i CREMERiA Café (Closed)

同朋友黎朗豪坊呢間餐廳，呢到嘅環境好好，好靜，坐好耐都唔會比人趕，想同朋友坐低慢慢傾計都可以。我同朋友就叫左兩個tea set。朋友食日本時令水果輕食，其中嘅日本蜜瓜真係好似日本蜜果咁甜，而mix既牛奶同綠茶雪糕都好好飲，牛奶味濃郁，同綠茶幾夾。呢到嘅奇異果都好甜，好健康！而我叫左個tea set抺茶芝士蛋糕+綠茶雪糕。雪糕比想像中大杯，略甜但綠茶味好濃郁，中和番甜味，鍾意食甜野又驚太膩既可以一試！而抺茶芝士蛋糕都唔會膩，雖然兩樣甜品望落好似好甜，但配番杯熱紅茶中和番就岩岩好。而且呢度既員工服務好好，環境好舒服，下次想同朋友坐低靜靜地傾計都會再黎。

位於朗豪坊既【 i CREMERiA Café 】都好受大眾喜愛，皆因佢地既甜品精美，而且仲幾好食～次次經過都見到好多人食，係甜品打卡既不錯選擇。多款既日式甜品可以選擇，今次揀左其中兩款～士多啤梨海綿卷輕食 $158期間限定既野就一定唔可以錯過，因為過左就無！！所以呢款士多啤梨都吸引左好多人黎食～除左賣相靚，仲好好食！呢個輕食主要有士多啤梨海綿卷、日本AMAO士多啤梨、士多啤梨配白朱古力雪糕、飲品1杯。睇個名都知係同士多啤梨有關啦～相信唔少人，特別係少女都會喜歡呢款甜品，用黎打卡絕對讚呀！甜甜既士多啤梨完全無任何挑剔，真係想一食再食。日式雜錦輕食配飲品2杯 $198賣相十分精緻，有著日本既風味特色，入面主要有日本時令水果、茶大福、什菜芝士三文治、綠茶芝士蛋糕、自選雪糕、紅豆、白玉丸子、蜜餞栗子、飲品2杯。其實個賣相根本靚到唔捨得食，每一款都好別緻。而我最鐘意就係食佢既綠茶芝士蛋糕同埋綠茶雪糕，綠茶味唔會太苦就正正合我心意～兩款口感都好滑呢～

之前係尖沙咀食過呢間分店嘅雪糕兩三次, 聽到朋友提起先知原來旺角呢間有其他野食, 所以拉埋朋友試下dinner set~位都算多, 坐得幾舒服, 室外都可以坐!menu睇相款款都好吸引! 有圖易決定啲!意大利牛肝菌雲吞少聽又少食, 唔係間間西餐廳都食到, 所以叫咗呢個!有湯有一小件麵包有飲品, 成set一次過上, 唔怕漏又方便影相! 特別中意佢個銀色托盤, 好靚~ 凍檸茶糖槳上面有花花, 少有!餐湯係粟米忌廉湯, 初時以為係普通罐頭湯, 原來都好過罐頭湯, 熱辣辣, 唔錯~d雲吞都大大件, 同埋都有好多件, 好似喺外國先食到嘅西式口味!除此之外, 仲叫咗個維多利亞火腿芝士法包(全份), 頭先個嗰好食, 呢個我都中意, 好多餡好足料~ 就算唔係set都送埋杯水, 好貼心!個cheese可以拉到好~長~好~長~其實放出來個啲蛋糕都好精緻! 應該好好食btw, 本身見到呢個雪糕都想試下, 不過食到飽就唯有下次先啦!食就好滿意, 唯一可以改善係通風, 唔知係咪中央冷氣, 定人多, 覺得有啲唔夠涼..

週日閒逛旺角，到了朗豪坊，見到這間雪糕專門店之前聽朋友講好好食，今次就黎食下啦有好多雪糕同埋甜品選擇，我就選左依個Japanese Matcha Roll Tea Set 系日本宇治茶海綿卷輕食, 一個抹茶海綿卷, 配紅豆, 白玉丸子, 蜜餞栗子食落口感軟軟，凍凍啲雪糕同埋蛋糕頓著透心涼最正啲系佢一大個盤盛著整個SET，好高貴又好靚甜品過後佢仲配多杯野飲比我Hot Caffe Latte 熱牛奶咖啡 一試過睇得出店員用心咁沖，正好同頭先啲凍食拉番個平衡好快食完，差足電，繼續去行街街 =]

響依個炎炎啲夏日，真系就快比太陽滆化，走入朗豪芳啲商場電梯一上去就見到依間icecream專門店，個名叫 i CREMERiA 見有客人剛吃完，就當然即刻衝過去坐再買雪糕食叫得專門店menu果然有唔同系列啲雪糕: Frutta Crema , Giapponese Crema, Cremadoro, Classico Crema, 我就選左Frutta Crema 系列啲 Melon Deluxe Parfait系日本直送啲Deluxe蜜瓜芭菲!!!依個系列出名啲在於蜜瓜味甜，雪糕放響細長啲高脊杯中，配埋生個甘食真系涼入心而我今次叫啲，就系半個蜜瓜做左隻杯啲功能，比您自己刮D肉出黎食，得意得黎又好玩店內仲有不少啲cake，全部都好精美呀！！！又精緻！！影底左唔少啲相，下星期逛街再來吃~

每次想食雪糕一定係諗起綠茶雪糕而呢一間係我嘅綠茶雪糕推介👍🏻👍🏻👍🏻綠茶味適中，同時唔會過苦亦唔會過甜原味牛奶味有少少鹹，味道都唔錯想兩樣試晒 可以要Mix，夾埋都好好味我自己比較喜歡mix今日做完嘢自己一個嚟咗朗豪坊咁岩係Tea set時間，食個Tea先叫咗呢個時令水果輕食，係溫室蜜瓜有一杯雪糕同奇異果，仲有一杯飲品蜜瓜係好好味，可能有人覺得唔夠味但我唔鍾意食太甜就覺得非常好記得食左蜜瓜先食雪糕，食完雪糕就覺得蜜瓜真係無味架喇😂😂😂飲品可以叫飲熱飲中和下👍🏻👍🏻清滿足的一人tea💕

經常路過，每次都未有時間踏進去品嚐。每次都係人多，排隊。本人覺得，哪麼精緻的甜點tea set , 應該係優閒日子，輕鬆心情慢慢去嘆。。今日終於等到啦。。閒情逸致⋯⋯就係這樣，人少少唔駛跟人迫有午餐選擇有單點雪糕今日我想試既係tea set , 戀上＂沖繩菠蘿＂閒日仲可以選個窗邊位置，望著外面觀景，嘆著美點。。人生如此簡單、幸福嘩。。期待已久。賣相已經吸引Iced coffee 帶著日式咖啡風格，啡味、奶味平均。喜歡唔太甜的朋友，就啱哂。（糖可自選加或唔加）椰子🥥與菠蘿🍍原來可以好夾👍🏻唔會太多椰子味、菠蘿味又有定企好滑、好香遺憾係＂只有得一杯＂要＂安歌＂甜美多汁的菠蘿，仲有椰絲在面，完全配合主題軟綿綿的椰子糯米糍滿佈椰絲鋪面的球體，以為甜到震，切開，有內涵外椰內菠⋯⋯仲有脆脆。美味甜品可以令心情打氣一樣，充滿活力期待下次的＂1期間限定＂

有個朋友想去九龍買錶！因為有個相熟嘅朋友喺旺角錶行工作！所以就帶佢去買錶！仲要係勞力士添！達成目標之後！在夏日炎炎！係烈日當空裏面！大汗淋漓🈶乜嘢好做呢！梗係整返杯美味香滑嘅雪糕⋯⋯🍨🍨i CREMERiA café🍦🍦位於旺角朗豪坊4樓二話不說見到日本直送蜜瓜！唔使揀呀！一定要試佢！差唔多有成一年冇去到日本呀⋯⋯所以好掛住日本嘅蜜瓜！日本直送Deluxe蜜瓜芭菲$280🍈日本蜜瓜信心保證，甜度高達13度！口感軟腍帶出濃郁嘅果香！多汁鮮甜！每一口都爆發豐富香甜果香⋯⋯配以北海道牛奶軟雪糕🍦！奶味超濃郁！口感幼滑！有時標明牛奶雪糕！但係都唔係間間咁好食😬呢一間唔使講嘢👍👍超正👍👍香甜日本蜜瓜🍈➕日本北海道牛奶雪糕🍦簡直係Perfect match🤩🤩暑氣全消⋯⋯食到最後根本一啲都唔想嘥！每一寸果肉都比我刮清光！😬😬

喺朗豪坊行街，行行吓去到午飯時間啦又，於是諗住喺商場food court度食飯，但係一落電梯見到呢間Cafe，外表好似好靚咁，一直都有聽聞佢嘅雪糕係好出名，行到埋去見到有set lunch都好似幾吸引，於是決定坐低。呢度係去counter度俾咗錢落左單，坐低會有人送餐過嚟！一個set lunch包括一個主菜、可以揀湯或者沙律同埋一個嘢飲，加$38仲有甜品添！今次要左一個青醬大蝦青口意大利粉，材料十分之豐富，一想到菜就覺得個賣相好吸引，令人胃口大開呀真係！估唔到呢個青醬同意粉個味道好夾，有別於平時食開嘅卡邦尼意粉同埋肉醬意粉，呢個嘅味道比較清，有一陣好Flash嘅感覺！用了亦都非常之豐富，一碟意粉有四隻大蝦同埋兩隻清口！配埋沙律同埋要左一杯熱咖啡，成個午餐令人好滿足！

最近天氣好熱，行行下街都頂唔順要入商場過下冷河。係朗豪坊行咗陣，臨走見到I creameria cafe’ 雪糕賣相好好，所以買返杯嚟消下暑！依家夏天係日本盛產水蜜桃嘅季節，所以揀咗個日本直送水蜜桃雪糕！個賣相十分之靚，最啱用嚟打個卡喇！個雪糕由三層口感，包括有新鮮嘅水蜜桃、牛乳雪糕同蜜桃蓉！提供咗唔同口感同層次嘅享受。水蜜桃食得出係日本品種，多汁好甜，juicy juicy! 又唔會俾雪糕嘅甜搶走！仲為成個組合提供咗一份新鮮感！而個牛乳雪糕一食落去就好滑，入口即溶，又唔會太甜，口感超正！而水蜜桃蓉就作一個點綴，好正呀！呢個雪糕嘅價錢係中高價位，但係質素真係好高質，值得一試，間唔中獎勵下自己，都好正！👍🏻

未吃五月糭，已經熱到汗流夾背😅要對自己好一點，要享受又要消暑，當然要到i Cremeria Cafe ➡️擄獲少女心的甜點店，歎個日本風情精緻下午茶套餐為了減低邪惡感覺，選了日本時令水果輕食精緻吸引的賣相，日本溫室蜜瓜、時令水果（奇異果），配自選雪糕（原味x綠茶) 及飲品(抹茶拿鐵）！新鮮的日本溫室蜜瓜，甜蜜可口；加埋開胃酸甜的奇異果，為清甜香滑的雪糕形成鮮明口感對比香滑清甜的雪糕，沒有一點膩滯感覺作為抹茶控一定不能錯過抹茶口味的雪糕和飲料，每一口都是濃郁茶香，不容錯過喔！別以爲只有甜食，也有熱食餐點啊

行經朗豪坊，都有留意過呢間靚靚Cafe。原本以為Cafe淨係賣雪糕、甜品等輕食，但Cafe都有晚餐主食供應，所以今晚就試試佢。Cafe係先點餐，之後店家就會比個牌客人，為客人送餐。我點好餐後，就揾個位坐㡳。裝潢好歐式風情，不過位置偏少。等咗一陣，就上餐了。我點了青醬大蝦青口意大利麵，仲加配咗餐湯同飲料。上枱時個銀色餐盤都好配合Cafe格調，而且好啱打卡。餐湯係西蘭花薯仔湯，配牛奶麵包。餐湯非常Creamy，無乜顆粒感，而且熱辣辣。湯既西蘭花味唔重，所以唔會有好強烈草青味，應該係加咗薯仔關係。而主角意粉，賣相好靚。意粉既料好多，唔只有青口、蝦，仲加咗松子，同盧荀增加口感。青口係中型Size，味道唔錯。而蝦就好彈牙，仲要無殼，食落更方便。 平時Cafe都係茄汁或白汁意粉，但呢到有比較少有既青醬，所以特登試下。由於青醬係有羅勒，所以味道係較清新，食落唔會好膩同好滯。意粉係偏軟身質感，不過我個人中意硬身少少。唔好睇佢好似好細份咁，其實食完都好飽肚。我仲加配咗餐飲，飲品有咖啡、蘋果汁、檸茶等等。我就點咗蜂蜜薑茶。由於我唔記得咗攪伴先飲，所以飲到㡳好甜。不過飲落有啖啖薑味，係食晚飯時，見好多食雪糕

晚餐時間來到朗豪坊，驚覺這間日式洋食甜品店原來有供應晚飯，於是便和朋友一試。Menu好簡潔，因為是和洋食，主要選擇都是意粉，有一款是日咖哩($98)。我個人很喜歡日式咖哩的調味，便叫了一個，朋友則要了蕃茄大蝦青口意大利麵($118)。另外加了沙拉和飲品。當日的咖哩是野菜咖哩，上菜時看到覺得好搞笑，造型好有趣，食落好食，好多蔬菜，有著通嘅薯仔紅蘿蔔，仲有秋葵、蕃茄、西蘭花，好健康，咖哩汁好合我口味，微辣，有蔬菜嘅甜，而且好夠份量，啱哂我呢D撈汁人士。沙拉都不馬虎，蔬菜新鮮，仲有紅火龍果，色彩好靚，醬汁微酸。另有一塊香脆面包及少許漬物作配菜。朋友叫的蕃茄大蝦青口意大利麵，大蝦煎過，很香，而且夠大隻，整份餐點都很好吃。我點了凍檸茶，朋友則叫了熱檸茶，整體造型是熱檸茶大獲全勝，一組茶具上來，感覺優雅，打卡必備。

平日係朗豪坊行,都好少係商埸食野,估唔到入面都有唔貴又好食嘅餐廳。餐廳提供幾款意粉,有唔同醬汁,肉類,海鮮同菜,毎款都好吸引,價錢最平88蚊就有。餐廳仲有三文治小食,睇落都幾健康咁。仲有啲特色啲嘅雪糕賣呢。買左餐後,店員比左個牌我,就可以入去搵位坐,店員會拎啲野食比我地。我點左個溫泉蛋卡邦尼意粉同餐前沙律食,成個餐盤攞設,有啲金銀色邊緣作裝飾,好靚,食野都食得開心啲。個蕃茄青瓜沙律,落左少少芝麻醬,幾開胃。麵包係牛奶白麵包,幾軟有奶味。意粉賣相都好靚,亦由唔同材料整成,有溫泉蛋,煙肉,各種磨菇。食落味道好濃牛奶,creamy,好好味,意粉唔會太淋,有咬口,加埋溫泉蛋,蛋味幾香,蛋白都增加左順滑嘅口感，而且仲有流心效果，超治呀。磨菇都帶左啲爽口感,整體上幾好食,口感都好好。食到最後有啲汁聚底,可能食嘅時候撈均勻一啲會好啲。

是次和閏密的聚會, 選了地點方便的旺角亞皆老街8號朗豪坊, 由日式甜品店開設的café，除了供應店子皇牌蜜瓜芭菲、金箔雪糕等甜品以外，亦設三文治、意粉、漢堡扒等鹹點供應。主以木系傢俬、花系燭台等裝飾，很雅緻，拍照打卡的好景點。 點了以下食物:抺茶同牛奶各半，雪糕味道口感好濃郁 唔會太份死實 同埋好滑，個份量好大 仲有個抺茶唔會係得死甜，會有少少甘味 好正，而個丸子好煙煙韌韌 可惜得兩粒 想食多都無。沖繩菠蘿椰子雪糕：酸酸甜甜很開胃,口感清爽，食落個菠蘿好juicy, 菠蘿仲要燒過，再加左少少玉桂粉，椰子味濃，食落仲有少少椰子肉再加椰絲味。