一虎

Open Now

Now Closed

一虎らーめん📍 灣仔廈門街23號地舖呢日朋友返晏，佢介紹喺佢公司附近有一間好出名嘅拉麵店，話想同我一齊試吓，所以我哋就避開咗最繁忙嘅午餐時間，喺餐廳11:30一開門就去食，所以唔使排隊。溫馨提示大家，灣仔喺午膳時間係非常多人，無論咩餐廳門口都排咗長長嘅人龍，如果你想食呢間拉麵但又唔係開門即刻去，建議你有心理準備要排一陣隊，我見食客都食得好快，大概10至15分鐘轉一批人，但門口長期都有人排隊，要留意！ 💰$98一虎 🍜去親拉麵店其實我多數都叫佢哋嘅招牌，呢一虎就梗係食一虎啦！佢嘅配料，其實都係定返嘅叉燒同糖心蛋，每次食拉麵前我都一定會飲一啖佢哋嘅湯底先，一飲落去，嘩，正！作為重口味界嘅人士，覺得如果湯底再濃多少少就好啦，但食得好清好健康嘅朋友就話佢覺得已經夠晒味。我揀咗糼麵，軟硬度揀咗普通，湯底加左香油，而額外配料就要晒蔥同木耳絲。佢嘅叉燒片偏瘦，啱晒我呢啲減肥人士食，木耳絲同蔥嘅口感，令到本身有新嘅面口感更好，加上店員不停用日文同師傅溝通，對住顧客亦會用日文去招呼，所以真係有少少置身日本拉麵店嘅感覺！ 💰$103鮪魚拉麵 🍜朋友就叫咗呢款鮪魚拉麵，我試咗幾啖佢嘅湯底，魚味好鮮甜，成個湯

黑虎拉麵🐯 $96如果想食濃郁嘅黑蒜拉麵，黑虎拉麵一定冇介紹錯。相比起坊間其他嘅黑蒜拉麵，濃郁嘅豬骨湯底再加上大量黑蒜油，拉麵選用嘅係幼麵，再加上肥瘦適中嘅叉燒同埋流心溏心蛋。重口味人士必試!!!🐒

〰️赤虎🍜Super spicy ramen loved by Osaka $96見menu係推薦呢碗 唔食得辣都膽粗粗嗌黎試叉燒有2-3大塊 薄叉燒 唔痴牙 餣得好入味筍都好新鮮爽口彈牙 湯底對我嚟講有啲辣 唔食得辣嘅可以唔使試不過雖然辣 但係個湯底都濃郁 想飲晒佢個種無奈地我唔食得辣🤣糖心蛋好食到流淚 冇誇張 平時麻麻地食拉麵啲糖心蛋 佢粒糖心蛋係餣到超入味 唔會過咸（連蛋黃都有味）〰️檸檬拉麵🍜Lemon ramen $101開頭我對佢嘅期望不大 因為想像唔到檸檬味嘅拉麵可以點樣好味法點知食落好驚艷 湯底係濃濃嘅豬骨湯+好清新嘅檸檬味一啲都唔酸 兩者加埋出奇地好味 而且好開胃 食完一啖接住一啖停唔到超推薦呢碗檸檬拉麵 而家打緊食評都要狂吞口水🤣〰️餃子🥟係外脆內軟嗰種餃子！！明嘅會明😂😂

一虎拉麵季節限定的檸檬拉麵，選用掛湯力一流的曲麵，將自家製檸檬醬加入長時間熬製的豬骨湯底，再鋪上鮮檸檬片，為濃郁的奶白色湯底添上清爽氣息。微酸的檸檬拉麵，吃起來既不突兀，更令人食慾大增，吃畢整碗亦不感到過膩，反而有種清新的滿足感。Ichitora’s seasonal lemon ramen adds housemade lemon-infused sauce into its pork broth and topped with fresh sliced lemon, contributing a refreshing and satisfying ramen experience with the citrus freshness.

youtuber 介紹完我就對個檸檬拉麵念念不忘上次排左個幾鐘結果佢無供應，食唔到今次去終於食到啦！夜晚6 點去到唔洗排隊！ 🤪開心仔佢只係少少酸味，加埋豬骨湯底夏天食就岩啦，唔會好油膩，反而好開胃！餃子皮薄， 味道正常， 都值得一試！

事緣夜晚八點經過利東街，見到一虎拉麵只有兩個人排隊，所以同朋友去試下呢個有灣仔拉麵四小龍之稱既拉麵店。店內環境舒適，唔係坐得好迫，感覺良好。檸檬拉麵選了粗麵，香蔥同京蔥偏多❤️，仲有檸檬同叉燒。檸檬配合豬骨湯底好夾，清爽唔油膩，食完唔會有油膩感同口渴，夏天好適合食。一虎拉麵選了粗麵，有香蔥，木耳絲，溏心蛋，叉燒偏淋，豬骨湯底唔油膩。至於配菜店內提供左不同既配菜，有芝麻，紅薑絲，芽菜同高菜，我比較鐘意食芽菜同高菜。

前排去利東街打卡影相，行到五點半左右，見到廈門街有間叫”一虎拉麵”已經有十個八個食客排緊隊，行埋去先發現拉麵店晚上六點先開門，所以諗都唔駛諗，肯定係好嘢，於是衝去龍尾排隊。等緊期間，望到入面大概有二十個位，都算坐得鬆動。晚上六點一到，店員馬上安排入座，啱啱輪到坐bar枱，可以望到師傅淥麵同準備食材。拉麵款式都唔少，但限量既檸檬拉麵沽清，咁就試下海老虎拉麵啦。等左大概十分鐘，見到碗麵有個蝦干山，粒粒香脆可口，然後就聞到濃濃既蝦香。湯底濃郁，基本拉麵配料都有，麵條可以自選軟硬度，亦有廚師推介可供選擇。食完成碗都唔口渴，連湯都飲埋，而我朋友就試左”一虎”，賣相亦非常吸引，豚肉不會又硬又乾，同樣十分高質。不過當日天氣十分熱，餐廳的冷氣不足, 令到我同朋友邊食邊流汗, 希望之後可以改善, 但仍然是一間高度推介的拉麵店👍🏻

喺朋友推薦下黎左一虎見到keep住有大概十幾人嘅人龍Weekend大概等左20分鐘入座黎到就當然要試下最出名嘅檸檬拉麵起初睇名好似好古怪 估唔到食落又好match清新得黎好岩夏天食黃色可樂反而有啲失望偏酸 普通可樂重更好飲

呢排門口都要排下隊　咁咪粗膽膽地試下入面都好多位　每張桌面都有芽菜酸菜鍾意既食下腌菜都幾好既因為吾系間間拉麵店都會有我地已經好耐無食豚湯底拉麵叫左個好基本既組合豚湯底整體都幾濃下既　少少鹹拉麵條都掛湯既　溏心蛋正常發揮叉燒比較差少少　有啲鞋口吾太鍾意個質地整體系個好正常發揮既拉麵

長期排隊嘅一虎拉麵位於灣仔以前嘅喜帖街隔離嘅汕頭利，位置易搵。👍🏻每次都係衝著🍋🍜檸檬拉麵嚟， 濃濃🐷豬骨湯 加上自家製🍋檸檬醬，非常之夾。 🐷豬骨湯 唔會油膩飲落清爽唔漿口，加上🍋檸檬味非常清新✨，絕唔似洗潔精味👍🏻🍜麵可以選軟硬程度，個人無特別喜好，所以選普通，麵質彈牙剛好。 京蔥同香蔥同其他麵店一樣可以選擇要唔要，仲可以追加其他配料👍🏻。順帶一提， 有季節限定🍋🥤檸檬可樂。

店裡的位置比較充足不需要排很久的時間以豚骨湯底作打底　沒有提供太多的小菜但是桌上會配有小配菜日式芽菜　酸菜的　讓膩口的拉麵增添開胃感拉麵有分粗麵和幼麵　麵條口感都不同一虎豚骨的湯底會比較濃郁但卻油脂感也不會太強叉燒有點乾柴　也不太掛汁雞蛋有點熟　流心程度不強我和男朋友都選擇不同的麵條質地覺得粗麵比較好吃　有點彈性和咬嚼

第一次試一虎拉麵全因為係見到有個youtuber介紹鋪頭好早就開咗要排隊 拉麵麵有好多款可以選擇因為第一次試嘅關係 就試試佢嘅一虎拉麵 同好出名嘅檸檬拉麵幼麵同粗麵分別都有試我比較鍾意食幼麵 可以掛到多啲湯汁檸檬拉麵唔係好酸 個湯底幾特別越食越開胃亦都叫左個餃子餃子就比較普通 反而枱面上嘅芽菜配菜好好食

平日夜晚6:30左右到，見餐廳出面都多人排隊，排左40分鐘左右，但佢絕對係值得🤤赤虎拉麵-$96(4.8/5)佢真心辣，係辣到喉嚨果隻辣，雖然好刺激但都係會追住食。佢唔係淨係單純辣既味道，係味噌湯底再mix有多層次既辣，好正，唔小心飲左好多湯！檸檬拉麵(4.9/5)佢caption 係”秋製檸檬醬跟自家製豬骨湯的完美混合，配上新鮮檸檬。絕對是令人回味的一品”佢講得好岩！雖然係檸檬，但個湯飲落一啲都唔酸，勁fresh，佢檸檬同豬骨湯味真係意想不到咁夾！勁好味！仲有佢有兩大塊叉燒，肉質好淋身，同個湯好夾。總結:100%會再回頭既拉麵店。

今日特登去咗灣仔食拉麵。上網見到好多食評讚好好食。今日落少少雨，都要排隊等20分鐘。坦白講有少少失望，我只可以話食物正常。唔算有太大驚喜。可能我期望太高。仲要等位。所以更加希望會有驚喜。呢個地點交通幾方便地鐵站出口。門口又可以偷偷停車。兩個拉麵我會比較鍾意食🍋檸檬拉麵，酸酸甜甜好開胃。呢個味道喺第一次食。有新鮮感。🌶赤虎拉麵，要真係好食得辣先得。都幾辣。🍋檸檬拉麵- $103🌶赤虎拉麵- $ 96

我最喜愛的拉麵，沒有之一😋😋每次去港島都一定會嚟食呢個拉麵！之前食過好多豬骨湯底嘅拉麵都覺得好膩，一碗都未食晒就已經覺得太Heavy唔想再食落去。但係呢度嘅檸檬豬骨湯底拉麵就唔一樣啦，估唔到檸檬同埋豬骨係咁夾㗎😲😲豬骨嘅濃湯配埋少少嘅檸檬酸味係非常refreshing，好食之餘又唔會太油膩！呢碗拉麵好適合夏天食😋😋 10分推介！仲有，食拉麵呢個活動真係好適合毒撚，冇朋友冇拍拖又使乜驚喎！