許留山 (Closed)

這許留山店內環境比其他分店為大﹐坐得比較舒適﹐亦因位置比較多﹐所以行累了坐下休息一會也不會被店員怒視。 是日叫了芒椰芒果爽及咖哩小食。芒椰芒果爽- 頭幾口渴下都沒有發覺什麼問題﹐芒果鮮甜，椰汁尚算濃香,但喝下去就發覺到整杯飲品沒有什麼果汁或液體, 只有零零碎碎的果肉及大量的啫哩。 每口也要稍為咀嚼才能吞下﹐想喝東西﹐反而變了吃東西﹐不能解喝之餘﹐還越吃越口喝。咖哩小食 – 魷魚爽口﹐但魚蛋肉質有點霉﹐質素不太好﹐ 但咖哩汁味道不錯。如口喝時還是到其他店鋪喝些解喝飲品吧。

現在才留意到,原來很多甜品店在午飯時間是未開始營業的!在旺角繞了一圈最後來了許留山,曾經一度迷上撈嘢系列(都好多年前),但狂吃一輪換來體重直線上升後,這已成禁物!最近瘦返幾磅就開始身痕!雜果雪蛤楊枝金撈----各樣鮮果也不錯,芒果依然是出色!以有芒果吃的甜品店來說,質素最穩定非許留山莫屬.其實是不是雪蛤對自己來說並不重要,有興趣的是這個有金柚肉的冰凍椰汁底,及那球芒果雪葩!芒果流心----睇廣告就好吸引!實物就貨不對辦!中間只不過係有好似燉奶嘅物體,並唔會流出來.不過當做芒果布甸的話味道都唔錯.其實要計數的話,這甜品的熱量糖份加埋一定比吃幾個雪糕球更多.但係心想耐唔耐食一次之嘛,咁易肥返咩?假期後埋單計數上磅就知死!

食飽飽諗住去食番碗糖水滋潤下,咁啱附近有一間許留山,當然入去食個飯後甜品 .我就選擇左一個叫什麼燕窩燩蛋白的甜品.這個真係一個好甜好甜的甜品.我諗下次我唔會再叫呢個糖水架喇.因為實在太甜,對於我黎講,真係唔太啱吃.下次去許留山,我會選擇番我食開既龜令膏比較穩陣d.

飲得許留山d飲品多，好耐冇試過佢d小食啦~當食個宵夜啦~以前次次都食紅豆糕，尋晚去食宵夜想轉下口味，見到有新產品出，豆漿芝麻布丁，呢個配搭都幾特別喔，好似唔多見，不如就試呢個啦！$11，都幾抵喔！個布丁上面係豆漿味，下面係芝麻味，又有豆味又有芝麻嘅甜味，一雞兩尾，兩隻味襯到絕啊！如果你覺得齋食豆漿味會太寡，齋食芝麻味又太甜，甘呢款布丁就啱嗮啦，特別係我呢d唔鐘意太甜野嘅人~同埋個口感都唔錯，滑lulu好爽口，啱嗮熱天食。呢個份量，做飯後甜品啱啱好，最適合我呢d又爲食又驚肥嘅人~再俾多一粒星啦* 

好耐冇食豆腐花，突然好想食。啱啱好今日路過旺角許留山，竟然見到有新出嘅豆腐花poster，個賣相好靚，一碟豆腐花有齊3樣野，白色嘅豆腐花，黃色嘅芒果，同埋黑色嘅焦糖寒天，3隻色搭得好醒目，隔離仲有一碗雜果，非常之刺激到我嘅食欲啊！個名都好好聽，寒天•白雪。係甘熱嘅天見到呢個名，點都想試下啦！於是毫不猶疑入咗去點咗黎食。一上到黎，梗係先試下d豆腐花先啦。雖然係第一次食許留山d豆腐花，但係都有甘上下水準喔，口感好滑好嫩，又好有豆味，d豆腐感覺好新鮮。再黎係d寒天，哇，搭上d黑糖嘅甜味，一d都唔會覺得流或者太甜。跟住我就攪埋嗮d芒果汁，3樣野一齊落肚，爽呀！芒果豆腐花就試過，未試過原來寒天搭豆腐花係甘好味！再食埋嗰一碗好靚嘅雜果，簡直係一次過滿足我n個願望呀！呢個寒天白雪，抵讚！食完好飽好滿足，唔知係咪d寒天發揮作用呢，話佢係減肥食品黎架嘛，今晚可以唔使食晚飯嚕~

依家有套餐, 真係好唔錯, 33蚊兩個人share就可以食到兩只雞翼同一個芒果楊枝甘露~可能上次係第一城食左個芒之戀（芒果雪糕／多芒小丸子／芒果糯米磁），成$30，但勁細碗！今次都食番傳統野好，但係本人覺得佢個碗越黎越細喇．．．雪糕狀的芒果很冰很甜！柚子又不太苦，而芒果都相當甜呢～而瑞士雞翼都幾好，唔咸，看上去好深色，心想一定咸死，點知不錯，幾好，但嫌唔夠熱～

曾經... 許留山的芒果布甸令我食上癮, 但唔知點解, 漸漸把許留山的名字忘記, 即使開到通街都係...莫名其妙今日, 隔了很久, 再幫襯許留山, 買碗芒果有甸食, 發現原來自己唔再成日食, 係因為味道已經唔再好好, 原來, 美食會令人記起, 當味道變得平凡, 人們便會把你忘記, 係真的!布甸只有芒果味, 但已經沒有芒果肉, 而且味道仲好淡, 伴碟邊的芒果好甜, 算係挽回分數, 但失敗的椰子味雪糕, 令我食得幾辛苦, 因為這球雪糕, 有點像吃冰的感覺, 雪糕不是軟而滑的嗎?做得求其, 大抵都係品質控制不周之過..

之前去許留山買2磅裝鮮芒果布甸，要星期五、六、日先有現貨賣，平日想買都買唔到，琴日放工經過許留山，見到d宣傳牌寫住「天天供應」，我即刻打俾阿媽問佢今晚阿爸同阿妹番唔番屋企食飯，然後即刻買左個布甸番去做飯後甜品。試過咁多間嘅芒果布甸，都係覺得許留山嘅最好味！布甸質地夠軟滑，面頭鋪左好多片新鮮芒果肉(仲係即買即切嘅)，食落好新鮮，芒果又夠甜，布甸裡面都有好多芒果肉，食落啖啖都係芒果，唔似其他甜品店食嗰d芒果布甸咁少芒果肉，最緊要加埋花奶食仲滑、仲正！個布甸成2磅咁重，我地4個人食都食唔晒，推介大家下次開Party買來食，1個$52，2個都只係$88，一大班friend食超抵食！

食完小丸子之後同男友去左食許留山入面唔算好多人, 2個人可以坐大"木台"佢叫左西瓜蘆薈爽($18), 我就食左芒果椰汁黑糯米($28)西瓜蘆薈爽: 個SIZE唔知點解細過以前好多....入面係得西瓜汁冇一粒粒西瓜(好似冇芒果咁抵)芒果椰汁黑糯米: 正常SIZE, 黑糯米勁多(好滯)但椰汁就得好少...唔係連椰汁都慳嘛芒果OK, 中間雪糕好味PS: 雖然呢間許留山夠大, 座位又改善左但好似舊式個種許留山有風味D

呢間旺角分店空間夠大,有好多座位,環境舒適!唔似得其他旺角分店咁逼同嘈雜!以為食物質素應該會唔錯,點知差到極點!!超級馬虎!我明明是點左鮮雜果西米撈,, (士多啤利和蜜瓜汁底)但竟拿了個西瓜汁和蜜瓜汁底給我!!!D雜果食落超唔新鮮!士多啤利好酸,,芒果又唔甜,,西瓜又冇水!水果份量好少! 同張相既完全唔同!今餐真係好失望!,又貴! $38超唔值!埋單時送左張$8現金卷和龜苓膏優惠卷,下次惠顧許留山時絕對唔去呢間食!!

香港滿大街都是許留山，但是一直都沒試過，可能就是因爲太多的緣故。這次正好跟爸媽一起試。三人點了芒之戀：$30，真是好小好小的碗。有芒果，芒果的冰激淩，還有糯米丸子。芒果的味道不錯，糯米丸子也很彈牙。就是太貴了。椰芒蘆薈爽$18：媽媽喝的，自己試了一口。還不錯，特別是上面的一層。蘿蔔糕： 難吃，可能因爲裏面有墨魚的關係，很腥。

上星期同朋友行到攰就入許留山食野!!原隻木瓜雪蛤膏$28隻木瓜都算大ge..但係吾甜lor我留下買$10@5仲甜仲好味d雪蛤膏又少到離哂普.無口感可言我覺得$28吾抵lor.木瓜本身平.雪蛤膏又雞碎咁咖哩雜"感"$20$15食到而家$20朋友食..so far so gd la

今日跟朋友去旺角行夜街, 行了很久後, 大家都覺到有少少累及口渴, 所以選了這間甜品屋食, 其實這間甜品屋在香港開左最少二十間的分店, 在不同的地區都會見到這間甜品店, 可以知道香港人真係好喜歡食甜品。我入到店內, 點了一客什果雪蛤楊枝金撈, 其實我俾這款甜品的外表吸引去食, 七彩顏色的什果配上透明的雪蛤, 真係漂亮引人, 令人胃口大開。至於味道方面也不錯, 什錦水果包括有草莓、奇異果、哈密瓜球、西瓜球、以及芒果。味道新鮮好食, 都值得一試。

本來許留山一直給我留下不錯并且表現穩定的印象，可這次的椰芒蘆薈爽就實在有點“那個”…芒果依然鮮甜，椰汁也照例香濃，問題就在蘆薈了，完全不對路子，以啫哩的質感唬人，不如更名為『椰芒啫哩爽』算了唔，下次還是飲紅豆沙穩陣。

肥仔有幾聲咳，他買了些龜苓膏現金卷，放工後一齊去這間許留山食番碗靈芝龜苓膏清一清熱毒，這間許留山比西洋菜街及登打士街的分店大及少客一點，環境舒適一點。雖然客人不多但都是漏了箄單，再催才送上我那碗龜苓膏，加了糖漿的靈芝龜苓膏沒有太重的中藥材味，只有糖漿的甜味，就像吃一杯啫喱一般，不知有沒有藥效，入口就像吃了一碗甜品。