How To Live Well (希慎廣場)

Open Now

Now Closed

💭呢日好急需要去間cafe坐底覆email，好隨心地就入左呢間cafe 想叫杯野飲順便做陣野😁見到有個期間限定既蛋糕+花茶set，送10/10 HOPE 種植包 同10/10 HOPE 100 蚊優惠卷，個蛋糕幾好味濃郁既朱古力帶有淡淡的海鹽味～呢排返工都多野忙😙飲住杯花茶又好似真係放鬆左小小😎送既種植包都好得意，係一支鉛筆，支鉛筆用完之後個頂係有種子可以插落個花泥仔度種香草架😍😍😍🌸 期間限定：how about a fulfilling treat? （set price HKD 98）🌼Neal’s Yard Remedies 有機靜心花茶🌼鹽之花特濃朱古力蛋糕

行街行到攰攰地又眼瞓不過又唔係好肚餓想搵個地方坐下飲杯野食少少野，朋友話不如飲杯咖啡等個人精精啲，結果誤打誤撞入左黎呢間cafe，cafe環境舒適，好岩同朋友仔嘆下咖啡傾下計.Flat white $44咖啡醇厚幾滑唔會偏酸.Grandmas’s Scones $38我對scones有種偏愛就係見到就會想叫黎食😂佢有六款口味，而今次就簡左原味同棒子可可，Scones可以加$10 配Clotted Cream同士多啤梨果醬，不過我今次無加到因為就甘食已經好食，鬆餅好鬆脆唔會好乾身亦唔會好硬，棒子可可棒子味濃令我諗起繽紛樂，棒子味蓋過左可可味，我會推薦原味！.蒙餅 $38叫左個原味蒙餅，外表係鬆餅只係入面多左層麻糬，整體味道唔錯不過加左麻糬既關係所以食食下有少少濟

夜晚同朋友上堂之前，近近地喺hysan搵間餐廳食飯，見到呢到新開又有位，之前食過k11分店幾好味我地就入左黎。炸雞好脆皮唔厚，蝴蝶粉個汁好fusion但唔會好假好鹹。食完再叫左grandma scone作結，大滿足呀。

平時行過呢間野嗰時成日都聞到啲咖啡味所以今日行開銅鑼灣就第一時間諗起佢可能因為時間尚早 餐廳入面唔多人食緊野 我地唔洗等位就可以直接入去見到餐牌係fusion 菜 但以cafe嚟講 價錢都偏貴我地叫咗一碟大蝦墨汁意粉同一碟慢煮豬扒碟意粉一上枱係幾靚嘅但一食落口 嘩～一個字 超咸個廚師係咪鹽當咗糖塊豬扒係正常嘅 但下面做咩要整pat野係梅梅爛爛嘅蔬菜係下面見到都有啲唔開胃呀野飲嗰啲今次我地就冇嗌喇 將來亦都唔會再去呢間野到食 呢個價錢完全係唔值 真係可一不可再

喺希慎4樓嘅一個轉角位 唔算特別起眼但係裝修幾好 樓底夠高感覺都舒服嗌左蝴蝶粉Pizza同埋甜品價錢偏貴但係喺希慎入面可以理解覺得蝴蝶粉算系比較好食都算係同朋友傾偈嘅好地方 行到攰可以過嚟坐

🎈總評✅食物質素、賣相、選擇、特色都十分滿意，份量不算大，同時也不算太細。✅地點方便✅價錢以這地段及食物質素也算合理🎈餐牌.🎈食物▶️ 明太子忌廉汁煙肉意粉 $168 ⭐️⭐️⭐️⭐️⭐️全餐冠軍，最好食，濃香的明太子忌廉汁，令我們都想用條脷舐乾淨隻碟。.▶️ 松子仁、南瓜、素芝士意大利飯 $158 ⭐️⭐️⭐️⭐️⭐️濃濃南瓜和芝士味，好滿足的感覺😊.▶️ 脆炸松子盲曹魚柳、烤飯團、洛神花忌廉汁 $178 ⭐️⭐️⭐️⭐️有創意的dish，盲曹不算常有，烤飯團也特別，所以一試，4⭐️是因為炸得有一點點過了，烤飯團亦未如想像中好味，創意補返。😊 .▶️ Classic pizza $158 ⭐️⭐️⭐️⭐️.▶️ 香煎帶子、胡椒魚肚、意式長通粉 $178 ⭐️⭐️⭐️⭐️ 胡椒魚肚配意式長通粉又是另一創意，值得讚用心設計特色，帶子甜，魚肚不多，通粉汁不夠，味道稍為淡口。

最初喺觀塘時已經想到訪，但係我 Bookmark左既餐廳實在太多，佢搬左去尖沙咀，再係銅鑼灣開埋分店我先去食😂閒日夜晚人流較少，可以慢慢坐唔急住還檯🤓▪️ 蜜糖芥茉醬烤雞漢堡（7/10）💲158漢堡包身鬆軟，不過個人鍾意烤烘得再燶啲，牛油香再重啲🧈就咁睇都知雞扒大塊同厚身，肉質尚算嫩滑，加上唔會太嗆鼻既蜜糖芥末醬，配菜既薯角亦都夠脆身😎▪️ 香煎帶子胡椒魚肚意式長通粉 （6.5/10）💲178微微煎過兩邊既帶子，保持鮮嫩彈牙，唔會話乾或者韌☺️加上左幾舊魚肚，其實唔係好食得出胡椒味🫣個配搭的確係有創意既，不過始終都會有少少違和感😅長通粉有咬口，但蕃茄汁比較稀身，濃稠返啲會更好🍅▪️ 日式櫻花蝦芝士玉子燒（7.5/10）💲98玉子燒入口都幾嫩滑，中間有啲暖笠笠芝士拉絲🧀淋上沙律醬、照燒汁、櫻花蝦、木魚絲同紫菜，會有食緊章魚燒既感覺😗▪️ Boozy（7.5/10）💲58夏天會想飲解渴啲既野，最後通常都係揀菠蘿檸檬汁，飲落會係濃縮少少既菠蘿味🍍🔎 整體評分（7/10）

看到這間有型咖啡店，禁不住要試－下。這咖啡店設計簡約素雅，木系的陳設加上植物，感覺舒適。Hazelnut latte / oat milk$53這榛子latte泡沫豐盈幼細，口感香滑，那燕麥奶不會很稀，滿有質感，而且入口溫度剛剛好，不溫不燙，還有香甜的榛子風味，不錯吧。Genmai tea latte $48玄米茶拿鐵的風味很獨特，不但有玄米茶的米香，又有少少綠茶風味，而且口感奶滑，又是無糖風味，很和風的感覺。行得累了休息－會，嘆－下咖啡放空－下腦袋，十分寫意。

咖啡控又出動今日下午茶我想食件cake飲杯咖啡，經過見到呢度裝修簡約，係日式木系，感覺好舒服，自然就吸引咗我入去坐啦平日下午茶時段人流唔算多，都幾清靜，好適合坐低睇吓書，玩吓電話。空間寬敞，座位都算舒服我點咗一個 cake roll 及一杯 dirtyCake roll 係 Earl Grey 味，紅色好靚。入口好 moist，唔算太甜，食啲cream都唔覺得好 heavyDirty 層次幾靚，唔算太苦，易入口，幾 balance整體嚟講都幾舒適

有排呢間How to Live well係IG瘋狂出現！ 特別係佢地嘅明太子忌廉意粉！粉紅色嘅意粉睇落勁creamy~ 最近終於的起心肝去食咗！明太子忌廉煙肉意粉 呢個粉紅色嘅意粉究竟係咪想像中咁美好呢？大家可以喺途中見到啲意粉係冇咁粉紅色嘅（已調色）食落唔係特別香明太子味 而且份量又唔係多 又唔算好creamy 對比起另外一啲地方嘅明太子意粉差天共地日本叉燒班尼迪蛋酸種飽 擺盤十分之靚打卡一流 但味道方面就中庸 叉燒食落太多甜醬 蓋過咗其他食材嘅味道 另外多醬都搞到個包濕晒 沙律唔算新鮮Classic pizza 全場唯一較為正常嘅食物 芝士拉到絲 餅底有少少脆 上面啲料都係普通嘢Sweet summer 濃郁版嘅荔枝汁Hazelnut latteHazelnut 味唔出 普通咖啡～Lake 偏重利賓納味嘅荔枝汁Overall 打卡靚 要食靚 食日系 呢間cafe幫到你 但係味道道普通 咖算難食 不過性價比低環境：☁️☁️☁️☁️抵食：🐷🐷

咁岩時間黎試HOW的tea，閑日tea time冇咩人，環境就好清閑，坐得幾舒服，可以認真咁休息下叫tea set，豆腐秋葵沙律配迷你burger豆腐秋葵沙律實物如其名，勝在夠清淡，有跟芝麻醬，只係我叫左另上。Burger一黑一白，兩個只係個包唔同，里面都同樣係雞扒、蕃茄、生菜。Tea set跟免費麥茶，亦有配餐飲-$15優惠，叫左piccolo,好飲，但偏重奶味。How tea set 傾向輕食，下次試下lunch 先

叫左杯cafe Hawaii… 成份有coconut water, ginger ale, fresh ginger…Hmmmm… 無coconut 味，無ginger 味… 同飲水無分別🙂 應該話。。。飲水都無咁sad

之前呢間野都要排隊吾知係咪疫症，出奇地少人。冬陰公大蝦天使幼麵。幾好食，但個汁濃d更好，比較淡左d 辣就吾係辣，茅香味好重。日式櫻花蝦芝士玉子燒。上面有埋碎紫菜，個燒汁有d似章魚丸個汁咁，有埋沙律醬，同櫻花蝦幾好食⋯又吾會太多芝士而好流。Lime mints soda 。吾錯，但對我黎講，酸左dd ，薄荷味冇乜。Hazelnut latte 。呢杯超好飲，咖啡味好重😋推薦推薦。傾計一流⋯環境舒適，又吾會趕人走。

第二次食呢間餐廳坐得幾舒服 環境木材做主題職員有禮貌叫左Flat White , cappuccino一份泡菜炸雞、一個帶子魚肚長通粉、一份chesse cake兩杯咖啡都好味 味道醇厚 不會偏酸泡菜炸雞有d hea 就係無骨炸雞下面墊啲炸雞不過炸得好香 唔肥 泡菜又鹹又辣 有個source 似係芥末醬帶子魚肚長通粉茄汁底 煎帶子熟度岩岩好 通粉唔會太淋 彈牙但因為有魚肚 所以好快腥 一定要熱食cheese cake好正常 配搭生果都ok

💥希慎特色餐廳📍HOW TO LIVE WELL｜銅鑼灣📍人均消費 $ 1 X X#CL銅鑼灣 #CL四圍食 #CL西餐 ⚪️⚪️⚪️⚪️⚪️⚪️⚪️⚪️⚪️⚪️呢間新餐廳用嘅歐式木系風格，令人非常舒服，今次黎試吓佢嘅LUNCH SET, MAINS 全部都$100up SET要另加$15🧏🏻‍♀️💟脆炸松子盲曹魚柳配炸飯團熱辣辣新鮮整起，洛神花忌廉汁唔係好多，好在魚柳本身有醃過，就咁食都好好味👍🏻但係個敗筆位係個炸飯團🥵勁乾勁硬啲飯好似未熟咁，咬到啲牙勁攰🤦🏻‍♀️🤟🏻不負責任點評好味道🌕🌕🌕🌕🌕🌕🌑🌑🌑🌑性價比🌕🌕🌕🌕🌕🌑🌑🌑🌑🌑回頭率🌕🌕🌕🌕🌕🌑🌑🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️