北京人家 (Closed)

第一次黎，覺得環境幾好坐，光度又岩，唔會太刺眼又唔嘈。晚飯超值個孖寶 $368 ， 叫左2個1.上湯加拿大龍蝦配伊麵 + 小芙蓉賽磅蟹龍蝦配伊麵: 冇咩特別小芙蓉賽磅蟹:以為有西蘭花，撈飯都幾正2.烤北京填鴨1隻 + 宮爆蝦球烤北京填鴨1隻: 即係片皮鴨啦，職員先講明要等40mins，片之前有拎出黎比我地睇下，片完出黎都幾油，仲有一碟餅皮、大葱、青瓜、甜麪醬 ，餅皮太濕痴著哂…宮爆蝦球: 我懷疑上錯左….因為應該係辣，不過原來係咸蛋蝦球，反正都岩食就唔記得左問，蝦都幾大隻，肉質算爽口3. 加個蒜蓉炒菜心食滿$600用HSBC 信用卡埋單，即送 $300現金券又幾抵~(不過由7月12-7月31日咋，張券就要9月20日前用)

收得咁嘅錢，坐低等Q左10分鐘都冇人理落單，要自己走出去交單，之後等Q左20分鐘啲嘢食仲未到，要出去講9晒粗口先至續啲到，呢間美心北京人家係香港嘅羞恥！!!!!!

我哋未找數未離開座位，佢哋職員已經安排好熟客企係我哋張枱隔離，幾個熟客圍住我哋張枱，仲要將自己東西放左我哋櫈上面，我哋向職員反應話佢哋唔可以甘安排熟客圍住我哋張枱，但職員態度好好差，搞到屋企人都唔開心。下次我哋唔會再來！！！職員態度太太太差(特別係負責埋單找數個位短髮職員)，食物質素又普通

昨晚為爸爸慶生, 10月中食過荃灣北京人家還算不錯, 這次本想食番個間, 但居然已經執笠了, 現在全港只剩大埔了, 就唯有轉去大埔分店了, 店員帶完位後就好再叫到佢地, 不停揚手都見唔到, 難得招到一位服務員, 就問佢烤鴨係咪要整好耐家? 佢話:梗係! 要40分鐘以上家! 咁我地咪急急落單囉, 真係等左好耐先黎, 但鴨係凍既! 整40分鐘既鴨原來係凍既? 皮下又多肥油,好少肉! 堅難食!之後叫服務員包番個鴨架比我地啦, 佢就話你遲d再叫嗑, 我唔記得家! 之後叫左3位服務員, 等到埋單都仲未見鴨架! 埋單時比50同20元現金券, 店員居然過2種價錢未必可以一齊收喎, 唔係卦, 現金券即係等於錢喎, 咁都得? 服務差到爆!我地另外叫左蔥爆牛肉, 牛肉被鬆肉粉剌到無晒肉味仲衰過茶記! 唯一保持到水準既就只有宮保大蝦了.....我地走時同執枱的服務員講了二句表達下食物質素差左好多, 佢黑住面說: 我就唔知啦! 嘩, 差到呢！埋單800, 咁既質素, 唔駛指意我再去!!!!!!

平時工作時又忙又辛苦，星期五打算食好啲，今次想食上海野，放工搵下大埔嗰頭，睇openrice就見到呢間北京人家啦！片皮鴨一向都鍾意食，但宜家好食嘅好似無乜邊間，好多間都退左步... 今次叫左個餐 （唔知係咪平日先有呢個餐），有個小食（煎鍋貼）+片皮鴨+一個餸（生菜包），片皮鴨係新鮮整，見住個職員喺我地枱旁邊即切，佢比嘅薄皮又好多，整體黎講都好足料，因為我地只係2個人食，所以食完都勁滿足，仲要拎外賣盒打包添！下次有機會會再黎食丫！

員工態度極惡劣😪入黎開開心心飲茶變左要自己汁埋枱，有禮貌地問姐姐吾該幫我汁汁一枱，結果比姐姐胸番轉頭話要排隊。見到隔離好幸福😭有員工幫客人汁枱。雖然員工系好差，但野食就吾錯。

仲諗住慶祝父親子同食生日飯開開心心點知個個都食到一肚火...所有員工都好似唔想做咁我地坐個廳計埋我地得坐都係坐左兩張枱..啲員工好次哩埋哂咁..想搵個人都難...人又唔算多叫啲飯吹幾次都未黎..啲餸都食完啲飯都未黎..每碟餸份量又少10個大人叫10碟餸都唔夠再加多3碟餸..等啲餸等到個員工叫我地埋單...啲餸都未齊又叫人埋單一啲禮物都無..埋單速度又快..出菜又唔見咁快...又留單又盛...唔會再去第二次....最尾都要外賣一碟餸走..啲細酒樓啲服務態度仲好過 啲大酒樓..服務態度難以接受

今次介紹一間中菜館，北京最有名的，一家是北京填鴨！我和朋友二人，吃了很多個菜，最令我念念不忘，真的是這間的北京填鴨！太好味！ 叫了餐，送上小吃，酸酸甜甜的開胃菜，不錯。 除了北京填鴨，我們叫了海鮮崧子雞米生菜包，水煮牛肉，茶樹菇上湯翡翠苗。 海鮮崧子雞米生菜包先到。用料十足啊！這個崧子令生菜包充滿口感。 配料有少少偏鹹，但配生菜就是合適。 吃到底油份都不算多。 孖寶另外跟了鎬貼，底部煎得香脆，好味！ 水煮牛肉...或許不是北京有名的餸菜吧！ 這個牛肉不太入味，我建議不是點好了...有點失望，但不會影響整體評分，因為不是店中有名食品。 茶樹菇上湯翡翠苗~~這個好好味，健康之選，上湯不錯。 這個菜會令人想把湯都飲掉~ 終於到北京填鴨上場！ 每人一碟配菜！ WOWwwwwww~~ 切得好靚，而且隻鴨皮脂肉分明，吃下去皮的脂肪都被外面的粉皮包著，溶入口中。 個鴨的香味盡出！ 不得了的好味道！！！ 看看！好厚的一層！ 這個是我增吃的北京填鴨中最好吃的一次！！我會再來吃！！ 必吃！ 北京人家的餸菜份量也不少，性價比算高。

一进来一个高个的本土服务员脸很臭的轰我们去另一个桌子坐，心情就坏了大半。点的二锅虾豆腐和山东炸银丝卷口味还不错，我和太太都喜欢，京酱肉丝的口味就很不正宗。总评：差。

北京人家真係多得呢個Fanny 經理唔少，佢嘅唔專業同無禮，破壞客人嘅用膳經歷，枉費廚師們用心預備嘅食物同其他服務員嘅耐心服務。話說我地一行6人，點咗十幾樣點心，一路用餐嘅過程都無問題，直到食到尾聲，我地亦未要求結賬，呢個Fanny經理攞住我地枱張單過嚟。 佢指住枱上一蒸籠食剩嘅一粒餃，又指下張單， 毫不客氣同我地講： 呢個素餃係人地枱㗎，你地而家食咗，我地要加番落你地張單度!初初我地聽到一頭霧水，再理解之下，原來係佢地嘅侍應生放錯咗其他枱嘅素餃喺我地枱，我地當時亦無特別留意，食咗兩粒。好講真，飲親茶都嗌到成枱係點心，完全明白嚟多嚟少咗都有機會發生，但係今次呢個Fanny 經理一開口唔係為自己同事嘅失誤而道歉，反而理直氣壯咁“通知”會計番我地錢，好似係我地走去人地枱攞咗人地籠點心咁，而家要賠償。嗰一刻，我覺得個問題唔係邊個放錯點心，定係要唔要計番我地點心錢，而係呢個Fanny經理嘅錯誤邏輯。 佢不斷話要同我地改番張單（即係加番個點心錢），我問佢： 籠點心唔係我地點，又唔係我地放錯枱，點解係計我地錢呢？ 呢個Fanny經理頓時語塞，粗魯地攞走嗰籠食剩一粒嘅素餃，走咗去櫃檯（其實都係喺我地

家人聚餐，六點多入座拿到最後一張大台。九個人點了紫蘇雞丁、酒香炆肋骨、豆腐梅菜蒸魚柳、苦瓜排骨煲、魚丸雜菜煲、錦江豆腐蘿蔔絲湯、菜甫煎蛋、菠蘿咕嚕肉。紫蘇雞丁入味，紫蘇葉香脆可口，炸得不油膩。酒香炆肋骨用竹桶上菜令人眼前一亮，豬肋骨炆得軟林，有點半肥瘦不會鞋口，酒味就不多覺，味道像是京烤骨的叉燒醬，但勝在深入肉裡，非常惹味。豆腐梅菜蒸魚柳初時以為白色的全是魚柳，仔細看原來是每塊魚柳下面均有一片豆腐相伴，份量其實很少。蒸的火候剛好，豆腐和魚均林滑，魚柳有點油甘香，像是鱈魚柳，配上清淡的豆腐更突顯魚柳的甘香。加上簡單的梅菜和蒸魚豉油，更帶出魚柳的鮮味。苦瓜排骨煲中的排骨已煲得很林，甚至有點快要散的樣子，火候必定很夠。苦瓜分兩段再一開四，比平常吃的切得大件，但也煮得很林，出了水不失苦瓜味之餘又不會太澀，加上黃豆煮湯，清熱一流。魚丸雜菜煲有旺菜、蘑菇、粉絲、魚丸等等非常多種類，是簡單的好味。可能有潮式魚丸，開始令我覺得這家中菜偏向潮式。錦江豆腐蘿蔔絲湯一喝湯頭便知是潮式菜，濃濃的胡椒味是個驚喜，手造肉丸釀在豆腐上，再加上海量的蘿蔔絲，是當湯飯的好菜。菜甫煎蛋煎得乾身可口，金黃而不會太焦，越是簡

早上有時間一個人來飲早茶叫了臘味籮白羔，沒有臘味的，不過味道就不錯，如果加番臘味會好好多之后點了蟹子賣皇，幾好食，食落彈牙有咬感。因為很喝，飲了很多茶服務來說，也算ok,不會很欣勤但我見她們也幾忙的，比一般酒樓來說算是ok的了.茶錢$13價錢ok , 會再來

想飲茶 但係周圍都要等好耐位, 唯獨北京人家每次都係好快就會有位 : )我地大約中午1點黎到, 都係等左二十分鐘左右就入得 ~今日係中秋假~ 由朝早到下午時段都一樣價錢沙律明蝦角 $36 (特點)  蝦大隻 夠爽滑~ 炸粉薄薄地 所以唔會太熱氣鮮蝦腐皮卷 $30 (大點)香脆 多料~蜜汁叉燒腸 $30 (大點)皮夠薄 入面既叉燒好香蜜汁甜味 仲無乜肥肉~懷舊糯米雞 $30 (大點)  超多料 每啖都充滿岩岩好既醬汁 好多雞肉飯夠軟綿綿 仲有荷葉香蟹籽燒賣皇 $30 (大點)夠精緻同熱辣辣 但等得稍耐黑椒金錢肚 $30 (大點)金錢肚蒸得夠晒淋 每件都有好濃既黑椒香炸銀絲卷 $25  炸得岩岩好 外皮香 入面一絲絲軟熟 比起外面好多上海餐廳整得好味香芋流沙包 $30 (大點)入面唔係流沙 而係起晒沙既芋蓉 一搣開個包就聞到好香芋蓉甜甜地 份量唔係太多 反而令人無甘滯作為成餐既結尾 令成餐都好完美 : )內在環境 同潮江春有少少唔同 無潮江春甘瑰麗堂皇 但係有種令人覺得閒適自在既感覺我地四個人食 計埋茶錢每位$13 前菜$16 總數都係$340最重要係令人食得開心

為了慶祝生日飯去左大埔的北京人家晚餐, 雖然訂左枱, 但係都大把位, 今次點了小籠包, 京都骨, 片皮鴨, 東坡肉, 炒四季豆, 片皮鴨切得太厚,絲毫沒有刀法,厚厚的肉,根本不是片皮鴨,是片肉鴨亦不為過,食入口味道無左脆片感, 東坡肉夠晒淋, 入口即溶, 小籠包都係一般水準, 片太厚, 其他整體無乜特別.

Happy Friday 約了好友們, 地點選了位於大埔的北京人家. 晚上八時半到達, 雖然沒有訂枱, 但時間不早再加上是新界區, 不用特別等候便可入座了.場內地方不算大，環境一般, 裝修跟傳統茶樓差不多，是為了配合店名，走北京人純樸的路線吧?是次點選了灌湯小籠包，京都骨，炒四季豆，菜膽砂鍋雲吞雞，北京炒拉麵。灌湯小籠包：皮ｏｋａｙ，不算厚，肉質鮮味一般，沒有特別留下很深的印象。京都骨：肉質嫩滑, 醬汁酸酸甜甜也不錯. 但奈何醬汁不入味, 京都骨的肉淡淡的, 真可惜.炒四季豆:　四季豆炒得仍有水份，不會過份乾涸，香氣也夠。分量也不少，可以的。菜膽砂鍋雲吞雞：個人覺得一般。雲吞味道普通，雞肉帶點鞋，鮮味欠奉。湯很明顯是現成上湯，但幸好不太油。北京炒拉麵：其實跟上海粗炒沒有什麼分別，不算太油，但味道只是中規中矩。ＡＥ咭有折，在此謝過友人。但食物水準明顯不及其他美心中菜廳，尚有很漫長的進步空間。席上不斷有蚊子飛舞，地毯竟有一堆雞骨，衛生情況有點可怕。