沐白小農 (Closed)

鮮奶真係好好飲芝士奶蓋仲好飲曾經試過係茶飲店ig留言，問有無芝士奶蓋鮮奶飲，無一間係有得賣🥺然後有一日係尖沙咀行呀行呀行，仲唔比我搵到你🤩 仲有不同口味，又不膩，飲完已經想encore😂前後飲咗兩次，士多啤梨牛奶同埋朱古力牛奶相比，都係水果類牛奶比較好飲。 水果同芝士奶蓋味道比較夾，水果奶之中仲有少少水果粒，新鮮得來又有口感，真係好加分。朱古力牛奶其實都好好飲，不過就同芝士奶蓋冇咁夾，而且始終都係用可可粉沖出嚟，個人鍾意水果多啲。

支持小店。。。見好多正面的評分，一於試下先。未入舖頭，企係門口就已經聞到陣陣的芋頭香心大心細試邊款先好，終於買左兩杯來試大甲芋頭鮮豆乳半杯芋頭，半杯豆乳。開頭第一啖未搖勻，覺得豆乳同芋頭唔係好夾。跟住搖勻後，又幾好味喎芋頭蓉好綿密，仲有芋頭粒添粗飲管一吸，全部都係芋頭（不過唔記得叫佢少冰）紅豆伯爵紅茶鮮豆乳無睇清楚微糖（3）同少糖（8），叫左少糖，唔怪得甜左啲啦但啲紅豆好正，煲得好淋，不過少左啲都係無揀少冰，好凍丫。。。有機會再試其他味先

身為芋頭鮮奶控，一直都有聽人講呢間嘅芋頭鮮奶好好飲，於是趁有機會就過黎，一睇Menu有好多選擇（有豆乳選項，非常好！），但都係買返杯大甲芋頭鮮奶（中，常溫，甜度固定，$30）。雖然係甜度固定，不過用飲管攪勻芋泥同奶之後無想像中咁甜，芋頭泥係打得非常綿滑，芋頭味都算香。最令我意外嘅係竟然奶味都非常出，係少數我覺得奶比芋頭香嘅芋頭鮮奶。可惜芋泥打得有D太幼滑啦，個人比較鍾意有少少芋頭粒可以咬下。睇落細細杯咁，但係由於芋頭份量感覺都幾多，所以食量少嘅人可能飲完都會覺飽。

所有台式飲品中最喜歡芋頭奶 飲過多間店後最喜歡的是沐白芋頭好重芋味又不會太甜 質地綿密 牛奶有奶味 整杯配搭100分💯 好可惜全港只剩下尖沙咀分店 希望小店繼續加油 會多多支持你地！

尖沙咀芋頭鮮奶🤤🤤自從疫情真係好少買野飲，睇返openrice見到沐白小農得返尖沙咀店🙈 今次抱住人去我又去既心態去試，點知都幾有驚喜😳 首先個芋頭鮮奶份量都幾多🤤 而且仲保留左啲芋頭碎，成個感覺係勁厚身+綿滑🥰 咁樣比較下抹茶鮮奶即刻遜色左🙈 不過！佢地已經比出面街買既濃味😳 雖然唔係話好高級既抹茶粉，但呢個價錢我覺得值👍🏻Btw望到店員係用明治鮮奶👀店内仲有位坐+usb充電😆大甲芋頭鮮奶 $30抹茶鮮奶 $28

上次飲過呢度嘅大甲芋頭鮮奶真係驚喜十足！經過又忍唔住買番杯👅呢度嘅選擇好多，企左係餐牌前五分鐘先揀到😹呢度環境真係幾舒適，買杯慢慢坐低飲都得～.last time i drank taro milk and it was surprisingly good 😋 this time tried their black sugar milk boba 🧋 & it was amazing 🤩 definitely highly recommend this place if you looking to grab some boba! .💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.5/10服務 𝐬𝐞𝐫𝐯𝐢𝐜𝐞 7.8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 7.5/10🌟推薦我上次飲嘅大甲芋頭鮮奶👅.《芝雪花生芝麻黑糖波霸珍珠鮮奶》$35 🌟7.5/10🌟呢一杯完全係將我最最最鍾意嘅嘢混合埋一齊！！芝士奶蓋、花生、芝麻仲有珍珠！！！第一啖梗係試咗芝士奶蓋先啦，不過就有少少失望😢味道有啲淡

📍零負評台飲小店 ‼️-- 沐白小農🍼💛·Follow @pigfoodiexhk for more food!🐷💛#pigfoodiexhk_尖沙咀#pigfoodiexhk_黃店#pigfoodiexhk_飲品========================沐白係小編其中一間愛店（特別中意大甲芋頭奶！！）🤤前排發現原來依家只係得返尖沙咀呢間分店，好彩小編住得唔算遠，想飲嘅話都方便🙈🙈前排行過又試咗杯新味～------------------------------⭐️沐白芝雪花生芝麻黑糖波霸鮮奶（$35）一杯有齊小編嘅至愛🤤💖💖面頭鋪滿花生同芝麻粉，香氣十足，不過飲落味道無想像中濃郁🙈芝士奶蓋creamy，飲落富鹹香🤤但如果texture再實身少少會更出色呢～黑糖波霸牛奶香濃，珍珠幾有咬口～雖然同預期有點落差，不過整體都係有水準嘅一杯飲品🙈------------------------------賣相：7/10味道：6.8/10性價比：6.5/10回頭度：7/10------------------------------店舖資料名稱：沐白小農地址：尖沙咀寶勒巷3-7A號萬事昌廣場地

自從入咗呢個芋頭/珍珠坑之後，勁多人都推薦我一定一定要試吓 #沐白小農 @mubaihongkong ，直情有人誇張到話飲過呢間之後真係返唔到轉頭！所以我決定嚟試一試，睇吓係咪真係咁正先！以一類型嘅手搖店來講，尖沙咀分店 @imilky.tst.hk 舖位都算幾大，除咗有位置可以坐低慢慢飲之外，亦都見到有插頭，感覺就係可以帶部電腦嚟，一邊做嘢，一邊飲嘢嘅感覺🥰.ever since i became a taro addict 🥤 a lot of people have been recommending @mubaihongkong to us 🤤 for a boba spot in hk the shop is pretty big 👍 there was even outlets to charge your computer 👩‍💻 this place did not disappoint at all 😋 not overly sweet and the ratio between milk and taro is just right 😊 overall, a gr

店鋪位置於K11附近，非常方便喺附近厚福街食完晚飯就過嚟飲返杯！之前都有飲過牛油果鮮奶，木瓜鮮奶，今次就飲草莓鮮奶。本人非常怕甜，所以今次就點左微糖（通常無糖或微糖），但可能因為鮮奶份量好足嘅關係，有少少蓋過左草莓嘅甜味。相反，之前飲木瓜鮮奶就一飲就覺得木瓜好足料。牛油果鮮奶亦都不錯，牛油果令到飲落去個口感好厚好飽肚。所以我會選擇木瓜>牛油果>草莓。店舖設計簡潔，坐嘅位置唔多，適合2個人嚟坐低嚟傾下計，因為夜晚人流唔多。

星期五放工好攰，不如同女朋友係尖沙咀飲杯珍奶嘆下先番屋企😌Openrice搵過見到呢間黃店咁多like不如就試下呢間！去到見到環境好闊落，白色嘅油漆同磚牆襯托沐白小農既logo，裝飾簡約、幾舒適。仲有少少枱凳，俾客人喺疫情期間可以喺室內除低口罩飲杯嘢，唔錯唔錯。睇番餐牌，沐白小農嘅大熱飲品係芋頭鮮奶同草莓鮮奶，可惜我地比較喜歡飲茶味濃郁啲嘅飲品，所以揀左另外嘅茶飲。==============================芋圓紅茶拿鐵 $30店員好細心提醒我地要先搖搖再飲。紅茶味香濃，美中不足係芋圓比較細粒（大概紅豆咁大粒🤔）影響少少口感，整體都唔錯！==============================紅茶鮮豆乳 $22 + 加仙草$6豆乳用上百福嘅豆漿，紅茶配豆乳，呢個配搭坊間比較少見，估唔到幾夾😮豆味淡淡流露，唔會蓋過茶嘅香味，係唔飲牛奶朋友嘅好選擇👍女朋友落order嘅時候冇為意豆漿本身帶微甜，佢平時飲珍奶係會走甜嘅，唔嚐甜嘅朋友要留意。仙草味道有嘅，唔會只係一舊帶甜嘅啫喱，值得一試！試完今次有信心，下次一定要試番大熱嘅芋頭鮮奶同草莓鮮奶！

因為當日既奶蓋賣曬，所以揀左呢杯草莓鮮奶!一開始覺得吾會有太大驚喜!點知飲落個牛奶都幾特別，同坊間既牛奶吾一樣。佢呢隻個牛奶會奶味再香濃D同埋再鮮D!望住店員係用新鮮草莓榨出黎個果肉同果汁，再放響面頭。同埋飲落會食到好多新鮮草莓籽同埋果肉。我就覺得如果額外加多少少果醬同埋草莓汁，咁成杯野一定會再好飲D!整體黎講都係好好飲既!同埋會見到佢地個環境超靚，打卡影港喵相簡直一流!白色牆身係靚但容易整污糟，但望落佢地牆身都好乾淨!應該有細心打理!另外，店員十分細心，有提醒要上下搖勻先好飲!

逛街逛到有點口渴又有點累，經過看到這家有位置坐，所以就決定逛去買杯飲品休息一會兒。這家飲品店在澳門的時候已經買過來飲，覺得味道不錯的🤤。💥草莓鮮奶 HKD$35，這個賣相不錯的飲品層次分明，選擇了微糖去冰塊的版本。飲品味道酸酸甜甜很胃口🤤，而且有很多草莓果肉令到口感更豐富，攪拌過後的顏色更美☺。💥伯爵紅茶鮮豆乳加芋圓 HKD$26，這杯飲品賣相也不錯，看到有三層的賣相。這個飲品是去冰塊正常甜度的版本，對於我來就覺得很甜😭。飲品茶味尚算香濃，加了芋圓口感挻煙韌的。

食完飯想飲杯凍飲，剛好經過【沐白小農】，裝修以白色為主，白色油漆的牆磚與彩虹長凳形成有趣的對比，旁邊仲有一棵掛有寫滿心意卡的樹，成個構圖好靚。草莓鮮奶 (加珍珠)將原粒草莓打成草莓果泥，配搭鮮奶組合，草莓鮮甜多汁，有沙冰口感，仲食到攪碎左既果肉。而鮮奶味道相對細滑淡口，唔會因爲奶味過重而失去草莓的香味，幾好飲。伯爵紅茶拿鐵 (加珍珠)伯爵紅茶入口順滑，茶味芳香，不過配搭鮮奶有少少蓋過原有的茶味，整體味道較偏向奶味，珍珠口感煙韌Q彈。

終於試到呢間零負評又bookmarked 好耐好耐嘅台飲店啦🥺•🍁 芝 雪 花 生 芝 麻 黑 糖 波 霸 鮮 奶 ($35)本身想試好多人都推介嘅大甲芋頭鮮奶，但老公堅持要飲呢隻，咁好啦反正我哋都係花生控芝麻控🤤呢杯飲品真心好邪惡，面頭灑咗花生粉同芝麻粉各一半，跟住就係一層芝士奶蓋，而底就係黑糖波霸鮮奶😍花生粉同芝奶嘅咸香味好突出，芝麻粉都好濃郁，而黑糖珍珠超足料，飲極都仲有，好煙韌好滿足，好耐冇飲過珍奶，想當年一星期飲幾杯嘅肥仔水🙈攪勻之後，所有味溝埋一齊好夾，係個人中意嘅甜度(偏螞蟻人口味)，有機會一定會encore😚

小店位於赫德道中間，可能門面不太揚眼吧，不太多人幫襯。 但內裏有超大空間，可以坐低叉電，還有打卡位。 店員推薦大甲芋頭鮮奶～ 黑糖波霸鮮奶 $50/2杯 黑糖鮮奶做緊優惠，就試試吧。入口順滑，黑糖珍珠不會過甜，但略嫌不夠煙韌。下次試埋招牌大甲芋頭鮮奶，再同大家報告。P.S. 根據資料，只有尖沙咀分店係黃店。餐廳資料：沐白小農地址: 尖沙咀寶勒巷3-7A號萬事昌廣場地下2,3,5號舖電話: 36195166