鴻福海鮮四季火鍋 (Closed)

睇過食評先去試吓, 衛生環境果然惡劣, 但有風味個個都叫大蜆,大蝦, 我都要試吓, 叫左豬骨鍋底再加牛脷,魚扣,本地牛肉,桶蠔等等 大蜆 新鮮正$10大大隻可接受 大蝦 新鮮,不過成$50隻..值唔值呀??? 牛脷,魚扣,本地牛肉 不錯 豬骨鍋一般,無想像中咁好 總括食物品質不錯,但成三百幾蚊一位 (海鮮只叫了大蜆x4,大蝦x4,桶蠔)唔抵食, 如果未去過又唔介意衛生問題, 可以一試

老實講地方都吾清潔,但不嬲都成日去食,夏天d野就真係一般,冬天去就好食,但海鮮都好好,係蝦就真係吾抵食,,一般都要30-50蚊一隻,桶蠔一向都吾好食淋既,燒魚子燒鱔正,墨魚剌新正夠新鮮,一定要食燒蠔,番茄牛肉煱最好味,如果有鯊魚打邊爐超滑,魚滑就吾好食,咁當然一向都知那裡食飯一般都要2百多元一位,吾可以話抵食,一般打邊爐價錢..但有風味同d野真係ok...未食過要去下啦...

這店真的很難找呀, 土瓜灣已經是一個平日不會去的地方, 它這家店還更難找。因為是在窄巷內, 而且它門口附近的指示牌因為是雙面的, 但2邊所指的地點是相反的, 所以要找的朋友要小心了。這裡是火鍋與燒烤同時進行的, 喜歡那樣都可以, 很方便。而且它是用舊式的炭爐, 很有特色。最適合大伙人去的。雖然環境比較髒而且很舊. 但是感覺是很特別, 大家都是有說有笑。這裡的海鱗是比較吸引的, 而且很新鮮, 貴妃蚌, 大蜆 都非常好吃, 亦很鮮甜, 完全不用加任何調味味道已經很好。只是放在火上燒, 很方便, 而且看到它慢慢熟, 它的殼會開開合合的, 真的很新鮮。另外它的豬潤很厚很有口感, 而其他肉也很鮮甜。燒午餐肉也有一番風味。但它的黑柏葉真的比較差, 很硬, 很難咬開, 不好吃!!!而且服務也一般, 可能因為太多客人了, 他們都很忙, 有時語氣不是太好。但食物也是不錯的。

好耐之前已經想食呢間, 我最鍾意呢d好似好有風味嘅餐廳, 再加埋見到佢咁多好評...但係因為我超怕污穢, 所以1路都未實行. 今次終於嚟到喇, 我地初初果陣又叫火鍋又叫燒烤, 食左1陣已經發現燒果邊好味好多..火鍋料我地就叫左肉啦, 菜啦, 餃同埋丸...仲有烏冬燒烤就主要係食海鮮, 有蜆啦, 鮑魚啦, 蝦啦, 蠔啦, 鱔啦, 魷魚啦... d海鮮全部都好新鮮, 尤其係飽魚仔..好味... 其實我覺得如果小朋友黎呢度有少少危險, 因為我地食火鍋的時候可能個waiter放得唔好,個煲無啦啦跌落黎, 如果有小朋友走唔切就好容易整親喇.. 食物okay, 不過呢我都係覺得佢環境太嚇人, 巷仔行入去已經好驚啦....舖頭入面, toilet果d都好污穢, 好恐怖...

久別後巷火鍋半年多，今次朋友約好十多人再於周末晚來「覆桌」炭爐燒烤加火鍋。鴻福的環境無甚變更，店內是一樣的簡陋，而途經的亦是那條不討好的後巷，但今次由於時間較早，天仍未全黑，所以「恐怖感」稍遜。 根據上次經驗，我們一致認為燒烤的風味遠超火鍋，所以要求店員安排兩個炭爐作燒烤，另加一個作火鍋，以前者為主打。而為減低消費，我們盡量捨去貴價的海鮮，但大蜆、鱔圈等實在太美味，所以絕不能少。 燒烤：　 大肥蜆：大蜆肥大肉厚，一碟十多隻，直接放在炭爐上鐵網燒烤，待蜆殼開口便成。蜆肉入口鮮甜，不需另加其他調味，而且乾淨無沙，最後我們點完再點，共吃了四碟哩。 　 白鱔圈：大白鱔切成片狀鱔圈上碟，塗上少量生油便放上鐵網燒烤，注意要不時翻轉，以免燒焦，鱔肉由半透明燒至雪白帶些微焦便成。鱔圈入口外脆內軟，爽嫩可口，完全沒有腥味，還帶點炭香，灑些味椒鹽吃更覺惹味，為必吃推介之作。 　 新鮮連殼生蠔：連殼生蠔為「海鮮價」，但我們卻沒有問售價便點了。 生蠔肉沒有上次那麼大，連殼燒至稍稍乾身，入口算是綿軟，但略嫌蠔味不夠重。　 雞串：簡單把雪藏雞肉串起便是，味道不算很突出，但卻是最具燒烤風味的一道。 　 牛脷

有個朋友仔試過就介紹我地去食, 不過事先聲明環境係比較惡劣, 而且位處後巷, 怕我地冇心理準備會好驚, 於是同我地做哂心理輔導!!! 我話應該唔會咁誇呱, 最緊要係好味道, 環境唔會差到好誇O既..............點知我去拎位時由後巷行入去, 嘩~~~真係唔敢踏出第一步行入去搵啖食, 因為又黑又濕又DIRTY, 好怕突然會有D小強呀、小老鼠跑出O黎.........HEA左一陣討論左一陣, 於是同膽粗粗吸一大啖氣接近跑咁入店入面...... 嘩~~~ 好彩可以坐鋪頭入面咋, 如果坐出面我應該唔敢食~~~ 好啦, 講番D食物先~~~ 鍋底都有好多款, 有好平, $40-$50, 到比較貴O既, $80-$120, 我地叫左個醉雞鍋, 因為有埋雞食ma..............一上枱都唔錯, 用料幾足, 而且香味濃郁, 正!!!配料: 手切本地牛~$88, 黑牛葉~$38, 花膠仔~$58, 珊瑚蚌~$58, 魚麵~$38, 菜~$18...嘩~~~其實價錢已經唔太記得, 應該差不多啦~~~ 上述樣樣都好正, 最美味係本地牛同魚麵, 因為魚麵真係出奇地鮮, 配埋落個湯底到re

在openrice看見鴻福的食評 , 很想去試一下 ! GO ! 環境 : 要不是在照片中巳知環境的狀況 , 有定心理準備 , 我想很難走進這條內巷. 豬骨鍋 - 足料 , 美味 手切牛肉 - 老派式的 , 真材實料 , 有牛味 連殼蠔 - 麻麻地 芒果大蜆 - 新鮮 ! 正 ! 看著它在炭爐上慢慢打開 , 兒子很興奮 ! 鱔圈 - 燒得很脆 ! 也很扺 ! 大蝦 - 看過食評 , 要注意燒的時間, 過火就會乾身唔好食 , 要是剛好話, 會嘗到鮮甜 , 好食 ! 牛脷 - 厚切會好D lor ! 服務 - 沒有老店的串 , 很留意加炭和加湯的時候 因為我們人少(3人) , 點海鮮可以以隻數, 對方也不覺煩 , e.g. 5隻蝦會再來幫襯 ! 要是搬舖會更好 , 地面乾淨 , 地方大d會更好 !

與好友在附近見識過吃蟲蟲有多滋味之後~~任由方才有多驚喜~劇情現在才開始~~走進這無間道的冷巷之中~~時間尚早沒有客人~我們就悄悄在滴水聲走進盡頭~向燈光進發~~~走過第一舖才發覺店方還在吃飯呢~~麻煩了他們要服待沒有訂位而早來的客人~~在隔壁開了燈開了冷氣~~我們就著他們慢慢吃飯~我們再坐一坐就可以了~~順道在牆上選一選心水食材和拍拍照就可以了先餵飽相機~把周遭舊痕跡拍下來~~還有數隻小貓咪呢~~~有訂位的客人陸續前來~慢慢熱鬧起來~點了番茄薯仔牛柳粒湯底~再加一炭爐作燒烤之用~~大家都非常欣賞那用來起爐的蜂巢形大炭~易燃也耐用!食材當然離不開手切肥牛~芒果大蜆~還有蜂巢豆腐~虎蝦~新鮮帶肥的鵝腸~珊瑚蚌~牛舌~生根~~~較特別的有角螺和豬腦等~~未必人人喜歡~~無需烹煮的食材當然快到~但湯底未到~~竟然燒大蜆的同時大家也燒起牛肉來!!牛肉乾製作中?哈哈~但掃上醬汁邊燒邊反~又確實惹味~~但最令人懷念的必選戲院前的吊片~~這裡可一嘗製作滋味燒烤一方~個人還是鍾情於大蜆的鮮味~~大隻肉厚~蜆熟打開後還發現有小蟹在內~哈哈~~~吊片要邊燒邊搽豉油調味~~咸香全憑自已手勢功夫~~因為朋友就

星期六食左間極難食炭爐之後要立刻訂位食番間好野~~5個人去鴻福~走過大街﹐穿過小行~~~我地坐入面位~店子小小但好熱鬧~~我地選擇打邊爐及燒烤一齊。叫左好多野﹐但最應該食同推介的莫過於係﹕鮑魚 (當晚$20一隻)﹕超級新鮮﹗燒完之後唔好好硬食唔到~ 鮮甜﹗貴妃蚌 ($15一隻)﹕好大隻﹐一路燒見住慢慢打開好期待﹐食的時候有海水味道~好爽好鮮甜~正~ 每人encore 左一隻~~~大蜆 ( 十隻﹐大大隻只係$38一碟)﹕每一隻都有手板甘大~~燒熟後味道超級新鮮甜美~~ 好正~~美國牛﹕打邊爐用﹐好滑漏﹐唔鞋﹐肥瘦分佈均勻~~鱔骨(燒烤)﹕又係超級正﹗搽埋店提供的醬料﹐好好味~~都有一定厚度﹐唔會好薄~~好爽口~桶蠔(抵食)﹕原裝美國入口﹐途上蜜糖燒﹐變為蜜燒蠔。飲品並不貴~ around $10一支~店員們也有善﹐有個嬸嬸會好醒目會自動加炭~~今餐大滿足~~~

我本來都唔想寫架喇，但一睇到依間店有咁多好既食評，我真係無法唔同大家分享一吓我既感受。若果你自問不能適應惡劣衛生環境的話，請你不要想來這間店。這鋪子就在一條後巷內。我點選的食物味道沒有一樣令我回味或想起。但當場的環境，及飯後翌日我朋友的反應郤令我深深記往。一字記之曰，"差"大家唔信的話，可以到店鋪門外看看。祝君好運

每次想食打邊爐，首選永遠係鴻福。材料新鮮。又有多種選擇！我心愛嘅魔鬼魚湯底就真係次次都得！！yummy yummy!!食佢就已經好掂！！再用炭爐燒埋烤，大大隻竹蝦，海鮮就更正！！開懷暢飲，吹吹水。啤酒姊姊又好服侍！！次次去幫襯都開心滿足而回！！

今次係我第2次黎啦!因為上次食過覺得真係幾好食~d 料又好新鮮..同埋好掛住佢既大蝦呀!所以決定黎多次encore今次我地一行4人...都係又有打邊爐又有燒烤..但今次就坐左出冷巷..我都有d驚..勁驚見到老鼠...真係好touchwood...2次都冇見到曱甴老鼠0個d!!今次都叫左好多野食..飽到爆炸~之後好想食糖水都食唔落啦!!今次最最最值得記下既係...1. 牛爽肉: 我地食左一個叫牛爽肉既野...(個名好似咁上下)係超勁好食..好鬼爽又唔貴...好值得推介2. 魚扣: 今次亦食左魚扣..真係堅好味! 如果d人用黎送酒..真係一流勁勁勁~~3. 鱔: 燒鱔都係超好味的~d肉又爽又新鮮呢~另外要提一提既係~今次我地左右隔離都有人燒蠔..燒到個殼爆開左~2邊都係...d殼仲要飛晒過黎..勁驚嚇囉!!有邊有2個女仔0個枱..仲要燒蠔爆殼, 燒鮑魚又爆殼..d 殼殼4飛..飛埋落我個頭到!!所以,勸大家一句..炭燒的時候睇好你d "食送"呀!!

行入後巷既時候真係有d唔自在，又濕又污穢，有潔癖既人真係唔適怡黎食。食物選擇頗多，而且價錢唔算貴，又可以同時打邊爐和網燒。我地要左蕃茄湯底，幾香濃。食物質素新鮮又好味。我最鍾意食帶子，水餃，大蝦和牛肉。其餘珊瑚蚌，泥鯭，墨魚滑，蜆，雲吞，粟米，烏冬，紅腸，雞軟骨，雞尾腸，海帶，公仔麵等 … 全部都唔錯，但魷魚，牛柏葉，司奄就麻麻地。第一次食炭爐打邊爐，發覺好有風味咖，一定會再黎食。

成兩年冇黎,係最近係facebook見到人食先記得起,即刻坐言起行(其實呢個月已經第2次黎)都係黎個雙打架(即燒烤+邊爐),但主打當然係燒烤啦.我至愛係燒大蜆,我燒到7成熟就食,真係超級先甜,我地7個人叫左4碟,我一個人"park'左5隻,另外又叫左兩碟角螺,d friends話好好食,但禁止我食,因驚我胃痛,所以品嚐唔到.再叫左蠔,我唔岩,但佢地話好好食.第2至愛就係腸!腸唔係香腸個腸,而係鵝腸雞腸魚腸大腸,但D friend只準叫鵝腸&雞腸,佢地D老人家怕膽固醇...D腸真係好肥,好正,上次用燒o既方法,比D伙計制止,皆因油太多,勁出煙,今次唯有用邊爐.另一推介係白鱔圈,D人成日話薄冇口感,其實薄D易燒D,而且脆口D,我鐘意!之後都不外乎都係D肉,牛脷午餐肉雞軟骨雞亦鴨胸等等,不能盡錄....加埋大量啤酒,埋單HKD17XX,好味,而且有風味,但成身臭味(燒烤味)

在鴻福搞炭爐邊爐局,已經成為一年一度的例行儀式,大家在鬼節就燒紙,一到入冬,大家就來燒炭,如果沒有來過的話,好像欠了些甚麼.今次繼續由爐兄帶隊,沿住滿地污水,漆黑一片的陰陽路,隨時同老鼠撞個正著也不出奇,如果怕環境污糟,我奉勸你都係回到陽間罷.來到鴻福,首先要撇除環境差的心理包袱,兼且事後會惹來一身炭味.混身不自在.有些人的口唇邊,常說著什麼以食為本,試問每一次飯局,有邊一次是"齊吹唔食"?出來飯局,當然是為了吃,其實講來都多餘.當然,別人或許覺得,出來飯局要一條心去吃,話題最好圍繞食的方面,如果立場不一,便會比人話不懂欣賞,漠視主理人之心血了.是次燒炭局差不多三十人,包下內廳兩圍檯,有些朋友同我一樣,來了好幾年,亦有些朋友,第一次來感受用炭爐打邊爐的風味.老規矩,分開兩條戰線,一邊火鍋,一邊燒烤,往年鐵膽魔鬼魚湯底,今次因為沒有來貨,所以轉成鯊魚湯底,另一味是番茄湯底.前者味道不及魔鬼魚湯底的鮮甜,因為加了鹹菜,味道偏香酸一點.番茄湯底味道不夠濃,不過問題不大,滾滾下就差不多矣.湯未滾,大家先吃椒鹽魚扣,一隻魚得一隻魚扣,一碟魚扣,真係要幾十條魚才得掂.用椒鹽炒過的魚扣,爽脆惹味,大