宜家家居餐廳及咖啡室

Open Now

Now Closed

叫左十粒瑞典肉丸，兩塊薯餅，香燒汁大蝦配烏冬，凍蝦盤，小食拼盤。今次嘅小食拼盤應該係啱啱整起嘅，辣口燙手，非常滋味。仲有三文魚柳配藜麥飯加雜菜，點少得煙三文魚沙律呢。仲飽過食自助餐呀。

今日嚟到ikea, 可能疫情關係，人數唔算多，好容易搵到位。嗌左三樣嘢食物。餐牌👇🏻鹹豬手 $63好好彩買到最後一隻豬手。份量好大，外皮香脆，有酸菜薯仔粒做配菜。價錢來講性價比算高，值得一試，略嫌鹹豬手味唔夠。香烤三文魚$49三文魚份量正常，冇雪味不過唔太入味， 要靠醬汁。不過配菜幾有驚喜，蔬菜薯餅幾好食。瑞典肉丸$22肉丸繼續維持水準，不過冇咗jam😔， 有小小失望。餐廳食飯時間有更改，記得早啲嚟啊。

今年新年氣氛跟以往大大不同，由於疫情影響，大家都留在家中，少有外出拜年或周圍去逛街～難得有多一點空閒時間，一於去宜家傢俬買些新家具，執靚屋企！shopping完後一於到樓上的餐廳醫肚，平時到宜家傢俬通常會幫襯熱狗餐，但其實這裏還有餐廳，今次一於去試試！看到這個新年菜式立即order，這裏採取半自助形式，先選喜歡的食物，然後付款、拿餐具！花膠超大塊！膠質豐富，冬菇亦十分入味。伊面稍為腍了一點，但味道也不錯～

星期六約咗老公去荃灣 想係地鐵站附近食野 最終去咗地鐵站附近嘅中染大廈食宜家傢俬宜傢傢俬抵食選擇又多又有兒童餐 真係大人細路都兼顧到我哋兩個人都食咗唔少野煙三文魚沙律 好足料有三大塊 蔬菜非常新鮮配搭埋佢呢個醬汁有一種好健康嘅感覺肉丸10粒 呢個就必食架喇 宜家嘅肉丸無得頂呀 個薯蓉都好好味小食拼盤 大件夾抵食 4樣都係我鍾意食嘅不過今日啲雞翼熱氣咗少少西冷扒 今日呢塊西冷扒肥瘦適中一啲都唔鞋只係配菜凍左如果熱啲就更好食

話說過年前就去宜家添置下新家品，咁當然去食我最愛肉丸喇！今次見到有新春特別食，雖然都諗住會中招，算吧！就去試下，當是支持下，因為我算是宜家粉絲，但今次點選了炆花膠冬菇伊麵真是太難食了，本身只得暖暖的已是很失色，伊麵又硬又無味，花膠大大件，不過無乜口感，味道都好失色，冬菇炆得唔入味，好坦白講我只食了4分1，已唔想再食，最後就點選了肉丸，以平衡番我食得超不爽的感覺。本來朋友想試沙薑白切豬手飯，但我話咪喇，試番正常鹹豬手可能安全點，最後只是伴酸菜太酸頂不住外，整體都可以，而新年食膠原蛋白豐富的豬手 ，既有「橫財就手」的喻意，更有滿口香濃骨膠原都唔錯。三文魚，不過不失，都好味。肉丸都算是最穏陣，抵食又好味。炆花膠冬菇伊麵伊麵好硬，花膠及冬菇都好失色。最安全保證必定是雞翼及薯格，每次食都覺好得。

大年初一跟家人飲完茶，就到樓下的宜家逛一下，順道看看一些櫃，逛完5樓及6樓覺得很累，老公又想吃點東西，就上了7樓的餐廳坐，買了一份素菜丸吃$23(累到忘記影相)。素菜丸配上酸酸的番茄什菜及酸忌廉，非常醒胃，還配有藜麥，健康又美味。

大家最近少見咗我，因為餐廳比較忙，要週街走。最掃興係香港嘅局勢，為保障大家安全，連年夜飯都 CANCEL 咗。不過 年夜飯 ？ 無可能唔食嗰噃。 所以 — 就嚟呢度試餐囉。下午 5:50燒特級西冷配牛 港幣 63 圓炆花膠冬菇伊麵 港幣 39 圓沙薑白切豬手飯 港幣 46 圓凍蝦盤 港幣 29 圓龍蝦仔濃湯 港幣13 圓大吉大利新地筒 港幣 4.5 圓——————————————————承惠：港幣 197.5 圓先試 燒西冷牛扒，都有 7 成熟。略嫌牛扒唔夠熱，食落口感 Okay。 再試 花膠冬菇伊麵，麵底有啲失望 — 係 幼身油麵， 花膠味道 Okay，下年選項 — 可唔可以改做 明火花膠燉翅 ？ 跟住係 白切豬手飯，同邁相有啲出入，飯放埋入送裡面。豬手比較碎，但係都入味嘅，合格。嚟緊有 凍蝦盤，如果初秋食，效果更好，因為好多蝦籽，仲有 — 炆到入哂味，所以好甜。最後係 龍蝦湯， 粟粉開稀，有龍蝦汁同打碎嘅龍蝦肉，口感比 假日酒店版 好好多。响度介紹埋個甜品 — 大吉大利新地筒，故明思義 — 桔仔味軟雪糕，薄薄地一陣桔仔味，好好食。如果下次撞正假期，有想食好嘢，可以帶朋

曾經在沙田宜家家居食過餐廳的肉丸，記憶中還記得當時肉丸的味道～肉丸的質感較結實有彈性、口感不錯👍粒粒充滿了濃郁的肉味而且肉汁豐富，還有濃濃的醬汁作配搭，值得令人回味無窮😋自荃灣開分店後就方便得多了，某日放假與家人一同去湊熱鬧，人流都幾多，傢具價格相當大眾化！當離開時經過餐廳令我想起有段時間無試過的肉丸，於是便排隊買來嚐嚐是否記憶中的味道！我買了$12有5粒過口癮，當試了一口後就覺得其味道與之前的很大差別～肉質較淋無彈性、醬汁的味道較淡⋯真令我感到失望！

今天，我和老公帶了兒子到荃灣宜家傢俬逛街，逛街後，老公說想到頂樓的宜家傢俬餐廳吃晚飯，原因是這裡的食物又便宜、又多選擇、又好食 。環境亦很舒適，餐廳內亦有大量嬰兒椅提供，方便帶著小孩的家長。我們瘋狂地點了不同的食物 ，包括烤羊架 、蔬菜薯蓉、 香草烤雞腿 、小食拼盤（有四隻雞翼、 四條香腸 、一份粟米及一份炸薯格 ）、磨菇忌廉湯，當然，還點了宜家傢俬最有名的肉丸！ 這樣亂點才盛惠177元， 非常抵吃呢！性價比亦超級高！

聖誕節將近，我們公司小隊同事當然要聚埋一齊食個聖誕team飯...我地幾個決定係星期二下午在ikea食一餐....其實自己都很久無去ikea食野了，久違既一餐當然要盡情咁嗌.....作為男士，嗌野食方面當然交比為食既女同事....大概10min左右，佢地就推了一盤又一盤既野食黎，有pizza，有意粉，雞翼，腸仔，薯格，薯波波，薯蓉，炸雞，牛肉球等.....最後食埋個朱古力杏仁餅...咁多野食，當然夠飽啦。味道方面，同以往差不多，不算是非常美味，但中規中矩吧...不過佢d特飲就真係異常難飲😂eg咩北歐風情檸茶我覺得呢間ikea好彩地方夠大，容納到多人大齊食飲，都算是一個適合聚會既地方....最後埋單，5個人食平均$54....都算抵食吧

今期新款興趣不大，都係食返啲經典嘢，遇到芝士火腿薄餅剛出爐，芝士果然濃厚，但薄皮就係冷藏質素，無口感；小食併盤越做越差，雞翼同薯格都好乾，腸仔變水煮，下次記得要落返下面食；西冷比之前紅，仍無紅水，口感更軟，醬汁又多，薯粒同小食一樣乾；三文魚柳同之前一樣，宜家附近海產類都唔適宜食，平平地係唯有食冷藏貨。

這家的經典肉丸我從小細到大 味道依舊不變在香港不是很多地方有分店 在荃灣就只有快餐部不過任何時間也會看到有人流 因為價格便宜呢而且味道又不錯 所以很多人會來這裡買東西食🤭這家分店位置不算太大 但有很多企位可以立食的人多時可能會擠迫一點 但在工作日去就沒有這問題·經典肉丸 HKD$20這個是兩份裝 反正也是食放在一起也沒有分別吧原本配著熱辣辣的薯仔醬汁 但我喜歡加紅莓果醬因為加了味道天好食 雖然味道只是簡簡單單而已但我們食的應該是我們的集體回憶吧 做小食挻不錯

每次行IKEA都會响裡面餐廳食埋野，因真係抵食。今日點了煙三文魚沙律、肉丸薯泥及鮮燈汁，加埋都係幾十蚊，今時今日真係唔易搵。味道又如何呢？煙三文魚沙律今日呢個真係麻麻地，煙三文魚可能放久了，不太新鮮帶點腥，之前食過就唔係咁嘅，算我唔好彩啦😅。肉丸薯泥呢個不嬲都係鎮店之寶，今日都保持水準啦，肉丸可能係機打機唧嘅關係，肉好淋，而且個汁味道偏淡的，所以幾啱小朋友吃的。薯泥係溝出來那種，所以一定夠軟夠滑的。

今日去IKEA買啲家品，諗住換下屋企環境同家具，行到肚餓，就順便黎呢間ikea既餐廳食野。我今次叫左半隻雞，賣相唔錯，仲有我最中意食既薯格。雞肉好軟，好易切，食落都唔會好鞋，煮得幾靚，不過我就略嫌唔夠熱。薯格就好脆，亦好重薯仔味，唔洗茄汁都好好食！

今天午餐吃烤豬手，另配磨菇湯。豬手不脆，變成硬硬的。豬手並不是大隻，相信一個女生也可吃完。碟細，令醬汁形成一個水塘，並不討好。酸椰菜絲味道並不討好，沒有清香酸味。西湯磨菇味未夠濃，失色。