許留山 (Closed)

響朗豪坊食完飯唔夠飽，想食甜品不過唔想返上去１３樓滿記（４樓滿記有人食榴槤甜品嚇到我地雞飛狗走．．．）於是就去許留山食。連成日響附近經過０既朋友都唔知呢度新開左間，雖然～我都係行黎０個陣先知咋（哈）芒果糯米滋（芒果好酸，個糯米滋太凍）楊枝金露西柚撈＋雜果（我唔鐘意食楊枝金露；西柚好‘劫’）香芋小丸子＋ＸＯ蘿蔔糕餐（小丸子唔太彈牙；蘿蔔糕煎得唔香口）第１個甜品唔夠以前我響旺角某分店好食第３個甜品味道唔夠屯門新墟分店好食＊我是去朗豪坊對面分店＊

行到好累，我嚷著要吃甜品，最主要想坐下，又不想去同區的老友記，發記，嘴妙妙，石磨坊又爆客．．唯有來許留山啦。銀鞠露：略甜，不夠凍，但算解渴！蘿蔔糕：煎得不夠香口，好油膩！！有一條條的蘿蔔絲，味道不錯，加一點分吧！奇異果西米撈：奇異果較酸，奇異果冰沙好解渴，但冰沙份量多點會更好！西米幾煙"un"，淋淋地，甜甜的幾好食！整體這款甜品幾清，幾健康！來許留山要識揀，因好多款甜品都超過＄３０，可是給你吃的又不值這價錢！選＄２０以下會較郃當。

西洋菜街味千隔離分店行去家樂途中見佢七彩繽紛既出品好吸引橫掂未食飽又入去食多餐叫左是日特價鴛鴦小丸子($30)同芒果糯米磁($12)鴛鴦小丸子有芒果汁同西瓜汁做底伴埋粉粉地既小丸子口感係幾特別小丸子又唔似糯米磁d皮咁煙韌但又唔係珍珠奶茶o個d珠咁彈牙朋友仔話好好味好鍾意食但我就麻麻幸好雜果份量夠多除左士多啤梨有d酸外全部都幾甜芒果糯米磁令我有驚喜因為本身我係想食糖不甩但因為佢話要等十五分鐘先有得食唔想等改叫呢種點知原來係好好味架外皮煙煙韌韌又唔太厚中間d餡係奶黃加芒果唔太甜外賣原來有特價$20有六粒抵食好味因為呢個糯米磁先俾笑臉咋!!

想食多芒小丸子好耐o架喇.. 今次終於試到喇..一o黎到.. 賣相真係好靚呀!! d 芒果汁同個芒果粒都夠唒凍.. 又係甜.. 一d 都唔酸..而個芒果味雪糕都係頂呱呱呀!! 係咁熱o既夏天食真係透心涼呀!!不過d 小丸子就有小小硬.. 未夠稔呀.. 唔煙un.. 如果整得煙un d 就滿分o架喇..

楊枝金露撈布甸好大碗，幾好味，好多西柚；布甸都幾好味！不過我始終覺得許留山D dessert 太冰凍啦！

一向少飲許留山因為唔鐘意d用現成野加加埋埋既所謂糖水/甜品/飲品不過今次係老細買返黎請我地飲, 點敢唔領情飲左金粉水晶杯,係芒果+士多啤梨+水晶條芒果同士多啤梨都係我favourite可惜本人極怕蒟蒻果種滑"劣劣"又彈彈地牙既口感而果d「水晶條」正是...所以飲得好辛苦由於同個人偏見有關, 俾喊面好唔公平,所以俾中等啦~~

原來我係依間許留山第一個留食評既人~~食左"多芒累糯米"又唔係特別多芒果wor，不過味道都ok 既。唔好係個椰汁淡左d囉。d位都幾逼下~~

南瓜粟米湯~~~ 唔得ar~!!!送上來是凍的~~~!!!!叫人加熱la....加完熱个待應重話~~d蘿白糕係唔係你們ga~喂~!!大姐~你有眼睇ga~!!!我們已經食過ga la....地方比其他鋪大~可是勁多人(firday night)唔會再去~!!!!!!!!!!

地方比其他分店大，裝潢與其他分店都很大分別，有bar枱，枱椅都好colorful，唔係咁中國味道，都係覺得平時以中式裝潢為主適合許留山多d！食物依然幾fresh同埋ok好味，星期日夜晚唔多人，我地班朋友傾得耐耐都無問題！

記得我之前食過一次許留山既黑糯米,得個4塊芒果,黑糯米又麻麻~但今日無啦啦想食黑糯米,咁就試下多芒架啦以前係好似冇多芒既~真係好好多,有舊芒果雪糕,d芒果細粒d都好似食得多d啦,加上個黑糯米唔太甜,唔錯~

火仁加劈唔知芝麻乜野落去.對提升火仁既味道完全冇幫助, 淨飲火仁好過.

個名類似椰汁西柚西米撈~我已經唔係第一次食,$15真係抵~好似楊支金露,面頭果個芒果球好好味,值得一試~

咩燕窩爽,蘆薈爽,芒果爽,西米爽,入面全部都係一式一樣的jelly,個d阿姐搞到d單好亂,重要兇人,service好唔掂.同埋佢銅鑼灣旺角d shop好似唔係衛生,為求快趣起貨, 係正舖頭門口做drink, 你知啦, 佢間間舖都係正大街大路邊,好dirty架!!廿零蚊二杯都飲得過,不過就唔好信佢係咩燕窩蘆薈啦!!

好味!十蚊特價, 抵!仲食佐1豆漿湯丸, 清清O地淡淡O地, 三粒湯丸O岩O岩唔會飽親你, 唔想咁HEAVY都可以考慮。最大問題係呢間鋪真係好逼! 仲要旺角超多人食煙, 可唔可以有非吸煙區呀, 唔食煙又逼住同D煙民坐到咁近好辛苦呀!

海底撈野係我至愛！好正！！但係點解d 士多啤梨爛爛地？