i CREMERiA Café (Closed)

之前都食過幾次 i CREAMERiA嘅雪糕😋發現佢有dinner set 就衝咗去食! Dinner set都幾豐富有主食 湯or沙律 仲有飲品! 我地叫咗2個set 1個係青口意粉+南瓜湯+凍咖啡1個係蕃茄肉丸長湯粉+沙律+冰茶 南瓜湯都幾濃 似南瓜蓉多d 沙律就正常個人覺得蕃茄肉丸長湯粉好食d味道較濃 所以蓋過咗青口意粉嘅味~ 而飲品方面冰茶好飲過咖啡😌食完個set其實都幾飽但我最主要為個雪糕而嚟點可以唔加$30 食呢! 呢個雪糕係平時size ge一半 但都仲有紅豆 白玉同杯底嘅脆米食落好有口感雪糕都好滑不過我prefer 全抹茶多過mix 因為mix 抹茶味會淡咗😢overall 嚟講 $200幾蚊食到咁多野都抵嘅同埋環境幾舒服 食物賣相同味道都唔錯😋

今日行街行到攰攰地，係朗豪坊行過呢間I Creameria坐低食tea，我就一向鐘意宇治金時類型既甜品，即刻簡左呢款抹茶雪糕set，set內配有一杯餐飲，抹茶雪糕，抹茶蛋卷，加一些伴碟栗子紅豆丸子。先講一下蛋卷，看外表同一般蛋卷既分別係極多cream，還有就係蛋卷既蛋黃味係比平常既蛋卷略為突出。雪糕方面亦交足功課，要滑夠滑，要濃夠濃。反而最令錯愕既係佢既伴碟，當中栗子亦經過處理，Manu係寫著蜜釀栗子，味道係成個餐既點啜位，紅豆甜度適中，不會死甜，丸子亦不過不失，煙韌程度和湯丸相同。價錢方面在朗豪坊算正常，味道方面和飽肚既程度亦不錯。其他餐點方便亦不時會有季節限定，今期就有薰衣草百爵茶主題，相信不少人會鐘情百爵茶既甜品，記得吾好錯過啦。

i CREMERiA 又推出期間限定口味🍦薰衣草x伯爵茶系列淡淡的薰衣草香之餘又有濃濃的茶香特別喜歡其焦糖杏仁脆餅 甜而不膩🍯而且用料天然完全沒有加入香料及色素 ..

心情唔好嘅時候一定要去食甜品！而我一直都好鍾意食 Icremeria既雪糕🍦行街經過佢哋推出左呢款薰衣草伯爵茶雪糕($68)🍦💜 一定要試一試！呢個雪糕質地好軟滑，淡淡既薰衣草花香配上伯爵茶嘅茶香，估唔到又幾match！雪糕面頭仲有一塊杏仁焦糖脆脆，味道甜甜地口感脆身，成個雪糕冇加入香料同色素，成份比較天然，健康又好食，唔錯另外，佢哋亦推出左呢款伯爵茶薰衣草Tea Set ($158) ，成個主題都係薰衣草同伯爵茶組成，可以試多啲嘢! 呢個Set 包括有薰衣草伯爵茶蛋糕、原粒士多啤梨、焦糖脆片配薰衣草伯爵茶雪糕同伯爵茶。蛋糕口感鬆軟，係由伯爵茶整成，夾上比例啱啱好嘅薰衣草忌廉，好食！一口甜品配上一口熱茶，消滯解膩，好寫意💜

約fd唱完K直落high tea簡直係貴婦般嘅享受!成個店面環境好grand 裝修係偏英國皇室風嘅感覺比人感覺好舒服坐位亦都好闊落 仲可以揀坐出面露天位但係因為個陣落毛毛雨所以都冇坐到出面野食黎講 我地叫左2個tea set一個係薰衣草蛋糕同伯爵茶雪糕一個係抹茶cheese cake set抹茶個個set真心好推薦個cheese cake好好食唯一不足之處就係比較細件有啲唔夠喉2個雪糕都好足料 量好多食到勁飽好滿足

朗豪坊chill chill tea，呢間甜品店外表幾grand，岩曬港女打卡，約埋三五知己tea ☕️ 傾下計都好正不過店內好少位，要等一陣先有位，同埋係自己等位，有室外嘅位，不過夏天岀面就有d熱啦，不過食物質素都抵番曬排咗咁耐會定期有好多嘅期間限定，所以每次去都會有驚喜，唔驚重複啦今次叫咗個日本宇治抹茶🍵包括有抹茶芝士蛋糕🍰、紅豆、白玉丸子🍡、蜜餞粟子雪糕🍦味道可以自己揀，都可以mix，好似我咁抹茶mix牛奶🥛兩者雪糕味道都十分濃郁🤤好滑飲品揀咗凍英式奶茶☕️奶係分開上的，自行決定幾多奶，唔係太甜，茶味好香食曬成個tea其實幾飽，配搭得好好芝士蛋糕密度十分高，好滑，細細個唔會太”流”，口感層次十分豐富，真係一分錢 一分貨☺️

Icremeria is my happy place🥰 And I came here right after I saw posts on Instagram about their newly launched Earl Grey ice cream & cake tea set!! And as always, Icremeria doesn’t disappoint 👌🏻We ordered 2 sets, one being the new earl grey and the other being one of their signatures i.e. matcha cheesecake.The earl grey ice cream is very strong in tea flavour and I like how it’s not overly sweet even though it’s an ice cream. And the cake was delicious as well! The texture was very spongy and airy

應該都無人唔識呢間係朗豪坊既雪糕店, 一直都未試過, 但一直都好想試, 因為裝飾好靚, 少女心大爆發! 今日行街行到攰, 同媽咪share左一個tea set, 都有d貴, 不過配埋野飲都ok~叫左一個芝士蛋糕set, 個set係綠茶芝士蛋糕, 不過店員話出左新既原味, 所以就試下xd 雪糕要左mix, 野飲要左奶茶~等左一陣就有得食, 唔洗自己拎, 個雪糕好大杯!!!多到斜晒! 我地2個人食都覺得好多~ 牛奶味同綠茶味都好rich, 我鐘意綠茶味因為好甘而不苦, 而媽咪就話牛奶好味d因為好重奶味芝士蛋糕味道唔錯, 好濃芝士味, 不過口感較鬆散~

話説今日同朋友仔唱k經過有d肚餓見到新出既薰衣草伯爵茶雪糕好鬼吸引，於是兩個人叫左兩個Tea Set-期間限定既薰衣草伯爵茶午後輕食($158)同日本宇治抹茶芝士蛋糕輕食($128)。講下個薰衣草伯爵茶tea set先，薰衣草伯爵茶蛋糕有好濃郁既薰衣草味道再配上分量剛剛好的cream，完全唔覺得油膩啊！而薰衣草伯爵茶味道獨特，伯爵茶的清雅清香配上濃郁的薰衣草，兩個配搭得非常好！再加上薰衣草伯爵茶雪糕，令人感覺好似置身於成片薰衣草園入面。一定要試下！而日本宇治抹茶芝士蛋糕tea set，個抹茶芝士蛋糕芝士味係完全無遮蓋到抹茶既味道，反而配搭得好好！紅豆同白玉丸子再加上抹茶雪糕，唔洗講都知一定係完美啦！再加上有曬茶香同奶香既英式奶茶，成個tea set係食得好滿足啊！

之前已經久仰呢間雪糕店既大名，係日本見到既時候已經好想試知佢係朗豪坊開左一排，星期日終於帶埋阿妹一齊去食佢門面好靚，每次搭扶手電梯上都引唔住望多兩眼 雖然位就唔多，但室外都坐到幾張架同阿妹硏究左一陣menu，雖然我地未食lunch，不過佢嘈住話要食雪糕見到有個tea set幾正咁，係新推出架，薰衣草口味可能夏天先有，心郁郁想試下，於是叫左一個有蛋糕、雪糕同茶既set（$158)，一次過滿足哂我三個願望當個set到既時間，我同阿妹都同一時間叉向雪糕一放落口第一啖已經大滿足個雪糕好有薰衣草既夏日清新感覺，而且口感細滑，夠哂特別，合埋眼已經幻想到自己係北海度既薰衣草田野我地好鐘意呢個雪糕，不過唯一唔好係融得太快啦個蛋糕就普普通通啦，薰衣草味濃，不過口感如果更幼滑一定更加正個茶係earl grey，用黎配蛋糕其實好正中和番甜味總結： 最最好食一定係雪糕！！！不過見到隔離枱叫左個波菜意粉，好似都幾香幾正咁，下次會試一試正餐

假日同朋友旺角行街街,行到累累地緊係食個tea平時行開朗豪坊搭長電梯,見到有間外貌精緻的甜品舖,同朋友tea 一tea relex下今次星期六人流比較多，室內店舖亦滿座，等左一陣就有位坐。有露天茶座的，但當日實在太曬，出面冇人坐，如果唔曬露天茶座食tea應該更好feel。款式選擇多，甜品櫃𥚃蛋糕擺放很精緻很吸引。雖然人比較多，但收銀和送餐嘅速度都很快, 不用等多久就送餐了今次點了日本宇治抹茶芝士蛋糕輕食的tea setTea set的外觀好靚，由托盤餐具到擺位，都無可挑剔，加上啲甜品雪糕，靚到點可以唔打卡。雪糕選半抹茶半牛奶，抹茶味濃唔苦，奶味很重，雪糕很滑很creamy。不過當日天氣就算屋內都很熱，雪糕很快溶，要快快食紅豆+白玉丸子+蜜餞栗子，紅豆淋，大大粒，但偏甜，白玉肉丸子煙韌，配上紅豆嘅甜，味道剛剛好。蜜餞栗子微甜，有淡淡的栗子味抹茶芝士蛋糕，一層抹茶一層忌廉芝士，芝士和抹茶味道很濃，兩者味道很夾，吃下去很幼滑，不會太甜餐飲叫咗熱檸茶，有一壺熱紅茶俾我哋慢慢沖黎飲，茶味特別，檸檬很新鮮，完全冇檸檬嘅苦澀味，可以同剛剛吃嘅甜品中和返。雖然係輕食，但呢個Tea set份量都好大，細

夏季總係悶熱冇乜胃口但飯不能不食就夜少少食個teaSkip dinner雖然等夜少少佢會有dinner set但甜品主要唔係俾個胃食係俾個心情食嘅環境亦係令心情愉快不可或缺嘅一項就算一間cafe甜品極好味環境唔舒服就會失色花團錦簇食物香氛撲鼻甜品精緻視覺效果多少會令味道加持個set好在重複性唔高雪糕搭水果嘅組合唔會漏而雪糕又可揀兩溝感覺上豐富咗北海道3.5牛乳+抹茶堪稱大熱組合滑而濃 而唔會有一隻搶過另一隻抹茶嘅甜味亦來得自然日本水果唔洗多介紹蜜瓜基本上係近皮嘅瓜肉都極清甜如果呢刻杯奶茶俾我仲係甜嘅話我會覺得over咗但杯奶茶唔太甜 啱啱好成個set都好夾

小妹今日放假，約左閨蜜去行街街買衫衫。行到累，大家都想搵個地方坐一下，於是揀了這間靚靚雪糕店休息。餐廳點餐需要到櫃檯排隊，因為有很多人會外賣雪糕，所以也需要等一等。但看到很多精緻的蛋糕和琳瑯滿目的雪糕餐牌，你也不會介意需要待一會。相對只點一客雪糕或蛋糕，餐廳的Tea Set性價比相當高，因Tea Set 包了一客雪糕、一件蛋糕和一杯飲品。小妹看見餐廳正熱賣薰衣草伯爵茶系列的雪糕和蛋糕，相當吸引，也情不自禁點了一客Lanvender Earl Grey Tea Set（＄158）。雪糕、蛋糕和茶具擺放很美觀，Tea set以金盤奉上，很high class的感覺。蛋糕上有紫色的薰衣草，還伴有焦糖脆脆和士多啤梨呢！我很喜歡這個蛋糕，蛋糕多層鬆軟，口感豐富。帶有微微的薰衣草味，不會太甜。伯爵茶味亦是淡淡的，感覺清新，吃完很想再多吃一個！雪糕則伯爵茶味濃厚，雪糕細軟，入口即融，口感十分好，在這些熱天氣下，真的透心涼呢！要提提大家，雪糕比較新鮮，沒什麼添加物，所以也很快融，不要掛住拍照，要快點享用！茶方面，餐廳選用了Twinings茶包，味道清新，融入淡淡芬芳。我好奇地打開茶壺，看到茶額外加添薰

呢間店嘅雪糕大家應該都唔陌生，佢2年前出過薰衣草雪糕超好食，估唔到今年又出期間限定版嘅薰衣草伯爵茶系列。薰衣草伯爵茶輕食 $158 呢個set好啱high tea食，唔一定要去酒店，嚟呢到都可以嘆吓。一層層鬆軟嘅海綿蛋糕中間有好細滑嘅cream，又軟又綿。仲有自家調配嘅薰衣草伯爵茶，同埋雪糕。成個set又靚又好食。薰衣草伯爵茶雪糕 $68 除咗清新花香外，仲加入伯爵茶，味道香濃，有個茶底，令到成個雪糕味道更有層次。雪糕上有焦糖杏仁脆脆，食軟雪糕之餘又有啲又甜又香脆嘅嘢相伴，帶嚟兩種享受。另外佢嘅賣相好靚，雪糕仲插住枝乾薰衣草咁，要嚟打卡啱哂，不過要影快啲，因為都比較易溶。如果你鍾意睇我嘅食評，不妨關注我，支持吓我，謝謝你☺️💕

今日同男朋友行街街到一半有啲攰，所以搵間tea食下係朗豪坊搵到個比較開揚嘅位食tea set🥰🥰🥰睇menu有好多唔同嘅tea set揀，有抹茶、有水果同薰衣草，因為今日少女心嘅關係，所以我就揀咗薰衣草😂😂😂男朋友揀咗抹茶。Tea set跟一個雪糕、一個甜品加一杯嘢飲💓薰衣草嘅係薰衣草伯爵茶味嘅蛋糕同雪糕🎂🎂加士多啤梨焦糖杏仁脆片同紅茶而男朋友嘅就係抹茶蛋卷、雪糕、白玉丸子加紅豆栗子同咖啡👍🏽👍🏽👍🏽薰衣草tea set保留到薰衣草嘅味，唔會好似啲假嘅化學嘢溝出嚟嘅味咁👍🏽食落好fresh好舒服嘅，雪糕溶得快。證明係天然材料、無乜添加防腐劑！😍😍而另外蛋糕微甜，唔會過甜個口感好heavy、餅底仲有餅乾碎做底，令成件事食落口感豐富啲😇而嘢飲我揀咗伯爵茶、熱飲嘅伯爵茶解膩又放鬆👍🏽整體嚟講呢間tea唔錯，值得一試！值錢係朗豪坊又唔算離地！