一本日本料理 (Closed)

第一次o黎呢間日本餐廳試下.. 看看menu... 大部份食物都好平.. 於是2個人叫了:1. 半磅三文魚刺身($36): 有成15 塊..都幾多... 但係一食落去冇咩三文魚味.. 唔太新鮮.. 但係所謂"份量多價錢平".. 仲想點o丫? 2. 鰻魚壽司($6): 塊鰻魚係細到差d 睇唔到.. 冇味.. 冇鰻魚汁.. 而飯細之後好硬.. 一d 都唔好味3. 帶子壽司($6): 細size.. 唔新鮮, 冇帶子味4. 牛肉薄燒($18): 呢個好味呀.. 有4 塊牛肉, 佢裡面係包住d 蔥, 加埋d 汁好惹味5. 鐵版多春魚($8): 有4條, 好味呀都.. 不過要趁熱食.. 如果唔係就腥喇6. 汁煮三文魚頭($18): 呢個好抵食.. 其他日本餐廳都未試過咁平.. 但係份量真係做足(應該都有一個魚頭).. 佢個汁酸酸地.. 咸咸地.. 個魚頭d 肉好滑.. 最滿意之作..7. 鐵版魷魚鬚($18): 都幾多條呀.. d 魷魚好好咬口.. 彈牙.. 佢加埋d 蒜片好香口入味..8. 金菇牛肉卷: 呢個麻麻地.. 好少金菇, 而牛肉都冇牛肉薄燒咁惹味總括o黎講, 我唔會再去呢度食壽司同刺

早兩個星期去過新店, 對抵食壽司念念不忘, 今天因方便關係去了舊店, 點知原來壽司的質素差很遠. 飯團很實, 是一舊密度非常高的飯團, 而且飯粒很硬, 有生米之嫌. 飯團上面的刺身細舊, 某些材料比起新店細一半有多, 最離譜油甘魚, 竟然用魚碎充當, 甜蝦亦只有一隻, 非常慳皮.今次除了壽司外還點了燒物, 包括牛柳粒($8)、象拔蚌($6)、銀杏($8)、雞軟骨($8)、三文魚骨($5)及翡翠螺($8/pcs). 老婆覺得最正係雞軟骨, 共叫了三串, 而我就覺得象拔蚌同翡翠螺最好味. 最難食銀杏, 燒得太乾身.環境方面十分擠迫, 服務方面亦頗為不足, 燒物師傅將完成的燒物丟到檯上便算, 懶理未有待者來接食物便自顧傾計. 個廁所非常污糟, 非必要勿進!價錢仍屬便宜, 兩個人共$150埋單, 不過比起新店各方面都差好遠.

昨晚到這裡用膳，因我吃了點東西才到，所以只點了龍蝦雞扒鐵板燒(一人前)和男友分享。食物包括︰1) 鐵板燒龍蝦半隻--- 份量真的很少，做法是將龍蝦起肉，混合蘑菇、芝士、蝦肉，和少許龍蝦肉一起焗。味道真的很討好，芝士香而不漏，可惜龍蝦肉大部份被抽起，實有欺詐之疑，不過以這個價錢來看，還是算了吧。2) 鐵板燒雞扒--- 這個份量不少，雞扒弄開小塊，用炸過的蒜片炒，味道尚可。3) 炒飯(三文魚/ 叉燒) --- 配料不多，但份量大，而且香口。4) 炒雜菜--- 主要是椰菜絲，沒什麼味道。5) 雜菜沙律--- 幾片生菜、一片蕃茄、一片青瓜、約一匙的玉米粒，加上千島醬，沒什麼特別。6) 麵豉湯--- 有少許豆腐和紫菜，味道尚可。

i haven't go there for a long time la~today,i go to the new shop la~ it is very big! i think it can sit about 90 people.the food is still very tasty ar~go and try once la~

有朋友生日，個個都無提意，又話想食日本野，咁又去一本食啦，個個食完都話價錢底，野食又唔錯，我住附近幾乎個個星期都去，我都想離開紅磡試下其他架......朋友至愛:壽司- HK$6.00-8.00 2件話仲平過百佳，惠康果D喎~~魚生船- 鮑魚至正

中午朋友專程到來午餐小聚, 簡簡單單的點了一個二人套餐另加一個劍魚刺生和啤酒; 先來了三文魚刺生顏色鮮濃不太自然味道質感一般; 十片一寸丁方的劍魚刺生味道輕清不太討好; 炒雜菜相信是最理想的一味, 份量不小略嚴用油多了一點; 再來的鰻魚飯一打開盒子時水蒸氣十分之多, 似乎可以比得上打開飯煲時的效果, 鰻魚肉味和汁料偏各輕清算是不過不失; 叉燒湯麵份量十足, 但麵質和叉燒一樣偏於過腍幸好湯汁味道適中. 服務方面有禮貌但冷氣和人手明顯不足. 整體上比從前退步了不小.

同媽咪1齊去食左個鐵板SET LUNCH($36)同WASABI三文魚SUSHI+ 櫻花墨魚SUSHI($6+8)3文魚刺身同北寄貝刺身($15+22)味道唔錯食到好飽埋單都係96ZA =]10級抵食

今次我推介係鹽燒三文魚骨腩，$5超抵食，而且味道和份量都唔錯．另外雞軟骨串燒都好好味，好香脆．其實我都好同意GG所講，佢地安排坐位的方式十分差，所以我通常6:00pm左右去到，唔使等位．可能我唔係繁忙時間去啦，所以service都ok喎．

又係一個平字, 真係唔錯, 海膽原板都只係$68咋, 仲有五件白飯一起上, 三文魚同海膽很新鮮, 不過d壽司飯就唔係好得, 太硬, 主力為鐵板燒, 很好食, 最好係鐵板帶子同雞排, 就算你叫好多款式都不太貴, 一流.***我已幫襯了很多次^.^***

today i go to this restaurant and have a dinner.(it is the new one).it is very good!i eat some 三文魚頭is only$10,it is very tasty!!!!(it is cheap too!!!)三文魚剌身正到非筆墨所形容~~好新鮮~~油金魚is extremely good!!~p.s大家去hung hom 一定試!!(推介~~)出o左個魚湯~~good~~

一本既鐵版牛扒同龍蝦都整得相當唔錯,加上個餐都好平下~又有好多野食,都算係一個唔錯既選擇之但係呢度既壽司就.......我唔識講喇......我未見過d壽司飯長方形識起角囉...呢度就有喇~d魚生都係非常唔新鮮...

上星期同bf去咗 紅磡舊個間"一本日本料理" 到晚後, 因煩忙時間, 所以要等位，就同個WAITER 講新鋪有無位，如果有就行過去，但佢就話"唔知" 行左去，等左大約20分鐘到就有位。野食都OK啦, 唔駛等好耐，其中"鹽燒三文魚頭" 係最低食，但間野空氣真係唔流通，返到屋企要由頭洗到落腳。講真你話好好食，就唔講得架啦，但就算平囉！

串燒,鐵板燒都好好味,而且好抵呀!環境係差d不過未算太惡劣.

d 服務奇差囉....佢間分開新店初期去過幾好...不過九月中再去...諗住去新店大d 唔洗等咁耐,點知明明其他人等既倩況下...等o左成九個字囉....>.<咁都算...入到去, 叫o左個三文魚竹筒飯,我隻碟有d污積係度,叫waitress 同我換碟...咁...佢拎隻碟埋黎...係求其放係張枱的邊緣...而唔係放返係我個位度...呢d service....-.-"d 三文魚竹筒飯...唔點點解變o左做辣...係俾人落o左辣椒油既味道....個經理仲話"宜家轉o左味道"...唔係呀話....係加辣椒油既味道.....-.-"好恐怖....後來,食到半路加位, 連杯茶都唔俾囉, 但錢就收埋o個個茶位...搞錯...搞到成家食完極不滿, 以後都唔想去食....p.s. d service 好差...d waitress 個個係度玩...態度極差...去完真係一肚氣

無可否認，d野食係好鬼平，之不過極度唔新鮮，三文魚刺身係唹黑色既，壽司d飯跌落地下仲嗱返黎用....唉!!!不過算la，俾$叫咗冇理由唔食架，最多下次唔黎架啫，係咪？點知今晚國慶烟 花未放，我就要入廁所放我的「烟花」嘞，成晚疴左6 次到脫水咁濟，好鬼惨。醫生話應該係d刺身有問題，叫我驗大便同抽血驗甲型肝炎，今次真係傷身又破財，嗚嗚.........如果驗到係d野食令到我有肝炎的話，我一定去消委會同食環處投訴佢，攪到我咁慘!!!!!!!!!