翰騰閣

Open Now

Now Closed

今日好早起身就想飲茶10點9去拿位未開門但可以拿飛先都唔錯跟住入去成15分鐘都冇人理過我地Order 成30分鐘 野食未多一半伙記好似唔夠咁好多人都坐到訓左希望d野食可以令我振作起來鮮竹卷我的天好冇味排骨就正全部消滅晒牛肉球本人最愛可惜味道一般蝦餃唔錯wor正常返少少一杯普洱好清純好飲晨早飲杯就最正確最愛既蘿蔔糕唔會炒多過糕好食蛋撻小朋友最愛好熱又好味我自己都食左一口我老闆大人要求既鳳爪排骨飯佢話好食好彩佢食晒証明冇亂講服務係慢左d好彩唔趕時間希望下次有改善

今年做第一次考順仔⋯買年糕俾屋企食我諗緊選擇係咩洒家買既時候⋯就諗起我小時候媽媽成日帶我去既太古城中心⋯當中有一間我細細個成日去嘅酒樓～太古城翰騰閣我諗我有七至八年冇去到呢間酒家同屋企人食嘢所以我決定係呢間買年糕氹下媽咪開心入到去門面幾光鮮好大方，而我所知呢間酒家係太古城都歷史悠久～都算係老牌子酒家！！到左攞年糕既日子了⋯入面好多人食野，下次一定帶媽媽再食一次以下係今年既年糕，我買左一套佢地既年糕屬於中價錢一㡳大概百幾蚊味道方面年糕值得推薦有好香蔗糖味道蒸同煎一樣咁好食不痴呀有咬口，媽媽最愛的而我最愛吃的蘿蔔糕丶芋頭糕用料平均籮蔔粗縧的糕身不太硬，很好煎都幾好食芓頭糕方面…五香粉味未突出粒粒芋頭襯托蝦米臘腸最好食另外值得一讚，最懷舊嘅味道就係馬蹄糕馬碲一片片，啲肉非常清甜阿媽話好似以前細個食過嘅味道令人懷念呢個就係我今次寫食評嘅原因啦老牌子嘅酒家買咗一份親情返嚟

前日係太古個間拿d糕見到個賣相都唔想食,拿到翻屋企仲要係變左味。食都唔唔敢食。跟住今日叫媽咪係九龍塘拿糕賣相靚好多、味道一流。點解會相差咁遠。真失望.以後都係去九龍塘拿糕算

過五晚和家人到太古城逛街，晩上於翰騰閣酒家用膳。相比附近的酒家，翰騰閣的裝潢不算特別優雅，整潔度理想。蜜汁靚叉燒賣相中規中矩，鬆軟感中上，肉香不俗。 瑤柱滑蛋蝦仁的滑蛋確實炒得香滑，蝦仁更是大隻得過份，推介！ 砵酒焗桶蠔以生菜包的型式呈上，深紅砵酒份量不少，桶蠔經焗煮後仍留有一定酒香。鮮蠔大隻外脆內軟挺可口。 頭抽煎焗龍躉球魚肉結實足味，伴菜用上芥蘭芯，脆爽口感十足。瓦煲豉油雞出品熱辣，香氣撲鼻，頭抽味甜，雞肉嫩香。香煎琵琶豆腐不論口感味道皆富水準，值推！魚湯鮮蝦球浸菜和瑤柱滑蛋蝦仁一樣擁有大大隻的蝦球，爽彈口感十足，蝦味則較淡薄。魚湯浸菜 OK 喇，無乜特別。 ****************************** 泊車情報：******************************

中秋節公司老細請食月餅，呢間酒樓之前去過婚宴，呢次首次食佢嘅月餅！包裝好色彩繽紛，幻彩紙盒，內有四個月餅，兩款味道，蓮蓉同奶黃！試咗奶黃月餅，尺寸正常，奶黃餡幾香，蛋黃鹹香，不過月餅皮太散，而且粉！唔好味！蓮蓉無試！呢間酒樓月餅唔算出色！

接受訂位. 如沒訂位, 星期天要等上一兩小時. 這可是太古城區食肆的普遍現象!門口安排坐位的待應禮貌不錯. 食物整體一試無妨, 並不特别回味.手拍青瓜 $43顏色夠. 䶢味適中. 比想像中清新.家鄕煎薄餅 $30伴料火煺和䓤香香的. 不太黏, 不太油. 安蝦咸水角 $20平平無奇. 可取之處是不油膩.黑椒蒸鴨腳 $30十分惹味. 可以一試.蟹籽燒賣皇 $35真材實料. 豬肉, 蝦, 和冬菇都很分明. 味道不錯.秘製咖喱土魷 $30咖喱入味. 土魷容易咬開.豉汁蒸魚雲 $35豉汁香香的, 配魚雲一流. 骨膠原豐富.原隻鮮蝦皇腸粉 $35果然是原隻. 蝦肉夠爽, 如果配韮黃可能更好味 .蜜汁叉燒包 $28不過不失. 包比較硬. 軟身一點會更好吃.煎甜薄罉 $35甜版薄罉包着椰絲 和 花生 , 有層次對比的香口煙韌 .翰騰鮮蝦餃皇 $35普普通通, 蝦肉太碎 .潮州蒸粉果 $20材料比一般粉果的大粒, 味道欠鮮.濃湯鮮竹浸菜苗 $50清淡之選. 菜夠腍身, 適合老人家.椒鹽魷魚鬚 $55比較䶢, 此外無乜味.炒伊麵 $98韮黃, 芽菜, 蘿白炒伊麵. 甚無特色.肉碎炒青椒 $98香辣惹味,

係太古飲茶又係好有難度,但我知道有一間通常會有位,就是翰騰閣.唔知點解個個都話呢間野麻麻地,不過我一日唔試過就唔可以評價既小點20蚊,特點35蚊.姐係叫特點先係抵餐牌中有個叫自選天仙配$168,似乎非常抵食,簡左個奄仔蟹粥和豉油皇炒麵.咁樣叫法,點樣唔飽死$55 魚湯菜心,用上湯浸菜,點樣都好食菜苗餃,餡唔夠鮮味,好似差左一點調味豉油皇炒麵.炒得乾爽,豉油味不算好香,但麵條還幾有口感.炒麵最緊要唔油膩是值得一讚奄仔蟹粥.呢個就讚啦,因為奄仔蟹勁爆多膏,實在食完都怕爆血管.蟹肉又甜,粥底唔算好綿,但可能因為蟹既原因,總係覺得特別美味.其實只要將奄仔蟹既數目加多一隻,將O的膏撈哂個粥度,我諗真係無得輸呢個蒜泥白肉就不懂欣賞,太甜了.別有洞天腸粉.....原來就係炸兩...仲要唔脆...整體來講,唔算差.可以再來的

上星期做冬選擇了翰騰閣，由於家人住太古城，很多酒家都已試過，唯獨這間很少機會到。因為做冬關係，我們點了十道菜，他們一併上了，枱面亦不夠地方放置，這方面安排應該可以改善。更差的是菜色本身，我們點的例牌份量少得可憐，附圖供大家參考，這是還未吃過的份量。最後，菜色非常鹹，鹹到媽媽吃完沒胃口吃其他的，希望酒家改善一下。

翰騰閣每次經過都見到這間酒樓, 好似都好多年都依然存在在人流多得太古城, 周未都不用等位, 實在難得.今日要快食午餐, 決定試一試酒樓內環境都可以, 不太迫, 都新淨點心種類多,價錢都不太貴蝦餃皇 (特) $35 : 我的至愛~ 一般啦, 都可以懷舊大米雞 (特) $35 : 料不太多, 味道一般XO醬炒腸粉 $50 見附近過過都點, 於是都試下先! 用熱煱上, 食到最後都熱, 真的不錯!面上舖了些XO醬的料, 但食落苦苦, 而且只有少少XO醬古法馬拉糕 (中) $28 : 老公的至愛~ 老公話好味, 有好香的甘庶味, 而且夠鬆化蓮藕煎魚餠 (大) $30 : 有蓮藕粒好爽口, 魚餠香口, 但唔油, 不錯!見食評都不太好, 但自己食過後, 覺得都可以, 比我家(將軍澳)附近的酒樓好食好多,而且環境及服務都可以, 價格不太貴都可以再光顧

到太古城逛完街，餓壞了，沒有慢慢選擇，看到了翰騰閣不用排隊，馬上進去了！一看餐牌，孖寶菜式特別多，記得應該大概有6款以上，而且都很吸引！最後選擇了燒雞+上湯龍蝦(伊麵底) ，另外點了籠仔糯米蒸蟹！先來的是燒雞和上湯龍蝦，燒雞皮脆肉滑，不錯不錯，不過略咸！上湯龍蝦味道很好，雖然龍蝦沒有很大，但肉質彈牙，帶有甜味！可惜的是伊麵都很散，有一半要用湯匙幫忙才能放到咀裡呢！糯米蒸蟹等得比較久，人多order多，以及製作需時吧，不過美食要等待我可不介意！籠蓋一打開，已經流口水，先說一下蟹吧，非常甜，而且都爆膏的，糯米飯不硬不軟，剛剛好，若然荷葉不只放底，能夠完全包起來蒸，飯的荷香應該更好！第一次來這裡吃飯，很滿足，餐牌的菜式配搭選擇多，足夠我試很久吧，值得再來！

同九十歳高齡嘅祖父母飲菜，揀了間最就腳。環境：乾淨、少少暗、枱與枱之間不算太窄，但樓底矮，人多時很嘈。食物：蜜汁叉燒包（三件）、上枱熱辣辣，包身鬆軟，但祖母話個餡唔夠熟，佢放低咗。        豬膶腸粉（大點）、豬膶juicy很好吃，腸粉皮可以薄身d通透點更好。        娥姐蒸粉果（三件）、我冇食，但見賣相飽滿，皮薄通透，反正全部食晒。        蟹籽燒賣皇（四件），媽媽覺得最好食，蝦大粒，豬肉多汁。        山竹牛肉球（中點），大粒，味道ok,冇特別驚喜。        味菜牛柳絲炒麵$98，我最like,餸同麵分兩碟上，麺脆身，牛柳分量夠，腍，汁好味，推介

之前成日泥呢度飲茶，今天跟朋友去吃個下午茶，點了幾個點心，其中一樣是小籠包！當我咬了一口看見小籠包內的肉有一條彎曲像恥毛的毛髪相連著！我立刻嘔都嘔唔切，簡直係個惡夢，勁嘔心，我叫一個黑衫經理來,態度奇差...竟跟我說換過第2籠給我, 我說你傻的嗎...?這明顯是體毛, 你覺得我會仲想食嗎..? 他說那取消這個吧, 我說叫總經理來....我便打電話給衛生署,怎知打去星期日不開的....那個總經理說如果你打電話很痳煩會浪費很多時間.那個經也認了是他們公司的過失..說不如我不收費你們走吧.....當時我見衛生署又沒開, 因為朋友過2天要回英國便不想掃興轉場就算....心想永遠都不會再來！但之後一整天都覺得很嘔心....星期一有朋友約我去吃台灣小龍包...我便想起這事..心裡勁嘔心...和氣噴便在星期一打給衛生署,他叫我打給食環署...我才知道原來有廿4小時的....我一定要舉報這嘔心食市....

It can be hard to avoid the Maxim's chain when you want to eat Chinese food at Cityplaza but the House of Canton serves as a decent alternative. I've been here for dim sum several times during lunch on weekdays. The menu was decent with plenty of choices. Unfortunately the service can be lacking as the lunch crowd gets pretty full and busy.Deep Fried Beef Brisket ($58) - it's seemingly harder to find a restaurant that serves this dish as the place I get it at has stopping serving it. The beef br

7月1日你有你遊行，我有我嘆下午茶，諗住2:30入座故提早1:45 排隊拎籌，原來2:15 才派籌，乾等45分鐘，期間都好多人排隊。下午茶時間爆多人，入座後侍應跟本應接不暇，每每下單加水都要等成數分鐘。有好多特色名稱茶點，為之吸引，咁就賴野啦，例如古巴咖啡蛋撻，上菜時已涼左，無咖啡味，又無蛋味，失敗。炸蓮花奶皇包，類似炸饅頭色咁，只不過內裡有奶皇，咬落去好重油味，好似萬年油咁，PENG 油應該循環用過幾次，奶皇唔夠香，失敗。芝士蝦春卷，又係好重油味，無得留底。紫菜香芒百花卷，個名就好聽，食落好怪，紫菜圍住D丸+芒果再拎去煎，麻麻地。本來最有期待就係 菠蘿鮑魚雞粒酥 ，並非每一個內裡都有菠蘿，你扼人，食落似雞批咁。有見以上<特色茶點>鬼咁難吃，都係點返D 正常野，如叉燒腸，皮薄煙UN，粉果滴滴色色合格。唔敢再ORDER 甜品了。後悔山長水遠黎，鐵定以後不會再幫襯。

好久沒有到翰騰閣嘆一盅兩件了, 今天重陽節, 登高後, 忽然想到翰騰閣吃點心...還有半小時便到特價下午茶時段, 門外已經有很多人等候... 今天又倦又餓, 不想站著呆等, 多付一點錢, 可以不用等, 直入...點了白牡丹(壽眉), 但變了普洱... 心中不悅, 但已無力更換, 但是盡快落單吧...菠蘿合桃雞酥 -- 呆了一呆, 樣子變了那麼多... 細了很多不特止, 一點也不酥是大問題!!! 而且菠蘿不知往那裡逃了, 合桃也變了裝飾用的合桃碎, 雞肉的足跡也難以尋覓... 唯一肯定的, 是洋蔥很大片... 沒有菠蘿味, 沒有合桃味, 沒有雞味, 只有白汁味... 這樣差勁的白汁酥, 相信不會再吃...馬拉糕 -- 糕身很鬆軟, 口感不錯, 淡淡的黑糖味, 不太甜, 好味...黃沙豬膶腸 -- 腸粉薄而呈半透明狀, 入口很滑, 黃沙豬膶味道偏淡, 有點失望...山竹牛肉 -- 用「霜降」牛肉制成牛肉球這麼浪費?!! 哈哈, 非也!!! 只因今天是二十四節氣中的第十八個節氣--霜降!!! 含有天氣漸冷、開始降霜的意思, 所以用山竹牛肉來和大家開個玩笑... 牛肉球軟腍, 淡淡的牛肉味,