36
4
2
| Restaurant: | Jade |
|---|---|
| Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Video
Telephone
21667488
Additional Information
Free hotel shuttle from Exit B, Ocean Park MTR Station
Opening Hours
Today
12:00 - 15:00
18:00 - 22:00
Mon - Fri
12:00 - 15:00
18:00 - 22:00
Sat - Sun
11:30 - 15:00
18:00 - 22:00
Above information is for reference only. Please check details with the restaurant.
About
About Reward Scheme
太太生日入去海洋公園富麗敦酒店staycation，順便試吓去 ‘玉 - jade’ , 因為如果正常都唔會特登入去食，因為都比較格攝……如果唔係揸車入去，大家可以選擇去到海洋公園站B 出口，有酒店的shuttle bus 就入得⋯⋯叫左幾道菜：鮮蟹肉焗釀蟹蓋；蔥油海蜇頭；椒鹽九肚魚 ；掛爐黑鬃鵝例；慢煮和牛面頰；西米栗茸焗布甸。蟹蓋唔錯，多蟹肉好味美；九肚魚炸得香口好味，但因為佢走唒d 魚骨後，炸面會厚過d 肉，可能有啲人會冇咁喜歡；鵝正常發揮，唔差；牛面非常之林，好好食好飽肚😋👍；最後個布甸細細個，但好好食⋯⋯我地今晚冇飲茶，一來唔係太啱飲茶和又幾貴，清水也$20 杯，咁飲橙汁，但juice原來都唔平，$70 杯🤣🤣🤣總結晚飯係物有所值，係貴嘅，但食環境、服務、食物品質和質素係非常高嘅….$14xx ( 啱啱有special discount😉😉 ) , 原價$18xx
continue reading
前些日子和朋友一起來南港島午餐原來去Fullerton的交通比想像中方便好多 一出海洋公園站就有shuttle bus直達 十分人性化午餐有set menu 選擇恐懼症患者表示很開心整體試下來覺得物超所值 強烈推薦每一道料理都很出色 不論是擺盤還是製作都很用心真正做到了色香味俱全👍最喜歡肉骨茶小籠包 很有特色staff也都彬彬有禮 每個人都笑盈盈的 服務非常到位！全海景實在是太加分了 有一種在海外度假的感覺期待下一次光顧！
continue reading
今次要同大家分享嘅，係位於富麗敦海洋公園酒店嘅中餐廳，呢間餐廳裝修走嘅係簡約高雅路線，一入去就感覺到陣陣香氣撲鼻而來，落地大玻璃對住無敵大海景，令人食指大動。☺️**鮮蟹肉焗釀蟹蓋**呢個菜式真係一絕！蟹蓋用嘅係新鮮嘅肉蟹，蟹肉飽滿鮮甜，肉質爽口彈牙，完全唔會乾身。焗釀嘅餡料係用蟹肉、瑤柱、冬菇同埋其他配料混合而成，每一啖都充滿鮮味，而且仲帶有陣陣香氣，真係令人停唔到口！蟹蓋焗得剛剛好，外層香脆，內層軟滑，口感層次豐富，絕對係一級棒！🦀**濃湯花膠雞絲羹**呢個湯羹真係好足料！花膠份量十足，而且煮得軟糯，入口即化，膠質豐富，真係滋補養顏。雞絲亦係選用上等雞肉，肉質鮮嫩，配搭花膠，真係相得益彰！湯底用雞骨同埋其他材料熬製而成，味道濃郁鮮美，而且唔會過鹹，真係令人回味無窮！🍲**陳皮豆豉雞**呢個菜式係經典嘅廣東菜，而且呢度嘅做法真係好正宗！雞肉選用嘅係走地雞，肉質結實，而且唔會太肥。陳皮同豆豉嘅比例恰到好處，令雞肉帶有陣陣香氣，而且唔會太鹹。雞肉煮得剛剛好，外皮香脆，內裡鮮嫩，真係令人食過返尋味！🐔玉 (黃竹坑)黃竹坑海洋徑3號香港富麗敦海洋公園酒店2樓
continue reading
提早一個月前book了這間餐廳慶祝母親節，四人共花了三千元食午餐，但服務與價錢完全不成正比：1. 本人於4月13日係網上訂枱後，餐廳等到於4月29日先告知原來要俾訂金，點解要係人地訂位過咗兩個禮拜後先告知原來要俾訂金？係咪餐廳故意拖延？因為如果一早告知，我可以有時間改去book其他餐廳。2. 餐廳通知訂金需要係5月5日前支付，問可否俾payme，卻被告知不接受payme，反而接受支付寶和wechat pay，完全對本地顧客唔friendly。然後由於我仲同餐廳用whatsapp交涉緊食咩餐(見下文#3)，所以我遲遲都未支付訂金，但餐廳卻係5月4日就已打黎。結果我被逼係未confirm到menu嘅情況下，就要先俾訂金。3. 話說餐廳send咗個特價母親節menu係每位$600，但由於家人們不吃鵝掌，問可否轉其他，餐廳居然同我講只可以轉北菇，但因為家人亦無唔食得北菇，所以要轉其他menu。其他餐廳嘅set lunch去到 $600 per head ，客人話有一樣食材唔食得，都可以將成個餸菜改為其他嘢，但呢間餐廳只可以用較平嘅食材代替兼唔可以轉第二個菜，搞到我要自己諗menu。4. 到了母親節，我地準時下午1點去到餐廳，職員問我個手機號碼，輸入系統後，然後話搵唔到我個booking，我心諗我俾咗訂金，你地無我個booking，個網站同WhatsApp係咪造假騙案？然後佢地發現無係system輸入我個手機號碼，所以搵唔到，Fullerton話嗮都係一間五星級酒店，其實我唔係第一次黎呢間酒店食嘢，但點解你地做嘢咁求其，mark booking可以唔入我電話號碼？5. 然後入到去餐廳，我地明明訂咗四位，佢地就求其俾咗張係出菜位旁角落位嘅三人枱，我話我地book咗四位，點解又搞錯？然後佢地先開聲話會加番一位，我地四個人企係都等佢地慢慢加番一位，當時餐廳並未滿座，但佢地加位又係求其擺，唔記得放茶杯，請問這是五星級酒店嘅服務及待客之道嗎？6. 因為餐廳位置偏遠，唔想家人星期日太早起身，所以我地book咗下午1點，及上文#3提過我已寫咗菜單，希望慳咗叫餐嘅時間，但我地坐底後，經理1)無問我地飲咩茶，2)完全無提我地已經訂咗餐，3)無問係咪上得，反而仲遞上menu要我地點菜，然後要我提番經理我地已經點咗，可以直接上菜。轉頭經理又再遞上menu，呢個時候先開聲話係茶嘅menu，問我地要點咩茶。我問番佢有咩茶，佢就話有24款，叫我地自己睇，我話我地唔睇menu啦，你話我知，然後佢好似機械人咁又重覆話有24款，跟住我要再重覆話唔睇，佢先肯講有咩茶。要知道佢地嘅茶錢唔係求其收$10位，而係收每位$45，收得咁貴嘅茶錢，但就連有咩茶都要問兩次先肯講，我真係未見過咁低能嘅五星級酒店服務。7. 小插曲：呢度嘅片皮鴨係$838一隻，但就唔係由廚師負責片皮，而是由侍應用餐巾包住黎片，可能呢間酒店嘅餐巾洗得比正常“乾淨”，但我真係第一次見人咁樣用餐巾包住黎片鴨，另外舉高黎片，好易揸唔實跌咗隻鴨落地。8. 我地係點咗6個菜嘅set lunch，自己再另加兩個菜，但佢地足足用咗2小時先上得到全部菜，仲要最尾個飯同甜品係我前後催咗佢地四次先上到，搞到我地唔可以搭3點嘅shuttle走，結果3點半嘅shuttle爆滿，差啲搞到我地無位坐。9. 整體黎講，如果你有四個鐘食個lunch，要山長水遠搭shuttle入去，又唔怕用高價換來好求其嘅服務，兼上菜速度極慢的話，歡迎閣下去親身體驗下。當日除了套餐，預先額外加了“法式焗釀響螺”，但食嘅時候先發現原來係用咗咖哩，而且係辣嘅，但俾我之前睇餐牌就無寫明係辣，明明就係“辣咖哩焗釀響螺”，又得登唔寫明係辣，我本身唔食得辣，如果知道係咖哩，就唔會點呢個菜。另外，食落感覺食材並唔新鮮，所以先要用咖哩嘅辣味來掩飾。餐廳不但服務差，連寫菜名都係求其咁寫!
continue reading
家人很喜歡吃中菜，所以每當有新嘅或者不錯的中菜廳我哋就會去試吓 ，今次一於揀咗喺海洋公園富麗敦的 「玉」如果冇揸車嚟嘅，係需要喺海洋公園坐接駁巴士才能到達，半小時一班我哋今次試咗佢嘅午市點心套餐「玉」點心拼盤🥟紅菜頭帶子餃蝦肉同帶子爽脆又清甜，皮不會太厚肉骨茶小籠包小籠包食落有驚喜，平時嘅湯汁變咗清香的肉骨茶味 不錯的嘗試香芋天鵝酥🦢賣相精緻可愛 芋頭餡綿密香軟 外層鬆脆紅燒海皇竹笙羹🍲湯頭清甜，每一啖食落口都覺得喉嚨好舒服，竹笙同埋海鮮粒粒 一個爽一個煙靭 整個口感好豐富 不過記得小心啲食，因為好熱青檸柚子脆蝦球🍤蝦球鮮爽甜美，青檸柚子汁清新去油膩，不過外層脆漿略嫌厚了一點杏汁百合杞子浸菜苗🥬菜苗鮮嫩，配杏汁同吃很有新鮮感，濃濃的杏汁散發誘人的香氣 不錯的配搭鍋燒完隻鮑魚燴絲苗🍚鮑魚炆得入味，彈牙有緻 ，飯也香氣十足，個底有飯焦，增添口感和香氣「玉」甜品拼盤🍧桃膠薑汁奶凍奶凍香甜軟滑，入口帶點點薑味，桃膠就冇乜味道，但處理得乾淨酥皮蛋撻而家好多地方都冇得食酥皮蛋撻，蛋漿香甜，但係蛋味不是很濃，而且酥皮帶點實的口感奶黃煎堆仔外層炸得鬆脆 芝麻十分香口咬後充滿在口腔，奶黃口感細緻幼滑不是太甜如果有時間可以慢慢嚟食，食完喺樓下影吓相，渡過一個寫意的下午🌹
continue reading