稻田食堂

Open Now

Now Closed

今次來到位於葵芳仁芳街呢間稻田食堂，地點很方便，買了外賣就到朋友家了，而且食物選擇又多，價錢合理又好食，最重要是店員都超級nice啊。我揀了幾個餐，有京都便當，神戶便當配上三文魚壽司，脆香吉列雞扒咖哩飯，七味燒豬頸肉芝士咖哩撈烏冬，4個餐加埋都只是200元左右，好抵呀。先講京都便當，有燒汁飯或咖哩飯，我揀了後者，份量很多，都是滿滿的，有日式炸雞，日式魚餅，福岡流心芝士漢堡，味付螺肉，好大盒，魚餅好食，軟軟的又有魚味，芝士漢堡是堅流心啊，炸雞都香脆嫩滑。神戶便當比佢各有特色，佢配上三文魚壽司，新鮮好味，另外是炭燒雞肉串，蜜糖燒雞翼，很好食，小朋友食都很喜歡。脆香吉列雞扒咖哩飯一樣份量十足，喜歡佢吉列雞扒是分開放，咁吾會淋晒，真細心，仲配上沙律醬，很好，吉列雞扒外皮香脆，拎到屋企食都好好食。最後燒豬頸肉芝士咖哩撈烏冬，烏冬應該是讚岐烏冬來的，很有口感，豬頸肉份量多，切很厚度適中，配上吾少芝士，很爽口美味，整體全部都很不錯，食到大家都很開心。

今日落開芳，同另一半晏晝行經稻田食堂就坐入去食下個lunch，發現驚喜從來都係隱藏於小店內。我地嗌咗個1） 秋田便當 🍱🍱🍱🍱🍱/🍱🍱🍱🍱🍱2） 炙·三色丼 🎌🎌🎌🎌/🎌🎌🎌🎌🎌3） 日本甜番薯 🎌🎌🎌🎌🎌/🎌🎌🎌🎌🎌4） 糖心蛋 🎌🎌🎌🎌/🎌🎌🎌🎌🎌5） 柚子蜜 🎌🎌🎌🎌/🎌🎌🎌🎌🎌6） 咸檸七 🎌🎌🎌🎌🎌/🎌🎌🎌🎌🎌秋田便當絕對係性價比之選，有刺身、有炸雞、有螺肉、有豬軟骨，仲有個咖哩飯🍛食物質素仲要唔差，諗住個雞肉炸完會好鞋，點知出奇地嫩，刺身雖然唔係肥美個種，但絕對過到口癮。甜番薯真係甜到入心，真係炸到外脆腌內棉。三色丼反而我最欣賞係個飯，我喺唔記得落豉油嘅情況下食晒成碗飯，最後先醒起無落豉油🤣就證明有幾好味。大熱天配埋兩杯嘢飲簡直係一流。難怪呢間小店係我地用餐嘅短短時間入面，都已經有客人sit in同埋勁多外賣單，真係有麝自然香。👍🏻👍🏻

稻田食堂 （15/7/2024）我同朋友由葵芳地鐵站穿過葵涌廣場，行過條天橋，再經過盛芳街休憩公園，就到達 - 稻田食堂。 這間餐廳位於葵芳仁芳街2-14號美豐大廈地下6號舖，用膳當晚係平日，都有幾多街坊來光顧， 加上外賣單接過不停， 相信係一間好口碑嘅餐廳。入到餐廳，裝修得好有日式食堂嘅感覺，牆上擺放好多食物靚相，睇到都令人吸引。 店員帶到我哋去個卡位，畀咗張 QR code 紙俾自助落餐，再放低咗兩杯玄米茶。電子餐牌將所有食品分門別類， 加上食物照片容易明白每項食品，清楚簡單一目了然。餐廳餐牌有好多食物選擇，有一品料理、刺身丼定食、稻庭烏冬系列、精選壽司、山形壽司、灸燒壽司、特選刺身、厚之刺身、特色卷物、田園系列、海鮮系列、滋味系列、冷盤、精選特飲，真係好豐富。我哋叫咗三樣主食加一款甜品，第一款叫咗薩摩便當配咖哩飯，第二款選咗豬軟骨蕃茄濃湯烏冬，第三款揀咗忌廉芝士燒鰻魚卷，最後食甜品嘅濃厚抹茶蛋糕。薩摩便當配咖哩飯咖哩濃郁醇厚，配料豐富,飯粒也恰到好處，飯既份量非常足夠。 豬肉和牛肉鮮嫩多汁 ，加上三件壽司配搭，一次滿足曬不同類型日式風味嘅美食。豬軟骨蕃茄濃湯烏冬湯底濃郁香醇，口感

行經葵芳，發現左呢間隱世日式食堂，叫左幾款都好唔錯，於是寫返篇食評紀念一下春田便當 $109呢款饅魚便當極之豐富，除左配咖喱飯，仲有螺肉、刺身包括甜蝦1隻、兩塊三文魚同兩塊帶子，以及雞軟骨肉丸！個人覺得每一款都好好味，最驚喜係雞軟骨肉丸，好多軟骨粒粒，所以好有口感！福崗流心芝士漢堡扒番茄濃湯烏冬 $84碗烏冬非常鮮艷，事關番茄魚湯真係好濃郁，入邊有唔少番茄肉，酸甜得黎又搭配魚湯的鮮美，加上烏冬都非常Q彈，整體不錯！漢堡扒都好正，外脆內流心，啲芝士非常濃厚，滋味無窮！另外，我地都嗌左兩款壽司，包括係灸燒帶子壽司$32，同埋醬燒三文魚壽司$22，兩款都不錯，做到入口即融，可以一試！

係葵芳成日都只係去葵廣食d小食，今次住附近既朋友推薦我黎呢間試下🙋🏻‍♀️ 店鋪唔係好大，但都幾多卡位，坐得都舒服估唔到小店都有甘多既選擇。平時叫完一份主食，點都想叫多個小食。但呢度就單單一個便當🍱都有好多種類係入面，好似出奇蛋甘，滿足你幾個願望，啱曬有選擇困難症既我。🍽️ 呢度只係一個定食，有原隻軟殼蟹，煎比目魚，蟹子沙律，麵豉湯，咖喱飯，刺身，蛋糕……每款刺身都新鮮蟹子沙律-分量十足軟殼蟹-肉質比較實煎比目魚 - 少刺，兩面有煎香三文魚蜆肉麵豉湯- 個湯係最令我驚喜，非常之足料，鮮甜好味！平時d麵豉湯都係差唔多味，有兩條海帶豆腐已經算係甘，但呢碗細細既湯竟然有三文魚肉，同好多舊蜆肉👍🏻👍🏻 推!🍽️沖繩便當同樣係好豐富，餐牌標示係人氣之選，果然好唔錯，不過建議細食既朋友可以少飯，因為所有野既分量都好足！ 亮點係流心既芝士豬扒！自助下單總括而言，性價比高，外賣自取仲高，住附近既朋友一定要試試👍🏻

葵廣行完街, 去左附近間日本嘢買外賣返屋企食👀『大崎便當咖哩飯』HK$75便當有吉列豬扒、魚餅、牛肉薯餅, 日式咖哩飯🍤吉列豬扒肉幾厚, 肥瘦比例唔錯, 一啲都唔乾🥢『高島村便當和風燒汁飯』HK$87便當有鯖魚、金菇肥牛卷、挪威三文魚壽司2件🍣鯖魚大大條，燒得幾香🔥肥牛卷個汁惹味⚡️『灸燒蒲燒鰻魚加州卷(3件)』HK$43鰻魚幾厚肉, 咬落有口感, 蒲燒汁夠, 外賣返到去都唔乾💦『靜岡辣油燒三文魚加州卷(3件)』HK$42見佢辣油壽司幾有創意, 就想試下, 三文魚灸燒過, 配上辣油果然幾特別👍🏻°°°°°°°°°°°°°°°°°°°°°°°°°°°°°°稻田食堂📍 葵芳仁芳街2-14號美豐大廈地下6號舖#MrsLong #hk #Longs #香港美食 #餐廳推介 #hkfoodie #假日好去處 #香港探店 #foodieshk #hkigfood #tasteofhk #hkfoodlovers

呢間位於葵芳站步行數分鐘的日式餐廳，設有卡位，坐得舒適，牆上貼有動漫畫，很有日本風情。午市套餐及下午茶有優惠，小吃同飲品都有套餐加配價。見到餐廳也接到很多外賣訂單餐廳職員友善有禮，點餐用qr code點很方便。秋田便當$94（咖哩飯+脆香吉列雞扒+汁煮豬軟骨2件+味付螺肉+刺身3種：三文魚，帶子，有頭甜蝦)份量十足！吉列雞扒外脆內軟，汁煮豬軟骨很入味，刺身新鮮鮮甜，三文魚大大件咖喱汁甜甜咸咸，很適合送飯厚切安格斯封門柳濃蕃茄湯烏冬$88濃濃的蕃茄味作湯底，配合彈牙的烏冬。安格斯煎得剛剛好，不會太熟，切好一件件，方便進食。蟹棒蟹籽沙律$24 炎熱夏天食個沙律降溫最適合不過，青瓜絲清涼解熱，蟹棒蟹籽份量十足咸檸7 $12咸柑桔清熱潤喉

葵芳除左新都會同葵涌廣場之外仲有唔少隱世小店地理位置係葵芳mtr行大約10分鐘路程對路痴友黎講有d難度所以搵左葵芳朋友帶路黎左呢間日式餐廳餐廳冷氣強大 非常適合炎炎夏日(但食物會更快變凍)小店有2排卡位 坐得幾舒服餐牌選擇多 出餐速度快QR code落單 清晰方便快捷照燒雞扒蕃茄濃湯烏冬 $74可以揀稻庭烏冬或者拉麵見餐牌話係全新爆茄濃湯系列稻庭烏冬 又滑又彈牙配上蕃茄濃湯 酸酸甜甜 好開胃配菜有半隻溏心蛋 粟米 日式魚片照燒雞扒 雞皮脆口 雞肉嫰滑灸燒左口魚裙邊壽司 (2件) $29燒過既左口魚邊 入口即溶黑松露帶子加州卷 (4件) $55加州卷係一口迷你版一啖放入口 都幾滿足和歌山便當 $80蟹籽粟米沙律前菜螺肉 有嚼勁鹽燒鯖魚豬軟骨 比較韌日式咖哩飯 味道甜 容易入口

今晚陪親戚去葵芳辦理樂悠咭，人少好快攪掂，就順便係附近搵食，當行到仁芳街見到一間日式餐廳「稻田食堂」，門口擺放左好多餐牌，大都以日式便當為主🍱，非常吸引🤩 餐廳裝修簡潔，牆壁除掛有餐牌外，仲掛左好多日本漫畫掛畫，更顯日本風格。尼到真係好多選擇，便當都以日本地方命名。便當以雞、豬和海鮮為主食，每個主食都有三、四個不同款式配搭，除此之外仲有拉麵🍜、串燒、餃子🥟和多款炸/燒物等等，樣樣都吸引好難決擇😂最後我哋用QR cord點左兩主食和一些小食。 1.秋田便當咖喱飯🍛$94包括：脆香吉列雞扒1件-外層香脆，雞肉嫩滑 汁煮豬軟骨2件-肉質淋滑，鹵味十足 新鮮刺身-三文魚、帶子、有頭甜蝦仲有日式味付螺肉作小食，帶甜味嘅咖喱汁是日本口味，老少皆宜。飯類轉 +$13豬骨湯拉麵/鰹魚湯烏冬//+$15芝士咖喱撈烏冬，配搭靈活👍 2.特選五色丼跟三文魚味噌湯$98刺身有三文魚、北寄貝、帶子、赤蝦🦐和海胆，全部都超新鮮同鮮甜，一啲腥味都冇。另外味噌湯材料足帶魚香味👍 3.鹽燒三文魚頭（連鮫位）$59魚頭滿燒烤香味，魚鮫位肉多帶魚油香，惹味 4.照

去葵芳行街前緊係要食飽～ 呢間日本野多選擇 種類又齊😁叫左個人氣便當，超豐富又大份😍豬軟骨好淋好入味，雞扒炸粉好薄，炸得岩岩好，唔似平時果啲又橙黃又厚粉，啲肉質嫩好滑👍🏻仲有少少刺身，全部食材都好新鮮，最抵讚真係份量夠大，女仔真係食唔曬😂蕃茄湯烏冬好濃郁，好大塊蕃茄！ 手打烏冬彈牙， 唔係膠嗰啲烏冬。 吉列豬扒個皮炸得好脆，個份量好多，一定食得飽，唔係得兩三小塊。 牛脷小食嘅份量都好多$48有四大塊，一塊都可以食到幾啖。

行完葵廣，又想食日本野，就search 下附近有咩日式餐廳，見到呢一間好似幾多好評，就行過去食下。佢menu都好多款唔同食物，剌身，剌身丼飯，拉麵，便當，小食，咩類型都有。我咩都想試吓，就叫左個至尊惹味套餐$148。三文魚蜆肉味噌湯，入面有三文魚粒，蜆肉，白蘿蔔，好足料，最重要唔會過咸。🥰🥰蟹籽粟米沙律，超大碗，滿滿的青爽青瓜絲，仲有蟹柳絲，夏天食好fresh。☺️☺️刺身3款(三文魚兩件，帶子兩件，甜蝦一件），幾新鮮。香炸軟殼蟹，大大件，炸得剛好，唔會令到入面好乾，好香口。蒜香牛油比目魚，魚肉嫩滑，入口基本上唔使點咀嚼就滑入喉嚨。👍👍咖喱飯，估唔到係好大碗，下次食真係要揀少飯先得🤣🤣濃厚朱古力蛋糕，好香濃朱古力味，但唔會死甜。😍😍以上包嘅野真係兩個人食都得，$148黎講真係性價比極高呀。老公叫左個奈良便當$78有四件炸雞，芝士漢堡扒，炸牛肉薯餅，辣味螺肉，咖哩飯，又係大大份，好抵食，其中個芝士漢堡扒啲芝士仲要拉絲。炸物都新鮮熱辣辣，保留到入面仲係juicy。青柑桔檸檬梳打，加$20呢個熱辣辣的天氣飲好fresh，叫少甜剛好。荔枝椰果梳打，加$16好多椰果係入面，正呀😍😍總括而言，呢一間餐

今日去咗葵芳附近行街，見有啲肚餓，於是上網搜尋一下邊度有好食物推介，見到好多人都推介呢一間食日式便當非常正，於是就去試吓食，估唔到真係好有驚喜，好好食，分量十足，價錢經濟實惠，非常啱所有人去食呀，而且食物質素好高，去到門口已經見到好多人排晒長龍，好多人排隊食啊，證明真係好受歡迎啊，而且呢一度嘅食物都係好多選擇，有唔同嘅便當選擇，出面市區都搵唔到呀，我真係好推介佢哋嘅沖繩便當，因為有好多唔同嘅刺身選擇，有三文魚，帶子，仲有甜蝦，仲有好豐富嘅螺肉做前菜小食，真係好好食呀，而且賣相吸引，仲有佢哋嘅吉列千層芝士豬扒，裏面嘅芝士都係入口即溶，好啱芝士好嘅朋友食啊，仲有呢一度有咖喱飯或者係少少汁飯選擇，價錢仲可以轉湯烏冬，芝士咖喱撈烏冬，真係好好食呀，所以響葵芳附近嘅朋友一定要泥試

提到葵芳美食，好多人都會諗到葵廣，但其實行遠少少，附近都有好多有質素小店，今日就來到呢間「稻田食堂」，餐廳選擇有好多，主打嘅日式便當都有超過十款，又點可以唔試下？福岡便當 : 好豐富嘅便當，有吉列豬扒、炸餃子、日式園蔥魚餅、螺肉及咖哩飯，吉列豬扒雖然唔係厚切，但肉質鮮嫩多汁；炸餃子餡料滿滿，外皮炸到脆卜卜，再加埋魚餅及螺肉，食完感覺滿足。午市定食有主食、湯及螺肉，飯可以揀和風燒汁或咖哩汁，另外除咗主食外，每一個餐都會額外附送唔同小食，可以話相當抵食。汁煮豬軟骨燒汁丼 :豬軟骨炆得好淋好入味，醬汁味道甜甜地，配飯食一流；附送嘅小食係日式炸雞，外脆內軟夠juicy，好味道。蒲燒鰻魚燒汁丼 :鰻魚燒得好香，肉質軟熟而唔鬆散，吸收晒醬汁下風味十足；附送嘅吉列雞扒肉厚多汁，炸得鬆化香口。附送嘅麵豉湯都有驚喜，有三文魚及蘿蔔粒，味道鮮甜，充滿三文魚味，一碗真係唔夠喉。

呢間日式舖頭都開咗喺葵芳好耐平時諗唔到食咩都會特登過嚟呢邊食佢嘅便當做咗咁耐熟客都覺得應該要讚吓佢😚😚😚就算平時外賣到公司嘅食物質素都冇話變差今日lunch食咗個六件壽司加稻庭烏冬餐 包飲綠茶茶碗蒸同日式前菜 total $77 性價比都真係超高 仲要賣相都唔差 三文魚係新鮮嘅味道👍🏻😌👍🏻其實平時lunch time嚟都唔會話好full 舖頭唔係好大 但都坐得OK希望呢間小店可以多啲人食 🫢🫢😋

我今日真係好開心，認識到葵芳有一間日式便當咁好食，非常高質素，以後去葵芳行街工作，都一定會去幫襯呢一間日式便當，因為佢哋嘅刺身壽司，同埋佢哋嘅鮮茄烏冬真係好好食，尤其是我叫咗個吉列豬扒星期烏冬，分量十足，非常豐富，佢哋嘅湯底蕃茄湯底真係好開胃，而且價錢經濟實惠，份量驚人，肉類有多，吉列豬扒即到即整，非常新鮮，所以我覺得呢度食飯真係好經濟實惠啊，出面市區都搵唔到，而且呢度嘅賣相食物非常美觀，而且便當佢哋都有分燒汁飯同埋咖喱飯，所以兩款都可以試吓呀，而且佢哋嘅豬軟骨拉麵都非常份量驚人，軟骨超級多，入口即溶，份量啱啱好，而且佢哋嘅鹿兒島便當，都有豬軟骨，吉列大蝦兩件，仲有螺肉，仲有配咗燒汁飯，佢哋個飯都非常特別，同埋佢哋值得一讚的是配埋刺身，所以顯得非常豐富