鴻福堂

Open Now

Now Closed

天氣凍，食完飯通常會去呢間鴻福堂買碗靚湯潤一潤，真材實料又多選擇，無添加食得放心。一碗份量剛剛好，最啱平時無乜湯水既我😁每個月都有會員特價，阿姐會主動介紹湯卷😉👍，好抵我當然唔會錯過。半年有效期，少少地買定啲就剛剛好，一星期起碼有一碗湯飲下。同時仲送甜品，燒賣和飲品卷，但就好快過期。佢會有張好長既單據俾你慢慢睇😂今日去換湯既時候，店員阿姐好好人咁提醒咗，有幾張燒賣卷，甜品卷，同埋飲品卷過幾日就會到期，好心叫我換埋佢，免得浪費👍。但由於食完飯太飽，决定過兩日先換，阿姐再次好心print埋張單叫我留意住，唔好過期👍👍。以往都有幫襯其他預支式消費，但因為自己大頭蝦，經常會過期變廢紙。但呢間店員阿姐真係好好，幾次都係佢地提醒我...就係咁好既服務，先會keep住買，長飲長有👍👍

買完lunch takeaway, 因為無餐飲，所以去左附近既鴻福堂睇下有咩飲品！🤔🤔熱櫃裡見到川貝百合同川貝雪梨，我揀左川貝百合海底椰！😉😉味道不太甜，係清熱潤肺的好選擇！

今日去鴻福堂買Lunch食雖然佢有d set但見到胡椒豬肚湯就好想試下啦❤️ 呢個湯冇得跟set 唯有散買啦黑松露南瓜滑雞紅米飯 餸既份量適中 食到後面唔會覺得好dry我好鍾意既黑松露味都算幾出但係d雞肉就真係敗筆啦雞肉好乾 食落好硬 口感完全扣曬分同埋佢d飯好濕好淋 我自己就麻麻地呢種質地啦鹹酸菜胡椒豬肚湯 呢款湯湯料超多 豬肚都起碼4-5舊飲落唔算好辣既胡椒味 酸酸地幾開胃飯湯選擇都算幾多而且好方便 下次可以再買嚟試

一個人住之後真的無啖好食, 除非外出用餐, 否則一個人在家中真的懶得煮, 而湯水則更少之又少, 所以成日都會掛住老媽的靚湯。沒有老媽湯水唯有去另一個飲湯聚腳點, 始終女人有點湯水滋潤一下是相當重要, 大家都應該知道女人唔補好易老, 哈!主要認識三間較大型的連鎖賣自家湯的專門店, 包括鴻福堂、健康工房和原味之作。試過它們的湯水後, 雖然鴻福堂湯水味道較鹹, 但由於它正正開在我家附近, 再加上它大部份湯包都附湯料, 愛吃湯渣的我, 它自然成為我的首選。每一湯包有400ml, 大約有兩碗, 正好是一人份量。位於鰂魚涌這間鴻福堂分店空間尚算闊落, 開放式的大門口, 正中位是一個放湯包、自家涼茶、盅飯、小食包、糖水包的大型凍櫃。左邊設有兩張高鐵枱和高椅, 供食客坐下進食, 其實平時見大部份人都是外賣, 少數坐在這裏吃, 而我亦不例外, 始終回家坐下較舒服。右邊則是收銀處, 前方放了一些涼果和小食出售, 旁邊有一個放蒸包子和點心的熱箱, 亦有製作燒賣和茶葉蛋的煮食工具。近來它所推出的食物種類越來越多, 務求滿足不同食客的需要。加上它會按四季時節推出合適的養身湯水, 所以我必定會一開始轉季便馬上來看

早前在食友聚會中收到一份小甜點, 記得兒時才會吃的, 人大了就再沒有吃過....令人好懷念的味道!記得小時候曾在街頭阿伯手中買過一盒龍鬆糖, 看着他上拉下拉, 包來包去, 功夫了得, 因好奇下而買來試試, 但一人未能一次過把全盒吃掉, 故留待另一天才吃, 結果面層的糖絲變成石一般的硬, 從此我再沒有買過它來吃!今次收到不是即製即食的龍鬚糖, 而是由鴻福堂出品的! 看着銀色袋包裝的龍鬚糖, 突然很有衝動馬上拆開它來試試, 因為我已完完全全忘記了它的味道.....一盒共有四小粒, 體積正是一啖一口, 粒粒以白紙墊底, 相當小巧精緻。外層一絲絲白雪雪糖絲極之輕柔, 被我面前風扇一吹, 白糖絲隨風輕輕四散。糖絲入口輕柔, 迅速融在口裏, 輕輕把它咬開, 內饀稍稍跌出, 發現有香脆的花生粒、甘香的黑芝麻和碎屑的椰絲, 配合起來甜度剛好, 亦富有口感, 柔軟中帶有咬口。雖然它沒有在街頭阿伯所製的風味, 亦沒有啖啖饀料, 但亦很感謝食友給上一份令我懷念的傳統小吃! 再仔細看看包裝紙上的成分和營養標籤, 發現兩小粒才是五十四卡路里, 熱量不算高, 平時吃少許, 為生活加一點甜也不錯!

小病初愈，還是清一清腸胃比較好。天氣冷冷的，還是喝個湯暖暖身最適合走到冰櫃，看到”祛寒暖臟“，就你吧－腐竹白果胡椒豬肚湯！外加一個菜肉包湯是經常喝，菜肉包(3/10)則是第一次。外表看是不錯的，拿上手也是暖暖的，但一咬下去：算了，以後還是喝湯好了 所謂的”菜肉“就一丁點大，沒有咬口也沒有什麼味道，我寧願點饅頭。祛寒暖臟－腐竹白果胡椒豬肚湯(7/10) 當然對於鴻福堂的湯水不會寄望跟家裡煲的一樣，但一直覺得至少用料童叟無欺，白果跟豬肚是很明顯在湯料裡面的。豬肚口感好，但白果可能煮久了，過稔，腐竹味道也有，但胡椒味就稍微欠奉了，重手一點比較好。豬肚有差不多6－7塊，偶爾肚子不太餓的話這樣又一個午餐，還不錯～

　　心血來潮突然想喝火麻仁，可惜附近都沒有涼茶舖，只好到這裏買。　　這一家我已光顧過兩遍了，都是買些滋潤的涼水或涼茶。因為我喜歡火麻仁，幾乎好幾家集團式的涼茶舖的火麻仁我都試過了，獨欠這一家。　　只有支裝，而且是大瓶的，我見到瓶底有沉澱物，便知道它一定用料充足，於是我買了一瓶，要１８元，可算是貴的了。或許因為量多的關係吧。　　但有點失望的是它不夠濃，也不夠厚稠，我嫌它較淡了。我以為可以好像其他涼茶舖一樣，可以喝到種籽，以及嗅到那種火麻仁的香氣。　　至於店員的態度，實在十分親切友善，店裏總是燈火通明，乾淨清潔的，我買得十分放心。　　　　

見完客放到屋企附近想買D湯飲下,就梗係諗到呢間野呢之前未飲過,咁就簡左個花膠響螺唔知咩雞湯咁囉45蚊,都幾貴,大概1碗多D,幾似D出街飲到既湯,幾濃味幾但係渣,無野咬-O-差D野