火鍋頭

Open Now

Now Closed

火鍋頭的裝橫和清潔程度, 應該是九龍城區説是較好的一家, 地上沒有濕滑的水漬以及垃圾, 也沒有食客在店內抽煙, 吃起來算是舒筋服. 定價比同區同類的高一點, 貼近山林道區域火鍋店的價錢, 食材質素不錯, 算是物有所值.點了最基本的鴛鴦湯底, 也就是芫荽皮蛋湯和沙嗲湯底, 兩者也沒味精, 前者清甜芫荽量多而清新, 皮蛋也帶溏心; 後者香甜而花生香味平衡, 質感順滑而不會過稀/稠, 枝竹吸汁力強, 豬紅甜而不腥, 比一般的”罐頭”式調製有誠意. 牛肉和雞肉夠鮮沒雪藏味, 浸入湯底雜質不多. 餃和丸類也是自家製, 味道並非驚為天人, 但食材同樣夠鮮, 口感合適.最特別的配料應該是豆腐紙, 吸汁能力比其他豆製品更強, 由大塊而易碎, 放入湯後變成如豆皮般軟滑, 小心燙傷之旅餘其實外內在的變化, 比炸響玲更有興趣.

這間位於龍崗道的火鍋店有齊一間火煱店的應有優點： （1）伙記服務態度親切有善，有求必應； （2）店內環境走工業風，坐位舒適，樓上又有數間VIP 房，衞生程度非常好； （3）食物質素方面，前菜小食好吃推薦麻辣雞翼，炸午餐肉等。而火煱食物種類繁多，牛肉有本地有和牛都十分高質，海鮮新鮮乾淨，刺身吃了從來不肚痛，而且此店自家製多款手打肉丸及響鈴均是必食之選。 其實本人已經去了很多很多次，早成熟客。此店一直保持高質量，我認為是九龍城最好的火鍋店， 沒之一。

因疫情要找間C 類的餐廳，以便我們可五人一齊坐。在名單上見到這間係我to go list 的餐廳，既無時間限制，corkage 也只收$100 ，即訂枱去試下。叫了個招牌火煱頭木棉魚豆腐湯底，原條大眼雞魚，甜而不腥，不錯。叫了個海鮮三寳拼盤，有帶子、聖子、蜆，都新鮮爽口。另點了極上牛肉盛，牛肉很有牛味、脂肪分佈也好，日本飛驒牛及牛胸爽尤其出色。我們後來忍不住再叫了碟安格斯牛小排，正！另外也點了一些招牌菜，梅菜王豬肉丸幾特別及好味😋、芝心蝦丸也味道不錯，其他食物也新鮮，尤其欣賞其水晶粉，最後加些入內，飽肚又吸晒湯內精華，超讚！我們食到最後一條也要夾埋！環境寬敞，共兩層高，可舒舒服服傾下偈打下邊爐，服務也不錯，收費更比預期中便宜，下次會再來

住得好近九龍城，成日都落九龍城食泰菜。突然邊爐癮起，但得2個人都唔知去邊度食好，睇openrice 見到呢間，2個人應該1千蚊左右埋到單，好，去試下佢。叫左＄42x 個牛拼盤，樣樣都好食，平時好憎成牛柳粒因為覺得無味又太厚肉。但呢度嘅牛柳粒值得一讚！ 佢個芝士蝦丸亦都係好味到不得了，好似食緊隻新鮮蝦一樣！湯底我地叫左胡椒豬骨，湯好夠味，我飲左兩碗😄 入面d 冬瓜多到食極都食唔晒！已經決定左下次同老公邊爐癮起一定再黎食佢🥰

天氣凍凍地，又係屋企困咗好耐，襯限聚令放寛，唔係唔出去打邊爐啊。九龍城，對我來講，有點遠，不過為左就朋友，冇所謂啦，反正都冇食過。對於一個唔食牛嘅人來講，佢嘅打邊爐牛肉，做得有幾咁出色，都係冇意思的，唯一好處，就係比相機食先，所以無因為靚牛肉而加分！相反，啲小食，非常出色，好啱我食，炸豆腐非常夠穫氣，仲有油炸鬼，仲係脆㗎，好難食到，開心死我啦！啲海鮮配料，都算新鮮，唔錯，其他火鍋配料都不過不失吧！

冬天就成日都想打邊爐，今次就約埋朋友去左九龍城呢間火鍋店到食dinner！有好多款唔同既湯底！自己調醬料。湯底方面，我地點左椰子雞湯，非常香濃，有濃郁既椰子味！雞肉非常嫩滑。火鍋料方面，點左極上牛拼盤，入面有本地牛邊抓、新鮮牛舌、特級安格斯、雪花牛立方同牛胸爽，食肉獸至愛招牌手打黑松露墨魚滑好新鮮彈牙。打邊爐配啲菜夠哂健康！子薑皮蛋好香！呢度既手工啤酒好值得推介，呢枝東方之珠有甘草、麥甜、咖啡同埋朱古力味，好特別！

天氣涼，臨近聖誕🎄，趁禁晚餐堂食前最後一晚，來到朋友介紹的火鍋頭歎火鍋。入到餐廳，已掛滿聖誕裝飾，感覺好有聖誕氣氛 ，好喜歡的吊燈,好warm感覺，環境偏向日式設計，原來餐廳有上下兩層座位。望望餐牌，食過深圳椰子雞湯底好回味，於是選了椰子雞湯底。其他食物款式豐富，想食既話都有。選好火鍋調味料 ，湯底和一大碟鮮雞隨即到，煮滾椰子雞湯。小食皮蛋，墨魚油炸鬼到，皮蛋的確唔錯，蛋味濃，蛋白滑。墨魚油炸鬼，與別不同，咬開時可食到墨魚丸，最重要是脆而不乾，雖然是小食，份量十足。其他火鍋食材陸續到，同樣份量好足。蔬菜類有蔬菜有油麥菜，鮮淮山和甜粟米。每樣都好鮮味，油麥菜的菜香味增添了味蕾享受。趁蘇脆，要快食金響鈴，在湯底留3-5秒即食最好味，外軟內脆。炸魚皮也是這樣。特級雪花牛立方賣相吸引，在湯煮2-3分鐘，之後擺入口，好有幸福感，感覺自己去了日本，牛味濃，肉質厚嫩。豆紙，用黃豆製成的紙，雖然薄，豆味夠。魚皮餃也是一種自己愛吃的，比平時食的大隻，皮香餡料飽滿。雖然有水喝，但我地都叫左竹蔗茅根，打冰爐好配搭，唔甜又健康。感恩在晚餐堂食限食前可以食到優質火鍋的食材，好滿足。

喺九龍城出咗名高級嘅火鍋專家《火鍋頭》🥘入到去我哋坐咗係一張卡位枱，櫈背比平時啲卡位偏高，坐得好舒服😌一坐低店員就好有禮貌拎左一揸竹蓆茅根水俾我哋，佢話煲咗好耐，飲落微微甜好清潤，啱啱好乾燥嘅天氣，跟住我哋就睇菜牌揀湯底，湯底有好多選擇，見到一個<宮廷滋補天麻魚頭燉湯>，大家都舉手贊成🙌🏻🍽宮廷滋補天麻燉魚頭湯/$288個湯一到已經有陣陣嘅藥材香味，店員仲提我地個湯一滾可以先試飲，一飲就飲咗三碗，太好味，好足料😋跟住仲食埋個魚頭先，個魚頭非常新鮮，啲魚肉同魚雲好好味，食到啲魚骨都乾乾淨淨😋😂.菜牌上邊有好多選擇，花多眼亂👀樣樣都想試，終於點左一個🍽極上牛拼盤+海鮮🦞拼盤/$838，有肉有海鮮🦞🦐🦑1. 日本飛「馬單」和牛頸肩肉2. 安格斯頂級牛小排3. 手切本地牛肉4. 雪花牛立方5. 牛胸爽枱面上有張「烚野時間」，依照指示，唔同嘅牛肉部位有唔同嘅口感，非常鮮味，老闆俾咗幾片牛舌我哋試，非常鮮甜爽口，牛小排、有少少肥油又有少少軟骨，食落軟滑，一路咬口感好特別，牛胸爽，第一次食，好正，烚熟之後，個樣好似啲脂肪，但係食落口，原來係非常爽口👍🏻海鮮有兩個選擇，我哋選擇海三點，

今日難得入九龍城，同朋友商量後大家都決定去打邊爐，雖然限聚令只限兩人一台，但都阻止唔到我哋兩個火鍋怪出沒🤩——————打邊爐又點可以唔叫麻辣湯底呢，咁啱朋友唔食得太辣，所以叫呢個鴛鴦鍋就fit晒😝湯底本身已經好足料，完全唔會揸流攤，好有水準例牌兩個人食已經好大碟，塊塊牛肉切得啱啱好厚薄，牛肉都好新鮮，煮到啱啱好熟放落口入口即溶，牛肉味好濃，感覺好正😍海鮮方面叫咗鮑魚同蟶子，海鮮完全冇失禮人，鮑魚都處理得好好，清潔得好乾淨店家好貼心咁切到細細塊，一口一塊啱啱好，食落完全試到海鮮嘅質素，新鮮得黎完全唔腥😝墨魚丸亦係水準之上，入口好彈牙，係新鮮嘅墨魚丸先比到食客嘅感覺，肉質亦唔會似搞爛晒嘅墨魚丸🌟鹹蛋丸都好特別，值得一試響鈴係我打邊爐必叫嘅配菜之一，而豆紙就比較少見，兩款既豆香味都好重，同坊間買到嘅包裝響鈴絕對冇得比

即日經openrice訂枱除海鮮酒水外，全單點都有8折優惠。3人行去食，揀左花膠雞湯，有1/4隻黃油雞，幾舊花膠，未打邊爐前先飲左幾碗湯，正朋友唔食海鮮，所以今餐無點海鮮新鮮本地牛，好新鮮，牛味濃，唔肥👍🏾👍🏾響鈴，好正，新鮮，無油益味花枝片，爽口好食墨魚丸，新鮮爽口有墨魚粒蜂巢豆腐，好有大豆味，吸收哂d湯，好好食珊瑚蚌，正常，無特別鴨血，有少少腥，無食哂皇帝菜、菜心苗，乾淨量多大致食左呢d，記得有無寫漏😛整體好滿意食材高質、環境舒適、員工服務態度好埋單每位300幾蚊，食得好飽一定會再返黎encore

九龍城咁多好野食,竟然又嚟食火鍋 ??呢度 有新鮮足料火鍋食!! 我地要咗花雕雞做湯底 , 藥膳花雕好有酒味仲有半隻雞花雕雞食!安格斯牛肉片,睇到佢雪花分佈咁平均 ,食落口又嫩又有牛肉味 !海鮮拼盤夠新鮮 ,啲蝦仲彈下彈下 !! 脆肉鯇腩 (必食推介)識我嘅朋友都知道我超鍾意食脆肉鯇魚,真係去到邊都要食。今次唔係一片片 ,切 嘅同平時脆肉鯇片方向唔一樣 。但係夠厚肉,啲骨都容易拎出嚟 !夠新鮮夠脆口 😋!手工餃都好爽好彈牙架!!

你有打邊爐Buddy嗎？✅夠老友交得心乜鬼都講得✅無冷場尷尬乜都可以廢up✅見過哂大家最醜態嘅一面✅大啖食大口飲無儀態憂慮✅口味相似唔洗遷就唔怕肥第一時間唸起邊個？Tag佢啦喂！📣——九龍城有質素火鍋🍲-1️⃣宮廷滋補天麻燉魚頭湯 $288細個唔好魚頭，大個左就知係正野啦！😍魚頭好大個夠新鮮，魚肉好多又超級滑，魚油更係重點，食食下食哂成個頭🤤2️⃣時令海鮮- 刀貝& 蟶子皇 (時價)大大件厚肉非常新鮮，好鬼正呀🤤3️⃣特級手切安格斯肥牛(大) $498份量大，肥牛油花十足切得厚薄均勻剛好，口感嫩稔又重牛味，好正！不過略厭肥肉比較多🙈4️⃣香炸金響鈴 $58即炸熱辣辣夠脆口無油壓味，正！5️⃣墨魚油炸鬼 $58新鮮炸起夠香脆，沾雞醬食，波有無好吃的理由🤣6️⃣水晶粉 $32口感好滑又帶點煙韌咬口，正！7️⃣招牌手打墨魚丸x梅菜丸 $88墨魚丸真係有粒粒墨魚，梅菜丸好似食梅菜肉餅好棧鬼！兩者都打得彈牙，好準之作👍🏻8️⃣竹庶水 $68兩人份，清熱一流👍🏻

今晚與兩位好朋友飯聚...我有一間餐廳好想試好耐，不過都唔知朋友仔敢唔敢試，朋友問食什麼....我話‘打邊爐’。😆😆😆一拍即合地原來大家都好想打邊爐，不過近期被人渲染到去打邊爐好似都會中招咁樣。🤪🤪🤪我朋友說佢試過九龍城有一間值得推介的地方，我哋就去試吓.....在店舖外望招牌清晰可見，入到去環境衛生丶侍應好親切咁招待我們坐下，先比濕紙巾我哋抹手，並推介我哋是日有什麼食材推介。我哋選了招牌豆腐木棉魚湯底，店長推介😋等湯底滾嘅途中我哋帶咗小食就係蜜糖雞翼（我哋自細鍾意食，哈哈!!）打邊爐唔少得嘅手切牛肉拼盤（我就鍾意食安格斯牛，一個朋友又鍾意食雪花牛肉粒及大家都鍾意食嘅牛舌及牛胸爽）火鍋重點黎啦，係海鮮...我哋嗌左個海鮮拼盤。見到賣相美麗、新鮮又真材實料，這個值得推介！👍🏻食食下，我哋忍唔住都re-order咗個牛胸爽，CP值高😋😋😋還有我哋重飲了白酒，這款我覺得都幾適合我哋女仔飲的😉我哋其實重有食丸拼盤，響鈴、皇帝菜及烏冬等，不過已經唔記得影相了🙇🏻‍♀️🙇🏻‍♀️🙇🏻‍♀️總括依然，這間餐廳可以再來幫襯吧！👍🏻👍🏻👍🏻

有個住土瓜灣嘅朋友成日呻話無啖好食，其實附近嘅九龍城有好多好嘢食㗎！今次4個朋友一齊食飯，呢個人數最好就係去打邊爐喇，叫到成枱都係嘢食真係好正。番茄鮮蜆龍蝦鍋 $288 睇顏色都知超香濃！最正係入面有成隻龍蝦㗎！等緊湯底ready時，識食嘅梗係食住小食先。墨魚油炸鬼 $58 超好食！墨魚嘅鮮加埋油炸鬼嘅酥脆，點埋泰式辣醬好開胃。冰梅一字骨 $58 酸酸哋又唔係無肉食，好食又開胃。炸妙齡香蕉 $42 本身聽到「妙齡」好有遐想，朋友形容佢為炸香蕉糕，因為佢個texture同平時炸香蕉有啲唔同。九點海鮮牛肉盛 $850 呢個set落單嘅時候覺得有啲貴，但食嘅時候真就覺得點得好好！佢包括咗極上手切牛拼盤同埋海鮮盛。碟牛好高質，油花分布均勻，牛味又出，個人覺得最正係牛頸肩肉同埋牛胸爽，前者好香肉味，後者食落爽口，口感過癮。海鮮方面好新鮮，帶子都幾大隻，另外有瀨尿蝦食都幾驚喜。西班牙黑毛豬 $78 又係一睇就知靚，薄切厚度啱啱好，肥瘦適中，不過啲牛太正，有少少被比下去。手打粒粒墨魚丸、芝心蝦丸、鮮蝦韭菜餃、梅菜王豬肉丸 (雙拼) $88-98 啲丸全部都自家制，好值得叫嚟食，其中梅菜王豬肉丸味道好

最近江湖多事，外間冷冷清清，唯獨未有地鐵站的九龍城還是有些人流。天氣冷得不要不要的，還是想打一下邊爐，朋友介紹這家火鍋用料不俗，還有游水海鮮，今晚就來了試試。坐位十分舒適，冷氣也很充足選擇不算多，但應有盡有招牌花膠冬瓜濃雞湯＄２６８除了半隻黃油雞，還有大量冬瓜跟黃芽白，雞湯非常濃郁，一開始先喝一碗暖暖胃也是不俗。雞是７分熟，湯一滾起便可以吃，一整個嫰滑軟稔～冬瓜的份量也不少老實說，這裡的份量已經夠一個人吃飽了。炸芝心蝦丸＄４２意外地超彈牙的蝦肉，跟咸香突出的流心芝士，熱辣辣超好吃～！風沙豆腐＄６８幾乎每家火鍋店都有的脆炸豆腐，採用日式嫰豆腐，外脆內滑竹庶茅根＄６８清得來不會太甜太濃稠飽肚，感覺不俗。手切安格斯肥牛（例）＄２３８別以為這裡很少，其實滿厚切的，而且油香滿溢，一碟例也很夠吃。雙拼丸：芥辣墨魚＋咸蛋豬肉＄９８芥辣墨魚的芥末絕不是一堆ＷＡＳＡＢＩ芯，而是芥末跟墨魚完全混和，帶輕輕刺鼻感，意想不到的有水準！咸蛋豬肉也不是外間流心的版本，而是結結實實一顆咸蛋釀進豬肉丸內，咸香突出，咸蛋的我也是醉了。東星班＄６８８很貴？絕對超值！這晶瑩剔透的白肉，鮮而不腥的味道，軟稔的口感。最正的還是