洪運正宗圍村盆菜 (Virtual Shop)

Open Now

Now Closed

今晚家宴不一樣，試咗這間洪運嘅鎮店鮑魚盆菜皇，👑真係正！開箱瞬間，個咸蛋煎大蝦香氣四溢，搞到整間屋企都飄曳住誘人嘅鮮味。揀起嚟嘅鮑魚，個個大隻，肉厚多汁，另外仲有金蠔、堯柱，每樣材料都講究啊！𧕺豬肉特別過癮，肥瘦相間嘅滋味真係齒頰留香。豬皮啫喱啫喱嘅口感，支竹同冬菇爽口得嚟又吸晒汁，相得益彰。啲雞鴨肉雖然係標準發揮，但佢哋嘅湯汁亦都好味道，增添咗整體嘅食慾。總之，洪運嘅盆菜，就算係屋企都感覺到一份濃濃嘅年節氣氛，又唔使太費事。一家人圍住食盆菜，開心又滿足，真係食得咁開心又暖笠笠，今次食完，肯定記得住呢個味道。🍲😋

盆菜，好味道，材料夠多。送貨個位叔叔又好禮貌又交帶👍🏻👍🏻真材實料叫一個都送貨，無得頂！叫左一個8-11人既，份量一定超過11人份量送貨又準時，有責任感，值得推介！

本身諗住年三十晚偷下懶，唔煮飯，就叫下盆菜試試，不過對於呢兜盆菜就有啲失望，首先講下啲食材，淨係得個鹹蛋黃大蝦係超水準，基本上隻隻蝦都有大量鹹蛋黃痴係上面，食到Lam Lam 脷。另外其他食材一般般甚至係不予置評。例如啲鴨肉有好大浸羶味，我甚至懷疑佢係斬埋個鴨屎忽俾我地食，搞到成兜盆菜有羶味。蘿蔔就好鬼死老，好多渣，我懷疑佢啲蘿蔔係不合時宜。花膠就好淋，雖然呢個唔算係一個缺點，不過就比較難夾。總體而言，我唔會再叫呢間啊！！！BYE

今年新年準備食盆菜喺盆菜排行榜見到呢間推薦喺17號訂咗一個試菜喺Whatsapp落左單 收貨個日我都有打電話確認有冇單大約5點收到司機電話落樓取盆菜取貨時無諗到個盆菜係咁重手連埋湯連我一個男人都感到吃力 番到屋企打開盆菜 份量足料食物排列方式都好靚食物方面鮑魚螺片入味蠔唔係金蠔而係原味 如有金蠔會加分鹹蛋炸蝦酥脆香口 食到我手指都lam埋 海參唔腥 都易入口腩肉半肥瘦 炆得入味枝竹冬菇豬皮 特點不大 同入味買左套餐配燉湯 有明顯魚湯鮮味 湯入面有花膠 份量都分到有一人一碗見其他食評提過原本沒有另配汁 特意落單時要求但後來司機忘記俾我 好在盆菜內汁都足夠 如果唔係只能加水了價錢大約$3000會再幫襯 推薦的

傳統節日海味盆菜的食評：啲蝦唔新鮮、啲蝦肉霉嘅、啲雞柴嘅、腩肉冇味、豬羶味極重、發菜、枝竹、蘿蔔、冬菇都有酸醙味，加一pat咖哩醬味道，一啲圍村風味都冇。原本話3點至6點送到，結果6點十分先送到，如果10分係滿分，我會畀3分，完全唔係果回事，求其到爆!!!!!!!!!!!!!!!!!!!!!!!!!!!!!!

今年係頹廢既一年 學下人打食評 同個的士司機交收既 都幾新奇 問多句個司機同我講有成隊的士車隊賣相都靚既不過打開時飽魚放不穩跌咗一隻落台 為左影相幫你執翻啦老闆🤫味道方面(揀我鐘意既講，本人較挑食食肉獸一個sorry)腩肉我諗係盆菜靈魂？係好吸引份量都幾多 個南醬味道好出 我媽就好鐘意😂話有舊時味道魷魚係爽口既 沾左盆菜汁 口感幾好 不過比較分散 不太覺眼雞鴨味道無特別 不過鴨皮係脆的應該剛出爐鮑魚同瑤柱我都無份食食完鴨已發現無曬 慘咸蛋蝦新潮野 脆皮有咸蛋咸香 好食得黎有罪惡感汁不太夠 初食都夠 後尾一路滾食要加水 減了味道 同家人討論佢哋話之前食過另一間 呢間賣相比較靚 今年係疏遠嘅一年 聚起來在家圍爐 忘掉不開心既事 中秋快樂 食家們

大年初五好友團聚拜年，今次要應節叫返d有質數同正宗嘅盆菜喺屋企食。揀咗個中價嘅14人份量盆菜，收貨時...嘩...好大盆好重好足料，又鮑魚．花膠．海參．大蝦嘅貴價食材。重點係湯汁好正好濃郁，以後新年盆菜一定係洪運👍🏻

新年比較喜歡食盆菜，貪佢比較喜慶，同埋唔使喺屋企要煮嘢食。幫襯咗洪運盆菜好多年， 估唔到今年質素差咗咁多諗諗下，都係要嚟呢度寫返個食評， 提醒大家要小心選擇。盆菜好像980蚊， 普通傳統盆菜。 雖然係最平嗰隻盆菜， 但係之前咁多年都係非常ok。但今年份量比起上兩年少得可憐冇諗過會突然之間差咗咁多。當初都係人哋推介呢間盆菜，我哋最少都幫襯咗六七年。上年都係正正常常嘅一個盆菜，雖然質素差咗， 但係份量都算叫做ok。今年真係唔知發生咩事， 分量少咗起碼30至40%。 雞鴨只係得 每樣兩件圖入面嗰兩張相， 係啱啱一開錫紙擺埋啲蝦上去， 成個盆菜就係得咁多嘢。鯪魚球手打肉丸嗰啲， 已經變咗做墨魚丸。而且其他餸菜嘅食味，同之前畀亦都差咗好多。我都預咗佢未必會出我呢個食評， 因為見到佢有喺openrice賣廣告。第一幅圖係上年的，同樣 傳統盆菜最細嗰款。 圖二、三，今年 傳統盆菜最細嗰款。旁邊嗰罐鮑魚係我自己另外買嘅。

前日(5-2-2019 Tue)大年初一,必定係全家人返o黎拜年o既日子,由於唔想新年都辛苦煮o野食,於是上網搵盆菜,搵到呢間.所以o係24-1-2019 (Thur)訂,決定要$1,288.00供o既傳統節日海味盆菜,材料有:1.游水新鮮海蝦變o左鹹蛋黃煎蝦有11隻,大大隻亦唔霉.味道: 3.5分2.紅燒燴海螺件口感有啲似鮑魚,味道唔濃.味道: 3分3.鮑汁燴乾瑤柱唔多,亦冇乜味.味道: 2.8分4.香煎本地金蠔(由年廿八晚至初六期間,改為金華火腿雞湯扣金蠔)都有11隻,味道正常.味道: 3.5分5. 高湯蒸髮菜都幾入味.味道: 3分6.手打花枝球Size正常,爽口,幾足料. 味道: 5分7.圍村鹽焗雞雞味濃,但如果話係鹽焗o既話就唔多夠,可能啲鹹味跌晒落湯o度卦.味道: 4.8分8.陳年鹵水鴨味道都係清淡.味道: 2.8分9.招牌炆腩肉好多,又大大舊,但味道夠同夠腍.味道: 5分10.蠔皇靚花菇正常冇問題.味道: 3分11.特選爽魚蛋係爽口,唔錯.味道: 4.7 分12.南醬煮豬皮口感適中又入味. 味道: 5 分13.肉汁燜枝竹大大條,同樣夠腍同入味.味道: 4.5 分14.雞湯煮

2018年12月22日和家人在港島區的家做冬，首次選擇了洪運盆菜（小盆，$988），本來見到有少許負評而猶豫，最後都決定嘗試，結果是，由可以透過Whatsapp下訂，這點好處是大家「白紙黑字」看到order詳情不會誤會，至職員回覆亦responsive。到22日當天仍然緊張，下午五時左右便收到司機電話給予預令，交代約多少時候到。大約6時15左右，司機再來電已到我家樓下，看見他們租用的新款的士已感覺良好，因為有整潔的好印象；司機的禮貌亦好，大家順利交收，我拿著微暖的重重的盆菜返家。緊張時刻到了，就是真正品嚐這個盆菜在重要節日的味道。蝦很新鮮，墨魚丸不「粉」有質感，腩肉肥而不膩，鹵水鴨肉質很好，枝竹入味，整體來說，這個盆菜的味道恰到好處，不會過咸，最重要關鍵是不會如一般盆菜一樣，只為趕上節日而只堆滿食物而忽略味道和質素，而洪運這個盆菜是我和家人都齊聲讚賞的，看到他們的誠意製作，希望洪運繼續努力，支持你們！

本人生日之鮑魚盆菜賀生日,今年生日會無節目,屋企得六個人,本應去酒樓食火煱妹妹又話唔好又唔想阿媽煮飯又麻煩,妹妹話想食其他,不如叫食外賣盆菜啦,一口應承我記得上次公司叫過盆菜食,又幾好味,問番我老闆上次個間盆菜叫咩名?老闆就介紹左我呢間盆菜,我上網睇番,有幾款盆菜,我就揀左個(鎮店鮑魚盆菜皇）見佢相片菜單等4-7位$1388我6位用都算價廉物美,當日的士司機在晚上六點左右送到,送到後我搵個電磁爐加熱食,嘩係個咸蛋煎大蝦香味爆香,鮑魚夠大隻鮑魚扣得好入味其他食物,堯柱甫金蠔等食物都夠睇頭,尤其係個炆豬肉好香好淋味道甚佳,其他豬皮支竹冬菇魚蛋的質感好,其他雞鴨等類都正常,呢間盆菜公司汁醬做得幾好,這個盆菜及價錢比起食物,其實真係底食,其實我老闆上次定購個款係無鮑魚,都幾夠份量下次開年飯一定叫老闆請番我吔D員工食鮑魚先得唔好噤孤寒先得既

閒日吾知食咩好...又一大班朋友...所以上網睇下邊間盆菜好...咁巧合就簡左呢間因為網上寫明...年中無休 一盆都送 免費送貨...咁我地就訂左一個鎮店鮑魚盆菜皇...一打開盆菜外觀 真係吾錯...材料十足...味道都吾錯...鮑魚都幾大隻 差吾多好似雞蛋咁大隻...特別腩肉食落去又淋又夠鬆化 一啲都吾韌...豬皮同支竹個一層都非常入味...我地成班最欣賞就係個咸蛋蝦...外脆內軟食落都新鮮下次我地都會再幫襯...

母親節正日我媽咪話想食盆菜所以慶祝母親節前一日就打左電話去訂呢間洪運盆菜試下大概4:30PM 已經收到盆菜我地叫左呢個鎮店小盆菜 4-7份量價錢$1368 我覺得超抵食一打開張錫紙睇落賣相吾錯味道我覺得都好入味鮑魚夠大又淋 食落去又有口感..原粒瑤柱好似$5銀幣咁大粒..蝦食落去都非常有鮮味..腩肉 豬皮 支竹 蘿蔔都入哂味..一個字正我覺得咁既價錢 咁既質素 ..我地一家人食完已經讚口不絕..呢間真心值得推介 ..

農曆年三十高高興興訂了一個鴻運盆菜中盆11位，選擇了洪運寶鼎盛宴鮑魚盆菜皇加花膠龍躉燉湯，送貨時間10分準確，由一部的士送貨，貨物包括一個盆菜加兩個外賣盆，及飯合一個，心想覺得很奇怪，應該是一個盆菜給及一個湯共兩件，回家看看，發現有以下這些東西一盤盤菜一盒發財好市鴨掌一盒大蝦一盒燉湯先不講味道好不好，本人從來未見過盆菜是這樣分開的，好像是跟打邊爐一樣，完全失去食盆菜的意義，過節的心情完全失去了，本人致電想得個明白，他們說會給我一個交代及解釋，現在過了兩個星期也沒有收到任何電話再講食物質素，接近＄3000的中盆菜，質素極之一般，那些鮑魚又說是和麻鮑，但吃下去根本不是一回事，什麼百花炸蝦丸跟街邊魚蛋沒有分別，另外其他食物都是一般貨色，沒有一點驚喜，接近40%是豬皮，本人一定不會再幫襯及通知所有朋友也不會幫襯的，本人覺得好像被騙一樣。最後總結價錢貴食物質素不符服務態度差

話說上司要初五在公司食開年飯，作為小薯的我要幫手訂午餐！幾個人食咩好？新年黎講好似食盤菜比較應景但原來訂盤菜都很傷腦筋的首先，邊間好味呢？間間都說是正宗，是傳統。其次是要研究哪間是自取還是可送貨。有些還是指定size才送的。感覺全是睇彩數。最後決定google ：盤菜 一盤都送當然出來的結果都蠻多，所以就打開菜單比較一下材料同價錢。還有少不了的訂購方法最後便選上洪運。因為就咁whatsapp ／ 電話落單就可以， 不用先轉賬證明已落訂。很方便！同事說是的士送貨。沒有提供餐具。說訂貨無講明。咁下次會記得的了。的士送貨都聰明的。如果call van送貨，每站停要多加＄60。有十多盤咁送法，會很重成本。講正題個盤菜係好食的。食家同事話比佢前幾日食的好食。是中上的盤菜！我都覺得幾好食，特別係腩肉，好淋，夠入味。其實我唔食開盤菜，上次都成十年前。因為係食普通盤（$850），沒有鮑魚那些，比較不了。盤菜味道全部都好正常，無野係唔好食，食物入味，有家的味道，其實已經好夠。新年有個好開始，彩數幾好！希望這篇幫到還在煩腦選什麼盤菜的你！其實搵過先知，盤菜是年中無休的！仲以為只係新年先有得食的食品呢！