一本日本料理 (Closed)

上星期同D 屋企人去咗紅磡舊個間一本日本料理到食, 因時間還早, 所以唔駛等位, 叫嘢食都OK 啦, 唔駛等好耐.我哋一共四個人去, 但其中二個人下午茶食咗D 嘢, 所以唔係叫咗好多嘢. 我哋一直都有幫親開, 可以話係長期客仔, 但今次食完之後, 就可能唔會再去.因為: 果度D 侍應招呼態度好差, 好似見我哋差唔多食完, 就不停係我哋面前走來走去(又入去到走,只用咗五十分鐘唧), 目的係想我哋早D 埋單, 都算啦, 因為有一家人係到等位, 所以口快快叫咗埋單, 但個位侍應問都無問就走咗, 我連張VIP 卡都未攞出離啫, 個位帶位連埋單位小姐已經到, 我問佢, 我有VIP 卡喎, 佢好唔好老脾話, 要係埋單前通知, 唔係就無用啦, 我已經話咗佢知, 我未攞到張卡你位待應己經走咗, 佢一樣唔理我, 仲話己經寫明係度, 張單係無得改啦, 我心想, 如果無得改而你哋又入錯單咁點先, 跟住我話, 咁你哋要改善下啦, 點知個位小姐越來越唔耐煩, 不停話張單無得改啦, 好啦我哋只好照埋單. 我哋見到其他人埋單, 都有雪糕糯米磁, 問番走離埋單個位小姐(同剛剛個位又唔同咗, 唔知係咪好唔滿意我問咁多嘢

去一本記住食北海道燒龍蝦,係將D龍蝦肉加沙律醬再一齊燒,但一份只得半邊,所以我同我男朋友通常一人食一份;另外重有燒三文魚腩,佢個度係寫三文魚骨腩,你要同佢講話要腩,因為如果無佢會俾骨你,骨就比較乾身無咁好食;一本已經開多咗一間分店,比舊舖大D,都係蕪湖街近漆咸街,當代書院隔離.

食市大投訴--紅墈一本日本鐵板燒昨天本來跟一位朋友去紅墈都會廣場梁山泊,餐廳內只有一檯人,我入座前問侍應"今天有沒有壽司任食??"豈料他話"今日無WO"轉頭走番入餐廳,其實就算無我都諗住入去食,不過佢都唔諗住招呼我入去坐就算啦之後去左黃埔花園附近一間一本日本鐵板燒,出面有2堆人等緊,我拎左紙仔係出面等,因為餐廳好細,而食鐵板燒通常都食好耐,所以都諗住要等半個鐘至9個字,點知甘岩有2張檯走,甘就得返我同我朋友,諗住下一張到我地大約10分鐘後,有一家人黎左,10個人既,無幾耐有人賣單,BAR檯有4個空位, 由於我上一次食已經有遲來先入座既不快經歷,所以我一路用望住帶位果位小姐,暗示佢"到我喇",果然佢想係唔問我之下,比左果4張BAR檯位果一家人, 我好嬲,一.因為佢已經唔係第一次,二.果張係bar檯位,如果佢係大檯坐位比人地坐我覺得好應該三,一張檯大約要等起碼20分鐘,甘佢係米下一張會比埋果家人才因為人佢地有10人,仲欠6位)如果中途又有d大堆人黎,你係米又比佢先???係我既不滿既眼神下,佢終於問我"小姐,你不如比左果家人坐先,等多一陣下張檯到你"我一口答左唔好,佢就用好厭惡既眼光叫左我

如果唔怕食完一陣燒烤味都是不錯的選擇。食物平,都算超值切記試試牛肉薄燒由於平,自然排隊輪時間長。叫食物亦相對長。

$5蚊兩舊壽司好似幾抵,不過黎到就發覺好細粒同有d硬. 好在其他野,好似竹筒飯,牛肉薄燒都唔錯.而且係師傅o係你面前整,睇住佢整都幾過癮果晚兩個人食左$100蚊到,算係有d野落肚,我諗就算真係食都係$200到

雖然細細間..但係d野食好抵食...叫左一個78蚊既餐..有鐵板牛肉薄燒, 鐵板雞扒, 炒飯, 炒雜菜, 沙律, 麵鼓湯, d野食整得都唔馬虎...坐係bar枱睇住佢整鐵板燒都幾正..鐵板帶子兩隻都係18蚊..都唔細隻tim ~~ d壽司5蚊碟都好抵....不過都已經食到好飽~~15蚊既三文魚刺身都無食...食滿150蚊就有雪榚糯米茲做甜品~~

平時去一本多數係買三文魚剌生外賣，　一般都幾有水準，　不過今次同朋友經過入去試左一個　公鐵板燒餐($238)．包括：三文魚刺身：肉質味道都唔錯神戶薄燒：　用左好多蒜，好濃蒜味，無晒肉味，　同ｄ蒜好硬．影響左神戶薄燒的口感．有殼鮮帶子：同樣ｄ黑椒味太強．鐵板多春魚：ｏｋ～炒雜菜：　個人幾欣賞，　菜幾香甜而且唔多油．三文魚炒飯：　炒得好均運，　不過多油左ｄｄ．另外Order左燒羊肉(約$45), 都係同樣香草味過多, 無晒羊肉味. 而清酒由只得菊正宗($60), 不過就買一送一.

五蚊兩件壽司,即叫即整,好過食迴轉"機整"壽司喇~~d料好新鮮,唔會話將貨就價。鐵皮燒非常ok,亦唔貴,仲有好多款揀。不過記住唔好坐爐頭bar位,好大油煙-__-

Even the restaurant is quite small and crowded, they provide various Japanese dishes. Tastes are ok, especially fried noodles. Waiters are helpful.

幾抵食呀!環境雖然o吾好，就味道好味，上次叫左個蟹子炒飯，好好味，炒得幾好，仲有墨魚仔做前菜，有碗面士湯，不錯，另外佢D壽司好似係$5蚊兩件，但就未試過，如果係就仲抵食，下次會去試o下。

主打是鐵板燒及$5 一碟壽司, 不過我都未試過鐵板燒, 因為覺得個燒爐幾污糟下, 好多油漬, 當堂無咩胃口, 而$5一碟壽司, 都好多選擇, 咁o既價錢當然係飯多而料少, 呢層都預o左, 壽司師傅可能未到家, 夾壽司飯時飯好易散, 三文魚刺身都好抵食, 只係$15便有三大塊, 另一較好味之作係鰻魚飯, 可惜條鰻魚好細條.

5 蚊碟壽司, 平過街市, 質素中上, 服務一般, 鐵板燒有技術......正.....

同男友去食晏，叫o左兩個超值午?同一碟三文魚壽司。碟三文魚壽司o既賣相真係……所以一碟只售五蚊，食完都冇嗌佢個刺身囉，我覺得咁o既三文魚，佢o既刺身連十五蚊都唔值。o個兩個超值午餐真係幾平o既，廿五蚊，一碟前菜、一碗麵豉湯同一盒飯。碟前菜係最正o既，八爪魚仔同墨魚仔喎，冇乜邊間日本料理出手咁闊綽o架喇。但盒飯真係難食到嘔，o的飯好爛，好似o的水唔駛錢咁，落咁多都唔佢做乜。碗麵豉湯就一般啦。男友話佢o地應該係出名鐵板燒o架喎，可能我o地今次真係叫錯o左，我諗我會去試o下佢o地o既鐵板燒o既，但唔會再食其他無謂o野囉。對食冇乜要求，但求又平又飽o既，呢間日本料理會係一間唔錯o既選擇。

o係出面睇價錢好似好平，實際上壽司都幾新鮮.. <br>唯獨選擇不多..款式較少..

佢o的o野食好好味ar！又唔貴喎！日本餐算係抵添啦！但係服務都唔係你們講得咁好囉！雖然地方細細，但係o的位唔迫(除o左bar台)。o黎到仲有兩小時免費泊車，唔錯！