鐵牛台灣牛肉麵 (金巴利道) (Closed)

完全唔明點解香港好食嘅台灣野得咁少，鐵牛係其中一間會返食既台灣餐廳，雖然嘢食比較貴 不過勝在環境好服務好而且食物質素亦都高午市嘅套餐好多選擇而且有好多小食，叫咗鹽酥雞滷肉便當 $56 ， 跟餐三個小食絕對唔馬虎 有滷蛋娃娃菜同蒜蓉蘑菇，而且啲滷肉飯好入味啲肉好林唔使用牙都咬得開，而且啲肥膏真係入口即溶 平時唔係好識肥膏都會愛上！而且鹽酥雞真係即炸熱辣辣，好脆口但係又唔會好咸 而且入邊真係好多汁好嫩身！跟餐送埋奶茶 尖沙咀來講都算抵食嘅！而且高質數！推介啊

鐵牛 最近見到好似通街都系~  行到去尖東, 趕時間 諗住黎個快食！ 但係唔想食拉麵. 見到呢間台式野！ 望到入面full 曬人, 覺得應該唔會有伏！ 就食jor 啦！尖東呢間呢, 餐廳系地負, 位比較細, 其實嗌多一件野, 都唔夠擺~ 見我地睇完menu 就需要去前台比錢先, 再坐返個位等運到~嗌jor 一碗招牌既 牛肉麺啦~ 同埋一個推介既烤雞腿定食！ 牛肉麵呢湯可以, 至少有味！~ 麺質比較彈牙！ 牛肉可能系整到 符合香港人口味. 冇系台灣食既咁dry！  總括黎講 都可以畀90分~ 可惜份量比較小~ 呵呵我呢個烤雞腿 份量就好滿意啦~ 3小碗小配菜！ 令你減去小小油膩~  而呢個雞腿真係原只！ 而且烤到那個皮好香口~ 肉質算滑~ 唔系鞋身~ 那個飯上面 淋了小小肉燥, 不過 個人覺得那個肉燥味好淡~ 好似冇咩味咁~ 那個雞腿既汁 還好過佢~嗌jor 一個小食~ 魚蘇皮蛋豆腐~   即係用木魚花 淋系豆腐同皮蛋上面~ 涼拌小食黎講, 都開胃的, 不過冇咩特色~ 總括黎講, 覺得cp 值算高！ 可以推介食下~ 

鐵牛這個名字很威猛，是一家台式餐廳。顧客先在餐紙圈畫，到收銀處點餐付款後坐回座位等候，店員會把食品送到。豬軟骨肉燥拌麵-麵條彈牙掛上帶甜的肉燥汁非常可口，豬軟骨炆得軟冧，拌上青瓜絲同吃，不會感到一絲油膩。鹽酥雞便當-鹽酥雞酥脆，粉漿薄。套餐配上三款小菜，當中有蘿蔔乾鹵蛋，旺菜及黑木耳，加上魯肉飯，相當豐富抵食冰凍的冬瓜茶是吃炸物後必喝的飲料，感覺會下火一點，通常吃台灣美食都喜愛點這個喝。冬瓜茶不太甜，喝下一口清涼怡人，非常舒暢。這家餐廳食物大眾化，價格合理，食品美味，值得一試。

見到網上評價好似唔錯，黎開呢頭一心諗住試吓啦兩個人分別叫咗紅燒牛肉麵，麻辣排骨麵，珍珠奶茶凍嘅上菜時都覺得幾正喎個樣，兩碗面都好香點知食落去牛肉麵個湯一啲都唔香濃，只係覺得有普通味精湯味，牛肉得個淋字，仲有啲面，兩碗食落去都好似未煮熟咁，好硬至於排骨麵，同樣湯底得個香字，排骨炸到好油，睇返入面舊肉好多肥膏好啦講下杯飲品，奶茶水還水，茶還茶，奶還奶，啲珍珠仲要冇味嘅結果呢個晚餐兩碗面都食淨一半，奶茶飲咗冇三份一就走人以後會再試！祝佢早日結業

當日經過尖沙咀，看見宜間餐廳的午餐幾吸引，於是試下。試左滷肉飯同珍珠奶茶，滷肉飯的味道唔錯，但會有少少肥，有飯之外仲有少少配菜，有滷蛋都幾入味，還有少少蔬菜同草菇，感覺上都幾健康，珍珠奶茶都唔錯，唔會太甜。

食物方面，大部份比香港的其他台灣食店更好更道地。連我的台灣籍太太的覺得某些菜式比台灣當地的店做得更好。服務方面，卻讓我們意想不到的奇怪！今天晚上工作完畢之後，打算舒舒服服地食個台灣菜。已經查詢好各方面的資料，知道他們是10:30pm打烊。我們原本已經打算提早在10:20pm識趣地離開。想不到，卻在10:05pm開始被不同的店員「輪流夾攻」。最後，他們成功在10:15pm便已將所有客人請出大門了！😡鐵牛的東西仍然是好吃的，但，如果可以的話，就盡量避免這間分店了！今時今日，這樣的服務態度，自掘墳墓也！^^

賣相好得啊個人覺得鐵牛又係間算係味道正宗 好食 價錢唔貴嘅台灣菜餐廳 小私心：希望將軍澳區開間就好喇～😂☺️■ 麻辣大塊牛肉麵 $68大中小辣 任君選擇👀 麵一到即刻試下啖湯先～我嗌咗小辣所以辣度唔算辣 雖然啖湯係幾油膩 但好好飲😭😭😭😭 牛肉麵啖湯好重要㗎嘛（我食咩湯麵都會飲湯先😋）跟住啲麵勁有咬口 口感好實在 勁鍾意啊 一碗食完都已經夠曬飽～大塊牛肉其實都唔算大塊😅😅同埋就得三塊左右 係唔韌唔難咬易入口個種。/■ 奮起湖燒雞腿排便當 $62個半隻魯水溏心蛋好好食😋 燒雞腿排都好食 隻醬汁係甜甜地 愛嚟送飯好啱！不過魯肉飯個part就一般般 個人覺得麵係好食過飯～/■ 逢甲鹽酥雞 $36 隻醬酸酸甜甜幾好味 不過唔蘸醬其實都OK😂 炸粉唔算厚～必點嘅小食囉¯\_(ツ)_/¯/■ 百香果QQ冰茶 $28係好飲嘅 又係酸酸甜甜咁 仲有啲椰果 最正嘅配搭 但覺得最怪個part係加咗珍珠😨/■ 珍珠奶茶 $28冇咩特別 普通😂

係尖沙咀行行下街見到呢間落地層的台灣菜，見到價錢適中，加上時間緊迫便諗住入去食個快飯！店內人流非常多，而且位置很大，雖然是在basement，但樓底很高，感覺很舒服。這家店是客人自行點餐的，很方便！奮起湖燒雞腿排便當 ＄62男人覺得名稱很特別所以點了，點知呢個非常帶驚喜，雞腿汁很惹味，加上肉燥飯非常足夠，還有配菜，非常化算！逢甲鹽酥雞肉燥麵 ＄58另外叫了這個，估唔到呢個價錢係會有高質素，味道適中，不會太鹹或太淡;鹽酥雞炸得剛剛好，外脆內軟飲品只是跟餐+ $18，我們叫了胚芽珍珠奶茶及水蜜桃梳打，兩杯都不會太甜，味道適中。

記得半年前好喜歡佢個牛肉麵，湯底夠香夠濃，牛筋爽口彈牙，而腩肉煮得入味，肉質夠淋易咬。算係係香港食過，價錢平民化而最貼近台灣味道嘅牛肉麵。但最近一兩次去差到不得了，果然一周圍開分店就會差。去親都好多人，店員態度都冇以前咁好湯底冇以前咁香濃，腩肉大件係好，不過成舊石頭咁硬，咬一啖肉絲都攝晒牙喇到。牛筋份量比以前少，得返一兩件。唯一味道不變係飲品，最喜巨蜂梳打唔會過甜不過尖沙咀60幾蚊食到一餐飽都算係咁

食過幾次了，我覺得呢間台式餐廳嘅食物質素真的不錯！今次食紅燒牛筋腩米粉，湯好濃，牛筋牛腩都好入味。新竹米粉好爽口，用湯送黎食超正！飲品就係我最愛嘅朱古力珍珠，香濃朱古力加彈牙珍珠，好幸福喔

話說最近要返星期六 放十二點 所以依啲放工就要食野嘅時間我就邀請左我嘅同事同我共進午餐 我地諗下諗下 最後決定攀山涉水去尖東個邊食鐵牛食台灣野我今次就叫左夜市小香腸肉燥乾絆麵 加左杯桂圓紅棗茶 因為想滋潤下自己 同埋熱飲健康啲 呢到嘅野食的確令人會想返黎再食!個乾絆麵有肉燥 好多蔥同埋青瓜絲 麵質大條且彈牙 雖然係乾絆但佢下面有啲牛肉汁 撈埋一齊有咬口得黎又好味 齋食個麵都食得哂 至於個台灣腸都好正 佢特別既地方係上面有塊大蒜 同埋腸仔一齊食 有多重味道 甜得黎又有少少辣 好有水準👍🏻杯茶我鐘意佢唔太甜 清清地而滋潤 推介呀！

行街行到好攰所以諗住喺附近搵間餐廳食，經過見到呢間餐廳叫做鐵牛台灣牛肉麵，見到好似都幾多人幫襯，所以就決定試吓。朋友叫咗牛肉麵，我就叫左雞扒魯肉飯，另外再加多一份小食。份量其實都幾多，個set仲配埋菜，蛋，粟米，好完整。雞扒都算幾嫩滑唔會太乾，但係如果可以整得再入味d會更好。朋友嘅牛肉麵味道都唔錯，麵幾彈牙牛肉好入味。我見到menu都算幾多選擇，而且就算係繁忙食飯時間都唔需要等好耐就有得食，價錢都合理，啱晒喺附近Office返工嘅人。

鐵牛原來已經開咗咁多間分店！今次去咗尖沙咀站附近呢間分店，係地底非常大間，唔怕會冇位舖頭都唔算太嘈，位置寬敞。鐵牛嘅食物質素非常唔錯，係好道地嘅台灣菜！絕對可以翻兜小食拼盤非常推介，一次過可以試三種菜，甜薯好好食！調味料亦岩岩好肉燥麵同台灣食嘅一樣啊！台式香腸每片香腸都有一片香蒜，好味生菜正常香芋珍珠奶茶香滑，濃郁香芋味，熱飲都唔錯兩人每人食咗接近一百蚊，台灣菜就當然喺台灣食最平喇！喺香港就要幫手交啲租喇

呢間牛肉麵係午餐時間永遠都大排長龍😂😂唔用app拎定位根本唔使旨意食到😂😂😂就入座既時候會比定一張落單紙你...揀好比左錢先入座，之後坐定定係位就等服務員送餐比你...我揀左佢地既原味/古早味，姐係最普通果隻招牌紅燒牛肉麵😂😂😂😂😂😂😂😂😂😂😂😂😂😂😂一碗牛肉麵既精粹係湯！ 當然飲啖湯先啦！哇，古早味好濃🤪🤪🤪其實我都唔知咩係古早味😂😂😂甜甜地既湯頭...幾香...但冇咩牛味☹️☹️☹️再來一啖佢嘅麵條，幾香麵粉味😂😂😂唔知係咪因為午餐時間太多人嘅關係，啲面有少少硬同埋未散晒！有啲仲黐埋一舊一舊🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️成碗麵最貴嘅一部份.........牛🐮🐮🐮🐮🐮！佢既牛真係好香好嫩好滑👍🏻👍🏻👍🏻👍🏻👍🏻👍🏻成$70一碗 有點兒貴！ 因為成碗牛肉麵入面得舊牛肉令我欣賞🤪🤪🤪

今日到食了一間想吃很久的台灣食店呢，因為台灣令人心情添上顏色，感覺既舒服而又慢活，之前去的時候排隊而沒有機會嘗試到呢～我們想吃的很多，肚子就很小，所以在細心的研究下，揀選兩個比較受歡迎的試一下喔：推薦：台灣牛肉這個是必吃的一個食物，因為牛肉炆得入味，加上湯底十分濃郁，令人一吃便愛上。推薦：烤雞肉便當這個便當味道合宜，不會太淡，有一小碟的前菜，感覺清新好吃，不會太油～總括來說，這店的食物不錯，卻沒有我預期之內一台灣感覺。