杞醉 (Moved) New Location

🥘招牌杞醉濃湯雞煲 $375經朋友介紹，去左「杞醉」買左個濃湯醉雞煲返去，外賣醉雞煲pack好哂盒，一盒雞一盒濃湯一支酒，仲有詳細教學同步驟，零難道，係無可能失敗的😚 雞份量非常多，有足足一隻雞，唔會太肥無肉，仲有好多蟲草花！湯底都好足料有大量既龍眼肉，杞子，同埋紅棗，令湯底味道又濃又清甜！我個人就喜歡濃濃的酒香，所以落哂成支酒，但大家都可以因應返個人口味，睇倒幾多既酒！如果大家嫌食雞煲太單調唔夠飽，建議大家可以買定啲烏冬，呢個湯底配烏冬，簡直係Perfect match ，我食左2大碗hahah！杞醉 (荔枝角)荔枝角長沙灣道883號億利工業中心地下1D號舖

呢間野貴到傻, 去到街市得個小檔仔, 要乜無乜, 問佢有無XXXX, 個後生仔按手機, 再來拎起D蓋睇, 得2碟野, 話無, 只做外賣生意, 不做門市咁, 外賣D野又貴, 唔想幫襯

話說某日係IG睇到呢間餐廳 都俾佢嘅相片吸引到想試當見到位於石硤尾白田商場街市 好似唔係好就腳嘅同時就見到佢竟然有做開跨區團購 仲要免運費 只要夾岩時間填好form俾好錢到時到指定地鐵站拎就可以 好方便今次試咗招牌杞醉無骨雞 $60 本身包白飯轉 杞辣撈米線 +$6 (推介要轉!)首先份量係超大份醉汁甜而不哽 根據餐廳IG表示係用左4種不同濃度、不同顏色、不同香味的花雕酒，再加上4款頂級杞子、蟲草花、圓肉等食材製成嘅醉汁 剩係醉汁都睇得出落左好多心思而雞方面無骨之餘 肉質十分嫩 充份吸收曬醉汁 另外推介要+$6轉杞辣撈米線 米線爽口 配上特製辣汁 呢款辣係屬於偏麻 正合我口味再加配小食 杞醉蘭王蛋(一隻) +$10相比起雞，醉汁配上蛋更加容易入味 喜歡醉汁嘅朋友唔好錯過

I recently ordered a take away meal from their cross region delivery service and I have to say, I was thoroughly impressed! The order consisted of spicy noodles, eggs, and drunken chicken and I have to say, it was a fantastic combination. The portions were generous and the food was simply delicious. The spicy noodles had just the right amount of heat and the eggs were cooked to perfection. The drunken chicken was juicy and flavorful, making it the highlight of the meal. The delivery was also on

話說今日去咗石硤尾嗰邊探朋友，本身諗住買外賣，經過街市順便睇吓有冇其他嘢食見到有間小食店，主要係賣醉野食，啱晒我，老闆好後生，亦都好詳細介紹佢哋嘅嘢食俾我，仲推介左我識佢哋嘅醉鵝肝最後我叫咗蓮藕，鵝肝，雞皮三樣嘢食送酒真係一流，尤其是佢哋嗰個我講入口即溶，老闆話正常要預訂，好彩今日仲有一份，本身諗住打電話再encore，不過佢話已經賣晒味道對於我呢啲鍾意重口味嘅人真係啱晒，嚟緊下次我哋會每人叫一份鵝肝，住附近嘅朋友不妨一試

杞醉 (石硤尾)石硤尾白雲街白田商場LG3樓街市MK07號舖想不到在石硤尾一個屋邨商場可以找到一試難忘的美食，食完第二日又「囉囉攣」想再食。杞醉How Drunk，名字特別，原來跟招牌「杞醉汁」有關。「杞醉汁」加入4種不同花雕，配以蟲草、圓肉和杞子等補身身材煮成。飲過一次會上癮！杞辣邪惡鵝腸$38因為喜歡吃辣，所以大部分也是選「杞辣」菜式。這個鵝腸清得很乾淨，沒有多餘肥膏。平時吃鵝腸最怕一大舊膏清得不夠乾淨，這個很有心機清了肥膏才煮。鵝肥爽口彈牙！杞辣撈雞$55雞肉鮮辣很下飯，份量頗多的。辣得過癮，很川味。雞肉有咬口不會韌。杞辣爽萵筍$25食肉同時也要吃點菜，萵荀爽脆，同樣辣得過癮。杞腐雞翼尖$25又一令人喜出望外的菜式，淡淡的腐乳味，伴隨微微的甜味，雞翼尖入味。杞腐雞中翼（多汁）$32雞翼大大隻，絕無戲場。雞肉嫩滑，很喜歡這種淡淡然同時甜甜香香的「杞腐汁」，食完雞翼，我還把汁撈在麵中～杞醉蘭王蛋（日本）$15/隻後悔沒有多買幾隻，早知「杞醉汁」咁正，就買埋杞醉無骨雞和牛舌。汁料醇香甜美，蛋很入味，雕酒香在口腔迴盪，食完蛋還可把「汁」飲下，食完第二日已經想再食。杞辣撈米線$15米線彈牙

近排好中意行翻新左既商場街市😂，因為都幾多平靚正野食買😂，通常有點心、三餸飯、麵包店，今次比我發掘到有杞子+醉雞為主題既店，價錢都唔貴就試下佢😚。-💕 杞醉無骨雞 $55👅好味指數：7.8/10除左飯，三款都放左杞子同蟲草花係面層，酒味極濃🍺！無骨雞份量都幾多，雞切成片狀，大概有成15塊，肉質超水嫩🤤好似慢煮雞肉咁🥰-💕 杞醉蝦 $88👅好味指數：7.8/10蝦有大約十隻🍤，仲好貼心咁meet左中間蝦殼部分🥹，一咬就食到，好方便加哂分😍蝦肉都彈牙🥰-💕 杞醉蘭王蛋 $25(2隻)👅好味指數：7.5/10超流心！有一隻直頭係一咬就爆汁，影唔到有幾流心😂😂😂，同埋超索味，重酒味重到就黎蓋過蛋味🤣🥚。-💕 杞醉滷肉飯 $32👅好味指數：7/10樣貌同平時食既滷肉飯唔一樣，依到係將五花肉切成片狀而唔係粒狀，但味道就同平時既差唔多，仲多左杞子既甜味，同微微既酒味，所以都唔會唔夾/覺得難接受👍🏻。

🥚蛋美好鍾意醉雞🥺🫶🏻.石硤尾白田街市裡面有間賣杞子辣/醉嘅涼拌近排好多人寫🫶🏻今次係特登嚟買個外賣翻屋企😛🤍店舖款式都幾多最吸引嘅除咗係店主自家製杞醉汁😻❣️.1️⃣杞醉無骨雞米飯(💰$60）杞醉無骨雞係呢間舖頭嘅招牌菜❣️最鍾意佢個份量🤩✨雞肉大大塊十幾件分量十足‼️🥹無骨雞啖啖都係肉冇乜肥膏亦都好入味🥺自家製杞醉汁酒香幾出👍🏻仲有大量杞子同蟲草花🥺用料一啲都唔馬虎🥺🤍2️⃣杞辣雞腎胡麻撈麵(💰$45+6)雞腎又係同無骨雞一樣勁大碗✨🤩杞子辣醬偏麻平時鍾意食辣嘅一定要試😻‼️胡麻撈麵略嫌醬汁相對冇咁出🙉不過有好有唔好～好嘅係襯辣味涼拌唔會覺得單調乏味🤍唔好嘅就係淨食麵就冇咁過癮啦～3️⃣杞辣雲耳(💰$25）雲耳爽口又大份係平時譚仔嘅三四倍🥹 麻辣食完唔會太麻同食得好辛苦🤍用嚟送飯一流😻✨$25真係好抵一定要試❣️4️⃣杞醉花甲(💰$68）想食花甲記得早一日打去預訂🤍花甲份量唔算好多但係配上杞子醉酒汁都幾入味😍花甲肉質爽口🫶🏻個人嚟講覺得買花雕酒系列一定唔會失望❣️😛.📍 杞醉 (石硤尾)石硤尾白雲街白田商場LG3樓街市MK07號舖🤍.#蛋美在石硤尾 #香港美食 #石硤尾美食 #石硤尾 #西式 #港式 #涼拌

自從上次食過辣、醉、腐、蔥四個味道一直對辣念念不忙小店最近應冬天首推雞煲亦都有分醉雞同辣雞就快過年又係團年飯既好時機以前唔係盆菜就係打邊爐不如試試新野辣雞煲杞辣有茜雞煲𝟑-𝟒人套餐 $𝟔𝟔𝟎。杞辣爆茜雞煲(全隻)。牛骨濃汁牛丸。夾心芝士丸。彈彈魚蛋。手打乜乜滑。樹記響鈴。蔬菜盆。米線整份外賣由車手火速送到府上原來黎到隻雞係半熟需要加以烹調外賣亦附上詳細食譜作指導只需要準備好電磁爐同大鍋做法如下：1. 先加少許油，放洋蔥、蒜蓉、乾蔥一齊炒，可以放埋辣椒，但我怕辣就無放2. 放臘腸，香氣即刻飄晒出黎，炒大概3分鐘3. 可以加入全隻杞辣雞（兩大碗），炒3-5分鐘至雞肉全熟，因為怕容易痴底，所以碗入面都有好足夠既汁料唔怕燶4. 最後可因應個人喜好加入芫荽，撈勻後熄火，因為我唔食芫茜，所以同桌喜歡吃的都分開落5. 可放入其他食材享用雞煲，吃完之黎可加湯繼續食，直至全部材料食晒為止😂最鍾意就係加入米線同響鈴因為可以吸收所有辣汁同雞既精華食呢個雞煲真係覺得幸福滿滿呀🥰🥰快趁做節團年order定個雞煲一齊拾下拾下啦～

新年訂了醉雞火鍋套餐外送🥘🥘個醉雞湯底同出邊嘅醉雞湯底有少許不同，較甜少少，店舖好細心另外跟多一支洒，在煮熟醉雞後加入湯底再食，令到醉雞食落口嘅感覺更多層次🤣煮完個雞後我哋唔記得加洒食左幾件，😆😆跟住再加返洒入去煮多陣，個感覺即時唔同咗🥘🥘個套餐選用新鮮雞做主打，食落口雞嘅鮮味好重👍🏻👍🏻如果有得加錢加多D雞腎就好😋😋成個套餐份量其實唔止四位，我哋五個食都食唔哂😆😆下次試吓另外一款辣雞火鍋套餐先

一個新新地嘅白田街市原來都可以有驚喜街市多數都係外賣店為主，今日嘅主角都唔例外睇個門面可能唔太吸引不過睇完我食評就知佢咩料menu 睇你想叫飯定叫餸杞醉無骨雞 $55自家制個汁係獨一無二個汁可以汁埋，偏甜小朋友都okd 雞冇骨，又滑，size 啱啱好份量同個價錢成正比杞腐雞中翼（多汁）$32十分好餸飯個汁好正杞醉慢煮牛舌 $48份量十足個汁同個雞一樣杞醉滷肉飯 $32d 肉有咬口，味道十足$32 一大碗飯，好抵。

本身對醉雞冇話特別大興趣機緣巧合底下發現呢間小店自家製「杞醉汁」味甜酒醇✨🍶其中杞醉無骨雞醉為吸引😎✨🐔 杞醉無骨雞米飯 $60叫咗飯餐但冇影到米飯🤣唔緊要無骨雞先係主角✨無骨雞食落有淡淡酒味🍶雞肉肉質鮮甜且厚實🐔🐔 杞辣撈雞配米線 $65食落味道好似口水雞米線偏硬身有咬口掛汁配上靈魂杞子辣醬❤️‍🔥令雞肉食落香辣惹味✨🥚 杞辣黃金皮蛋 跟餐$18採用金黃透明嘅皮蛋🤙🏻望落去晶瑩剔透🤩食落去Q彈可口😍🐮 杞醉慢煮牛舌米飯 $55牛舌食落質感偏綿身🤙🏻同出面嘅紮實彈牙唔同✨牛舌入味吸收杞醉汁精華

同事在杞醉的IG訂購食品，問我要不要一起訂購，見到店在石硤尾，自己很少特意前往，便決定搭單一起訂購。交收可不用到店，幾乎隔天就設有跨區外送團，但因時間地點不合，我們就直接約在石硤尾地鐵站交收。選購了兩款小食，分別是杞醉慢煮牛舌及杞醉鵝肝，兩款小食都配搭杞子及蟲草花，感覺養生健康。另附有小膠瓶盛載著杞醉汁，食用鵝肝前才需把汁料注入，以免吸汁太多會變鹹。杞醉慢煮牛舌，牛舌大片，厚薄適中，質感軟稔得來有咬口，牛味香濃，酒香入味！$48/份，份量OK，大約都有6片左右。杞醉鵝肝，鵝肝並非每日供應，必須至少提前一日預訂。西餐的香煎鵝肝就食得多，醉酒鵝肝反而第一次試！鵝肝大大片，質感軟滑creamy，入口即化。鵝肝味道鮮香，沒有羶味，酒香完全滲透鵝肝之中，令人回味～～～店舖位置的主要人流多為區內客，店主透過社交媒體設立跨區外送，吸納外區客，而食物品質亦對得住價錢，值得推薦光顧～～

「緣份尚未到 別怕定會到 要相信一切是 醉 好的安排」連外賣盒上面既貼紙都花盡心思呢間小店既用心，相信唔難感受到💛杞腐 - 雞中翼杞子配腐乳，新奇既配搭。兩者互相融合，保留腐乳既香但減少了過鹹的感覺，取而代之係淡淡既杞子香。雞翼好淋好入味。杞辣 - 撈米線/黃金皮蛋/蓮藕杞子配秘製辣醬，中麻少辣既刺激感，無辣不歡的我，大讚👍🏻米線彈牙得黎好入味，平凡得黎有驚喜；黃金皮蛋無澀味；蓮藕極爽脆。杞醉 - 鵪鶉蛋/無骨雞酒香配合杞子甜，有埋蟲草花，清甜。鵪鶉蛋，份量多到咁😳無骨雞，滑到你唔信，啖啖肉，非常入味。服務態度，不論線上線下，都值得大讚。佢地經常有跨區免運團，唔同地區既你，不如都試下？

呢間花雕酒醉物店，我bookmarked咗好一排，今日我係附近就google下個地址，原來喺新開的白田商場度😮 上到去入街市轉左就見到呢間店啦。杞醉無骨雞 (平日午餐價 HK$40)．大約有7片無骨雞髀肉，雞肉嫩滑、有彈口、啖啖肉、雞皮已經被花雕酒浸到薄滑，而且肥油也浸到無晒啦～．配有爽脆清甜的青瓜，食落帶有酒香，也有養身的蟲草花和杞子．飲一口杞醉汁，花雕酒味好濃、好醇，而且係甜味，一點也不苦，好正！．配杞珍珠米飯，叫咗少飯，其實都有大半碗飯㗎！竟然被店員話我食太少。米飯撈咗少少杞醉汁一齊食，清甜美味，食晒😋📌提提你：．此店沒有堂食，只做外賣喔！．佢哋也有正價午餐 HK$60 嘅杞醉無骨雞，會有多一倍無骨雞肉，取代咗青瓜，杞珍珠米飯可以免費轉杞辣撈米線或胡麻撈麵喔！