茶皇殿

Open Now

Now Closed

訂左7：30準時到，叫左4人套餐，佢話套餐燉湯冇，叫轉粟米羹，？，燉湯同粟米羹同一層次？，"你可以自己加錢換湯”，算，幾經爭取換左海皇羹。茶叫左鐵觀音來左普洱，叫個上菜嘅攞嚟，倒濕我背囊，我算，我話你俾條毛巾我抹，佢堅持佢冇倒濕，後來個經理攞條抬布來解決。來餸，其實不太差，但海皇羹好咸，都不敢麻煩佢地，自己拿了一瓶熱水想自己調淡，又給經理發現，佢話叫廚房給你做過，好，再見出來，一樣……咁鹹。總結，睇見5至6個服務員/經理有一個服務好一點，其他，菜式普通，2百一個人-自己諗

嚟過食四次，三次都遇問題，冇下次機會了。一次熱水壺有隻半個拳頭大嘅曱甴；一次4成食物未食完就趕我哋走，全場熄燈又熄冷氣，趕時間落場你哋唔好接客喇，出餐又唔係快，啲嘢嚟曬就要我哋走；今日再去飲早茶，嚟個流沙包得手指尾咁少嘅餡，好聲好氣同你哋侍應講下笑講入面冇餡嘅，你哋就當我西客show都唔show，三個包三個都冇餡，不如你俾饅頭我喇，仲要老馮喺我背脊話「啲流沙包係唔靚㗎喇」。唔係r你著數要你賠錢退貨又剩，淨係想要句唔好意思就算，有事搵班呀嬸直頭當睇唔到，老馮俾佢哋西咁。

首先，我哋一早為咗食中秋飯而訂位。一嚟到，我哋一家total七個人，安排咗一個3-4人位（最盡淨係擺兩三個餸就已經冇位。陸續上咗四個餸之後（我哋訂嗰個set係有9個餸）就冇再上菜，隔咗半個鐘、我屋企人問咗3次、問到第四次、要動晒火、真係等到嬲，先一次過上晒淨低嘅5個餸，夾硬將將細枱塞爆。第一次嚟食，體驗感已經極差。第二，我哋一早訂咗餐，但今日嚟到間店 上咗菜先話廚房整唔切、今日太多單、即刻轉其他嘢食。同佢哋講：我哋提早訂都食唔到, 咁我哋book嚟做咩, 一開始嚟到未開枱嘅時候又唔講, 係都要等到上咗菜 要我哋問你哋先講。仲有，班員工嘅態度一個差過一個，一副事不關己、「我哋就係冇 你吹咩」、「有得食你就食」嘅樣，見到都把幾火，嚟食個中秋飯，食到好似嚟受氣咁，想同佢哋講多幾句、佢哋又當自己忙到要死、嗱嗱臨走咗去。想加水、換碟、收盤，全部都要我哋舉好耐 舉好多次手先有人理。宜家係我哋比錢嚟食你嘢，你哋冇服務好我哋之餘，仲要擺出一副好唔耐煩嘅樣（好記得有個頭髮橙橙 啡啡地色嘅女人，係佢哋30分鐘冇上菜 我地要發火嘅時候，講：得啦！得啦！同你去廚房催下啦！）全程一句唔好意思、對唔住、帶有歉意嘅

星期日做個孝順仔，通常同老竇去旺角飲下茶多，通常都去稻香利苑….但到今次試吓呢一間，感覺上幾好唔會太迫又唔會太嘈，入去都有位唔駛等，但都坐左八九成人，野食質素都唔算太差，都多選擇多源化，我哋叫左五碟點心….蝦餃幾好食，蝦大隻豬肉唔肥，鳳爪入味，特別有個綠茶芝麻餅又幾好食，波菜餃大大粒口感唔錯….. 我哋由1:00點坐到4:00號都ok , staff 姐姐4:15 先叫我地埋單先….點心質素同一般酒樓差唔多啦，如果星期天飲下茶又喺旺角可以試吓….

今日黃色暴雨 諗住是但落樓下飲茶行行吓，見到間茶皇殿堂就諗住去試一上到去有一個女經理已經好快幫我哋帶枱安排座位點知一望個餐單 嚇一嚇喺旺角區嘅酒樓 價錢竟然咁平特別要講吓有個叉燒懶 只係要$23 燒味舖都做唔到咁平另外仲有個叉燒腸特別推介皮薄 口感嫩滑 料足Total嗌咗五樣嘢食燒鵝瀨 叉燒腸 蝦餃王 灌湯餃 虎皮尖椒埋單竟然$200都吾洗計埋茶位加一都係180$服務態度都幾好 環境乾淨 下次可以再encore👍🏻👍🏻

沒有開業多久，當時我和家人來食服務也不錯！所以特意訂位，希望能能夠再食到呢間平靚正嘅酒樓。可是真的沒想到現在的服務實在沒法忍受。1. 不斷用車仔撞客🛒我坐在放碟附近的位置，一位服務員撞了一下，當時我沒有在意，經理亦有叫該服務員注意一點。可是，還是有第二三次！2.手指插飯🍚我們叫了一碗飯，服務員放下前，俾我發現成隻手指插入去！雖然有戴手套，但是我也不知道手指插入飯之前，你是否用它來清潔過其他地方，10分不衛生。我也不敢叫他再給我另一碗，感覺也是一樣。3.滾燙的茶壺放在小朋友旁邊☕️🫖這個行為實在沒法忍受,該服務員直接把剛剛加了熱水的茶壺放在小朋友的旁邊。小朋友只有兩歲，他們還給了他小朋友的高椅！究竟是什麼一回事，可以完全沒有安全意識？ 其實食物方便，味道跟賣相也不錯！而且價錢親民！❌❌❌❌❌❌❌可惜這次的服務及衛生實在沒法忍受，絕對不會再來！❌❌❌❌❌❌❌❌

叫左$1088個套餐，落左單半小時後職員同我講無藍瓜子，要轉條石班比我，或者+$250轉條海魚比我，咁都得，果陣仲要只係7點幾，無哂d套餐魚，說好的香港故事呢？

嘩，今日真係撈到寶了，我喺這家食堂試咗個晚市套餐，真係幾正呀！先講下嗰碗上湯焗龍蝦伊麵，簡直係海鮮控嘅夢想——個龍蝦肉勁夠彈牙，伊麵就吸滿咗香濃嘅湯汁，嚟到口添，軟滑得嚟又唔會太過油膩！講到蒜蓉粉絲蒸元貝，我只能話「掂晒」！蒜香四溢，仲有嗰啲元貝嘅鮮美，同粉絲嘅Q彈口感完美結合，每一口都係滿足！再嚟就係個西蘭花花枝炒帶子，鮮味一流，夠晒鮮嫩，有鑊氣，喺嘴裡面爽彈爽彈。唔可以唔提吓嗰個金沙脆蝦球，脆皮跟咸蛋黃嘅搭配簡直就係美味嘅代名詞！每一啖都係疊疊金黃色嘅幸福感覺。至於嗰碟蜜梅柚子京燒骨同埋極品乳豬，味道都係層次分明，京燒骨嘅甜酸開胃，乳豬皮嘅酥脆惹味，真係令人瞓夢都會笑。整體嚟講，食物出品勁正，環境都好寫意，呢個地方，絕對值得再嚟幾轉！🍴✨😊

趁着聖誕長假期的首日，首次到訪旺角茶皇殿用膳，約下午兩點九入席，當時職員表示由於下午茶茶市開始，茶客人多，建議我們先「搭檯」坐下，稍後時間再作安排。我們先叫了兩壼茶，叫了六碟點心，約 15 分鐘之後，我們看到附近有其他茶客埋單離開，我們便向其中一位女侍應要求更換另一張檯，皆因不想「搭檯」。約 3 分鐘之後，該名女侍應安排替我們更換到另一張空檯坐下來，豈料突然間有另外一位男職員(應該是部長)前來責怪該女侍應，表示不應該安排更換檯，該名男職員更指責我們，勒令我們必須立即埋單才可以繼續用膳。

好耐冇見婆婆喇，老人家家鍾意飲茶就陪陪佢，最近佢屋企就係呢間「茶皇殿」。一坐低先點茶，居然有「人蔘烏龍」無加錢喎，茶有甘甘地口感，唔錯👍🏻🥢蜜汁叉燒腸粉：食咗兩嚿先至記起要影相，腸粉一般水準，無話特別好食或難食囉🥢茶皇殿巧手叉燒包：又係一般味道，不過啲叉燒好鞋，不過婆婆話鍾意食叉燒包喎🥢鮮魚湯水餃🥟：水餃反而幾好，蝦肉爽口，食唔出係雪藏嘅，而且個魚湯都幾好味，濕濕地易入口🥢黑芝麻馬蹄糕：馬蹄糕好食，雖然黑芝麻味唔係好覺，不過馬蹄算多好爽脆，而且煎得夠，燶燶哋好香茶樓在一樓，沒有電梯🛗要爬樓梯，呢樣係基本問題，酒樓都沒辦法改，所以如老人家家身體唔係咁好就唔好勉強喇，但待應姐姐見到老人家又好好禮貌㗎

今晚家庭聚會一行9人晚飯，屋企人主要睇到某份免費報紙的介紹長腳蟹。酒樓推出食長腳蟹$168/斤的優惠。煮法就只有就咁「蒸」隻蟹，蟹的內臟全部唔會清乾淨，仲要只付上一把較剪。 其他的餸菜味道一般，甚至「小炒王」的韭菜超老。服務態度就真係極品，9人食一隻蟹要求多要一把剪刀，回覆卻是「沒有多餘的剪刀可供應」。另外，我哋叫咗一碟小菜西芹炒海鮮粒，要求待應給我們一隻匙羹，對方竟然話忙於收拾其他枱叫我哋等吓先，再問另一個又係冇反應。真。係。冇。下。次

飲茶呢啲香港文化🇭🇰兵仔同娘娘係至愛呀！燒味斬件呀唔該～呢間茶皇殿居然有一蚊嘅燒味！？💂🏼《茶皇殿三選一 - 燒鵝皇》$1$1燒味真係唔係傳說！平到唔相信😂😂佢地有自設烤爐，燒味真係出色！乳豬、走地雞同燒鵝，兵仔我就揀左燒鵝喇～配埋酸梅醬食一流！唔會乾啱啱好評分: 90/100💂🏼‍♀️《茶燻雞(半隻）》$108鐘意食雞嘅朋友可以試下！皮脆肉嫩，而且一上枱已經聞到個陣茶燻嘅香味，幾有特色可以一試～評分: 82.5/100💂🏼‍♀️《上湯焗大蝦球伊麵》$148本身已經中意食龍蝦伊麵嘅娘娘，即刻試試呢個大蝦球伊麵。份量非常多，蝦球亦都大大粒又彈牙，汁都夠多覆蓋曬伊麵，不過可以濃味多少少🤏🏻評分: 88/100💂🏼‍♀️《果皮蒸五頭大連鮑魚》$38/1唔知有冇人鐘意果皮嘅香味呢～睇自己想食幾多就叫幾多隻，啲內臟清得乾淨，軟硬度岩岩好，而果皮都無遮左個份鮮味，推介！評分: 85/100總結：午市飲茶晚市小菜嘅好選擇，$1燒味真係好抵食值得一試！其他小菜都唔錯又就腳，經開旺角想飲茶小菜就可以試下喇～頒發軍階：上將🎖🎖🎖🎖

避雷❗️❗️食物：炸鲜奶，一般叉烧包，一般+咸虾饺，很散，皮🈚️弹性南乳猪手：猪毛很多，味道很咸。菜干猪骨粥只有很小一块肉，同样很咸。服务：真的够烂。虾饺🈚️蘸料，找服务员问，回答是“正常不会给”加水，回答是“自己加我不会帮你加”划重点：是一名高个子梳高马尾很瘦的女性服务员，态度很差很凶环境：二楼空调非常冷，可以冻死人，建议穿短袖短裤别来，店员都是长袖，方便店员冻死顾客难怪这家台风天都坐不满人……就住在附近，但不会再来

今日朝早去左旺角，發現呢間茶皇殿裝修得幾靚，又唔多人，就入去食個早餐🫖環境方面：經過地下大堂之後要上一層樓先到，座位擺放寬敞，燈光充足好光猛👍🏻👍🏻因為平日朝早時間，所以唔算太多人，入到去職員指示我哋自己搵位坐食物方面：食物質素中上，選擇多而且出餐速度快👍🏻有好多懷舊特色食物👍🏻今日試左幾樣野食🥟🥟蒸粉果： 粉果皮好軟糯同夠薄，餡料好夠味但唔會偏咸，好好味好有驚喜⭐️⭐️⭐️蒸燒賣：同其他酒樓食到差唔多，無咩特別煎腸粉：煎得夠剛剛好，咬落有少少脆，入面d腸粉皮好夠滑👍🏻👍🏻咸魚蒸雞飯：雞蒸得好好，唔鞋，飯都軟硬適中👍🏻懷舊雨傘啫喱：係餐牌見到勁開，即刻點左呢個甜品，雖然靚傘無以前細個果d禁靚，但都好開心，兒時回憶返哂來🤣🤣服務方面：坐低之後，好快就有職員開茶👍🏻👍🏻呢度係可以自助落單，非常方便👍🏻👍🏻👍🏻

竹笙鼎湖上素 $118出街食得多，而家一定會叫一個菜食。芡汁打得唔錯，係上湯口味。有竹笙，雲耳，菇，豆腐，菜心等等，菜好新鮮，爽脆。冰梅一字骨 $130除咗梅子之外，仲有檸檬，應該係想增加酸酸甜甜嘅味道。排骨炸到非常酥脆，肉質嫩滑，咬落去肉汁爆出嚟。金菇炆伊麵 $118配料都係有一啲菇類，伊麵煮好煙煙韌韌，食落去好香豉油香味。另外酒樓嘅環境唔錯，好空曠，晚市嘅時候都座無虛席。上菜嘅速度都好快，好適合一啲時間趕急，但係又想多啲選擇嘅人嚟食