茶皇殿

Open Now

Now Closed

喺附近整完嘢啱啱好下午茶時間，之前上網見到有人推介呢間嘅天水圍分店，依家先嚟試吓旺角分店嘅食物先😎⭐️金沙海皇炒飯$68啲飯有好用嘅蛋香，炒到粒粒分明，而且份量都多，好味抵食又飽肚。下午茶時間有孖寶套餐，可以任點餐單上嘅指定兩種點心。⭐️茶市孖寶A $32.81️⃣櫻花蝦潮州粉果 入面料都幾足，有埋炸花生餡食落幾香口😋2️⃣豉汁蒸鳳爪⭐茶市孖寶B $49.81️⃣杏汁花膠灌湯餃😡😡😡呢個灌湯餃真係等咗超耐，所有炒飯點心全部食晒佢都仲未嚟，同個高大短髮嘅職員講咗幾次，佢淨係識叫我等吓睇個餃嚟唔嚟，後尾我細心觀察佢，佢根本冇跟進過個問題！冇去點餐機嗰度睇吓有冇漏單，亦都冇入過去廚房嗰度幫我問😡我足足等咗個幾鐘，到後尾再加多個馬拉糕點心，馬拉糕勁快上，但依然都未見我一直等緊又催左幾次嘅杏汁灌湯餃！因為太想俾媽媽食呢個灌湯餃所以我堅持等，而冇去取消呢度單。到最後另一個男經理過嚟幫我處理，佢用咗1分鐘嘅時間就入咗廚房去了解情況，然後再同我講番廚房留咗單，即刻做俾我，大概等15分鐘。結果15分鐘後個湯餃都係未見蹤影😫，同時間另一個職員要埋數走過來叫我埋單，然後我哋又重複一次同佢講咗個情況。然後佢笑笑口走咗冇任何處

服務態度奇差，7:00到，好多菜式已經賣完，菜牌上好多菜式都沒有，汽水只有無糖，白飯太多水，菜式色香味都不達標準。樓面經理可以指客人做野，拿東取西。不會再有下次幫襯。上菜時叫客人自己放碟菜上枱，自己放？奇才。不知所謂的服務態度，你有你講，她有她做，簡直垃圾之中的垃圾。沒有－碟餸看得上眼，食得入口。我巳經要求不高，已忍了很久，員工還得寸進尺，令人失望到極點，忍無可忍。你免費請我再來都不會來，免心煩氣頂，要避之則吉。

我係附近住既街坊，其實我好少寫食評，但今次好差，飲餐茶要俾人鬧我真係好唔鍾意。我地係年初四大約11:40入去幫襯既，咁一行四人得閒就去飲茶啦，我哋平時去開其他地方飲既，不過見好少黎呢間就試下啦。我地見佢門口有得㩒飛，就㩒咗張B008，我地見其實就叫緊B004，咁應該等多4張就到我哋啦。同埋個陣門口都冇乜人既，我地估應該好快到既。過咗一陣就見到有一批10幾個人落咗樓，心諗應該好快位啦！跟住見到有啲人話識人，又有人話book咗位既，個啲人係冇飛既咁就上咗去。咁我都明既酒樓都有啲熟客會插隊，就繼續等囉。咁過多陣就見到又有陸續10至20個人行落樓梯，咁我諗點都到我啦？？佢又再放咗啲熟客入去，咁我真係等咗好耐，叫飛個system 都冇郁過，咁我就走埋去問佢，我㩒咗飛等4張，你上面走咗咁多人都冇位？你一個number都冇叫過。佢話有啲人book咗位個啲係8至12人就要放人入去先，同埋有人book咗12點半放唔到枱，我就話佢：我㩒咗飛架喎，你放上去咁多個都係4人枱架喎，我聽住你同上面講架，可唔可以跟返number叫飛呀？係真係唔公平，所以就出咗聲。佢話我：咁人地book咗位就係先過你架嘛！我話：咁你

長輩相約假日茶聚吃點心，我家老闆選擇了旺角奶路臣街的「茶皇殿」，取其地點在旺角東站樓下非常就腳，而且價錢也大眾化。這茶樓前身其實是有點名氣的平民酒家「泉章居」，酒家超過三十年歷史，印象中我由孩提時代已跟家人來吃晚飯，也在不同的年代跟不同的朋友在這裡飯聚，算是其中一個我充滿回億的地方。由於今次我們人多，我家老闆又可以瘋狂點選食物，實在我們一共吃了幾多點心我都數不清，只留意到這裡的食物水準尚佳，9個人吃得飽飽才千二大元有找，水滾茶靚坐得舒適，唯一美中不足是這茶樓位於一樓，老人家必須爬一層樓梯才走得上來。

多次惠顾茶市，都觉得茶市食物美味，点心款式设计精美，天鹅荔茸酥鬆脆，天鹅造型精美，清汤从容鲜竹卷，可口爽脆，墨汁香脆肠粉，很特别的墨汁，馅料是用萝蔔丝做的口感特别，清淡可口，每次必吃猫山王榴莲香榚，超级美味。炒粉麵饭亦十分可口，肉丝炒麵造型特别，是每个独立麵饼的，酱汁不是淋在面条上，令麵条吃起来鬆脆乾爽。可能是刚开放每枱用餐人数及早前员工流失，人手较为紧张，有点短缺，辛苦晒饮食界啲员工，请多多努力💪🏻💪🏻

一行5人黎到開張不久既茶皇殿（泉章居舊址）試試佢既晚飯小菜😌有1蚊燒鵝/乳豬/雞優惠（按人頭決定份量）😍==========🔹茶皇殿燒鵝皇（$1, 5-8人有半隻😎）原本對於1蚊優惠不抱期望，諗住會偷工減料點知黎到見到真係足半隻，而且煙燻味好重，同平時出面食到既燒鵝味道唔同，個人幾鍾意😋😋鵝味濃郁，遺憾鵝肉偏實而且燒得燶左少少推介指數：7/10==========點左$688套餐，可在A 及B 類各選一款，C 類選3款==========🔹A 類揀左上湯龍蝦焗伊麵+$100龍蝦份量好多，龍蝦肉爽口彈牙，嫩滑鮮甜，非常新鮮🤤🤤上湯底做出黎有d 似芝士焗既效果，幾"杰"身，味道鮮甜，伊麵唔會煮到太淋，口感唔錯🥳推介指數：9/10==========🔹B 類揀左蒜蓉粉絲蒸大元貝蒜蓉係炸蒜，份量唔少不過蒜味未算突出元貝新鮮度只屬一般，唔係太鮮味，肉質唔係太實淨，唔係太有咬口既一種🥸相對其他菜式比較遜色推介指數：5/10==========C 類有多款小菜可供選擇我地揀左：==========🔹西蘭花花枝炒帶子（單點價$188)份量十足，西蘭花非常碧綠，賣相一流👍🏻師傅煮野既時間拿捏得好，所有小

2022年7月19日，大晴天，高温，大陽伯伯太給力，曬得人差點就中暑，找個地方躲太陽兼吃午餐。旺角泉章居結業後，現在是茶皇殿，就在這裡吃午餐，點了以下的：#普洱茶：配燒味和點心，解油膩。#四寶飯：燒肉、叉燒、豉油雞、鹹蛋(半隻)配白飯和白灼菜心(小量)，不錯的午餐組合，四寶中最好味是燒肉，皮脆肉香，yummy！#香煎蘿蔔糕：足料，吃到蘿蔔絲，好！#姬松茸鮮竹卷：看不到亦吃不出有姬松茸，給了蟲草花，味道比較清淡。#斑蘭糯米卷：外皮加了斑蘭，是青綠色，餡料除了糯米，加了很多花生，不錯。不錯的午餐。

大閘蟹餐$368，真係平嘢無好蟹！首先大閘蟹係一次過上，食到最後就一定凍晒。其他套餐啲餸都係一次過上齊，都唔知食得邊樣。食大閘蟹係想食蟹膏，但啲膏仲渣過啲普通蟹，蟹肉係梅既！

第一次嚟呢度，見前面啲食評都唔錯，諗住帶埋爸媽嚟試吓。見到樓下餐牌有美國桶蠔加花雕蒸蟹，好似好吸引，就諗住試吓。點知坐低，侍應話冇美國桶蠔，冇貨返。心諗，桶蠔好普通咋喎，連我老媽都話周圍都有得賣啦，點會冇㗎。算啦，因為我想食花雕蟹，就轉叫佢哋馳名燒鵝、花雕蟹。點知，啲蟹一上枱係三隻完全冇洗過嘅奄仔蟹，一打開蟹蓋，直程係有一浸坑渠味🤮，好污糟，完全食唔落。另外碟燒鵝，除咗有隻髀有三四舊肉之外，其他嗰兩排全部唔係肉，係皮加肥膏，啲有肉嘅脾，我讓左比父母食之後，基本上我只係食咗一嚿鵝肉，老實講，我覺得好唔對板；所以我諗我下次唔會再有信心上嚟幫襯！唔明點解咁嘅食物質素，都坐滿座？

We are the regular customer of 茶皇殿.We usually ordered chicken feet with abalone sauce, their special fried spring rolls, cha siu bao and my all time favourite 流沙包. Let's have a look of their 流沙包. Their 流沙包 looks really pretty as shown in picture. It looks purple with shimmering golden powder outside. The egg yolk custard tastes really good and smooth.The staff there were friendly and helpful.Would love to go back again and again for our weekend family gathering.

環境幾闊落，不過樓底唔高。新開張幾乾淨企理，唯獨冷氣差d，可能近日實在太熱。一行5人點左$788餐，有5款小菜，仲可以$1叫半隻燒鴨、雞或乳豬。揀左燒鴨：💕$1燒鵝皇(半隻)，勁大份，燒鵝皮脆，鵝油勁香，一咬下肉汁豐富，滿口香氣，非常滋味，yummy😙晚市ABC 餐$788🦞上湯焗龍蝦伊麵(1隻）：龍蝦份量唔少，多肉彈牙，不過伊麵太腍豉椒炒海花甲（例）：花甲一般般，都算肥，不過差點鑊氣🦐黑松露珍菌蝦球：完全食唔到黑松露味，非常清淡🔥黑椒牛仔骨煲：夠晒熱辣辣，牛仔骨又入味又腍，睡份量勁多，大滿足🥳❣️招牌鮮菠蘿即炒咕嚕肉：用上新鮮菠蘿，咕嚕肉炸粉薄，唔錯🤩最後本來想食甜品，點知冇楊枝甘露，美中不足，唯有轉場再食。

一去到門口無乜人，阿姐問幾多位，答完佢之後見d人陸續上2樓，以為好快安排到枱，點知阿姐係咁問樓上都無結果。人就越嚟越多，有人係後面部機㩒飛先知佢有呢個系統，阿姐無提過，我哋先去補返張飛，但係已經遲左3個號碼。我問阿姐點計，佢講會俾我哋先，點知之後照舊跟飛放人，一怒之下走人。唔會再嚟。

今個星期日約了爸爸飲茶完咗崇拜返到屋企附近試吓這間在之前疫情時候開業的酒樓（泉章居前址）重新裝修，環境光猛，坐得比較親蜜服務態度一般一般啦！點心紙上都有一些特色點心當然都會叫來試吓啦叫咗一個ABC套餐，揀咗個魷魚鬚，燒腩仔，八珍炒麵魷魚鬚一咬成個外層厚厚的炸皮漿分開燒腩仔不算卜卜脆反而個炒麵好特色，麵是脆卜卜腸粉皮算簿鹹薄餐煎得唔夠香口斑蘭糯米卷吃不出班蘭味金錢肚夠淋，牛柏葉有啲靭腐皮卷好多油紫薯流心煎堆，口感煙韌熱辣辣好流心點心大致上普普通通感覺價錢有點偏貴

次次問呀爸想食咩，佢都係話要食酒樓架喇，好啦，見就嚟父親節，就當提早食父親節飯啦。呢間酒樓新開張，環境舒適，座位距離好闊落侍應介紹我地食呢個ABC餐 $688，包兩個海鮮，仲可以任選3個小菜*蒜蓉清蒸大元貝*呢個最強組合基本上係無得輸，蒜蓉夠晒多，粉絲唔會蒸到乾晒，淋埋豉油，味道一流。主角元貝好大粒，又厚肉，好食！*清蒸虎杉斑*條魚蒸得啱啱好，唔老，正常發揮*金沙脆蝦球*呢個推介叫呀！邪惡到爆炸，明知肥仔都要食，出面嘅咸蛋黃炸皮又香又脆，入面嘅大蝦🍤大隻、爽口*涼瓜龍躉頭腩煲*呢個鍋一上枱仲熱到‘炸炸’聲，揭開煲蓋勁香，苦瓜索咗豆豉汁，入晒味，龍躉魚塊都算多，每人都食咗幾舊，不過稍微咸咗少少🤏🏼*西蘭花🥦炒花枝帶子*炒得幾有鑊氣，份量都多，花枝片彈牙爽口，西蘭花青綠爽脆最後最後，仲有$1蚊燒味，可以揀燒鵝、雞或者燒豬，我地揀咗燒鵝王，原本諗住咁平就無咩期望，點知原來3個人都有1/4隻，幾肥美，肉質唔韌，抵到爛

最近少左食中菜又令我中菜癮起！今日行開旺角見到呢間新開既中酒樓好似幾吸引款式多得黎仲有海鮮！金磚豆腐粒將炸蒜炸成金黃色再灑上同樣炸成金黃色既豆腐磚.豆腐磚外層香脆既香口亦充滿一陣陣鹹香感.內裏豆腐香滑亦充滿濃厚豆香,加上香脆蒜香金莎粒味道更香更惹味.羊肚菌燉螺頭湯是日燉湯滋補,味道清香而濃郁.湯內夠晒足料,充滿住雞肉及羊肚菌.燉湯清澈唔會油膩,入口充滿雞肉香同螺頭既鮮甜,入口好舒服.桂花蟹肉炒銀絲炒銀絲炒得乾身,粉絲唔會黏埋一齊而且每條都乾爽彈牙.粉絲上加上大量鮮甜爽口既蟹肉及粒粒金黃色既蛋黃碎,每一啖層次分眀,帶出3個層次既口感.最重要係粉絲入口唔會好油膩,炒得幾出色.胡椒粉絲海蝦煲以熱砂上枱,一上枱打開鍋蓋既時候原先充滿醬汁既蝦煲迅間被粉絲吸收晒所有精華！粉絲仍然保持彈牙之餘亦掛起充滿陣陣胡椒香及蝦鮮味既芡汁.海蝦份量多之餘每隻口感彈牙結實充滿海鮮味.啫啫芥蘭煲啫啫熱煲炒起芥蘭,芥蘭青翠爽口無渣,啫啫煲帶有蝦乾,肉碎及辣椒.味道惹味香噴噴,啫啫煲內既鹹鮮香送飯一流.