i CREMERiA Café (Closed)

今日太太放假，本身諗住出去周圍行下，可惜因為落雨，只可以行商場。今日朗豪坊唔知係咪因為有樓賣，又多經紀又多人，周圍都好多人。行到咁上下都見累，所以同老婆去食個tea。見到大堂有餐廳有位，就入左去坐。呢間係一間蛋糕雪糕店，可以選擇外賣或堂食；因為落雨關係，室外位無人坐。真係好好彩，咁岩有對情侶走，有得堂食，所以決定叫個tea set 慢慢嘆下。我自己就叫左個tea set叫日本時令水果輕食（＄138），當中有水果、雪糕同一杯野飲。如果你唔想食水果，有d set 係有蛋糕的。雪糕可以選牛奶、抹茶或混合，我就選了牛奶。雪糕十分香滑，入口細膩，一點粒粒也沒有。雪糕快溶，要快手食！（快溶 證明係堅新鮮！）配的生果有蜜瓜、金奇異果和香桃，點下雪糕咁食好好味。生果新鮮而甜度適中，食完感到很清新的。個set住包左一杯飲品，所以食完雪糕生果重同老婆坐多陣傾下偈先走！個set 賣相真係好靚好高貴咁！大家可以黎享受下ar！

很少出旺角, 因人太多, 但大家住在東南西北, 就地點不容易, 很幸運, 這天不算多人,找到了4人位, 點了我最喜愛的綠茶卷, 賣相很吸引, 未食先加分,味道也不錯, 綠茶味濃, 至於咖啡就....普通啦!位置雖然有點開揚有點嘈, 但勝在不限時, 我們談了3個鐘, 很滿足。

全新口味推出啦!薰衣草伯爵茶唷~薰衣草伯爵茶雪糕 $68/杯人氣高檔雪糕店  🍦，最近推出夏日新口味，是薰衣草伯爵茶口味呢🙈，其實個人不算太喜歡薰衣草，但加上伯爵茶後更容易接受，而且插上香甜的杏仁厚脆片，也不錯啦……………………👧🏻 旺角亞皆老街8號4樓13號舖👧🏻 銅鑼灣Fashion Walk記利佐治街11-19號1樓F- 9號舖……………………

每次 i CREMERiA 出新口味夏沫都第一時間去試今次係花夏期間限定 - Lavender Earl Grey (薰衣草伯爵茶雪糕)💜薰衣草+伯爵茶都係夏沫至愛🥰呢個組合點可以錯過😍薰衣草伯爵茶雪糕又香又滑食多幾杯都得，建議大家試甜筒啊～它的甜筒是又香脆又香甜的薰衣草伯爵茶蛋糕更是細滑綿綿滑入口腔，邊享受幼滑口感，邊感受口腔中的茶香，再喝一啖熱的伯爵茶這個下午茶完美到沒話說咁多間都係鍾意黎朗豪坊呢間夠光猛夠開揚，坐得舒服好多

iCremeria一直都有嘅金箔雪糕一向都吸引左好多人打卡🐒今次試左新推出嘅薰衣草伯爵茶系列，真係覺得唔推薦比大家唔得😭💕但係留意番下面tea set都係朗豪坊分店限定㗎❕❕========================薰衣草伯爵茶雪糕 $68尤其鍾意伯爵茶嘅人會極度迷上依款雪糕😍茶香味重之餘仲有一陣薰衣草花香淡淡地互相混合，兩者唔會互相搶味而係共同襯托大家🌸上面除左薰衣草作裝飾外仲有一塊焦糖脆餅，另外雪糕筒特別地底部係圓底而非錐體形，口感就似威化餅一樣鬆化，係最近試過最香濃嘅雪糕😋大推！！========================薰衣草伯爵茶午後輕食$138想一次過滿足三個願望👌🏻你可以揀依個餐同人分享high tea🥰除咗有上面個款雪糕仲有薰衣草伯爵茶蛋糕🍰軟綿綿嘅海棉蛋糕夾雜住一層層含薰衣草花香嘅忌廉☺️食完甜點後，打卡必備嘅茶壼內仲有暖暖嘅伯爵茶可以幫手解膩☕️最啱同姊妹一齊enjoy下午茶傾計😆========================巧味道指數👅：👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指

經過朗豪坊I CREMERIA Cafe,發現佢哋🍦甜品又出咗新系列啦☺️今次係好健康嘅薰衣草X伯爵茶系列有益又好味！😋薰衣草可鎮靜安神、放鬆心情💆🏻‍♀️伯爵茶☕️中的佛手柑成份有助降低體內膽固醇食完雪糕，再飲番杯茶，perfect match!❤️每次去I CREMERIA Cafe都一定要打個卡，因為啲Tea set都好靚😍不過個蛋糕對我黎講甜左少少，可能比較適合啲鍾意食甜d嘅人雪糕嘅味道係好食嘅😋幾特別最鍾意係個茶，又香又清新！

平時飲茶都鍾意飲Earl Grey伯爵茶🍦今次 Icremeria 推出薰衣草伯爵茶雪糕😍好吸引呀！☕️ 茶味好香再加淡淡的薫衣草味💜呢排天氣咁熱，真的啱晒👍🏻👍🏻👍🏻消暑降溫，感覺好 relax ☺️同時仲推出薰衣草伯爵茶午後輕食！啱哂約閨蜜👭 食tea 傾下計減下壓！🍦iCremeria Cafe 🔍旺角朗豪坊4樓13號舖

前日放lunch嘅時候想慶祝一下，所以就揀咗呢間環境比較高級嘅餐廳食lunch。雖然環境好靚，但見到lunch set嘅價錢都唔算好貴，價錢合理。呢個面嘅份量適中，而且味道唔會特別鹹。講下嗰兩個青口，非常新鮮而且都好大粒，仲有四粒非常新鮮嘅蝦添！另外餐廳個lunch set仲可以配餐湯或者沙律再加飲品，都只係130幾蚊，咁樣嘅環境同食物質素，都算合理。而最後我都加咗$30去食佢哋嘅雪糕，因為上網見到佢哋嘅雪糕都幾出名，所以就加錢試。個雪糕嘅質素食落去同銅鑼灣嗰間via tokyo 有得比！

前幾日同朋友去朗豪坊行街，見到呢間Cafe嘅環境好靚，所以就決定同朋友一齊去食！餐廳嘅位子雖然唔多，但係嗰日12點幾去到，都唔使排隊仲有位坐，而且環境都俾人感覺好高級！嗰日我就帶咗一個lunch set，大概$150內嘅價錢。呢個意粉十分推介，佢嘅蝦好大粒而且仲有四舊，一定唔係雪藏。而佢嘅是日餐湯，都仲有配一個味道十分好嘅麵包，配湯食一流！仲有嗌左杯奶茶都係要自己到落去嘅！最後佢嘅set lunch，加$30就有一杯雪糕。我自己就好鍾意食抹茶所以就帶咗呢一個紅豆白玉配抹茶mix 牛奶嘅雪糕！

作為一名健身教練，今日唔知講咩好收工行吓朗豪坊，由下行到上再行返落黎剛剛肚餓，都7點鐘喇，見到呢間i cremeria cafe，唔算太多人，環境都唔錯，本身又好想試吓佢地既甜品。佈置得幾靚, 入去坐低食甜品真係少女心都出埋黎..仲有outdoor area, 涼涼地既時候係出面同朋友傾下計都ok!因為樣樣都想食既關係，諗左15分鐘後，決定點選匈牙利汁肉丸長通粉set dinner配餐湯+latte，另加一份牛奶味蜜瓜雪糕。餐湯係粟米蓉忌廉湯配牛油包，啖啖粟米蓉，味道濃郁。最驚喜係個長通粉係配6粒肉丸咁多, 收埋哂係底, 食極都仲搵到肉丸, 抵呀latte奶泡幾rich, good甜品係牛奶味雪糕配蜜瓜，超濃牛奶味，口感非常細滑，食到底先知有超脆口炒米，蜜瓜非常清甜。埋單百三蚊都唔洗~最後返屋企前係樓下公園做多1個鐘運動先返屋企~~~早唞!

i CREMERiA Cafe既雪糕同甜品出名就係人都知, 行朗豪坊周不時都會買個雪糕食但係晚餐我就未試過, 今晚同朋友買雪糕個陣, 朋友提議索性食埋晚餐, 話見佢門口menu個set dinner又唔係好貴, 早早又地唔洗排隊就一於坐低食埋晚餐啦Set dinner都係$88至$108不等, 有餐湯/沙律同埋飲品, 店員話今日沙律已經售罄, 所以我地唔洗揀啦就飲湯啦另外跟餐加$30蚊就可以有杯雪糕, 衝住雪糕黎既我, 30蚊絕對無唔加既理由啦有新品味道雪糕平時都係買完一路行一路食, 第一次坐入黎, 環境都唔錯明太子高菜豚肉意大利麵今日既餐湯係粟米忌廉湯, 依個湯唔係滑滑個種, 因為粟米打成左蓉所以飲落去既時候食到d起沙咁既感覺, 有口感又香濃推介本身中意食明太子造既食物, 第一啖食落去既時候有驚喜到, 因為望落完全唔覺有明太子既存在, 諗住會無乜味, 點知食落去原來明太子味就已經融入哂個意粉度啦另外高菜係微酸, 撞落明太子味又幾特別, 豚肉份量都好多係咪望落完全無明太子既足跡呢, 比佢呃到~其實係好濃味最後加30蚊既甜品, 可以揀綠茶味或者牛奶味, 配哈蜜瓜或者紅豆~ 今次揀左哈蜜瓜

每次經過朗豪坊，經過見到呢間甜品店，一直都好想試下，今次終於約咗朋友仔一齊黎嘆tea想嚐一下精緻甜品，但又唔想太heavy，所以揀咗呢個水果配雪糕嘅Premium Japanese Fruits Tea Set。呢個set嘅主角係日本溫室蜜瓜，已經起肉切塊方便品嘗。食落口非常清新，好甜好juicy真係不得了。另一款水果就係golden kiwi 🥝 同樣是清新juicy，甜度當然不及蜜瓜，建議從淡到濃，先吃kiwi後吃蜜瓜。另一亮點就係雪糕🍦我揀咗抹茶味。超濃郁嘅抹茶牛奶味，好creamy，炎炎夏日吃一口真的份外透心涼飲品點咗Iced Cappuccino，無太大驚喜，算係不過不失。

期待已久一直想試i CREMERiA Tea set旺角朗豪坊的分店位置於4樓food court，開放式、樓底高，Chill舒適寫意。很適合約閨蜜好友來拍拍照談談心。店員一端過來已經眼bling bling，用黎打卡絕對讚！Japanese Matcha Formaggio Tea Set $128日本宇治抹茶芝士蛋糕輕食包括有抹茶芝士蛋糕、紅豆、 白玉丸子、蜜餞栗子，配自選雪糕及飲品，非常豐富，光看已經流晒口水了。雪糕口味點了皇牌綠茶和牛奶，紅豆味甜度恰到好處。抹茶味濃郁，能配合到牛奶軟雪糕。雪糕軟實度剛好，牛奶口感十分香滑，一口麻糬，一口紅豆再配上一口細膩雪糕，味雷到極致！

今日又做孤獨的美食家… 因為上堂地點的關係，近來的晚餐都在旺角解決。今日就試下旺角朗豪坊的「i CREMERiA Cafe」。門面，裝修都好優雅，好Lady。室內有花花裝飾，配上金屬射燈，雲石枱，梳化櫈，坐落舒適。Set dinner有多款選擇，包餐湯/沙律+茶/咖啡。+$30 有Parfait!我就叫左個最吸睛的「蕃茄大蝦青口意大利麵」!餐湯係粟米濃湯，湯質地濃厚，有粟米顆粒，熱度適中，唔係罐頭湯，正!主角! 賣相超靚靚!大蝦有膏又大隻，啖啖肉，抵食!青口大隻，味道就不過不失。忘記左原來餐跟左塊包，應該係跟湯食，但我已經飲哂個湯… 包包好好味呀，有麵包獨有甜香。意粉質地彈牙，滿滿的蕃茄汁掛在麵上，加上菇、蟹柳、小蕃茄、翠玉瓜做配菜， 呢個意粉簡直超水準 !仲有杯跟餐咖啡，可以揀凍齋啡或者牛奶咖啡。 我杯牛奶咖啡，味道就正常~其實佢嘅Tea set同雪糕都好吸引，下次真係要再黎試下佢嘅甜品!

今年夏天似乎來得特別早，而且熱浪來得特別凶狠。上週日和朋友走在旺角街頭，在室外不消幾分鐘便已汗流浹背，迫不及待要躲進朗豪坊涼冷氣，順便在i CREMERiA 買杯冰震雪糕降溫。大概是天氣實在太熱，不少原本逛街邊的人都改往商場裏鑽的緣故，商場以至i CREMERiA 都比往常更多人了。男友選了個chocolate cake 的tea set。剩下有選擇困難症的我還在櫃檯範圍踱步，在餐牌前來來回回徘徊，tea set 雖然豐富但最終還是選擇了金箔雪糕。金箔雪糕好像是i CREMERiA 季節性推出的甜品。還記得一兩年前曾經是熱潮，不少人一窩蜂地排隊購買。老實說我到現在爲止還沒有嘗過，但既然來到，就不如試一試，滿足一下那虛榮心。金箔雪糕的奶香很濃，但金箔其實沒有味道，純粹只是爲了感受一下把那輕如羽毛金光閃閃的薄片吃下肚子的感覺。Chocolate cake 的巧克力味非常濃鬱，而且口感濕潤，非常不俗!