Video
Read full review
2024-09-28
451 views
想去超市買啲野，放工便過左黎淘大商場，見好耐無食粥，就去洪記食先。正正飯市繁忙期，店內一位難求，門口仲好多人等緊外賣添。大概等咗五分鐘左右，啱啱好有張卡位埋單，真好彩🥰⭐鹹煎餅本身想叫牛脷酥，但呢度居然有鹹煎餅，呢樣嘢食真係買少見少，好多粥舖都唔見有，見咁耐冇食過叫返一個試下先。個人覺得唔夠鹹，但芝麻好香，外表酥脆內餡煙韌，幾好食吖。⭐炒麵食粥好鍾意配返份炒麵，呢度個炒麵豉油王都幾香，再整劈辣醬真係正爆。⭐黃沙豬潤粥 & ⭐碎牛粥等咗好一陣碗粥先至嚟，上枱時熱辣辣㗎。自己點咗碗豬潤粥，粥底幾綿，豬潤超多仲塊塊厚切，一碗起碼有十塊以上喎，咁重手嘅，感覺豬潤仲多過粥🤣朋友就叫做碎牛粥，再加料鹹蛋同豬紅，童叟無欺又係勁足料呀，鹹蛋黃起曬沙，正呀🤤⭐炸兩腸最後仲有等咗超耐先到嘅炸兩腸，粥都食完份腸粉先到，一度懷疑佢漏單，哈哈，點知諗住催單份炸兩場就到咗啦。油炸鬼新鮮腸粉皮有咬口，最正係甜醬麻醬同辣醬都可以任落呀嘛，食炸兩梗係要多醬㗎啦👍⭐豆漿粥店只有豆漿同可樂兩款飲品，見有少少口喝想飲嘢就叫豆漿啦，佢呢支嗰份量好大喎，飲半支已經飽咗😅微微甜有豆香，都幾好飲喎。嘢好味又唔貴，想食粥可以嚟洪記粥品
正正飯市繁忙期，店內一位難求，門口仲好多人等緊外賣添。大概等咗五分鐘左右，啱啱好有張卡位埋單，真好彩🥰
⭐鹹煎餅
本身想叫牛脷酥，但呢度居然有鹹煎餅，呢樣嘢食真係買少見少，好多粥舖都唔見有，見咁耐冇食過叫返一個試下先。個人覺得唔夠鹹，但芝麻好香，外表酥脆內餡煙韌，幾好食吖。
⭐炒麵
食粥好鍾意配返份炒麵，呢度個炒麵豉油王都幾香，再整劈辣醬真係正爆。
⭐黃沙豬潤粥 & ⭐碎牛粥
等咗好一陣碗粥先至嚟，上枱時熱辣辣㗎。自己點咗碗豬潤粥，粥底幾綿，豬潤超多仲塊塊厚切，一碗起碼有十塊以上喎，咁重手嘅，感覺豬潤仲多過粥🤣朋友就叫做碎牛粥，再加料鹹蛋同豬紅，童叟無欺又係勁足料呀，鹹蛋黃起曬沙，正呀🤤
⭐炸兩腸
最後仲有等咗超耐先到嘅炸兩腸，粥都食完份腸粉先到，一度懷疑佢漏單，哈哈，點知諗住催單份炸兩場就到咗啦。油炸鬼新鮮腸粉皮有咬口，最正係甜醬麻醬同辣醬都可以任落呀嘛，食炸兩梗係要多醬㗎啦👍
⭐豆漿
粥店只有豆漿同可樂兩款飲品，見有少少口喝想飲嘢就叫豆漿啦，佢呢支嗰份量好大喎，飲半支已經飽咗😅微微甜有豆香，都幾好飲喎。
嘢好味又唔貴，想食粥可以嚟洪記粥品。
Post
