板橋壽司 (Closed)

等位安排非常奇怪, 以為係叫waiter 拿飛仔, 點知話要排隊架wor, 先到先等, 不論你係幾多人都好。 咁就排la, 排左無耐, 個waiter出來, 我地話兩位, 又唔駛排喇wor, 即刻就入得去, 唔知佢地想點 食物質素非常一般!三文魚魚生: my partner 直程話魚生d 貨色衰過超市, 我自己就覺得同超市差不多鰻魚sushi: 好普通帶子黃金燒: 其實我地唔知咩係黃金燒, 以為是普通串燒果類, 來到個賣相幾靚, 原來是芝士焗, 但入面仲有好多沙律醬, 粒帶子就超細粒, 味道ok, 但太漏, 我們都沒有食面頭層芝士同入面ge salad 汁, 只是「了」左舊勁細ge帶子出來食 煎三文魚腩: 有兩大舊, 都幾香口, 幾肥美

呢間野食完真係一肚火一坐低茶冇,餐牌冇,等多一個字後仍然冇,問佢先比左個餐牌黎,茶依舊冇,侍應原來失左憶!!!食物到,好攪笑,食咁多年壽司,從未試過炒飯會黎左先,食完炒飯先壽司!另外,呢間野食飯係用碟食,唔會比碗同匙你,連我3歲既仔仔都因為咁學識左用碟同快子食飯==之後刺身到,5色刺身明明有蝦既,冇見到有,只見到求其搭左塊類似肝臟物,問經理先話冇比你咩?==八瓜魚刺身好似食擦膠吞唔落,超級難食,未食過梅既刺身可以黎到一試!環境非常嘈雜,又唔係收得平,冇服務,食物惡劣,上菜非常慢,食完一樣先有第二樣,叫果樣冇果樣,咩都暫停,賣晒,前後枱既客人都有同樣情況

壽司都算ok既 五夠飽之後叫左個牛柳 ，賣相已經差仲要味道衰過放題：（街邊大排檔同茶餐廳既沙嗲牛肉都好食過佢！人地起碼有味佢呢d好似食緊香口膠咁 真係以後五敢再黎食 ..又五係平過人 呢個牛柳都要$55 ！

見冇咩好食,經過又想食壽司,入去啦!!!唔係第1次幫襯架喇!!!食物水準一般,環境一般,服務一般!!!總括o黎講真係普通過唔普通,不過好比果d咩o野元咩元咩!!!

興男友同遊天水圍,晚餐時段遊至銀座,見到門面裝修不錯的板橋就雙雙入去開餐了2口子選坐喺迴轉檯,但見迴轉檯空位佔左大多數,冇所謂,可以打開餐牌叫野食的,招來一名侍應,侍應即告知睇餐牌叫的食物會以原價計的。冇所謂,反正迴轉檯上的吸引不了我倆點了食物,接下黎唯有等... ...但我倆真係有d餓,迴轉檯上的食物一人拎左一碟我拎左蟹籽壽司,味道如所見的一樣,唔新鮮,得個鹹字男友的三文魚壽司,同樣唔新鮮外,仲有d"風乾"ge感覺隨後黎ge食物都叫人大失所望.... ... 食左冇耐,侍應告知last call啦,問我地仲有冇野想落,男友見唔飽,於是落多個"日式海鮮燒餅"然後二人就一路睇住店員清洗廚房一路等個燒餅5-6分鍾燒餅黎了,睇個樣... ...好似唔多似係燒餅...起筷啦~ 一放入口,一大堆木魚絲和一團煎熟ge粉團+d蝦... ...明白嗎?蝦係冇味的,木魚絲只係淡淡的鹹,而且一大堆放入口亦不見得會係美味,再加上那完全冇味ge粉團...真的,不能夠接受>.<埋單接近300大元,會否再去?真係諗清楚

好多時起學校放lunch都會去板橋食學生價大部份定食都只係$26點都比起去M記食一個又熱氣又唔飽既餐好-日式咖哩豬扒飯啲咖哩好似日本超級市場入面買果啲包裝即食咖哩咁既味無乜特別 但都唔錯 而且豬扒亦好夠脆-滑蛋豬扒飯佢所指既"滑蛋"真係少得可憐但洋蔥就一大堆 而且豬扒亦比啲汁浸到腍晒真係好麻麻-豬頸肉生薑燒可以用一句黎形容---抗衰老全餐啲豬頸肉真係少到10隻手指數得晒又細舊又少 仲要起一大堆洋蔥入面好辛苦咁搵啲豬頸肉出黎結果搵晒出黎既份量就只有個碟既4份之1都無成個碟都係洋蔥!-麵豉湯起初會覺得好難入口根本可以話係飲一啖就已經想倒左佢所以我發現有好多人都唔會飲就咁擺起度其實都幾浪費下但飲落又其實都okay既 不過一開頭陣味已經嚇窒人侍應方面其實都算okay但有時可能係繁忙時段試過同個侍應講左4次話杯汽水未黎但結果食晒啲野食先黎到而且收錢果方面都心比較亂唔止一次找少錢如果係假日去食野就真係唔係幾抵相對於星期一至五星期六、日、公眾假期間鋪就拍晒烏蠅勁細碟無可能會飽肚既豉油炒烏冬就已經承惠40幾蚊真係極度唔抵食!!! 食到一肚氣所以除左星期一至五其他日子或者唔係著校服根本係完全唔會想

我與朋友去食LUNCH,都唔知想食甚麼,看見日本野食,好啦,就去試下啦.我們兩個人叫了個咖哩牛肉飯+三文魚頭味噌煱,送前菜味噌湯和飲品,只是$58等了10分鐘,就到了,都可以啦,我們1點50分入到去,原來2點有下午茶,我們唔知.但都可以,咖哩牛肉飯的咖哩很香,不辣.牛肉都很多,都幾大碗飯.三文魚頭味噌煱,很大碢呢,有菜,有魚頭,有魚肉,有芋絲,都幾鮮味,不錯.我們兩個都吃得很飽,豐富的午餐,還有此間店是不收加一,很合理的餐廳!

真係好嬲!個日陸運會,所以少有地係銀座食...我地4個人,叫左2個飯2個拉面2個飯4,5個字左右到左,ok...2個拉面就等極都未黎....冇幾耐,有人拎左2個錯既飯黎.知道唔岩之後行開左,5分鐘後,佢同我地講話落錯單-.-叫我地等多陣,好快咁話...最後,我望住個鐘,12:48,2個拉面終於到搞到我食得超趕味道/賣相尚算可以,普普通通,但係服務效率真係扣晒分!!足足等左7個字有多,大佬,我地食飯限時嫁!2個面都搞咁耐,又落錯埋單

我到元朗及天水圍其他日本菜食寿司,大多數飯粒好大,當時感覺好像食碗飯落肚,不像食寿司,但見到很多人排隊,為什麼香港人這樣食寿司呢,但當天我到板橋食寿司時見到我想食的寿司飯粒分量標準,不会一食就飽,及魚生新鮮,令我沒有失望,我一定会叫朋友去

當晚同家人7:00左右到天水圍找日本菜食,無意中找到一間多人排隊的食店板橋寿司店晚善,當晚我叫咗吞拿魚刺身,油甘魚刺身,三文魚剌身及赤貝等等,我覺得好新鮮和好味,由其吞拿魚剌身,雖然要600元一客,但我到尖沙咀高級日本歺都要一千大元左右,價餞都ok呢!鈇板牛柳雖然不是靚牛柳,但見到那位師父在鈇板放火這一刻,我想到早十年前在水車屋食鉄板燒的情影,真回味,牛柳非常好味,蒜片香ロ,這一晚我覺得好食,下次我会在來,

早幾日同女朋友和細妹去銀座板橋食晚飯, 當晚唔算多人, 即刻就安排坐迴轉位, 先從迴轉帶拎左幾碟壽司, 邊食邊睇餐牌, 先講下啲壽司, 普普通通, 最特別係其中一碟巻物張紫菜係烈開, 一夾起就散晒, 正諗住散叫一啲野食, 細妹就突然間問覺唔覺啲師傅好似成日望我地, 我本來就無留意, 不過女朋友即時答話由我地坐低開始已經係咁, 跟住佢就話唔好理人咁多, 我地只係來食野, 咁我地就點左個刺身, 兩個拉麵同一啲小食, 因為聽完細妹咁問, 所以等食物時就留意下, 發覺可能正正係間餐廳的晚飯時間, 見到大部份壽司師傅都係無乜野做, 有啲會縮低食野(原來做壽司店係要咁食晚飯), 有啲會企埋一齊又玩又笑, 其中一個肥金毛仔條褲仲要就甩咁, 內褲都露埋出黎(啲員工儀容咁都得, 知唔知會影響客人食慾), 最後到整刺身果位師傅, 本來應該係發緊短訊, 跟住可能係收到我地張order , 一轉身好快咁整完就繼續發短訊(一邊用刀工作仲一邊玩短訊真係神乎其技), 留意完之後到食物到齊, 終於明白點解啲食物都麻麻地,求其咁整出來的食物又點會有好野, 食完所有野之後只能講啲拉麵唔算特別好食, 不過唔太林或太硬,ok

尋晚同好多同學黎呢度食飯，我一向都將呢度列做black list，我都唔多想去。算啦，俾多次機會你。結果，一次機會都嫌多。我地都好好彩，book到間大房，都算坐得幾舒服。不過食物就太難食啦，完全搵唔到幫襯佢既理由。牛肉鍋其實係普通，只係肥牛加隻唔多熟既生雞蛋所製成既。個湯底就甜得滯，我都唔識去形容啦。而配料都算係咁，呢個叫做好食。壽司拼盤唔想記得有咩食過。但我好記得海膽玉子壽司既海膽係變壞左既。而其他壽司就無乜特別，而芥茉三文魚壽司就令好多同學中計，令佢地有種好功鼻既快感。五色刺身拼盤無乜特別，但一人一舊就分哂啦。火龍卷呢個係壽司中最好食，因為佢係漏單要快起。而蝦係新鮮炸起，所以呢個算係咁啦。真係好唔得，食左九十幾蚊都唔知食左乜。總之好難有下次，因為佢開左四年就差足四年。唔係同學既要求，實唔會去呢間。而且上菜好混亂，有可能自已食左都唔知。有無張單列清楚，真係好得人驚。佢仲做到生意有乜理由呢？

又到天水圍探bb,由於星期六都會有好多人出街食飯,最後去番上次食過的板橋食.我們6個人選了1個2人餐,再散叫一些食物.2人餐食物三色刺身:有三文魚,立魚和吞拿魚,三款刺身也沒有味道,也唔夠凍刺身沙律:望落去似用刺身頭頭尾尾再加上些菜,菜唔夠新鮮,汁也好少加洲卷:普普通通雜菜天婦羅和米網天婦纙:炸漿唔算厚,只是無乜特鰻魚蒸蛋:蛋唔算蒸得老,鰻魚一般野菜牛柳粒:無牛味,唔算過熟,咬得開.蕃茄湯烏冬:蕃茄夠酸,湯有少許辣味,只是烏冬唔夠滑溜.散叫了三文魚刺身:無魚味的,可以不叫炸蝦天婦羅:天婦囉唔算好熱,粉唔厚但超硬.蝦超細隻也唔夠新鮮吉列炸蠔:蠔唔夠新鮮吉列豬扒飯:豬扒超薄.無質感.飯煮得太爛和濕.跟餐的麵鼓湯稀到如水,完全無味道芒果卷:芒果唔夠香,卷物無乜特別,包得唔鬆散,唔會一夾即散服務:唔多夠人,經常找不到服務員由於現在晚市有85折後,折後也只是357元.十分經濟.

同妹妹去完圖書館想食下午茶,原本想去"大快活"食的,但睇過d食物,覺得唔多啱口味;所以去左對面的"板橋"叫左一個和風豬頸肉飯及吉野牛肉飯和風豬頸肉飯:碗飯唔多汁,食上黎好似好乾咁,而且豬頸肉好硬,自己整ge五香豬頸肉都好味過佢d豬頸肉呀>.<吉野牛肉飯:唔明點解會叫呢個名,但比和風豬頸肉飯好食好多唷!!多汁得黎牛肉份量唔叫少!!!兩者一比,其實係平手,但服務真係唔多得,一杯茶飲完好耐,都唔會有人幫你添茶,如果自己唔出聲叫佢地加茶,佢地可能到你埋單都未必會幫你加茶的....

初四探完bb,朋友帶我們食晩餐,由於大家也愛日本菜,最後揀選此店了.入到去被安排坐馬蹄形梳化,4人坐尚算舒適.朋友推介2人餐,由於懶惰不想選擇關係,聽了她意見再散叫一些壽司.二人套餐北海道三點刺身:刺身有三文魚,吞拿魚和立魚,三款魚只有三文魚較好,吞拿魚和立魚也是沒有味道,刺身沙律:刺身沙律的菜頗新鮮,攪碎的三文魚好鮮味,只是汁唔夠多,不夠伴菜.松葉蟹腳天婦羅:天婦羅剛炸起幾熱,松葉蟹腳跟普通蟹柳沒有甚麼分別.入面有些蘿蔔較為健康味噌三文魚頭鍋:因為售完關係,最後轉了餃子窩,每人可分到一碗湯和一隻餃子,餃子雪荿貨無甚特別,味噌湯也過甜了,幸好有大量蔬菜食,彌補了以上缺點.鐵板蒜片牛柳:雖然唔會用鐵板上.可是,上枱時還是很熱,牛柳唔會煮得過熟,也沒有用梳打粉整過,天然的軟淋加上有濃濃牛肉味,再加洋蔥一起吃,讚.胡麻雜錦魚生卷:飯太酸又太散,唔太好味道鮮茄牛肉烏冬:蕃茄太酸了,烏冬也唔夠爽滑.牛肉是無味的肥牛,味道一般:甜品的綠豆沙,水多豆少,只吃了幾口放棄.壽司:三文魚,蛋,甜蝦也是一般之作,飯太酸也太散,魚生唔夠新鮮也切得太薄了.服務:初四除了入去那時比較多人外,之後也沒有甚麼人了,不