Italian Tomato Café (創紀之城五期(apm))

Open Now

Now Closed

今日晏左起身,差唔多成3點先出動,咁就黎一個下午tea啦!呢間餐廳每次經過都好多人,每次都會被門口擺放蛋糕櫃的蛋糕吸引住,每次都會有衝動想食哂佢D蛋糕。結果每次去觀塘覓食我都記唔起你!餐廳地方好細,只容納數張枱,反而個水吧位就大。吉列炸蝦芝士忌廉意式燴飯$72蝦都幾脆,飯都幾好食,有咬口,但份量太少。自家製蛋糕套餐$55揀左皇牌士多啤梨蛋糕,都比下面個款失色,士多啤梨清甜,忌廉好滑,蛋糕部份新鮮,食完下面個件之後再食佢,會覺得佢淡而冇味。焦糖香蕉撻$34要試呢款,通常見到焦糖都會覺得佢好甜,但相反它味道唔會太甜,有香蕉夾住,加D忌廉,再加佢挺硬的餅底,值得一試!唔會過酸唔會苦,合格啦!

是晚去 apm 揾食，例牌同時排幾間，邊到有位先就食乜喇。其中最有曙光係 Italian Tomato Cafe , 門口得小貓三四隻咋。門口有餐牌，襯有時間，望定食乜先。叫主菜加錢可以變套餐，仲可以有 A, B, C 任揀，夠曬 flexible 👍。越企越肚餓...... 一於加個C 餐+$56， 有餐湯餐飲同 cake 。望埋D蛋糕，都幾精神噃！😍越等越唔對路，冇乜人都要等十五分鐘，終於到我地了。其實入面好多位架，個場又唔係大，都有兩、三個侍應， 唔知點解唔入客之麻😠！一坐低侍應放低杯水，咦.........得半滿仲有杯邊有D食物殘渣，好唔衞生，即刻攞走啦！餐湯係粟米忌廉，點講呢 🤔佢都好味既，但質地太稀，好似溝多左幾倍水咁，好唔實在。呀！係洗米水的感覺！主角意粉煙三文魚磨菇蒜香意粉 $78三文魚有煙的有熟的，足料豐富。意粉食到有蒜香味，加左辣椒有少少惹味。而且意粉唔太油膩，幾好味漁夫海鮮意粉 $85海鮮多而且豐富，四角有蝦都幾大隻同生猛，青口太細隻食唔到乜味，汁酸酸地好開胃。House 啡一倒奶即刻有粒粒浮面，「了」唔散，代表唔夠熱。但咖啡味道幾好，夠醇有焦香味。士多啤梨芒果蛋

夜晚搵位食飯好難，而且apm大部份既嘢都試過，見到呢間排隊既人唔多，而且呢間其實係apm好多年但一直冇試過，於是就諗住試下～我地3個人去食就叫左3樣主食2款小食～芝士pizza叫做正正常常，芝士份量可以再多d。呢個意粉好鹹，個ham既顏色我見到就覺得唔係好開胃😂呢個南瓜飯又係令我好失望......我屋企人煮既南瓜飯仲多料過佢又好食過佢😩芝士焗西蘭花🥦芝士好稀，冇乜芝士味，完全唔好食～而且西蘭花焗得太久淋曬，真係大排擋既芝士西蘭花好食過佢肉醬焗薯蓉配蒜蓉包～算係ok之選。總括而言，佢價錢又唔算話勁平，而食物質素又超級麻麻地，真係寧願去食薩莉亞

今晚我們喺觀塘apm戲院睇完戲之後去咗「Italian Tomato Cafe」食晚飯！我們叫咗個二人套餐：首先店員畀咗個忌廉湯我們，但一見到我們就已經覺得嚇親，因就算唔駛飲落去，都感覺到個湯係有幾咁稀，味道當然係淡而無味啦，真係令到我們覺得相當失望呀！秘製醬烤豬仔骨配薯條「全份」嘅肉質好鬆化軟滑，而且真係好大份，但所謂係秘製嘅醬汁就認真麻麻，因食落祇係感覺到酸味，完全唔覺得有咩咁特別秘製，至於薯條都算炸得幾香脆！廚師薄餅嘅餅底好薄身，餅邊亦幾脆，但中間嘅位置就極之韌，要好艱難先可以咬開，至於材料就唔算太過豐富，祇係芝士嘅份量比較多，所以感覺比較膩！另外我們再單叫咗香蒜香柏士圖意式風乾火腿意粉，但可以話係油浸意粉，因食第一啖已經成口都係油，感覺係超級油膩！去到最後嚟嘅跟餐甜品：士多啤梨芒果蛋糕同藍莓芝士撻係全晚咁多樣嘢食之中，我們比較滿意，因蛋糕嘅質感非常香滑軟綿，頂層除咗有芳香軟滑嘅忌廉之外，仲有鮮甜嘅士多啤梨，喺蛋糕中間層仲有香甜嘅芒果，夾埋一齊嚟食，真係超正呀！而芝士撻嘅撻皮有好香濃嘅牛油香味，芝士味亦好夠濃郁，但唔會過膩，而且頂層仲舖咗超多嘅藍莓喺面，真係好正呀！

其實每次黎Italian Tomato都係為左食佢既cake，主食都係其次，不過叫主食可以加$48跟一件cake同野飲，咁叫會抵d。呢個意粉既黑松露真係唔吝嗇，入口好濃郁，而同時忌廉味都好重，夾埋口感豐富；意粉粗幼適中，軟硬度亦唔錯。另外呢個焗飯就麻麻了，白汁無咩驚喜，飯底亦較濕潤，不過勝在配料算多，煙三文魚、魚、各類海鮮等等都做到一啖一舊，算是不錯。最後當然係走到佢地餅櫃前面慢慢揀下食邊款cake，呢個唔駛我多講，蛋糕既質素都好好，只要係自己中意食既口味都係好味既！

食完飯想食甜品，但係觀塘區糖水舖好多人，要好快食完即刻走，想傾下計都唔得。朋友講開想蛋糕就黎左呢間，原來晚餐時間之後可以淨食cake，夜晚雖然無左cake set但勝在有位，坐得耐又舒服。我食檸檬芝士蛋糕，檸檬夠酸，味道夠香，略嫌甜左少少，餅底都好味。朋友叫左拿破倫，可能放左成日，已經唔脆，但個古士醬幾好味，份量都比其他蛋糕大個。仲叫左個普通芝士撻，呢個有驚喜呀，芝士味夠香濃，又唔會好重奶味，最好食係佢有好香牛油味，同芝士好夾又唔會好膩。

由於係觀塘返工，所以成日食到唔知食乜好，今日下午同個同事就去左apm揾食，見未食過呢間就去食下試下啦。間舖坐位唔多，但由於係下午茶，所以唔駛等位。個湯係好一般既白湯，冇乜特別。個意大利飯都係普通水準，唔會難食，但又冇乜驚喜果d羅😂，同埋真係好少餸好少料。串燒都係普通之作，叫做不過不失啦。冇乜肉食得d骨，人地既豬肋骨雖然都多骨，但側邊都有d肉可以食下架嘛⋯⋯所以完全食5飽！總體黎講味道好一般，價錢都算貴，cp值比較低。應該要隔好耐食其他野食到厭晒先會再黎食

星期五的晚上，到了APM逛逛，餓了又不想吃烏冬拉麵，這間西式餐廳的食物正合胃口，價錢不算太貴，便選擇了它。叫了日式咖哩魚柳飯($72)、芝士卡邦尼意粉($65)，和香脆雞翼($48)，值得一讚的是熱辣辣的食物很快便送到桌上。日式咖哩魚柳飯有兩大塊吉列魚柳，魚柳的炸粉薄且脆，魚肉絲絲分明，但沒什麼魚鮮味，而咖哩味道甘甜，撈飯一流，唯獨是飯的份量偏小，男生可能不太夠飽呢。芝士卡邦尼意粉才剛上桌，就已經聞到芝士的香味，意粉軟硬適中，醬汁帶有濃郁蛋黃和芝士味，而且不會過稀，均匀地掛在意粉上，煎過的煙肉不會過於脆，依然有肉的口感，香味也更突出。香脆雞翼是單骨雞翼，一般單骨雞翼因爲較全隻雞翼快熟，所以很容易煮得太久，肉質變乾，不過這個雞翼肉質十分嫩滑，一咬一下去，肉與骨就分開了，雞皮炸得酥脆不油膩，調味亦不會過鹹。餐廳設有加一服務費，整體來說味道不錯，雞翼最為推薦。

在觀塘上班的朋友為了要與我午餐飯敍，約了我在APM等，方便我坐地鐵一出站就到，雖然已過了1:30，但很多餐廳的門口還是有一大班等位的上班一族，於是我們就索性拿了號碼牌邊傾邊等。等了約10分鐘，終於有位。不想煩的我們就每人點了各一個set lunch。餐湯是忌廉湯，普通。但我點的炸魚意大利粉有驚喜。炸過的魚沒有油膩的感覺，魚是真的鬆脆嫩滑。意粉的軟硬度適中，正正就是意大利人所講的al dente那種質感，調味也很好👍朋友的焗飯我沒有嚐過，但賣相就是正常的焗飯一般，份量合理。總括來說，這裡的午市套餐的食物質素屬中上。

餐湯稀到好似水咁 根本就係無落忌廉既面撈水🤢巴馬火腿黑松露意大利飯 食落好似冇落忌廉咁 舊巴馬火腿卷到一舊屎咁叫人點食🤷🏿‍♀️🤷🏿‍♀️雞肉焗長通粉 調味不足 焗汁太稀 似湯咁 完全掛唔住啲長通粉🙄🙄唔知係咪趕收工定點 岩岩落完單都未到30秒就走黎問我有冇野加 話要lest order。 野都未落齊叫人埋單 好唔容易食完個主菜 叫佢上cake服務員竟然叫我慢慢等 掃完地先幫你上😱做西餐做到咁 真係想笑大人把口 😒😒😒出品同服務奇差茶餐廳都好過佢 不可一 不可再🤷🏿‍♀️

跟朋友放工後出觀塘APM聚聚舊，我們經過《Italian tomato》的蛋糕被吸引著。餐牌上有很多都吸引，最後二人點了：-磨菇餐湯 有濃濃的磨菇味，可是不夠熱抺搽用了很淡的奶，可是加了冰也沒有沖淡了其味道海鮮番茄青口大蝦意粉海鮮夠鮮甜、蝦很爽，青口有咬口，雖然餐牌上有注明辣，可是一點點也感覺不到，大量番茄汁很好，不太酸又可提味，意粉吸收了很多汁，很好味！黑松露大蝦意粉 送到時，黑松露很撲鼻，很香，蝦也算中size , 意粉軟硬度適中黑松露意粉法國海鹽蕉糖純米蛋糕 咖啡味的蛋糕己很少見了，今次更加入了沖繩黑糖，又用來自日本的米粉製成，每一口都是軟棉棉的，又有濃濃的咖啡味。最喜愛的就是蛋糕比忌廉多，很贊！ 是次用了 280HKD

今日難得去左觀塘諗住晚餐係apm解決比特色餐廳嘅意粉圖吸引住就黎左食呢間6點幾果陣要等位不過都係等左大約2-3個字入到去間餐廳比我想像中細野食okay嘅價錢亦合理不過我建議可以出多點二人套餐四人套餐等等因為我見menu嘅套餐好似得ABC(?唔知有冇睇漏啦跟住個蛋糕嘅朱古力味好濃郁好好食不過一個人食一定會好肥😂最想重點講嘅係我覺得員工多左點喇係我同朋友睇緊餐果陣2 3個職員係走廊果到行黎行去雖然係好嘅但我覺得有點唔自在到埋單同準備走果陣我想執好啲錢先同搽一搽唇膏再出去我都明出面多人等但面前又有大約2位職員企係到望住我地張枱搞到我都有點唔舒服拿拿林走人算佢地唔係冇禮貌不過我覺得可以唔洗咁樣嘅其餘環境設施都okay衛生都做得好好枱闊少少就更好因為太多野擺

話說要極速係apm食個快飯，之後即刻上樓上開會，同事揀左呢間，有位就座啦。Lunch都有幾款，我地三個要左三個再share食，無卡有優惠，只係二人套餐先有嘅。個湯係可以接受嘅，不過濃咗小小(･_･;呢個黑松露忌廉雜菌意粉，菇味好夠好香，味道唔錯，呢個點得過！薄餅就麻麻啦，係夠脆，味道就一般，唔特別。呢個係忌廉雞扒焗飯，啲飯濕咗小小，雞扒都ok，正常。呢間職員態度就一向麻麻，收走碟嘢又唔出聲，點菜或有嘢問時個樣一面「請勿打擾」樣。。。有待改善。

行過見到晚餐個餐牌比想像中平，平均每款主菜$60-70。雖然見到入面得好少人，但都好勇敢咁入左去坐。去左坐最入面嘅卡位，都好好坐。嗌左磨菇忌廉湯（$32左右），唔好飲！千祈唔好嗌🤢忌淡，冇磨菇味，好似飲緊開水咁，都唔知點解可以咁冇良心收成三十幾蚊！飲完個湯已經好擔心啲飯唔得🤦🏼‍♀️海鮮南瓜忌廉飯（$60-70）呢個係我今餐唯入滿意嘅飯☺️有啲南瓜肉，好彩食左係甜！味道都係太淡，海鮮冇咩味，但蝦口感幾好，而且都有4隻。.蕃茄煙肉磨菇飯（$60-70）上面啲煙肉好似就燶，同好硬啊⋯蕃茄汁偏甜。味道好一般，唯一好係份量足夠。最後埋單二人接近$200。

法國海鹽焦糖純米蛋糕☕️ $380聽個名都覺得幾特別😂爸爸生日就買黎試下😝呢個蛋糕尺寸有21 厘米 我地都有成十幾個人一齊食🙊呢個蛋糕係用沖繩黑糖🎏及日本米粉製成的咖啡海綿蛋糕🍰純米蛋糕食落好鬆軟🤤 咖啡味都幾濃但好清新😌唔飲咖啡既我都覺得唔錯😜因為佢用左黑糖 所以唔會過甜🤗整體味道好特別亦都好開胃 值得一試😎😎