大吉居酒屋 (Closed)

可能係閒日關係, 又可能係斜路樓上食肆關係, 入到去到我都呆一呆, 竟然食放題的餐廳可以咁少人, 只係坐左1/4客人!! 話晒大熱天時行斜路上去都幾索氣, 於是第一件事就係點飲品,估唔到有汽水,烏龍茶任飲, 仲要係幾夠凍, 讚。跟著就開始點食物, 我地先點剌身, 燒物, 沙律,烏冬/麵 .......剌身一來到時, 雖然擺得好靚,但再睇真d ,係切到一粒粒唔係一片片!!!細粒到可以用牙籤拮來食!  由於刺身太細粒, 我食唔到刺身應有既鮮味 , 全部都無味,可能人開始老啦,味覺有d遲鈍。跟著再食烏冬 , 我地叫左2款烏冬/麵, 又ok 喎, 唔係太細碗, 不過食晒一碗又有d 飽, 我建議唔係太大食既人,2個人叫一碗試就夠, 再來仲有燒物, 我覺得個份量似返一般放題燒物既size, 應大側大(例如:燒牛舌,鯖魚), 應細既側細(例如:雞軟骨)亦都係最好食。講完食,就要再講服務同環境, 1.可能我唔彩,成個場1/4都坐唔滿,咁岩我坐係滴水位,一路食一路抹滴水。 2.夠鐘就趕人走, 我知夠鐘趕人走好正常,但咁岩我朋友唔係好舒服,想慢慢企起身都唔得。總括來講,下次唔會再幫襯。 

今日同FD食飯,一向放題野我都麻麻...但今次依個真係比想像中好一嚟到即叫份三文試下水準先厚切得嚟脂紋平均..穩陣!!之後就樣樣叫D咁,雖然唔算太快,但總擺到成枱野...好在對面收野收得快最後食到頂頂地,無啦啦又有薑茶過你簡,放題嚟講幾有驚喜~唔錯唔錯

是日阿頭請食飯，因早前試過lunch，唔錯，今次試下放題。於早一日訂了7：30pm，入餐廳前，侍應會同您講可以食到幾時，總共2小時，收費208＋1我地到逹時，店內不算多人。地方都不算大擠擁，不似其他的放題，很擠迫，寸步難行的。不過枱與沙發的距離很窄，肥啲都坐唔到。一開始，當然是睇下有甚麼食物，種類都好多，魚生，sushi，火炙sushi，主糧，手卷，燒物，炸物，食魚生了。魚生： 三文魚：新鮮，色澤紅潤，好味！吞拿魚：本身不太喜歡吞拿魚，只食了一塊，顏色都好紅,其他放題的我一定不會踫。另外叫了蝦，帶子，象拔螃，油甘魚，仲有我的最愛甜蛋喔，很好味。不過不知為何是跟魚生放在一起，冷冷的, 但味道都很好。燒物：另外食放題必吃的便是燒物，呢間的燒物好好食呀。都叫左好幾樣，全部都好味的。燒帶子：燒得味道剛剛好，不會很油。焗蠔：洋蔥雜菌芝士燒出來的蠔，味道很濃，好味好味 食完發現門口張貼了一張燒蠔的Top1 poster.芝士年糕燒餅：我諗個名係咁啩！呢個樣白雪雪嘅燒餅，但咬落去好有驚喜，好軟，好lum，好得意，但唔會好漏，超鐘意唷！！！！燒雞翼: 肉冇乜味道，外皮幾脆，外皮的味搭救。火炙sushi

今日同fd行過中環威靈頓街，今日係星期五，周圍都冇位～。～。之後個fd提意上1010隔離間大吉，好彩等一陣就有位，啲侍應雖然好忙，但係都好盡力，都叫有禮貌，抵讚very good^^環境同之前好吾同，啲侍應話一年前裝修過，環境靚左，高級左，雖然都有啲迫，但都叫可以接受。 啲食物質素吾錯，我個fd叫左銀雪魚西京燒，試左小小，啲魚好好味，燒得好夠火喉。而我叫左個刺身定食set，好有驚喜啊！啲刺身好靚，擺設係我食過甘多間日本野最靚，師傅好有心機。但是，講到最surprise最滿意都係佢啲甜品，不但有鮮榨西瓜汁，真係有西瓜粕係入面，證明夠新鮮;D而且重點係佢啲雪糕係.......DREYER'S!!!! OMG  真係未見過一個百幾蚊嘅lunch set，甜品可以係dreyer's，仲要係我最愛嘅開心果味 出面買一杯都要廿幾蚊喇，呢個set真係超值喇。下次落開中環，一定會再幫襯。NICE RESTERANT^^

      今日一家人想 吃日本菜, 聽朋友講中環果間大吉几好 , 米去試吓 , 地方唔大, 去到都有位 , 即刻有得入 , 位唔大, 一去到當然是叫刺身刺身比起其他放題多很多品種 , 上菜速度都快 , 雖然后來多客 , 有d慢 , 但整體吾錯 , 天婦羅睇落几好 , 上口還好 , 炸粉唔大厚 . 燒物呀, 我屋企人好鍾意吃 , 最鍾意係焗蠔和羊鞍 , 味道都到位 , 不過雞脾茹就淡味左d , 菠蘿酸酸甜甜個人口味 , 員工都几好 , 照顧到人客, 最後甜品如果多d就更加好 , 但都值得推介

店好像剛裝修過，看起來還不錯，但位置同以前一樣都幾迫。整體食物尚算正常(普通放題質數)，大部份待應服務態度幾好，快上快落也很主動加茶。但有個應該係主管既男人服務態度非常惡劣！位置本身很迫，間離枱有人坐出少少，佢竟然直接連人推張椅入去，邊推邊講"先生唔該坐入d"！有人去完廁所未移返好張椅佢又係直接推人！好冇禮貌會漏單，但放題都預左，同d待應講佢地會問我地漏左咩就好快幫我地跟返，同個主管講，佢就繼續態度非常惡劣咁話"check左廚房，你地係冇落過果樣野既。"講野果時仲好大力咁噴氣，之後就走左我地自已都肯定有寫，幾個fd都睇到，其實漏左單就算，無論點都唔洗態度咁惡劣啊？好好一餐飯俾呢個人影響曬。呢個價錢呢個食物質數呢個迫夾度真係食第間好過，絕對唔會再去俾錢黎受氣!!!!!!!黑名單!!!!

在中環上班的朋友，午餐要找一間食物質素不錯、價錢合理而且容易找到位子的餐廳的確不是一件容易事！往往找到位時，午餐時間己經過了一半時間，緊張之餘也沒法好好和同事之間聯誼。大吉的好處是午市可以訂位，造福眾中環上班族！午巿套餐選擇不少，份量也十足，以今次午餐為例，魚生飯包括自選的劍魚腩、甜蝦、象拔蚌，配上味噌湯、沙律和雪糕所費HK$108另加一服務費。不算便宜，但食物質素不錯，份量也足，加上可以定位，值得推薦給中環上班族！

We had a real craving for sushi, and our first two choices were packed. We stopped here purely randomly, and it was atrocious. I mean, really.The service put me in an utterly foul mood. Our order was simple: two of the A2 sushi sets. I said the order, the server repeated it back to me, and then I saw him write it down, just like that: A2 x 2. Not all that long later, a different server brings over two sashimi sets. That's par for the course in HK, they're just terrible at getting your order righ

新年過後與友人團拜聚會，友人建議來大吉，我已很久沒有到來此店，店内原來已装修過，比以前光猛及舒適，雖然已訂位，但等了一會才安坐下，客人很多，大家便快快點食物，食物款式好像比以前多些，食物賣相比以前改善了。先來過刺身拼盆，十分新鮮及美味，三文魚鲜甜，沒有筋，墨魚片也不韌，原來更加入了我至愛喜靈魚，但友人不喜歡這鹽份太重，不過我喜歡這特別的質感。鮑片好似是螺片代替，但也可以。火焰壽司也美味，燒牛肉片還有微微生的，也可以，後來點了燒物，最欣賞羊架的肉質鬆軟，沒有羊肉羶味，而調味有香濃黑椒，十分惹味。一口牛肉粒也好吃，入口鬆軟，不韌，最好配上啤酒。當然也有些食物不理想，蟹粥完全沒有蟹味，不知用什麼材料，而局釀生蠔不知吃了什麼，不喜歡這些釀料。友人推介的燒迷你蕃薯及燒菠蘿各有特式，迷你蓄薯連皮也吃掉了，不錯，燒菠蘿也香甜，多吃幾了件也可以幫助腸胃消化。甜品還有水果盆及迷你杯仔雪糕作終結，大家也吃得飽飽，大飽口福，而服務員也很勤快，因全場坐滿客，忙過不停，幸好並沒有漏單。最後建議要增加熱飲提供，例如熱蜂蜜或柚子蜜，這裡只有啤酒及汽水提供，我只好飲熱茶吧。温馨提示女士們這裡洗手間只有一間，要耐心等候

中午1:30入座就有午餐優惠，一律原價減$40蚊，真系好抵吃! 前菜好豐富，D魚生非常好味，很新鮮。沙律都幾特別，個人更喜歡另外一款蘆薈，很fresh。酸酸甜甜。Sukiya個湯底雖然唔系好夠味(如果甜d會更地道)，但系已經好對得住個價錢，賣相好靚。烏冬的面質唔錯，好“煙un" 成曬成碗系會好飽肚ga!吃完之後，仲有甜品，可以選 小杯雀巢雪糕(朱古力，香草，芒果，或 黑芝麻) 或者 柚子蜜。

日本餐廳的食物一向都以美觀見稱，所以都不會為特別的買相而有所驚奇，但這次的刺身定食也真的很有趣。有紅花伴碟，放在一個很大的玻璃碟上，底下還有很多冰。看真點其實可吃的不多，但觀感就真得很好。除了花外，更有樹。很有趣。而雖說可吃的不多，但全都是新鮮美味的刺身。最喜愛的是帆立貝，味道很濃、很香。Very delicious.前菜也頗特別，是有蘆薈的。配上日式酸汁，酸酸甜甜的，不錯。最後還有一柸朱古力雪糕，很滿足。

今日約左一班好朋友慶祝生日,走左去食放題,之前睇到廣告話清酒任飲,送海胆,生日仲有蛋糕送,就打電話去訂枱試下啦,第一次上來,環境都幾好,坐得舒服,我地首先order左盤刺身,等左5分鐘左右就有得食,D三文魚件件都係厚切,其他剌身都好新鮮,我地食左一轉剌身都夠侯了,之後我地叫左D熟食同串燒,唔知係唔係全場爆滿的關係,D串燒就黎得慢小小,不過都冇咩所謂啦,因為我地之前食完盤剌身都要回一回氣^.^到最後我地都就食到夠鍾,突然全場關燈,之後就聽到生日歌,有位侍應生拎左個雪米糍蛋糕來到我面前,之後同我講聲生日快樂,我真係有些驚喜同開心,最後埋單,每人$207,真係好低食!

有冇聽過自助餐兒童的定義是以高度劃分，高過140cm便是成人?!前幾天一家五囗（兩公婆、兩分別十歲和八歳子女及年長母親）食日式放題，原本想去的一間滿坐，見到附近有人派傳單，心想反正在附近，不妨一試!第一次幫襯!一去到就有位!心想：星期五晚中環食肆竟然有位?坐低即刻叫嘢食，選擇不多，食物尚算OK!但上得較慢!放題限時兩小時，還有三十分鐘已提我哋last order,覺得咁快?唔太合理!但由於已食飽，所以都冇乜所謂!埋單啦!比錢時收我們四大一小😠！同佢哋理論，話度高度，公司自定規則。奌解佢哋唔早講?入坐時冇講，餐牌和周圍都冇標示計高度收費。我話我女才十歲，為何是成人 ，我心想：何況女兒和兒子一樣高度，為何一個是兒童 ，一個是成人?😡最後，佢哋見我不停翻閱餐牌 ，嘗試找出兒童定義，佢哋才收三大人，二小童! 簽咭時，侍應態度仲好差!佢哋做生意咁唔老實，好離譜!這樣做生意，冇下次!👎

今日約左三位好朋友一齊去食放題之前都有黎過食，感覺都係一般，一入到去完全唔同哂環境好左好多，坐得好舒服，全新裝修過連食物都唔同左我地大家都諗住價錢會貴左完來價錢同之前一樣冇變過仲有facebook打卡優惠每人都係$175首先我地叫左D刺身同壽司完來已經轉用左冰底D刺身好夠凍同好新鮮之後我地再叫熟食，D食物都來的好快我地一定會再黎

四日前我打電話book位, 2人位, 佢話比64號台我,之後我上到去, 佢開頭問我坐唔坐門口出面,我話唔肯, 佢先比左41號位我地乜咁樣對將客人book好ge位比其他人嫁咩?食物得三文魚最抵食, 夠厚身, 其他食物一般不過冇order ge 食物又亂上, 好幾次都係咁.地方都好迫.價錢一般, 一位207, 算係咁.