Video
Introduction
Their signature dish is Taiwanese Braised Beef Noodles, and it also serves Taiwanese snacks and pearl milk tea which taste nice.
continue reading
Opening Hours
Today
11:30 - 22:00
Mon - Sun
11:30 - 22:00
*Last Order: 21:15
Above information is for reference only. Please check details with the restaurant.
About Reward Scheme
中環餐廳一向價格偏貴，不過今晚來到呢個旺區，我食到一間位於中環，食物水準有質素，而且價格非常親民的台式餐廳，真心想比個like佢！！～<私房牛肉麵 $88>呢款牛肉麵，除了有大大件嘅牛肉之外，還有牛筋、牛肚、蘿蔔，配上彈牙粗身的台灣麵，非常掛湯美味，用料非常之高質尚盛，滿滿的一大碗。值得一讚的就是牛肉湯底味道夠濃香。<雙重芝士牛奶鍋 配安格斯牛肉 $158>呢個火鍋一上枱已經充滿驚喜，份量超級大。火鍋材料豐富，有魚餃、芋頭貢丸、芝士丸、響鈴、米粉、香菇、蔬菜、重點是安格斯牛肉片的份量亦都夠曬充足，一人份量絕對吃得夠飽！！<滷水蘿蔔牛腱 $52>滷水牛腱肉部位非常之靚，肉質軟綿，牛肉味道好突出，肥瘦均勻，而且炆得非常之入味。<滷味拼盤 $56>滷水拼盤材料有滷水蛋、滷水豬大腸、同埋豬耳，三樣都炆得非常之入味好食。另外叫了兩杯台式飲品，<大甲椰椰芋香奶>，椰奶的味道不算突出，但反而芋頭的味道夠香甜。<閨蜜紅豆珍珠奶茶>，個人非常推薦紅豆珍珠奶茶，因為珍珠做得夠彈牙，有咬口，配上大量紅豆及奶茶，非常好飲！二人最後埋單才花費400多左右，個人覺得餐廳環境寬敞舒適，食物材料都用心去做，非常新鮮美味，而且份量夠大，又有台式飲品供應，選擇款式豐富，服務亦不錯，下次一定會再來。
continue reading
亞洲菜系中，食得最多嘅就喺台灣菜，最鍾意飲嘅就珍珠奶茶，所以，今晚約咗老友出嚟食飯兼「開會」，因為嚟緊禮拜日搞活動，順便傾下啲細節嘢，佢話就我地點，所以，揀咗晌公司附近嘅「鐵牛」。好多人都話中環一入夜就好靜，其實睇下邊個位置，蘭桂坊、半山自動扶手電梯呢幾截其實好多遊客，而入到嚟「鐵牛」近乎可以講座無虛席嚟形容，只不過喺平日晚上，都坐到咁爆。講返個環境，一室木系，光猛整潔，而講到最佳位置非卡位莫屬，因為零舍闊落，舒服好坐。枱側就放齊豉油、豆瓣醬、辣椒醬俾大家自行再作調味，仲有牙簽、紙巾放晌度自由取用。先翻一轉餐牌睇吓有咩揀，餐牌製作幾精美，大部分菜式都圖文並茂，以分類而言包括臭臭鍋、台灣便當、湯麵、拌麵、小食、飲品，而惠顧任何火鍋套餐、便當、麵食，飲品都有減$10優惠。天氣仲有少少寒，所以，目測所見，有唔少人嗌火鍋套餐。鹽酥小拼盤 $56小食都有好多地道台式嘢，而呢一款拼盤就可以試勻3款小食：台農57號甘梅地瓜、逢甲鹽酥雞、酥炸花枝丸。啲嘢炸得唔錯，食落唔喺好油，地瓜粉甜，灑咗啲甘梅粉，酸酸甜甜幾好食，鹽酥雞外脆內軟，花枝丸好有魷魚味，整體確喺唔錯。綜合滷味拼盤 $56另一款小食亦喺台式嘅經典滷味拼盤，又喺一次過可以試到3款滷味小食：豬耳爽、滷蛋、滷大腸，每樣嘢都滷得好入味，豬耳果然好爽口帶脆，滷蛋好香，仲帶少少溏心，大腸望落去好脆，內壁仲有好多肥膏，但咬落唔覺好油膩，亦無嗰陣陣臊味。總舖師私房牛肉麵 $88主食方面，老友喺牛魔王，所以，一眼就相中呢款集金錢腱、牛肋條、牛筋及牛肚絲嘅私房牛肉麵。先呷口湯，香而不濁，幾款「牛」都好好食，牛肋條非常鬆化，牛筋軟腍有咬口，仲有浸透嘅甘筍同蘿蔔都好好食，麵條份量亦多，果然有質素，抵食。蜜汁芝麻雞髀乾拌麵 $82今晚飯癮唔大，改試試乾拌麵，亦因為較少食，亦好想試試，就揀咗款配雞脾。果然配上大大隻雞脾，燒得幾靚仔，糝滿芝麻，最好喺雞脾已一開三，方便夾嚟食，味道香濃，肉質嫩滑；麵條加咗好多滷肉、青瓜絲同蔥花，撈勻嚟食，味道、口感都非常之好。宜蘭柑桔檸檬蜜 $30老友揀食濃味嘅牛肉麵，所以，佢就話專登揀柑桔檸檬蜜嚟中和一吓，佢就話杯嘢飲酸酸甜甜，感覺好唔錯。閨蜜紅豆珍珠奶茶 $36小弟向來喜歡珍珠奶茶，加埋紅豆就更加好，不過，有段小插曲，飲咗好耐都未啜到珍珠，再撩兩撩睇睇，發覺真喺無，侍應都唔好意思，即時幫忙加番，可謂忙中有錯。講番啲奶茶，幾醇香，珍珠好咬口，紅豆又綿又甜。整體嚟講，環境舒服，出品有水準，其實我都幫襯過尖沙咀店，但已經好多年前嘅事，能屹立多年之久，就連疫情都捱得過，自有其實力。
continue reading
台灣火鍋熱辣辣 一個鍋入邊有勁多配料仲有可以配飯 粉絲等等我叫嘅雙重芝十牛奶鍋 有香濃嘅牛奶味 再加埋濃郁嘅兩款芝士放喺安格斯牛肉片 之上 所以一般熟嘅時候所有芝士都黐住啲牛肉好惹味呢個鍋真係有好多配菜一個人嚟講，份量超多芝士丸，水牛芝土，芋頭貢丸，米血糕，蕃茄，蜂巢豆腐，蟹柳，魚餃，魚豆腐，響鈴，雞蛋，娃娃菜，配金針菇，蔬菜，粉絲，冬菇，蘿蔔紫菜飯另外仲叫咗個小食木魚炸豆腐 大大磚豆腐 外脆內大甲椰椰艼香 少少甜 有口感幾好
continue reading
中環Soho區樓上台式餐廳，除了一般牛肉麵和飯類，還有很適合I人的一人火鍋。從小食到主菜和飲品，質素相當不錯，而且定價在中環旺區而言，算是親民。夜市小香腸 $42 | 鹽酥小拼盤 $56Taiwanese Sausage | Deep-fired Set台灣小食最愛的鹽酥系列，一次吃勻鹽酥雞，炸蕃薯條和花枝丸，暖烘烘又邪惡，特別是灑滿話梅粉的炸蕃薯條，酸酸甜甜，加分不少。還有烤小香腸也是熱門小食，蜜汁惹味燒讓人一口接一口。鐵牛臭臭鍋配安格斯牛肉片 $138Taiwanese Stinky Tofu Hotpot雙重芝士牛奶鍋配西班牙豬肉片 $148Cheese and Milk Soup Hotpot一人台式火鍋也有幾個選擇，配料多樣豐富，有肉有菜，固定配料有芋頭貢丸、米血糕、蕃茄、蜂巢豆腐、蟹柳、魚皮餃、魚豆腐、響鈴、娃娃菜、金針菇、蔬菜、粉絲、冬菇和蘿蔔，臭臭鍋會多配臭豆腐、鴨血和大腸，都是很有台灣味的食材，湯底濃郁微辣，喜歡臭豆腐、重口味的友人當然大愛！牛奶鍋的口味相對之下較西式，大量水牛芝士讓湯底更濃稠，連吃火鍋也有拉絲的視覺享受。大甲椰椰芋香 $36 | 有時候紅豆珍珠奶茶 $38Taro Milk Tea | Milk Tea with Red Bean & Bubble一熱一冷的台式飲品，是台式火鍋的最佳拍檔。凍飲可選少糖少冰，較適合香港人的口味。暖暖的大甲椰芋奶的芋香突出，剛好中和臭臭鍋的微辣。
continue reading
講真喺中環食嘅茶餐廳都要70-80所以寧願食台灣餐廳 環境比較舒服朋友帶我上嚟 其實位置好方便就喺中環扶手電梯旁邊除咗平時台灣牛肉麵之外，仲有小火鍋鹽酥雞、各種台式小食、珍珠奶茶等等今次特登揀咗啲新嘢呢碗叫做鐵牛 手沖涮涮牛肉麵$88牛肉上嚟嘅時候仲係新鮮的煮滾的熱湯 即時涮熟攪拌一下就食得 比平時的牛肉 口感更加嫩好食！湯底都好香濃 勁推薦這款朋友就話想食小火鍋但係呢個小火鍋，絕對唔細鴨血真係台灣風味仲加咗安格斯牛肉+$10有菜有肉 仲可以揀一個飯/米粉我就比較鍾意米粉索哂d湯勁正麻辣口味恰到好處 也可以自選大中小辣仲有小食拼盤 當然我最鍾意係鹽酥雞份量都比較多 可以幾個人分享牛肉煮熟咗唔好擺太耐加埋台灣鴨血一齊食 真係好正飲品方面推薦 大甲椰椰芋香 完全唔會太甜 口感清新
continue reading