紅伶飯店

Open Now

Now Closed

有個為食兼嘴刁嘅朋友話一講羊腩煲其中一間別是嘅就係呢一間位於油麻地內街嘅潮州打冷店，今日終於有機會試到。因為得三個人所以原本諗住要個細嘅羊腩煲，點知夥計哥哥話我哋三個都咁大隻，叫個大羊腩煲啦，其實細羊腩煲$398大羊腩煲只係貴$100，見夥計哥哥咁有誠意而且都係有高人推介，我哋三個決定要個大羊腩煲。個羊腩煲好快已經到咗，應該係預先整好然後雪住佢有客叫就即刻攞出嚟雖然滾翻起要一段時間，不過比起平時食到嘅羊腩，呢個似乎入味啲，個鍋好大，可惜幅相顯示唔到佢嘅震撼度，入面亦都係好多羊腩，我哋三個夾極都有，夥計哥哥仲話呢個係潮州食羊腩煲，入面基本上都係羊腩，冇其他配料，所以好足料，羊腩多到爆，真係好食。

係呢排個個都話香港好難清嘅時間，竟然喺朋友約嘅呢間打冷度，發現咗罕見嘅人龍，入到去餐廳裏面超級多人，超級熱鬧勁有氣氛！好興奮，咁樣點咗佢一堆嘅招牌菜，發現真係樣樣都好好食，亦都感謝朋友請客，所以可以有機會成個Menu叫咗一次！特別推薦所有椒鹽類、冰鎮芥末墨魚片（超超超好食）總之見到Menu有咩就嗌啦，全部都好食

食物非常普通，只係一般打冷，冇話特別好食而且有啲又太鹹，有啲又唔入味可能太高期望所以對於食物有些少失望致命傷係服務態度，員工態度極度惡劣，二樓一男一女員工十分冇禮貌。我地好聲好氣講嘢，點知佢地就比說話我地聽。男職員同女職員當著我地面喺我地隔離話：「乜今日啲客嘅質素都咁差」之後成餐飯一直被西面，攞幾對筷子都藐嘴藐視，簡直俾錢貼難受👎🏻👎🏻 已blacklist，以後唔會再幫襯🙅🏻‍♀️希望大家唔好中伏

今次小聚由朋友發辦，試下呢間地道既潮州打冷，未入去係門口已經見到好多人排隊，好在朋友已經book左位第一次黎，朋友話呢個芥辣墨魚必食，果然係爽口彈牙又鮮甜，真係一塊接一塊停唔到炸生蠔都好好食，點埋呢個避風塘醬汁真係very good另一個朋友介紹必食既係呢個滷水鵝肝，呢個鵝肝滷得好入味，鵝肝味好濃，點埋呢個椒麻汁平衡返個油膩感，朋友們怕肥都係一件就夠，我就接住食左三件😂😂真係好好味我地叫晒野之際伙記好熱情推介羊腩煲，叫左個細碼既，一上檯好香羊味飄出，羊腩少少騷但ok，風味十足，食到咁上下想話加d湯，伙記竟然教我地叫枝啤酒加落去如果加水就會沖淡左，加湯就會愈食愈咸，啤酒唔影響濃淡仲會多左陣麥味，講到好有道理咁，於是我地又試下，感覺都ok喎😂呢餐食得好滿足，有下次

一間坐去油麻地幾出名的打冷今次係朋友介紹而去的原來都經歷咗好多年 係一直都未試過食小菜一般都會叫椒鹽九肚魚發現而家很多地方的蠔餅都不是這麼脆好在這間仍然都是脆脆的陣間打冷都值得試試

第一次嚟呢間位於油麻地嘅潮州打冷。喺油麻地地鐵站C出口附近。今次試咗好多菜式。大部份都好好味👍。椒鹽九肚魚、炸生蠔、煎蠔餅，全部都好香口好好味。滷水鵝、小炒王都好好味😋同一大班朋友，去食潮州打冷，就最好不過。可以叫好多野食。又可以飲下啤酒傾吓偈。甜品我哋叫咗焦糖反沙芋。反沙芋我就食得多，但係呢一隻焦糖反沙芋我就真係第一次試。好特別！同平時食嗰隻反沙芋一樣咁好味。我個人就好鍾意一大班人去打冷食飯。餸菜好味之餘，又夠經濟實惠。不過地方環境就唔會太舒服。

味道沒有特別好吃，聲稱打冷/潮洲的店最基本必要的滷水，做得不好，食材本來不入味，只靠外面的滷水醬油，失望！整體上所有餸菜還好，但服務態度足以令人卻步。每人桌上均有一個杯子，但是我們已經用咗喝熱茶，隨後點餐叫啤酒，問店員取杯子喝啤酒，那個年輕曲髮男店員一句「你哋飲晒佢囉～（指在喝茶的杯）」真莫名其妙！！！即是我們把茶喝完，但杯子是熱的，用來喝啤酒感覺好嗎？隨後，我們問另一位女店員，她爽快就給了。然後，安排到最入的走廊，非常擠逼，所以店員會叫客人把袋子放在石壆上。偶爾牆身有小強🪳走過，進吃的過程，常常觀察會否有小強入到我袋。一間餐廳即使更好吃，但存在一位態度輕浮無禮的店員，簡直是老鼠屎。

平時見好多人排隊道諗住試下 一開頭入到去見都唔平應該有質素看咁多人排隊，叫左3個餸 ， 豉椒炒蜆，蠔餅同乳鴿（廚師推介）,之後好快充黎左第一碟 豉椒炒蜆 粒粒都係沙 開頭仲以為自己唔好彩 點知真係無粒無沙 大佬點食，間直浪費食物 無心機煮唔好寫上餐牌啦。不過一間餐廳咁多人排隊應該都有佢好食既野，咁放長雙眼睇睇佢咩料，第2道菜係瘦到既乳鴿～完。最後蠔餅都大份 正正常常。興幸自己無再加送，食左45mins都無就散水。環境唔得正常都食物ok，咩都唔ok仲可以咁多人排隊比讚，真係做好少少會死咩，3送飯都本得有心機過你間餐廳，本人平時都好少寫食評，希望唔好再有人中服，附近好多選擇～

這份鮮魷片很新鮮，魷魚質地鮮嫩，口感彈牙。點上芥末豉油帶來豐富的口感和風味。接下來是滷水鵝片。這道滷水鵝片切得薄而鮮嫩，入口即化。鵝肉滷得入味，外酥內嫩，肉質鮮美。滷汁的香味與鵝肉完美結合，帶來豐富的口感和濃郁的滷味。滷水拼盤是一道將多種滷水食材組合在一起的拼盤。這份拼盤包括了紅腸、墨魚、鵝腸等多種滷水食材。每一種食材都被滷得入味，口感豐富。這份滷水拼盤提供了多種滷水食材的選擇，滿足了不同口味的需求。最後是椒鹽九肚魚。這道九肚魚滷得酥脆，外層包裹著椒鹽的香氣。九肚魚肉質鮮嫩，搭配椒鹽的調味，帶來了獨特的口感和風味。它是一道鮮美的小吃，非常適合作為陪伴飯菜的副菜。總的來說，這份滷水食物包括鮮魷魚、滷水鵝片、滷水拼盤和椒鹽九肚魚。每一道菜都滷得入味，味道鮮美。無論是單點還是一起品嚐，這些滷水食物都是非常值得推薦的。

宵夜好去處有日同男朋友好夜先見面，深夜10點想搵個地方食飯，去商場都關門啦😂 好彩附近有間潮洲打冷仲開親🥹試完又幾驚喜- 鹵水拼盤有鵝片、紅腸、鵝腸、鹵水蛋、魷魚真係搵唔到地方食飯，本以為會中伏，味道竟然幾驚喜！嘢滷水好入味～- 蝦乾小炒王係我個人好鍾意食嘅一道菜，腰果同蝦乾炒得好香，男朋友唔太鍾意食菜，我一個人包晒啦🙈😂味道：🌟🌟🌟🌟環境：🌟🌟🌟服務：🌟🌟🌟性價比：🌟🌟🌟🌟

好耐都無食打冷啦，一定要有啤酒！兩個人，唔點主食，4餸1啤，好飽！。🦑『滷水什錦』 $139普通滷水什錦係跟辣椒油，但係我自己覺得點白醋好味啲！🦪『馳名煎蠔餅』 $86有兩件，隔籬枱見到即刻嗌；入邊啲號都幾大粒！🐟『椒鹽九肚魚』 $109🥬『蒜蓉炒時菜(芥蘭)』$89🍺『朝日啤酒Asahi』 $33。📍 紅伶飯店 (油麻地)油麻地砵蘭街10-16號宜發大廈地下D及E號舖。大食時間：Aug 2023好味指數：🌕🌕🌕🌕🌑回味指數：🌕🌕🌕🌕🌑

29/7/2023Birthday dinner continues 晚上去油麻地 紅伶 食潮州菜叫咗：鹵水鵝片：份量多，鹵水鹵得入味，啖啖肉 (所以我鍾意食鵝片多過鵝件）冰鎮墨魚：呢個超好食，墨魚勁爽口，唔點嘢都覺得有墨魚本身嘅鮮味。豉椒炒蜆：炒得夠火喉，分量多椒鹽鮮魷：夠香口，呢個都係必點煎蠔餅：一上枱有啲嚇親，有成兩大塊，新鮮熱辣炸起。感覺上蠔仔飽滿，炸粉薄，唔會食到成口粉，唔會好油膩，食幾多都得。蠔仔粥：呢個反而失望咗少少，蠔仔好少，味道一般。豉油王炒麵：炒得夠乾身，好味馬拉盞通菜：好吃滿足😋預咗坐得唔太舒服，因為都係坐摺凳，不過呢啲就係大排檔風味。

本身係打算去油麻地食第二間餐廳 點知間餐廳星期一原來唔開🫠於是諗起紅伶飯店之前食過一次 覺得不過不失所以諗住再幫襯去到竟然唔洗等位 但人流keep住出出入入因為我地得兩個人 所以只係叫左三樣野鵝片 💰149有豆腐墊底滷水味係唔錯 可惜鵝肉超肥 肥到食完一件後要切走啲肥膏先食到 (本人唔係懶係健康嘅人 但都食唔到)蠔仔肉碎粥 💰79食到最後先到嘅野店員話得一個煲 所以要等蠔仔都幾大粒 最好食係依樣椒鹽鮮魷💰119炸粉有小小多 鮮魷偏細對唔起依個價錢 今次係第二次食 應該唔會有第三次😹😹

- ¨̮♡︎ My cousin's girlfriend is visiting HK for the first time so we decided to bring her to a local authentic dai pai dong for dinner. Knew that this place is famous for its chiu chow cuisine and has over 50 years history, we quickly reserved a table. It was a thursday night and we arrived at 1900, restaurant was already packed with diners. There're 2 storey and we were assigned to a table upstairs. Be careful when you walk cuz the floor is very sticky and slippery!Staff here are quick and effic

19:30都未夠，已經冇晒鵝片🥲要加錢食上庄切片…因為價錢out of expectation所以我哋轉咗叫<<滷水豬腩肉>>($120)諗住食打冷嘢~~一定要叫滷水🙃可惜…佢啲豬腩肉…肥得過份…我一啖都冇試到，淨係食咗豆腐~都幾入味👏🏻講起豆腐，我同好多人一樣，都鍾意食<<黃金豆腐>>($89)貪佢細細粒~外脆內軟滑捋捋!但呢碟真係大失望呀😑我頂籠食兩嚿就棄喇!覺得佢又唔脆皮，入面又唔滑，嘥晒我d quota😪好彩潮州打冷另外兩樣必食items都介乎「唔錯」至「出色」٩(˃̶͈̀௰˂̶͈́)و.出色嘅<<韮菜豬紅>>($80)真係令我食完呢餐都回味咗幾日💯有圖有真相😌睇啲汁嘅色水都知佢有幾濃😳(帶微辣)豬紅冇渣而且超入味!口感好似鴨血~煙韌嘅外皮嚼感過癮🤤.韮菜亦都煮得合時，唔會過老！不過估唔到韮菜份量咁少🤔通常墊底貨好多𠺢嘛😌🤭🤭<<蠔仔肉碎粥>>有分三個size~~中size可以分到5-6碗左右，適合4-6人食🙂蠔仔好大粒! $79 嚟講都抵食😋如果可以俾啲匙羹我哋