翰騰閣

Open Now

Now Closed

星期天晚上到這間酒樓一試，之前也沒有來過，晚上不算滿座，不用等位已可入座，坐位舒適算寬敞，服務態度及招呼周到。食物質素滿意，份量適中、味道唔錯，點了4個小菜、5碗白飯，平均每位$200。生日還有紅豆沙及紅棗糕贈送。

不吐不快, 從未遇過這般不知所謂的知客及(灰衣人).在十月五日(六)飲下午茶,要登記排隊,號碼快全部叫完但等差不多半小時,想下一號碼已到可入,天真的我看到沒登記的熟客殺入搶了位置.跟那知客投訴數句,她隨便給了我一張有枱號的紙...進人期間聽到(灰衣人)及侍應們的 Intercom 不要理佢哋,尤嘚佢哋坐, 知客俾咗十二人大枱,但只一白布,完全無人嚟serve我哋就坐低十多分鐘見唔對路就走. 可憐又可憫只剩一間.

星期日特登剄太古城飲茶，選擇翰騰閣，估唔到不論食物質數，服務態度，完全不合格，百分百鼓勵港人北上消費。到達時候，只有50% 枱有人坐，居然仲話要等位，原來係留枱比熟客，什麼陳生，張太沒有留枱，一到便有位，價錢也算中上，茶錢每位$18, 小點$34,食位質素一般屋邨水平,早市價錢等於平時價錢

一直都唔係好明呢間酒樓點解可以有咁多人排隊，太古城咁多嘢食，啲人總係鍾意嚟呢度；今次終於你一試究竟。 為咗就啲長輩，午市人最多嘅時候都要嚟排隊，攞飛嘅時候服務員話用餐時間只得個半個鐘，心諗飲茶都限時個半鐘咪玩啦，如果唔係佢哋想嚟飲茶，請我都唔會嚟！ 等咗半個鐘左右終於可以入座，枱都未執好就拿拿聲開始睇點餐紙，點心上菜速度都算快，但係當大家又想傾計，又要趕時間交枱，就要狼吞虎嚥，好似食咩入口、味道係點，都已經係冇咩所謂，一切就只係快啲快啲。 其實點心都算精緻，質素都唔差，但係就差在佢哋嘅安排，真係需要改善一下，如果唔係都相信唔會再有第二次。

同屋企人飲茶，早前去過西苑，今次去呢間酒樓試吓。有預先訂位，話要1:15pm果輪時間，因為下午食飯peak hour，差不多等咗30分鐘才有位。我哋坐低咗才有人放低碗碟，唔知是否太忙放低後走咗，要自己分碗碟（可能平日去好D）。點心方面都多選擇，上枱都算快，點心蜂蜜柚子糕有驚喜/好味，可惜有點心如咖喱蒸土魷D汁可能好多且凍咗就杰撻撻，但整體來說，點心Ok啦。那天係星期日，D枱都算攞到密質質，加上樓底矮，好嘈吵。員工都努力做到最好，如攞多張點心紙都好快遞上及有禮貌，加水都快手。價錢方面，酒樓在太古城，價錢係自然貴D啦。咁啱商場做推廣，送返張$50電子禮券，唔錯啦。

在太古城工作了差不多四年多, 唯一一間酒樓未吃過的, 就是這家, 除了因為是最難預訂外, 也是因為距離比其他遠, 今次有緣吃到, 只能說見面不如聞名. 食客人潮如湧, 座位空間感是幾間酒樓裏面住擠迫的. 午安市也是點心, 燒味和小菜, 不會有什麼奢侈的菜式, 而燒味也令人失望. 燒腩仔肉質太乾, 有點燒焦, 吃起來有點焦苦. 叉燒用上半肥瘦的梅頭, 肉質正常但味道偏甜.點心的蝦餃燒賣還算可以, 件頭夠大, 外皮偏厚, 內餡鮮熟度OK, 牛腩煲則是最失望的, 上枱的時候已經見到其肉質之乾柴, 一咬就感受到完全的纖維而非肉嫩, 比一般粉麵店的做得更差, 就是選擇一些比較肥美的部位, 也解決不了, 而蘿蔔多渣也吸收不到肉汁之精華, 簡單來說不合格.I haven’t had the chance to try it until now since my office moved to Cityplaza for 4 years. It‘s difficult to book and far from other restaurants. My experience was disappoin

訂了一圍12人的全包宴, 每個餸都份量驚人, 蝦球有半個拳咁大, 花膠好厚, 帶子有5元咁大, 吊燒雞也脆皮入味, 服務亦周到. 大家看到相片亦可想像到. 最後12人都食唔哂, 需要打包走！

如果你唔係熟客，去呢間酒樓只會貼$買難受！食物又唔係好，人手極度不足，環境擠迫！價錢中等，服務下流，唯一賣點係太古城方便，同區真係有更多好選擇！正如之前亦都有食客投訴，個reception 姐姐態度不佳，唔識安排！年初二屋企團拜，因為就大家住附近，而且明白新年旺季特登個半月前打電話訂枱，係個半月前！然後早一個星期收到reception 姐姐confirm 電話，竟然問我可唔可以由原本12點改10:30am, 當時已經覺得奇怪，仲話平時唔會俾人訂因為旺季，我話我成個月前訂，無可能依家先話安排唔到，擺明就係想就佢地認為既熟客，改我呢啲生客嘅Booking⋯⋯我都明白，間間酒樓都會就熟客，我怕酒樓難做，亦特登主動同reception 姐姐提出比訂金留枱，然後佢堅持話唔使，並會妥善處理！好！最後今日訂咗12點兩張枱18 個人（因為話無一張咁大既枱！），準時12點前取枱，去到只有半圍枱ready，隔籬枱仲食緊點心同埋甜品吹水，最後所有屋企長輩有老有嫩18個人企晒係到， 12:30都仲未交到枱。重點係：1）去到現場原來有啲枱係坐到18 個人，係我訂嘅只可以坐12 個人，所以要拆2張枱，可能我真係唔

近幾年親戚們食晚飯多數都揀喺太古城中心既翰騰閣食😆今年冬至食飯都唔例外😂吃了好幾次都不錯的,今年比較多人出街食飯，等位都耐咗😐不過唔緊要，最緊要係一家人齊齊整整咁食飯，齊齊整整呀ma!😁今次我哋單點無嗌套餐，蝦仁炒蛋不錯，蝦仁夠大隻蛋都好食份量足夠鴛鴦炒飯份量都夠多，味道適中好味，我食咗幾碗翠玉瓜炒牛柳粒就中規中矩，牛柳粒唔夠入味😝西蘭花帶子都好味，帶子夠大粒燒味拼盤都好味美中不足係叉燒斬得比較大舊員工服務態度都好，整體滿意

就算你預訂左位 你都要等好耐 只會安排給熟客優先 而且人手根本不足 倒不如改用電子落單 咁又可以避免錯誤 就算你排左隊好多時都要等一兩個中 熟客黎到 幾分鐘即入 雖然呢個手法係好耐以前已經有 但宜家科技發達既時代 點可以仲係咁樣既安排？食物好味 但安排真係搞五掂 就算你食物好味 你安排不足都係難以令店鋪持久你要好多人去光顧 你就需要去改一改個電子科技 就算有熟客 又可以維持幾耐？一直五吸引新客 就算比你一直用舊客 係咪可以無止境光顧？

這間酒樓的午市點心是我最喜愛的，不花巧但很美味。很可惜，近期門口帶位阿姐訂咗些難以理解的規例，令我不想再幫襯。她規定兩位及四位以上食客分別只能用饍一小時和一小時半。講真，如果12:15前入座有這要求，我冇異意。但是，12:15後也有此規定，實在難明。上班人仕一般很少在13:15後入座，而非上班人仕在接近下午茶時段多數會等14:00入座。既然1315-1400是不多人客等枱，何必要食客趕快埋單呢？如果是驚14:00下午茶多人等位，我又唔明白為何要迫比正價的食客趕快食完讓枱比食優惠價的客人呢？如果趕住食一小時，我去茶餐廳好過，為何要幫襯這間不是平宜的酒家。

我地family gathering 一行16人, 想搵間地點就腳, 環境舒適, 食物質素唔錯嘅酒家, 搵黎搵去港島東區, 最方便都係太古城, 係地鐵上蓋, 算最方便, 搵左幾間book大枱, 就係翰騰閣俾到我地😆我地book枱11點, 大家都好準時到齊酒家門口, 即時入得, 因為人數多, 我哋都叫咗好多款點心, 叉燒包, 馬拉糕, 蝦餃燒賣, 鮮竹卷, 小籠包, 蛋撻, 牛肉球, 鮮蝦腸粉等等假日黎講真係超多人, 上菜速度夠快, 熱辣辣拎出黎, 侍應們都好快手快腳, 禮貌有耐性, 加水加茶都快反應, 長輩們都好滿意🥰👍👍

茶錢每位$17，7個人係唔睇價錢嘅情況下食咗$1205，人均消費$170左右，性價比都好高👍🏻 用太古城嘅價嚟睇，佢嘅點心都好抵食，都係$44-48一個點心🥧今次嗌咗呢啲👇🏻蟹籽燒賣皇（四件）$48鮮蝦菜苗餃(三件）$44合桃酥皮焗雞批(三件）$44酥皮焗叉燒餐包（三件）$48安蝦咸水角（三件）$30流沙奶皇包(三件）$44香茜叉燒腸粉 $44 薑蔥牛柏葉 $44脆皮燒腩仔 $115X0醬炒腸粉 $75鮑汁花生鳳爪 $68南京素鵝 $70 欖角一字骨 $75仲有嗰午市超值孖寶$228，可以裝到多個八碗飯，都真係幾抵食

服務不行, 食物更差, 其中一碟炸滷豆腐, 又黑又苦, 實在不能下咽. 可能下午茶時段吧, 2:30才入座, 3:15便催着埋單, 吃得一肚子氣。枱隔籬便是垃圾桶及污糟碗碟車, 想不到太古城的酒樓質素可以是這樣!

年年豐盛全包宴（$2388/ 4位用)鴻運錦鏽金豬拼盤賣相：🐧🐧味道：🐧🐧🐧拼盤由乳豬、叉燒、牛𦟌、燒鴨和海蜇組成，每樣剛好四片不多不少，擺盤純粹疊在一起，感觀麻麻。各項燒味均屬普通水準，不過不失。碧綠蝦球炒醬皇蚌片賣相：🐧🐧🐧味道：🐧🐧🐧🐧蝦球、皇蚌片各有四大塊，另附上大量碧綠瓜片，賣相不俗。蝦球、皇蚌片十分新鮮爽口，配合醬料十分惹味。瓜片爽甜清脆，十分不錯。發財大利添好市賣相：🐧🐧🐧味道：🐧🐧🐧🐧餸菜由菇類、蠔豉以及生菜組成，滿滿一大碟份量十足。醬料非常足本，菇類、蠔豉和生菜都非常入味，香而不膩，味道理想。花膠海皇燴魚翅賣相：🐧🐧🐧味道：🐧🐧🐧魚翅按人頭預先裝好在碗呈上，另附上紅醋一小碟供調味用。魚翅內裡餡料份量一般，花膠不少但魚翅不見多。味道方面，花膠爽滑彈牙，翅湯調味不會過鹹，質素一般。清蒸沙巴老虎班賣相：🐧🐧🐧味道：🐧🐧🐧🐧老虎班原條原整呈上，頂端以蔥花作點綴，冧上的蒸魚豉油略顯肥膩。味道方面，魚身香嫩細滑，新鮮不腥，配搭蒸魚豉油共食，滋味之選。脆皮炸子雞賣相：🐧🐧🐧味道：🐧🐧🐧炸子雞四人餐只提供半隻，排列尚算齊整呈上，另附醬料供調味用。炸子雞外皮薄脆香口，脂肪肥肉不多，雞肉