元及第豬雜🌟牛雜就聽得多啦豬雜都幾少有，仲要係火鍋店有！全部都唔腥洗得算乾淨，所以入口都非常香口吸引。

⚒️佢嘅裝修真係好特別，分咗兩大區域，一邊好似屋村嘅幼稚園咁，而另一邊就係設計成街邊地盤嘅通道。🥘湯底方便我哋就叫咗杏汁新鮮豬肺湯，呢一個湯底真係可以當係上等靚湯咁飲，而且添上嘅湯汁都唔係好簡陋嘅清水，而係都係用心去烹調嘅湯底。感覺到出嚟個豬肺使徒乾淨，一啲臭味都冇。🐷喺肉類方面，首先我哋就叫咗狀元及第豬什，佢係一個包括好多唔同豬嘅內臟，每一種都清潔得好乾淨，完全唔會有好腥嘅感覺。🍢我哋另外仲家點做牛胸爽同埋黑柏葉，佢想來嘅感覺都10分新鮮，而且呢兩樣都比較少見。本身諗住會冇咁好食，點知我哋發現絕對要加點！因為佢哋嘅感覺到好爽口彈牙，而且配上佢個湯底非常之好味。

估唔到呢間火鍋店幾有特色，充滿台式港式風味，而火鍋配料亦都幾刁鑽。咁兩個人食就嗌套餐抵啲，我哋就嗌咗個牛嘅二人餐，其實個餐都包咗好多嘢嘅，不過我哋都另外單點左啲嘢。今次就為大家重點介紹下我哋覺得好食嘅。💮🐓湯底就選咗個滋潤嘅花膠濃雞湯。飲落去非常滋潤唔會淡茂茂。然後主角就係牛肉，保持到鮮嫩可口嘅質素。🥩👁️然後見到有個幾特別嘅部位，頂級鮮肉眼筯，佢係肉眼扒上的筋膜，一般嚟講都比較難買得到，所以就即刻點咗啦。食落去口感爽脆。◻️🐟臭豆腐 炸魚 生根拼盤。估唔到火鍋店都有得食台式臭豆腐。都好耐冇食過臭豆腐啦，呢種又臭又香嘅味道，入口有一種萬年油嘅感覺其實係好正。🍡肉丸拼盤。包含咗各種嘅丸仲，有炸魚片頭。各種丸都夠曬新鮮夠曬爽口彈牙，特別牛丸嘅牛味真係非常濃。🍢咖喱魚蛋成日都食，呢間都保持到水準。不過佢哋喺會比係街邊啲咖哩魚蛋辣啲，因為上面充滿咗辣椒碎。

話說我今日想打邊爐，但我個friend就話好想食燒賣吮雞腳😂 於是就諗緊食咩好啦。碌下碌下發現呢間火鍋店有燒賣魚蛋食，仲有雞腳添！所以二話不說就衝咗去。哈哈火鍋湯底一定要啲滋補嘅花膠濃雞湯。真係有濃沃嘅花膠同埋好香濃嘅雞味。👃即炸魚片頭、懷舊魚肉燒賣、沙薑雞腳就滿足曬我friend嘅願望啦。即炸嘅魚片頭真係好香口仲有少少脆口嘅感覺。燒賣就不過不失啦正常水準。雞腳就有驚喜，因為佢係沙薑雞嗰種味。雖然色澤欠缺但係非常入味㗎。🤗咁返嚟火鍋呢邊呢就有新鮮三黃雞、封門柳。雞肉都唔差嘅，肉質都幾鮮嫩，配埋呢個雞湯就係雞味雙重口感。封門柳就係牛嘅比較特別部位，一碟分量都幾多，每一塊嘅形狀已經係砌好曬，細塊好易入口。🤗

見到唔少藝人包括佘詩曼轉載，就想去試一試啦，位置亦都相當方便又近地鐵站，見佢哋主要買啲刁鑽部位專做新鮮貨算係銅鑼灣甚至香港區少有，上到去地方寬敞相當舒服，大廳走屋村冬菇亭格局，回憶返晒嚟，！叫咗花膠雞湯，非常足料，聽佢哋講全部用新鮮雞，飲完一啲都唔口渴，正！牛肉好多刁鑽部位全部本地手切，夠膽講銅鑼灣贏晒，其餘仲有新鮮雞腸豬第一道豬腳筋豬內臟全部新鮮嘢，連個豆腐魚腐都出色過人，仲有師父嗰啲自家餃子，蝦丸，仲有最勁嘅安利墨魚丸，你冇聽錯係安利墨魚丸，兩個人去食唔晒啲嘢一定唔會再回頭正到爆

海鮮很新鮮，象拔蚌好甜好脆🤤豬肉第一刀好正，肉位腍肥位脆口👍🏼食豬的朋友有口褔，很多豬的部位都有豬腳筋，蝴蝶腩，黃喉，豬肺，豬天梯🤤牛肉都係好新鮮，個人喜歡封門柳，牛胸爽，牛頸脊😛丸類都係手打，推介梅菜豬肉丸，咸蛋豬肉丸，幾特別，另外仲有鮮雞子，雞腸😋湯底花膠雞同杏汁豬肺必點，重口味的話緊係台式麻辣啦！另外仲有小食，未開餐前送啤酒一定要點返個台式臭豆腐同鬼馬炸油條🍺環境裝修都幾舒適同有特式，仲可以提早預訂房間👍🏼竟然仲有清酒，打邊爐真係少有

係銅鑼灣地鐵站隔離，夠哂方便約朋友聚會！唔難搵，入面裝修係港式風格，打卡位都唔算少花膠雞湯底一定要試，飲得出係煲夠時間足料服務員會叫你先飲一輪湯先，然後加清湯煮火鍋牛肉新鮮又有一啲平時唔係度度有既部位。牛胸爽，牛骨髓，估唔到牛脷心都有得用黎打邊爐！有一個叫梅菜豬肉丸同咸蛋豬肉丸可以一試有趣，水餃有幾款基本野同幾款特別既可以同朋友每人一粒嘗鮮下 都算正常發揮估唔到佢啲小食出色，炸臭豆腐同油炸鬼一絕下次去試埋其他野先，去一次都未必試得哂想食既item係一間我會再去食既火鍋店！

講真而家銅鑼灣火鍋真係好多非常麻麻，一係貴到飛起，一係唔新鮮而且難食，灣仔區反而多啲有保證，喺銅鑼灣金利文商場呢間第一次上，星期六上去都算幾旺，乾淨企理，又坐得舒服，本身銅鑼灣區就期望唔大，但係真係好驚喜，啲嘢樣樣新鮮好食，個花膠雞濃湯絕無味精，一啲都唔口渴，手切肥牛，極品第一刀，仲有安利墨魚丸，自家製丸餃，豆品樣樣新鮮好食，同行朋友都讚不絕口，坐聽又坐得舒服寬躺，聽講仲有五間房，絕對值得推介👍👍👍👍

街頭火鍋啲食材新鮮，由其是第一刀加麵豉湯底！真心正！地方又幾得意，有啲好似係街邊食火鍋，我坐卡位幾獨立，價錢方面，係銅鑼灣真係算唔貴！4個人食1千6百幾！我覺得ok啦！個服務員叫我下次試吓花膠雞湯底！

今日朋友介紹到銅鑼灣一間街頭火鍋店， 店內裝修很特別～真係好似喺街頭食緊火鍋！ 店長態度值得一讚～因為他逐一介紹店舖新鮮食材給我們！一行八人一個大鴛鴦鍋！ 我哋揀咗個杏汁豬肺湯及花膠濃雞湯～ 首先飲咗個湯先！嘩～碗杏汁豬肺湯飲完再上添飲🥣🥣好香好潤！個豬肺仲洗得好乾淨～一啲臭味都冇！花膠濃雞湯～好甜！雞肉嫩滑！食得出係新鮮雞，而不是冰鮮雞！所以禁不住叫多份雞打邊爐！正呀！🐔🐔一邊打邊爐一邊飲湯都幾爽～ 花膠湯內有一塊一塊花膠！而杏汁豬肺湯內加有白果及馬蹄～整煲湯更香丶更甜丶更出色見到碟本地手切牛肩肉～唔使多講梗係好鮮味！碌咗十幾二十秒口感剛剛好！肉質好冧～ 仲有我未食過嘅蝴蝶腩～好食到再encore多一次店長推介水餃丶韮菜餃及鮮蝦雲吞餃！三種餃子都值得一試～皮薄餡靚丶啲餡仲好豐富好實在～平時丸類很少打邊爐落order, 今次嘅梅菜豬肉丸丶 蝦子丸及墨魚滑～樣樣都好彈牙！味道一流響鈴仲係新鮮炸出嚟！脆卜卜丶好香口丶一啲油益味都冇！絕對冇放湯浸三秒～Yummy最後每人送杯本地生產雪糕及一碟臭豆腐給大家品嚐！雖然這餐不是放題～每樣單點！但我覺得一啲都唔貴！每人加埋一都只係$300 食得出鮮味