洪記粥品 (淘大商場1期)

Open Now

Now Closed

想去超市買啲野，放工便過左黎淘大商場，見好耐無食粥，就去洪記食先。正正飯市繁忙期，店內一位難求，門口仲好多人等緊外賣添。大概等咗五分鐘左右，啱啱好有張卡位埋單，真好彩🥰⭐鹹煎餅本身想叫牛脷酥，但呢度居然有鹹煎餅，呢樣嘢食真係買少見少，好多粥舖都唔見有，見咁耐冇食過叫返一個試下先。個人覺得唔夠鹹，但芝麻好香，外表酥脆內餡煙韌，幾好食吖。⭐炒麵食粥好鍾意配返份炒麵，呢度個炒麵豉油王都幾香，再整劈辣醬真係正爆。⭐黃沙豬潤粥 & ⭐碎牛粥等咗好一陣碗粥先至嚟，上枱時熱辣辣㗎。自己點咗碗豬潤粥，粥底幾綿，豬潤超多仲塊塊厚切，一碗起碼有十塊以上喎，咁重手嘅，感覺豬潤仲多過粥🤣朋友就叫做碎牛粥，再加料鹹蛋同豬紅，童叟無欺又係勁足料呀，鹹蛋黃起曬沙，正呀🤤⭐炸兩腸最後仲有等咗超耐先到嘅炸兩腸，粥都食完份腸粉先到，一度懷疑佢漏單，哈哈，點知諗住催單份炸兩場就到咗啦。油炸鬼新鮮腸粉皮有咬口，最正係甜醬麻醬同辣醬都可以任落呀嘛，食炸兩梗係要多醬㗎啦👍⭐豆漿粥店只有豆漿同可樂兩款飲品，見有少少口喝想飲嘢就叫豆漿啦，佢呢支嗰份量好大喎，飲半支已經飽咗😅微微甜有豆香，都幾好飲喎。嘢好味又唔貴，想食粥可以嚟洪記粥品

天氣炎熱，今天以粥粉麵代替午飯，我們甫走進淘大商場，就看到新開業的「洪記粥品」，環境光亮整齊，於是便進入粥品店享用。炸兩~炸兩分大小碟供選擇，十分體貼客人需要。豉油王炒麵~炒麵份量頗多、味道還不錯，我們分享兩大碗。鮮鯪魚球生滾粥 添加鮮豬潤片~鯪魚球肉味鮮甜，軟滑中有少許彈牙口感，豬潤片咬落香脆，細嚼鮮香、有粉糯口感，我沉浸在清涼空調吃熱騰騰生滾粥，感覺非常愜意。牛肉腸粉~牛肉鮮嫩軟滑，腸粉口感柔嫩有彈性，兩者配合，美味可口。鹹煎餅~很懷舊的美食，餅面可以吃到南乳香、芝麻香和油香，却又不油膩，鹹煎餅雖然是空心，但軟綿的粉糰會吃得很飽肚呢！冰凍豆漿~樽裝冰凍豆漿有豆味，是有益消暑健康飲品。後記：粥品店街坊價錢，十分抵食。剛安座，女侍應為我們遞上一杯熱水，讓我們浸洗筷子與匙羹，給我們有小驚喜又十分窩心。

洪記粥品蝦米腸粉蝦米腸粉外觀晶瑩剔透，滑嫩嘅腸粉包裹著鮮香嘅蝦米。腸粉柔軟帶點彈牙，鮮甜滋味。搭配搭醬油，加啲芝麻，令整體風味更加突出，難怪咁受歡迎。北菇雞粥北菇雞粥湯底濃郁，米粒煮得份外綿滑。雞肉鮮嫩，香菇彈牙鮮香，加上花生蔥花提味。艇仔粥 加豬紅艇仔粥係經典嘅粥品，配料豐富，水發豬皮，免治牛肉，水發魷魚，脆炸花生。另外加入豬紅，增添口感層次感。粥底粘稠而不膩，豬紅滑嫩，令人滿足幸福。鹹肉粽鹹肉粽外皮柔韌，包裹著香氣四溢嘅填料。肥膏滋潤鮮美，蛋黃搶鏡，鹹香適中，糯米口感Q滑。跟足傳統方法，以白砂糖同豉油提味。配涷豆漿超正。炒米粉炒米粉炒得色澤帶金黃，香氣撲鼻，口感彈牙。搭配芽菜，紅蘿蔔絲等，我哋加上花生，芝麻，令層次感增加，簡單但不平凡。

本人喺早幾日夜晚嚟到買兩碗粥嘅外賣當時係18:55，到咗大約19:13覺得唔對路點解叫到B8913都未叫到我呢(本人B8905) 我知道如果即拉腸粉係會耐嘅，之前買過但我今次只係叫咗普通粥(註：唔係標榜生滾嗰隻) 其他人已經陸陸續續拎走佢哋碗粥然後我去問其中一位女士佢答我整緊㗎啦(但實際上佢係完全冇去睇過嘅)叫到B8918，忍唔住再問另一個，佢望一望我張單，今次好少少，起碼作個理由：「鯪魚球係要滾架」但都係冇幫我跟再跟住叫到B8922(重提本人係B8905)真係忍無可忍，真係驚佢入面漏咗單，呢啲嘢唔出奇的；咁我咪白等？於是乎問門口收銀嗰位四眼阿姐，阿姐非常有信心咁講：「我哋係唔會漏單架！！！生滾係耐啲架！！！」(阿姐呀！我買兩碗普通粥咋喎！)最後結果等咗差唔多半個鐘都算喇，諗住買多條油炸鬼；呢個時候頭先嗰個四眼阿姐已經黑我面 + 十分不友善的語氣，我諗係覺得我頭先追佢哋啩？覺得我騷擾咗佢哋？覺得我好 “恨” 食佢哋啲粥？其實此店由開張第一日我已經幫襯，尤記得當時個個都叫做友友善善，本人從未諗過要賓至如歸，但起碼都唔洗食碗粥都當正你係仇人？可能轉過頭佢同啲同事講又遇到西客I don’t

真係冇諗過買個外賣⋯佢錯晒，都係我受氣，只可以講而家啲阿姐真係夠晒惡🤗我都有唔啱，我買嘢嗰陣淨係同佢講要1碗碎牛粥加炸兩～佢話$54，我就拍卡俾錢；買完見到張單上有（大），我先至發現原來個炸兩係有分大細⋯⋯如果有大細分，我又淨係嗌一碗粥，其實佢係咪應該都問一問係要大定細呢？定係市道唔好，賺得$5就$5？原本以為故事完咗，點知我等咗15分鐘呢兩樣嘢都未到，但係單號碼喺我10個位後面嗰啲都已經攞晒啦⋯⋯於是我就行埋去問佢，請問呢張單有未？佢望都冇望我就話枱上面有就有冇就冇我：張枱喺我嚟之前已經冇嘢佢：你有你咪攞囉！冇就冇㗎啦⋯⋯我：你見到張枱上面有嘢食咩？佢：冇咁你就等啦（其實我一直都冇見過佢擺外賣上嗰張枱）然後我如是者，我再等多10分鐘我見到佢哋出餐位 係有我要嗰兩樣嘢，都好耐㗎啦～咁我就問另外一個出外賣俾後我十幾個單號碼客人嘅人：請問呢張單係咪漏單？佢見到，就開始扮嘢話你碗粥出咗嚟好耐㗎啦，係冇炸兩住（但當時出餐位起碼有三盒炸兩，我亦都睇住佢出咗起碼兩個堂食嘅炸兩），我問佢咁你枱面上面嗰幾盒係？——其實我個餐得咗好耐，係佢哋漏單！咁等咩呢？我又買嗰刻已經企喺度等等咗咁耐，難道睇唔到？希

這天晚上我約了家人在淘大吃晚飯，經過網上的推薦，我們便決定來到這間粥店試一試，店內環境明亮和清潔衛生，店內是坐滿的，門外要排隊等候入座，買外賣的客人也不少，證明食物質素應該非常不錯鮮鯇魚腩粥($31)鯇魚腩十分鮮甜，十分嫩滑細密，份量十分多，而且無骨，非常適合老人和小孩食用，粥，有用鹽調味，用蔥粒灑面狀元及第粥($45)豬心稔香軟彈，豬潤軟彈煙靭，豬粉腸稠密緻滑，粥細緻綿化，蔥粒做點綴，十分足料大炸兩($21)粉腸皮十分嫩滑，油炸鬼十分脆口，非常新鮮，配上甜醬，豉油，麻醬，份量非常多牛脷酥($10)牛脷酥外脆內軟，十分新鮮豆漿($10)豆漿味道恰到好處，不會太甜整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇十分多，價錢相對合理，而店員亦有良好的服務態度和積極，所以我認為這間餐廳是值得再去惠顧

食過一次就愛上嘅粥店，粥底綿滑好味，好多餡料都有水準，推介～🥣鯇魚腩豬潤粥鐘意呢到魚腩，啖啖肉又滑，豬膶同出面有啲唔同，口感滑啲無咁鞋口，又濃味🥣艇仔粥今次加埋生菜、粟米，點知變咗杰撻撻咁😅勁多料，仲有本身嘅魷魚、牛肉碎等，好豐富🥢蔥花炸兩腸粉食過一次覺得超正，入面嘅油炸鬼好脆好香口不油膩，好好食😋加埋豉油、麻醬、甜醬超正😋🥛豆漿微甜好飲🚩洪記粥品 (淘大商場1期) (九龍灣) 📍九龍灣牛頭角道77號淘大商場1期地下G81-82及G96-97號舖

下午時間冇咩人流 嗌咗炸兩炸兩等咗一段時間但放到凍冰冰以及變硬 很難食職員三人站在餐廳中央大聲聊天及討論邊個係西客以及講同事壞話 其中一位年紀較大女職員講嘢非常大聲 不斷討論邊啲人係西客以及講同事嘅壞話 又話呢區啲人精神有啲問題 已經瞄咗佢哋幾次都係繼續講講講唔停 餐廳只有數台客人 職員不斷說話嚴重影響食客食飯的心情 客人非常安靜及禮貌反而職員的嘈吵導致環境惡劣

除咗病之外，平時一定唔會食嘅就係粥但試過呢間嘅豬潤粥之後，會為咗佢嘅豬潤而嚟食😍😍😍每次坐係到食都一定見到10個客有8個客都係食豬潤粥👍🏻👍🏻👍🏻每次都係8大件豬潤‼️‼️‼️豬潤厚身‼️爽❗️脆❗️淋❗️滑❗️每一塊都勁彈牙‼️冇豬膶嘅腥味👍🏻處理得非常乾淨👍🏻好少地方有咁好食又足料‼️其他分店就未試過🤭但係呢間每次keep到好好食👍🏻油炸鬼都好脆好乾身👍🏻👍🏻👍🏻

平時唔食早餐嘅我，今日唔知點解一起身特別肚餓，可能天氣涼左嘅關係，特別容易肚餓‼️食碗生滾粥暖暖胃最好「鮮鯇魚腩生滾粥」唔多粥店有得食鮮鯇魚腩，呢度有一定唔可以錯過首先要讚一讚份量何其多，起碼有3、4舊，薑蔥好足夠，完全唔會有腥味而且粥底好夠綿，唔怪之得咁多街坊都嚟食‼️「北菇滑雞生滾粥」雞件好入味，但又唔會太咸，食左兩款粥，都好高質～～「韮黃鮮蝦腸」3整條腸份切開左6份，每一份都有完整一隻蝦蝦隻好夠爽，通透嘅腸粉皮亦夠薄，一夾起已經feel到腸粉軟滑有彈性

寶寶平時鐘意食粥，清清地，暖吓個胃寶寶發現洪記粥品全天候供應粥品真係超開心🥳豬心粥唔喺度度都有，所以叫咗碗嚟食豬心口感彈牙鮮甜🍲早排瞓得唔係幾好，聽講食豬心粥可以治失眠，所以就試吓啦炸兩腸粉夠大份$21有三條炸兩份量，夠晒足腸粉皮薄炸兩夠脆，落埋豉油同勁多麻醬勁好味😋佢哋個豬膶腸粉皮夠煙靭豬潤新鮮彈牙好味😋豉油皇炒麵麵質夠乾身彈牙，鹹度適中，是爽滑彈牙的惹味炒麵。佢哋嘅油器都係$10件，其實都好抵

一向鐘意食粥，但天氣太熱就冇食啦，早兩日對我嚟講涼咗啲，就去食淘大嘅間洪記粥品🥣鯇魚腩豬潤粥兩侽餸我都超鐘意，魚腩啖啖肉又滑，魚腩位魚油香十足；豬膶好大塊，好濃味；必加皮蛋🫶🏻粥底超正好綿又好夠味，超鐘意😋食晒成碗🤤🥣艇仔粥一樣好食多料，有魷魚、花生、碎牛、豬肚，正🥢蝦米炸兩腸粉本身想食炸兩，又想食蝦米腸，點知見到呢個mix version就要呢個，食一啖，哇好好食😋又香，炸兩勁脆好好食，落埋豉油麻醬一流🥛豆漿微甜好飲🚩洪記粥品 (淘大商場1期) (九龍灣) 📍九龍灣牛頭角道77號淘大商場1期地下G81-82及G96-97號舖

想清腸胃，今晚去左洪記粥品食粥 黃沙豬膶粥豬膶真係處理得啱啱好，唔會過火，仲保持住嫩滑嘅口感，完全冇半點腥味。粥底煲得超級綿滑，米香濃郁，豬膶嘅鮮甜味同粥底嘅清香好夾，每一啖都令人回味。 鹹肉糭，鹹香味，糯米軟糯又唔會過黏，鹹肉嘅味道滲入每一粒米，食落去好滿足。炒麵炒得乾爽，配埋啲豆芽同蔥，調味剛好，食落去好滿足。狀元及第粥內裡有肉丸、豬肝、豬心同豬腸，肉丸煮得好彈牙，充滿肉汁，豬肝同豬心仲保持住嫩滑嘅質感，每一樣內臟都煮到啱啱好，完全唔會過熟。食落去每一啖都有唔同嘅口感同味道。 食粥點少得配油條。我哋叫咗一條，炸得香脆但唔會太油，蘸住粥嚟食，真係一絕。豆漿豆味濃郁，唔會太甜，飲落去好順口，正好清一清口腔。

星期日放假落街想食得清清地，見到淘大呢間粥品好受街坊歡迎，午餐繁忙時間唔少人叫外賣，堂食都要等位，不過好快就有位啦。炸兩腸 (細) $16油炸鬼色澤金黃誘人，外酥內嫩，咬落去非常酥脆，外層包住薄薄嘅腸粉，口感豐富。叉燒腸 $21腸粉米味香濃，包住裡面滿滿嘅叉燒粒，另外有豉油提味，係不錯嘅咸點。生滾粥 - 鮮鯇魚腩粥 $45細滑綿滑嘅粥底配新鮮嘅鯇魚腩，鮮味十足。鯇魚腩非常肥美，好嫩滑。有薑絲癖去魚腥味，再落少許胡椒粉提鮮。生滾粥 - 窩蛋鮮牛粥 $45粥底同樣柔滑細膩，鮮牛肉鮮嫩，窩蛋更為粥品增添了豐厚蛋香。粥底多左份肉味更鮮美滋味，溫潤滑順。豆漿 $10夏日炎炎食熱辣辣嘅粥品，梗係要配番杯凍豆漿。濃濃的豆香清甜可口，非常解暑。

今日週末放假，約咗朋友去九龍灣行下，行下行下行咗去淘大花園，入口見到間粥店，我同朋友都想食粥，一於入去食午餐。洪記粥品，餐廳光猛乾淨，座位大部份都係卡座，坐得舒服，冷氣夠凍，就算夏天食熱辣辣嘅粥都唔會覺得熱。手打肉丸粥加半隻皮蛋：粥底口感綿密，肉丸新鮮彈牙，加皮蛋更添美味。艇仔粥（走牛肉）：豐富材料有魷魚、豬肉、炸豬皮、花生等，粥底綿滑，味道鮮甜，爽脆軟滑多重口感。豬紅粥：豬紅滑溜，份量都不少，粥底綿滑，加葱花、薑絲可以提升香味！豉油皇炒麵：麵質乾身彈牙，鹹度適中，是爽滑彈牙的惹味炒麵。蝦米腸口感軟滑，配上蝦米和特製的甜豉油，味道清新之餘亦帶點鹹香，枱上還有多款醬汁，客人可隨意添加，增添味道。油條又酥又脆，配粥食一流！