五十嵐日本料理 (Closed)

48蚊任食打邊爐 呢個價錢應該好難搵到架喇!!!睇個價好抵 都食過幾次啦不過最衰就係不停咁等等等 第一round野食好快上哂不過未有湯底 ._.到第2round打後叫野食 等好耐都未有仲要上到黎唔齊既...有d野食叫極都冇 算唔算任食呢???野食普普通通 唯一我覺得好味既係寬魚麵 滑嘟嘟!!!另外 每人再送一款小食 壽司+天婦羅小食都okay啦 有8款揀 總有一樣岩自己既味道唔難食既但天婦羅就好那個喇 入面舊南瓜好硬好硬-口-!!!!!!!!!!! 呢間野冇野快 最快就係收錢果陣 一叫唔洗20秒就有張單- -"其他???慢慢等下啦

鑽石山富山邨有樣野 實行左好耐, 我今次想講講~ 呢樣咁野,唔知管理層系邊度學返來?!一日間餐廳, 食物未到, 竟然張單先到! 想點呢, 咁做有 mug 好處呢? 唔明. 一落 Order , 即刻出張單比你, 食物都未來到.好啦, 想加野, 又要叫 Waitness 過來改單, 加一次野改次單, 試過改 2次單, Waiter 都無奈啦. 簡直增加佢地既工作量.咁樣做, 級數定位算系高, 定系低呢? 唔上唔落Wor. 唔知想點.想行高級D , 張單放系File 內, 想扮優雅啦, 但比張單你先, 好似催你走咁. 本來似茶餐廳, 出單先, ok 的,但張單上又唔可以寫野, 加野, 改野 Wor, 加野要佢地再出過張單, 加一次換一次單.實行呢樣野有 mug 好處呢?費解. 呢樣野都唔知做 mug?! 好啦, 講番食物~ 呢度杯野最差!飲過幾樣飲品, 華田, 呵力, 檸荼, 奶茶, 咖啡...etc. D料系下價貨. 無味. 唔得.厨房一時時啦, 睇下邊個師傅做囉.好參差.其實我知系度講都無用, 佢地管理層自己有一套,唔會改的.

上次去食係上年的時候, 那次是食打邊爐, 無奈沒有什麼食物可選擇, 你落單的食物永遠不會來,D WAITER是旦拿D食物來, 態度已經不好, 又等得耐, 因此一年沒有再去食. (>$70 hot pot其他地方都食到, 仲要好食得多)最近一次再去看看有否改善, 但發覺客人少得可憐!叫了一個二人餐, 大約八十多元,但WAITER不停拿錯食物來, 原來之前個客轉左位,佢既食物就照來我地度,我地不停要分番邊D食物係我叫,最後WAITER拿錯了碟SUSHI比我地,話係SET B(我地叫SET 既二人餐都有SUSHI ,佢比SET SUSHI餐既sushi) 我地唔知食左幾件, 點知又來多一碟, 好心話佢知來錯, 點不知個WAITER 立即拿走我們眼前既食物, 仲指責我們食錯了, 要扣起我們那一碟!!!作為客人我不會知道佢來錯什麼, 跟單是餐廳的責任, 怎麼可能是客人自己要分來對什麼 ?我不是出餐牌那個,我叫完佢都立即拿走左個牌,仲要話我地囉~之後叫個MANAGER,佢不但沒細心寧聽客人,還和員工一起指責我們吃錯.仲話想吃要給予多一個SUSHI SET 既錢! TOTALLY UNREA

本人跟朋友慶祝生日，選擇了牛肉任食火鍋，可惜，入座很久，也沒有人理會，經常3催4請才service 你，點了火鍋的食物，永遠都不會到來，還說甚麼任食，不提供食物，只是齌坐及等，入了紙點食物，永遠都無，唔知係漏單定唔想提供食物? 雖然價錢好平，但無野俾人客食，何必做任食火鍋呢?

Lunch求求其其在這裡食, 星期六, 日全日都有下午茶叫,媽子的什菇野菜拉麵($21)最先來, 看起來普普通通, 她說只要不當是正式日本拉麵般有香濃湯底和彈牙拉麵來吃, 其實清清地也不錯~妹妹說她每次來都是叫鍋燒烏冬($24), 貪其包羅萬有, 有天婦羅蝦, 雞, 蟹柳, 日式魚蛋, 冬菇, 碗面半熟的雞蛋更是好的至愛我叫了牛肉鍋配白飯($26), 內有很多大大片的薄肥牛, 索了湯汁的豆腐和粉絲也挺好吃, 鍋面也是有一只半熟的雞蛋, 我喜歡用佢來撈飯~~~爸爸叫的海鮮鍋配白飯($26)等了超過半小時才到, 起初我們都等到好唔耐煩, 但個鍋黎到之後, 我地都不禁"嘩"一聲! 一條香煎左口魚(我試左好好味)橫跨奶白色的湯面, 內有一只小小的蟹, 多粒細細的青口, 蟹柳, 豆腐 同金菇, 我地完全估唔到一個$26的所謂海鮮鍋竟然有如此超水準的質素!冇加一, 凍飲麵只係加一蚊, 埋單$98, 用埋佢之前派的coupon, 每個餐減$5後只要$78, 抵到......惟一唔好既係真係等好耐(除去我爸special的海鮮鍋不講, 佢d咖啡茶都慢到死, 而且今日都唔係好多人), 所以趕時間勿來;

五十嵐果日 d 野好唔食, 系在於邊個師傅返工囉出品好參差. 例如下午茶 粥餐咁. 本來碗皮蛋廋肉粥幾好食,但每次都唔同樣, 有時碗粥得 D 水. 無米. 唔系粥來 ga.鍋燒烏冬有時 面頭側邊有D烏冬未熟都唔理就攞比我食 不過呢 D 就每次都系 所有拉麵 麵底太硬. 食唔到. 多士($12 ) 先火好離譜, 內面永遠無 mug奶醬, 佢地只查面包中央 1吋x2吋位,求其查一下 'come ' 埋就算, 博人唔知. 好懶 我每次都要叫 Waitress 攞返去再查過. 都10次8 次 啦.唔改, 就系唔改. 我無佢咁長命, 唔叫多士啦.咁佢都有好野既: 牛肉鍋 + 白飯. 幾好吃. 湯水餃.日式豆腐日式煎餃子鹽燒秋都魚 都好味 ga.~富山村分店服務算最好~學生餐好鬼抵 我想做番學生. ~佢地系做平價日本菜.

我今日1點經過呢間野..見到有好多人食緊...果陣係lunch~見到好多學生...但係好肚餓~之後就唔理甘多逼埋入去<---門口仲有好多人@0@" 生意甘好...一定好好食啦-3-!! d 待應禮貌幾好! 之後入到去就叫左個日式x燒拉麵~ 之後唔使2分鐘就黎左!! 哇---好令牙~d蛋有花紋...x燒又多~又有hi 柳!! 之後就忍唔住咬一咬個蛋!! 個蛋好似係用老水整..但係好似d 味唔同d...仲好好食! 唔單至賣相好 d麵份量足夠..夠曬彈牙.....一級棒!! 最後走果陣望入去整拉麵果度...wow!!見到個令仔係度整拉麵.....真係好令仔^333^ so..唔單至得低..仲有樣樣野食都好平..平均都係(25)蚊""!!走果陣比到好大滿足感我^^ 我本來好想過去親身讚個令仔師傅整得好令..但係自己一個人過去又怕羞0///0!! 下次一定要再黎食過同親口讚個令仔師傅>o< !! 讚讚讚 最慘係太肚餓..唔記得影相相>"<可惡!

2008-10-11(星期六)此舖星期一至五(下午茶時間︰2:30pm-6:00pm)–拉麵$22(包一杯熱飲)，飯類(值得推介是咖喱肥牛飯)…肥牛又多，又好味道。…星期六、日、公眾假期(下午茶時間︰12:00pm-6:00pm)–難得下午茶時間那麼早，可以食又便宜，又好味道既肥牛飯，值得推介。此舖有$68任飲任食打邊爐($68已包湯底，有壽司送埋，另加一服務費)。打邊爐供應時間︰6:30pm-10:30pm–可食兩個鐘頭…有肥牛任食，抵食打邊爐推介『好去處』。

平時係附近返工，幾乎每日都會光顧下呢間野。間舖環境係附近黎講算係好好架啦！初初岩岩開張果陣都好怕日本野，一定好貴。點知食落先知，原來日本野都可以好抵架就以我叫呢個海鮮鍋咁，連埋熱飲都係$30 勁抵！而且用料都好足，有蝦有蟹有魚有鮮魷有青口，真係抵到爛！而且食落味道都好好，味精唔算太多　d湯都要飲埋值得一提，返學日子呢度仲有$20既學生餐，$20連凍飲，真係蝕住黎做。各位學生哥唔好放過呢個機會啦唯一缺點係上菜有d慢要等好耐先有得食，可能太多人食啦有d野要補充一下，朝頭早個開舖時間好似改左做１０點ｗｏ

其實呢間野既價錢真係好平!!!!!我今日黎左呢度食下午茶~~5月1日公眾假期 12:00已有下午茶叫左牛肉鍋+白飯老公叫左西多士...牛肉鍋都幾好=] 都拍得住貴價野平時食dinner我會鐘意嗌鍋燒烏冬因為個湯底好好味同牛肉鍋都係sukiyaki既湯底=]只不過係$22單點咁既價錢食到d咁既野已經好好啦>V<味道都做到同貴野一樣只不過可能差個口感烏冬係唔及出面手打個d..總好過一d連日本菜既味道都做唔到既至於服務...我覺得也不錯呀=]沒有特別唔好的地方

呢間五十嵐平時lunch時間經常同d fd去的d食物味道尚可不過要等好奈lo我唔知點解我同我fd 2個人去到叫左野食la{例如係B餐} 跟住,過多1陣又有1班學生{5個人}泥到全部都係叫B餐但係佢地唔洗2分鐘d食物就泥到我同我fd就等左成10幾20分鐘都未泥到lo..仲有試過搭3泥到點野食個餐搭7先泥都唔講la 但係個小食(炸雞軟骨)成搭10先泥lo..搞到爭d遲到仲要係催左成4,5次lo..到我地搭9果陣話取消佢先話"就快架la..等多陣"仲有成日叫d人d人都唔理我地,當我地透明咁。不過果度環境都唔錯,都好乾淨。炸雞軟骨都幾好味。學生餐價錢公道

第一次叫外賣要等成４５分鐘話說今日落樓諗住去試下未食過既五十嵐叫個外賣晚餐返屋企食。一開頭出面個接待既落左我既order, 叫我係出面等等左１５分鐘, 問佢得未, 佢叫我入去俾錢, 我心諗終於有得拎啦, 點知佢收完錢叫我出面等, 我心諗: 算等多你一陣, 過多５分鐘, 我再問個接待生通常等幾耐先有外賣? 佢話１５分鐘, 我就同佢講我等左超過１５分鐘啦, 點解仲未有?個陣咁岩有Ｄ人去到門口拎位，佢竟然唔應我，直接問個Ｄ人幾多位，我就同佢講：叫入面Ｄ人快Ｄ呀唔該。佢無應我，我心諗：乜野服務態度呀！咁都算啦，我忍多你一陣。過多１０分鐘，我等左成半個鐘啦，容忍都有限度呀，我問佢：都成半個鐘啦，仲要等幾耐？佢問完入面Ｄ人後答我話：包緊。好，俾幾少少時間你包囉。等多５分鐘，我真係忍唔住，當住面問佢：５分鐘前你話包緊，５分鐘後仲包緊？我等左半個鐘以上，真係食都食完啦。結果佢去左問入面Ｄ人，但由始至終係無俾到個合理解釋我，跟住我要再等多１０分鐘先有得拎返屋企食。咁令人失望既服務態度，我以後都唔會去五十嵐食野。

尋日去左五十嵐食lunch,嗌左壽司跟烏冬餐,饅魚飯..D壽司賣相都幾差..鴨胸直頭係凍既!!其他都勉強入得口啦.. 烏冬個湯底好怪囉..又冇味喎!!好難食..細佬話個饅魚飯個樣都OK點知..比佢個樣昆左..得個一舊饅魚..汁又少得可憐,佢有D炒菜係舊饅魚下底..不過都唔好食既..個味增湯就好少少咁既質數真係超級貴囉!!又冇服務~係得一個靚女馬尾姐姐好囉!! 一定唔會再幫親!!

$78番茄三文魚任食火鍋，免茶、免加一。仲有壽司、天富羅同日式小食送，抵。食完壽司各樣已經飽了一半，所以火鍋並沒有吃太多。豬、牛肉一般o.k.但丸，無論係豬丸、牛丸、墨魚丸、魚旦都唔得，好似食麵粉咁。叫小棠菜，但洗得唔乾淨，好多沙。個湯有番茄，有三文魚已經好夠味，唔明白點解仲要加味精。曾幫襯將軍澳同黃大仙分店，富山村這分店服務算最好，叫的食物都到齊，而且快。要讚一讚有個女店員，因為朋友發覺小棠菜好多沙，所以沒有吃，個店員聽到我們說話，主動要求我填表，話希望日後可改善喎。

今天下午茶時段到富山村五十嵐吃下午茶...坐下後，我提取台上的餐牌看(我強調餐牌原本已經放在台上)...我當時向服務員叫了下午茶餐：豬軟骨鴨胸拉麵(24元)、熱檸茶一杯(免費)...另外...根據餐牌寫著加5元，可以選擇其中一款小食，我點了”七味粉炸雞翼”，合共應該是29元。當服務員遞上帳單後，我發覺七味粉炸雞翼是10元，總共要支付34元。我立即翻開剛才放在桌上的餐牌向服務員查詢，我指著餐牌說："七味粉炸雞翼應該是5元才對"。這位服務員很禮貌的回答我："不好意思，這款小食不是5元，是10元才對，其他的餐牌已經用筆刪去，漏了更改這一本...由於這位服務員的態度誠懇，我只好接受了她的”解釋”，結帳離開。出現這種尷尬情況，完全是因為餐廳沒有跟進好餐牌所致，是否要我這個客人為了這5元跟服務員吵起來？(原本打算直接向五十嵐發電郵投訴，無奈找不到網站及電郵，只好在這裡發表意見)小弟到目前為止，只到過這間分店兩次，第一次的印象也是不佳，原因是帶位的服務員不夠細心...當時已經入冬，時間大約是晚上9時，由於晚飯的高峰期已過，店內的客人其實不多...我一個人到這間分店食晚飯，門口帶位的服務員把我安排到最