鐵牛台灣牛肉麵 (金巴利道) (Closed)

太耐無食台灣菜，今晚就幫襯這間鐵牛台灣牛肉麵。小街滷大腸併豬爽耳小食份量不多，大腸有三件，其他的都是豬耳，大腸完全無騷味，中間肥膏去掉，十分乾淨，比較有咬口；豬耳切得很薄十分爽脆。肉燥小茄子茄子應該走過油，比較油膩，伴上肉燥可以送飯。主廚私房牛肉麵麵質較幼身且彈牙，牛肉分別是牛𦟌、牛筋，前者炆得入味且腍，後者入口溶化，膠質豐富，湯底是濃郁的牛肉汁，不過味道就偏咸。鮮蕃茄牛筋腩麵蕃茄湯底味道清新，帶著淡淡的酸甜，十分開胃，牛筋都是入口溶化，夾著點牛腩肉。蜂蜜柚子茶&杞子桂圓紅棗茶前者甜度剛好，後者味道偏甜但十分足料。

今天全日都是在尖沙咀，自己一個人逛了幾小時，然後就等朋友收工一起去吃晚飯，他提議到金巴利道的鐵牛台灣牛肉麵，他話食過返尋味，自己都喜歡台灣牛肉麵，所以就決定入去食作為今日嘅晚餐啦！餐廰設計時尚簡約，環境寬闊，不會有壓迫感，地方整潔，感覺舒適舒服，不錯。餐牌上有多款台灣湯麵、麻辣湯麵和鮮蕃茄湯麵，還有特色乾拌麵、台灣便當、台灣小吃、珍珠奶茶、手搖茶、梳打等，選擇種類多，別具特色的台灣菜，款款吸引！招牌紅燒牛肉麵     $62大大碗湯麵，湯底香濃，清甜順喉，形狀厚厚的紅燒牛肉，味道濃郁，軟淋不韌，麵條幼身，爽滑可口，美味無比，讃！紅燒牛筋腩乾拌麵     $69牛筋腩肉質彈牙，香濃醬汁很入味，口感黏黏的，很豐富  ;  麵條爽口，配備濃濃醬汁拌勻，更美味，吃完真的大滿足呢！小碗麻醬乾拌麵     $36與港式味道不一樣的麻醬，香濃不俗，不油不膩，麵條爽滑，口感香醇，越吃越想吃，不錯。鹽酥雞拼夜市小香腸     $42細細件的鹽酥雞，方便一口吃完，外層粉漿不會過厚，炸得酥脆，雞肉嫩滑，不鞋身，美味多汁。夜市小香腸，口感有點似港式炸紅腸，但這個小香腸帶有獨特的味道，肉味較濃，肉質爽鮮嫩，好吃

話說荷包最近大縮水，但新一年阿媽話想食豐富d，識做既我，緊係話黎食鐵牛喇😂 對鐵牛嘅印像不嬲都係，大眾化價錢，選擇多多，份量啱啱好，味道仲岩哂我地口味😀奮起湖燒雞腿排肉燥乾拌麵雞腿排肉夠曬嫩滑juicy，個汁又唔會好鹹。就算係乾拌麵，麵條都唔會太乾太硬夠曬q彈。一啖肉咗一啖麵，口感正，味道都啱啱好😀蔥燒豬軟骨肉燥麵呢個係湯麵所以口感會更加張，而且好掛到啲湯汁！香口嘅肉燥同蔥燒嘅豬軟骨味道一流💕滷水大肥腸一d都唔so，呀媽成碟食哂，而且口感夠爽口，配埋酸菜，呢碟既邪惡感大大降低😂魚酥皮蛋豆腐豆腐夠曬嫩滑，夾埋可口嘅魚酥同滑溜嘅皮蛋加埋佢哋嘅醬汁呢個配埋白飯更加一流❣️ 最緊要夠哂份量！肉燥小茄子我真係好鍾意佢哋嘅肉燥，因為真係好香口而且配上小茄子，清新既荷子，一咬淡淡既肉燥味爆出黎😍花之丸大人細佬都最愛既必備小食😁炸豆腐唔好睇小佢兩件仔，其實真係好飽嫁！外層炸到夠曬香脆，而入面嘅豆腐依然都係咁滑。配埋爽甜嘅青瓜絲一啲都唔油膩😀涼拌小黃瓜酸甜大愛之選 爽 甜 香💗芋香珍珠奶茶就算呢到主打食物，但飲品都一D唔失色嫁！珍珠小硬，但味道唔會過甜，正😜酸菜呀媽話搵返佢細個食開既味道😯😯唔客氣喇💗🎉

食台灣野去鐵牛好抵食，又坐得舒服，尖沙咀開左新分店，去食下先！肉燥拌青菜$36肉燥多，撈埋菜幾有味。菜份量不少。主廚紅燒牛肉麵$68麵質爽口彈牙，牛腩鮮嫩而且紅燒味濃，連湯底都有紅燒味。紅燒牛筋腩拌麵$69麵質都爽口彈牙，仲有汁拌，另有湯 牛腩同筋一半。紅燒味可以再重d。木魚炸豆腐$ 32有兩件，木魚超多。豆腐幾滑幾讚。珍珠奶茶 $28飲落去有啖啖的奶味，但覺得珍珠有點硬。胚芽珍珠奶茶 $32多左胚芽 欠左少少誠意。overall兩個人300$左右，食到飽之止。

吾食吾知 尖沙咀美麗華附近有間台灣菜餐廳以寸金尺土既尖沙咀黎講 呢間鋪超闊落坐得好舒服坐低諗好食咩就可以出去收銀處原本以為呢到只有牛食 點知原來款式咁多黑洞叫左奮起湖燒雞腿扒便當成碟雞腿扒 食落啖啖肉無骨雞皮微脆 醬汁吾算太咸而且無雪肉味 抵讚跟餐配上瀂肉飯 瀂肉微甜 肉粒偏大 飯量亦吾小至於朋友仔中意食牛 揀左主廚私房牛肉麵湯底好濃郁 飲左好多都無頸渴另外要讚下牛筋好冧滑 平時係街食牛肉麵都少有牛筋食到除左主食 餐牌有好多款台式小食好芝味芝士鹽酥雞比平時食開既鹽酥雞無咁咸 反而多士芝味中意食芝士既朋友應該會愛上黃金梅子脆薯 係黑洞最愛既地瓜條表面沾左炸粉再炸 入口比較硬身梅子粉酸酸甜甜較惹味至於花枝丸係必食推介 食落有咬口可惜一碟得四粒 吾夠喉跟餐只要$18就可以轉台式特飲黑洞叫左芋香珍珠奶茶凍冰冰飲熱既好暖 估吾到芋香味都吾算太甜至於胚芽珍珠奶茶就茶味偏重珍珠相對熱飲個杯硬小小但整體吾太甜膩

由於我地去既係tea time, 所以無乜人，唔洗排隊。呢間分店裝修唔錯，仲有聖誕裝飾，店員好快帶左我地去卡位坐，d 座位分得好開，傾計都唔會俾隔離聽到，認真唔錯。佢有full menu 俾我地但因為有下午茶，所以我都無認真睇full menu, 就直接叫左下午茶餐了。滷肉飯 鹽酥雞 香腸 滷蛋份量唔算太多，但以女仔黎講係夠食。 D 野味道都岩岩好唔會太咸。肉燥麵 鹽酥雞 香腸 炸豆腐值得一提係個炸豆腐好出色，好香脆，配上位酸酸地醬汁，好開胃好惹味！百香椰果茶冬瓜茶

好似想食台灣野都會諗起鐵牛先因為價錢親民份量多又好食😙😙😙一如以往都係叫咗皮蛋豆腐一疊有四大夠會頭上邊都有一舊皮蛋食落口好滿足！另外在叫咗個招牌牛筋補充下骨膠原啊！牛筋炆得入味唔會太林仲有啲彈口！叫咗個肉操油菜食落口甜甜香香嘅！同埋呢一個肉操茄子茄子被香煎個入口更加惹味！冷泡烏龍茶同埋檸檬茶😂😂豬軟骨肉操乾拌麵份量真係多啱晒我哋兩個大胃王😂味道唔錯唔會太黑食得有點乾嘅時候可以落多少少清湯不過我都係最鍾意呢一個鹽酥雞扒番茄麵面底仲可以轉做新竹米粉！蕃茄米粉青青甜甜好開胃！睇嚟除咗台灣牛肉麵之外呢一個鹽酥雞扒番茄米粉成為咗我嘅最愛！

今日去咗試鐵牛嘅下午茶餐。下午茶餐可以揀唔同嘅餸，我就揀咗細滷肉飯。配菜就揀咗麻辣豬耳、鹽酥雞同埋豆腐～嗰餐味道係幾好食嘅，個人認為麻辣豬耳真係會有少少辣，比較適合食得辣嘅人。鹽酥雞食落熱辣辣應該係新鮮整嘅！比較有驚喜就係個豆腐，雖然份量有啲少，但係真係幾好食～成個下午茶餐美中不足嘅地方就係每樣餸都好少，滷肉飯亦都真係有啲細碗，比較大食嘅人未必會夠飽肚。不過下午茶餐本來就唔預食太飽肚，而且成個餐只係30幾蚊，個人應為算係幾抵食，所以推介大家去試下～

鐵牛點解會去食：2018-12-02 睇完個朋友嘅證婚儀式，等夜晚開席之間嘅空檔時間，去食啲野打定個底先，通常去飲都九點先食得嘛。近近地試下呢間台灣野。食物新鮮程度：⭐⭐⭐紅燒牛筋腩麵：麵質算唔錯，唔會太淋。牛筋腩好入味，唔痴牙。芝士鹽酥雞：冰鮮雞...略嫌「鞋」左啲，唔夠味。唔夠熱。麻辣豬耳：呢啲冷盤唔會差得去邊嘅。對於我呢啲唔係好食得辣嘅人就係超辣...食左幾舊就食唔到了～洛神花茶：無咩味...但因為凍野，所以解辣都幾好。食物合適溫度：⭐⭐⭐湯麵都算夠熱。但鹽酥雞就麻麻喇，暖咋。食物驚喜程度：⭐⭐⭐本身都幾期待個芝士鹽酥雞，呢個組合我係好喜歡的。但最後有點失望，雞無咩味，芝士唔香...—————————————————服務員態度：⭐⭐⭐招呼就麻麻喇...係要自己出去counter 買野食俾錢先嘅，個收銀姐姐全程黑面，講野又細聲。其他staff 都算做返份內事，叫佢都會過黎幫手。—————————————————最重要系。。。我會唔會再去？重遊指數：⭐⭐⭐

今日因為見客關係, 走左去尖沙咀搵食. 冇咩特別頭緒之下, 簡左去食 "台式料理" - "鐵牛台灣牛肉麵".今日點左2 份午餐, 第一份午餐簡左佢地既招牌菜 - 紅燒牛肉麵午餐跟一柸熱奶茶. 而第二份午餐就簡左滷肉排骨便當午餐跟一柸熱檸茶.因本人比較貪食, 而佢又有追加小食特價優惠, 所以就忍唔住追加左一份小食 - 椒麻牛肚絲...首先講下餐飲先, 熱檸茶係正常既, 冇咩特別. 而熱奶茶方面, 因它是台灣 style, 所以奶味偏重, 本人覺得改為凍飲會較好.到小食喇 - 椒麻牛肚絲, 麻辣度調得剛剛好,  不會過辣面蓋過食材的味道. 雖然味道很好, 但可惜牛肚絲好硬, 好難咬開講完餐飲小食, 就緊係要講下個主菜啦,  首先係紅燒牛肉麵, 湯底是讚的, 麵的軟硬度亦是剛好, 但缺點跟小食一樣, 牛肉超硬, 好難咬開, 老人家一定食唔到. 而滷肉排骨便當, 跟餐的三款前菜都很好食, 排骨一般但勝在不太油膩, 而且白飯上加了一些滷肉點綴, 使整個便當不會太單調.總結係雖然本人不是在香港試過很多"台式料理", 但我覺得"鐵牛台灣牛肉麵:係我暫時試過較好食的和價錢合理. 不防一試既選擇!

一天走到尖沙咀東，人有三急走進尖東商場找洗手間，豈料洗手間要鑰匙才能進入，硬着頭皮走到[「大家樂」]的收銀枱去借，收銀叮囑說: 等一下要幫趁，記得交還鑰匙。君子一言，還回鑰匙當然要光顧一下，雖然那時候並不肚餓，到把手上鑰匙交還那刻，才發現這家食肆不是，而是跟大家樂同處地庫的比鄰台灣料理店 - 鉄牛。裝修尚算簇新，黑色主調，配上工業風簡約裝修，屬時下流行的餐廳風格。點了紅燒牛肉麵，湯頭甘香鮮甜，有藥材香料氣息，卻沒有搶走牛肉牛骨湯底的鮮。麵QQ 彈牙，有嚼勁卻沒有生骨，高水平！𦟌肉炆得筋焾肉滑，只嫌畧為淡了一點，個人認為𦟌肉炆得再濃味一點，便是一碗接近滿分之作！

今晚黎左尖沙咀近美麗華依間鐵牛食晚飯，人唔太多，坐得幾舒服，我地都叫左招牌牛肉麵，唔錯，牛肉唔會太老，幾淋，湯底都幾好味，幾有台灣既風味，依個份量都岩岩好。我地仲叫左台灣腸既小食，不過就唔係好多，飲品方面叫左胚芽珍珠奶茶😋小甜後都幾好味。

上網睇到有好多食評都讚鐵牛好食💬今日放Lunch就打算去試下😋呢間鐵牛就係一個地庫入面，面積好大，裝修都好靚好有格調🕋而且地方寬敞，座位都好鬆動。點餐方法就有d似普通快餐店咁，先要去左cashier落order，不過好就好在有staff會事先幫你安排座位💬我同同事都分別order左兩款唔同既飯🍱我就揀左個滷肉便當🍴滷肉分量岩岩好，都可以送晒d飯，另外蔬菜有驚喜，津白好甜仲有配埋野菌，可以幫助消膩，感覺上都幾健康😜不過配菜就普普通通 不過不失。而同事就order左牛腩飯🍴牛腩份量好多，口感普通，唔算太好食，而蘿蔔就好入味，不過略嫌咸左d。地瓜飯加左芝麻變得好香，好夾，食到停唔到口，不過如果地瓜可以切細粒d都更好👍🏻小食方面就合格水平，同台灣夜市買既味道都似，不過定價就有d貴。

今晚係尖沙咀的鐵牛開餐，因為剛巧同朋友係附近完成工作！餐廳是設係地庫的，面積頗大，所以坐得很舒適和寬躺。好耐無食台灣食品，今夜我就點了招牌牛肉麵，而同行友人卻選了牛筋腩麵，又叫了一客鹽酥小拼盤，當然要再加上台式飲品先夠台灣風味。套餐只須另加$18便可以有台式飲品，我們分別要了胚芽奶茶和冬瓜檸檬茶，兩杯飲品可以説不過不失。跟著主菜上場，牛肉的肉質夠腍和滑，反而友人的牛筋腩較硬和「鞋」，友人很後悔不和我一樣點招牌牛肉麵，湯底略為有點咸，麵質夠彈牙，最要改善是兩碗麵都不夠熱。反之最後上場的拼盤是全晚最好的一碟，三款小食包括花枝丸、酸梅粉炸蕃薯和鹽酥雞，每款都炸得很香脆、夠熱又夠燙。

經朋友大力推介，於是去試下，發覺真係好ok，叫左4樣嘢食，第一招牌牛肉面，湯底好香濃好有台灣口味，牛肉好軟熟，完全唔痴牙，又夠味，大力推介呢個，第二叫左一個鹽酥雞伴面，味道一般般如果比下去真係差啲，無驚喜，之後叫左2個小食，麻辣牛肚絲，有啲辣但如好食有口感，因為啲牛肚吸晒啲辣，仲有一個魚酥皮蛋豆腐，呢個好有台灣特色，蒜味好重但幾新其㗎小食豆腐好有質感，味道唔錯台式飲品無叫因為有啲貴，總括價錢唔算太貴，都幾抵食，值得一試