稻八日式火鍋炸物放題 (Closed)

雖然近日天氣持續高漲，但不知為何，蝦子餅突然心血來潮想『烚下烚下』...... 或許有些人會喜愛秋冬『烚下烚下』的溫暖，但其實夏天『烚下烚下』也很熱鬧喔！ 重要的是，BeautySearch 十分掛念《稻八日式火鍋炸物放題》的和牛！還有，突然很想在這裡許個願望...... 這夜我們點選 HK$298 M6澳洲和牛餐。原先打算順便試試新出的芝士奶蓋湯底，誰料，當我取飲品時蝦子餅已急不及待點選了他最愛的牛乳牛骨湯底，唯有下次再挑戰新品啦！ 試唔到新湯底，幸好也有新品品嚐，原來惠顧 HK$258 或以上套餐，隨套餐會附送「黑松露魚滑」，小匙而上，外表十分精緻，口感亦相當細滑，還透出淡淡的黑松露氣息，相當誘人！ 當然，BeautySearch 最期待的，還是這盤「M6澳洲和牛」，一盤有四款不同部位的M6澳洲和牛，當中包括：澳洲和牛胸肉、澳洲和牛下腹腩、澳洲和牛舌、澳洲和牛肩胛肉，四個不同位置，當中我最愛澳洲和牛肩胛肉，不但牛肉味濃，大大片，卻有入口即溶口感，而且個人覺得搭配牛乳牛骨湯底簡直是天作之合，相當滋味！ 原來還有一碟「手切牛」及「牛柳粒」，對於自認『牛魔王』的我當然

開心食放題，不開心也食放題，放題係治癒心情的最佳良藥。稻八日式火鍋炸物放題位於荃灣千色匯附近，地點方便，搭地鐵又得搭西鐵又得。店內環境設計好開揚，座位與座位之間好寬闊，給人簡潔舒服的感覺。稻八的放題是可以在任何時間入座計用餐2小時，足夠我們輕輕鬆鬆慢慢食。放題套餐有平有貴，由HK$158的美國自然豚肉片放題，到HK$368的日本國產黑毛和牛盛合放題亦有。我們選了HK$298的嚴選澳洲M6和牛盛合套餐。這裏的火鍋湯底選擇好多，我選擇了北海道3.7牛乳牛骨湯底。湯底送上時已經有數件牛骨，應該真的是用牛骨熬製而成，湯底入口除了有豐富濃郁的牛鮮味道之外，還有香滑香濃的牛乳味道，用來涮牛肉，簡直是相輔相成。先來的是M6澳洲和牛胸肉、M6澳洲和牛舌、M6澳洲和牛下腹腩肉、M6澳洲和牛牛肩胛肉盛合，整個盛合又睇得又食得，和牛油花、紋理都好平均，牛脂不膩，入口香滑即溶。我們食完忍不住叫完再叫，而這店舖亦非常抵讚，以我們加了幾次M6澳洲和牛來說，碟碟紋理口感也同樣出色，唔會好似其他店舖般越食越唔靚，食多幾碟已經回本。極上安格斯牛小排，切得好像手切牛般厚身，口感爽滑，牛味道比較香濃，配上牛骨湯，滋味倍加。

蕃薯妹其中一間必食飯堂就係位於荃灣嘅稻八日式火鍋炸物放題。呢度又有得食，又有得玩！呢度食物款式多，除咗普通嘅任食火鍋之外，仲有自助炸物，真正好食又好玩！基本上呢一間餐廳任何價位嘅牛牛，蕃薯妹都試過曬！今次就等我嚟試下最高級嘅日本A4黑毛和牛！餐廳供應嘅A4黑毛和牛，有三個部位，全部都油花充足，入口口感甚好，非常好味雖然未算得上入口即溶，但最重要嘅係以$368/位就可以任食嘅價錢，親民價又尙算高質，無得輸。惠顧$368套餐，會贈送和牛刺身。淨係睇個樣已經贏咗 配搭特調汁料同蔥花，味道亦不錯。北海道雞柳，非常滑，好味刺身肥美新鮮，亦係任食項目，正牛展，有咬口，牛味重海鮮亦可以任食，不過呢度嘅海鮮一般，太冰凍，亦唔太新鮮⋯壽喜燒湯底，不過不失，開頭比較淡，煲到咁上下後尾會夠味，畢竟唔係正宗壽喜燒，響放題餐廳之中比較算唔錯。值得一提嘅係餐廳內調味料選擇多，其中一樣係海鹽食靚牛最好就乜汁都唔沾，加少少鹽食佢嘅牛味！每位加$30就可以任飲酒精類飲品，包括梅酒、清酒同埋各款啤酒抵！最後要講嘅當然唔少得店內另一個賣點，自助炸物檔，有十幾款食材，上炸漿、上麵包糠，放入炸爐，一手一腳自己整，仲有6款調味粉

朋友相聚，就適合就是食放題！今次，如果叫個258的打邊爐套餐，就可以任食刺身和免費獲得餐廳自家製的黑松露墨魚滑！落左單，要等十多分鐘才送來湯底！之後，陸續就送上套餐提供的肉，有牛肉，豬肉，雞肉和羊肉，還有牛柳粒！牛肉肥瘦適中，牛味十足！最意外的雞肉，十分嫩滑，不會柴！而且，羊肉都不太羶，連不喜歡食羊的我,都能接受！值得一讚是這裡的刺身都好鮮美，甜蝦肥美，連鮑魚片都好好味！另外，還可以親自自製炸物，可以享受下廚樂！最後，這裡除了雪條，還有幾種雪米糍，綠茶味，朱古力和紅豆味！還有比較大粒的雪糕球，有椰子味和朱古力！食飽飽，食下甜品🍮，真是一大享受！

稻八日式火鍋放題，絕對係性價比之選雖然個名唔及得上大品牌，但係呢個價錢，呢個質素，本人覺得絕對物超所值呀今日黎揀左個$298M6澳洲和牛放題，呢個價錢已經可以食埋$298以下既所有牛肉，豬肉羊肉同雞肉，最吸引既，當然係仲有海鮮同刺身啦！M6和牛既牛肉有4個不同部位，食落口唔會太油太肥，肉味十足！牛小排既牛肉牛肉味重，口感不及M6和牛，但都好好食刺身新鮮好食，最鐘意食櫻花魷魚同三文魚，鮮味十足，口感豐富海鮮拼盤用冰盤上台，新鮮度維持到，食落口都十分新鮮呢部仲有獨家既自助炸物，真係非常吸引！有機會一定再回來🤤🤤🤤

今日同朋友慶祝生日，網上見到呢間有自助炸物，所以專登黎試下，因為我係日本食過好好食，想睇下香港水準有冇得比。我們在Openrice訂了7:00 上到去人唔多，好快就安排好座位，先揀我地想叫既套餐佢有幾款唔同唔同既餐 最平$158但無牛食 最貴$368 好多野食但我地覺得未必食得曬 就揀左一個大眾化既價錢 $168有牛、豬、羊同炸物食。自助炸物款式都多，方式同在日本食法一樣但呢個要考下大家識唔識炸，因為時間唔可以太耐餐廳好好有埋計時器同步驟俾人睇D油應該唔係隔夜，因為炸出黎無油"益"味好好食，仲有六種唔同既粉俾大家選擇 好正$168款既牛，算唔錯正價比高飲品任飲，其他火鍋配料多~食到最後仲有一杯雪糕送4位人均消費 $185

今日同朋友慶祝生日，因為我記得一個叔叔服務好好，又會介紹個生和牛點食。至於其他人。。。。食到一半，旁邊一個女侍應大講客人壞話，內容係大概鬧某個客人食完唔走，音量極大，驚死無人聽到咁。跟住一個男仔，同同事大聲討論叫咩野外賣食，傾到忘我，入曬神，我大聲叫足幾聲佢都聽唔到，重點係佢就係我面前個收銀機度。(我坐收銀位)應該唔會再去。可能係我太夜去，我成十點先入埸，佢地做到攰曬所以無乜心機。

踏入5月份就係好多好野食嘅月份🤩因爲係birthday month ，唔同嘅朋友都會約出黎一齊見下面一齊食好東西😍❤️知道荃灣開左稻八，又有日式火鍋放題又有刺生同炸物，一直都好想去試下，見到openrice 有訂位優惠，6點鍾去食係有85折嫁！即刻約齊好朋友去啦🤪話晒都係Birthday month ，大一歲梗係要好好慶祝下，所以決定豪d，叫左最貴嘅和牛餐，叫最貴嘅餐係可以食埋其他餐嘅肉類嫁！好靚嘅牛呀，油花分布好平均，唔會有一大舊肥肉係中間，入口即溶，好好味😋😋 為左唔好咁肥，我地叫左日式清湯，其他湯底都好吸引，下次再黎試下豆乳同蕃茄湯！出面就係自助區，有各種配料，vegetables ，醬料等等，環境整齊乾淨❤️我地仲試左d炸物，已經預先串好晒放係雪櫃，有instructions ，十分清楚

服務其實唔差，入埸揀完野之后（桌角會有步驟提示），出面攞既任何野免費，可以免費加肉，服務其實真心好，不時有啲靚仔靚女服務員，我同朋友第一次去食，問個服務員好多次野，佢都好有耐心答我地，仲會不時過黎問我地洗唔洗加湯加肉，加上佢啲套餐都幾飽架，有機會一定再去!👍👍（唔識去可以開gloole地圖，好簡單架，我都係第一次去，地铁站行過去7分鈡到）*最好同朋友去拍，冇乜見雙人位，冇單人位［溫馨提示:係叫服務員賣單架~］

我和男友二人均要了248的海鮮拼盤餐。抵讚： 帆立貝很好吃，其他貝類也很鮮👍🏻 但食物的款式真的太少了😹 牛一之類的火鍋店，單是醬汁已有差不多十款 這裡只有醬油和一個沒有名稱看起來像芝麻醬的汁可以選。平常我們會吃的，如芝士腸、芋絲、豆腐、豆腐泡、年糕全都沒有也可能只是剛好沒有我平常會吃的東西所以要多了他們的肉類，豬和羊還好，但雞肉的感覺有點奇怪，吃起來像炒的豬肉片😹 不是一般火鍋店的雞件或雞腿肉 有點不習慣雪糕我看食評都是movenpick, dryers 之類，但我們吃的時候只有沒聽過牌子名的雪糕球和雪米糍，雪糕球是一粒粒的包裝，比一般雪糕硬，曲奇雪糕吃起來不怎麼覺得有曲奇，也沒甚麼奶味，有點像吃內地雪糕的感覺，就只有冷，沒什麼味道😹。直接一點說，真的第一次在香港的放題吃這麼差的雪糕😹 大失所望。但這裡可以自己炸東西，挺有趣的。我想小朋友會喜歡。但以這個價錢，不會下一次了。

見到不少好評，所以就試一試佢。第一次去食，見到d食材，即係感覺到性價比很高，食物種類很多，食材新鮮。300+食到呢個質素認真ok。 300蚊食酒店自助餐一定食唔到呢個質素。牛肉，豬肉，羊肉都好好，豬肉不會鞋口，牛羊很香，牛肉種類很多，牛的很多部分都有。飲酒都不過係+30，一般酒量，飲下梅酒，清酒，啤酒，一定回到本，值得推介。最緊要係d 酒唔係hea底，唔係藍冰獅威，希望可以keep到呢個水準，唔好因為出名就頹落黎。

荃灣都有唔少火鍋🥘，不過我都係鍾意上次嚟食過呢間稻八，好好味又多嘢食，環境寬敞，又有日式feel🎎🎏，今日同家姐兩個過嚟撐吓檯腳先👭。呢度有好多價錢款式選擇，由每位$158至$368不等，如果夜晚9點半後嚟幫襯仲全單85折添，超抵食呀。我哋揀咗一款稻八海鮮餐，有海鮮拼盤一份，羊🐐、豬🐷、雞🐔無限添加。海鮮拼盤有虎蝦🦐、青口、蠔、八爪魚🐙、北寄貝、螺🐚、蜆等，而且樣樣都好新鮮。湯底選擇好多款，我哋揀咗個九洲豬骨濃湯🥘，果真夠晒濃味，豬骨味都好出。呢度仲有得自製天婦羅🍤，客人可以揀自己鍾意嘅款式，款式都有十幾款，有蝦、煙肉腸、特級魚蓉燒賣、灸燒芝心丸等等。然後跟住指示點啲炸漿同米糠去爐度炸就可以。有得玩，又有得食！😉自助吧有好多蔬果蔬菜🥒🌽🥕。多款飲品任飲。🍹🍷🍸甜品有阿波羅三文治、雪糕糯米糍、綠茶蛋糕、泡芙等，埋完單仲有haagendazs或者movenpick雪糕添呀，正呀，我梗係梗咗雪糕之王movenpick啦🍦！

火鍋放題黎黎去去都係美國肥牛，一係勁肥，一係勁嚡？今次依間放題有得任食M9和牛！唔係得一碟！真係可以任食㗎！M9和牛餐 $318 真係好超值！有齊下面咁多種都係任食！特選M9和牛小排嚴選M6和牛成盒極上安格斯牛小排特級美國穀飼牛美國進口牛肉美國自然豚肉片日本北海道雞片海鮮成盒刺身羊肉炸物出面可以拎自己拎啲蔬菜，菇，豆腐，豆卜，蕃茄，丸，餐肉，腸仔，等等，都幾多野拎炸物最特別，佢會串好晒，之後可以自制天婦羅，可以自己炸！最吸引嘅係炸蝦天婦羅！甜品就有雪糕批，雪米糍，都有幾款口味，可以任食。飲品都多選擇，有糖無糖，有汽無汽都有，都係可以任飲。和牛餐包咗刺身任食，一共有13款可以揀，當中有埋象拔蚌同油甘魚添！每樣試少少第一輪會所有野都俾一碟先，之後想再食乜就再叫！食完第一轉試晒所有野之後，當然要主攻和牛啦！啲和牛真係碟碟都有返咁上下質素！啲紋非常吸引！食落又香又軟！好快就食完一盤！最好係佢上牛肉嘅速度夠快，唔洗等好耐！食得太多和牛有少少漏，淥返碗菜用嚟送和牛，又可以再食多轉！用和牛黎做餸實在太幸福喇！加埋啲牛脂，連啲菜都特別好食！

朋友早前分享過荃灣有間火鍋可以任食和牛火鍋之餘仲可以DIY炸天婦羅，原來就係稻八，基本上我好大原因係為左嚟玩炸天婦羅，但估唔到食物款式竟然有咁多選擇。不得了的任食和牛餐，牛肉的水準同種類簡直超乎想像，M9和牛質素極高，好難想像係可以任食既價錢，另外極喜愛M6和牛牛肩胛肉同埋和牛胸肉，入口即溶牛味極濃，其他牛肉口感亦各有不同除了優質牛肉，套餐包既刺身質素不錯，尤其喜愛油甘魚。海鮮拼盤質素亦佳，任食都火鍋配料選擇十分多，推介超大塊又脆口既炸魚皮同咖哩牛腩飯，必食之選DIY天婦羅已調好炸漿，即炸天婦羅入口酥脆，款式及調味料選擇十分多食飽前記得留肚食埋意大利雪糕，不太甜味道亦不錯，$318 一位任食係今時今日既物價嚟講可謂非常超值

北海道3.7牛乳牛骨湯🤤🤤🤤 湯好白雪雪 濃厚 面有油份 好似食肥牛果種油香店內自助攞食物 汁醬 沙律 火鍋配料 熟食 甜點 炸物 飲品 咩都有 係一間好舒服嘅 火鍋炸物放題 好貼切日式 通常日式野先做到咁舒適 所以呢間 大讚！！👍🏾👍🏾👍🏾咖哩飯都有 爐未到 就食下佢 😂有得自助炸野玩下 炸嘅種類都有廿款左右我就炸咗 腸仔煙肉卷 冬菇 茄子 番薯仔肉類一碟碟 排得好整潔 多咗份衛生感😂唔知係咪我錯覺 我覺得第一轉嚟嘅肉好食啲炸冬菇 我剩係蘸咗炸漿 冇蘸包糠 已經好好食薄薄地 好脆 冬菇 炸好處係外脆內軟 juicy Wasabi 味👇🏻好正👇🏻👇🏻👇🏻呢啖湯 果浸油😍😍😍牛骨湯好正響鈴就差啲 好似開咗好耐咁去咗三次 今次先有👇🏻👇🏻百香鳯梨茶 熱嘅 微酸 果甜 打邊爐 飲呢個 我幾中意