JD Euro (Jade) Cafe & Bar (Closed)

油麻地向來比較local，想搵間坐得耐d 舒服d 可以 hea 吓嘅餐廳，淨係識戲院Cafe，但都經常爆滿，終於多一個選擇！我地唻食晚飯，水準唔錯！以為普通嘅煎雞扒，估唔到如此出色，好香噴噴！推介！仲有個湯，好有趣，係咖喱豆蓉湯，初初唔慣，但飲飲吓又幾好味！值得試試！

土耳其咖啡味道不錯，讓人難忘 pomegranate flavored drink poweder& apple flavored drink powder 兩款混合茶好飲👍 so great place to drink wine and champagne as soon as possible come to maden birthday party here.. See you soon jdeuro

啲野食價錢唔算貴，味道嚟講算唔錯！嗌左個素食薄餅，估唔到又幾好食喎，一啲都唔dry。之後食左個伊斯坦堡烤雜菜蘿仔，有啲辣不過味道唔錯。飲左杯Turkish coffee on the sand，好好玩好得意，可以自己喺啲沙上面煲熱啲咖啡！

第一次上呢間充滿異國風情的餐廳、環境好舒服！點咗個pizza 簡直一試難忘、不但入口松脆、而且芝士味非常濃郁👍跟住試埋個豆湯也是好香濃、而最後登場既就當然系餐廳招牌既土耳奇熱沙Cafe啦、呢個cafe同平時飲開既cafe好唔同、但唔知點形容😂😂只可以用四個字㴝總結：回味無窮！😘😘😘

呢間餐廳幾特別  係土爾其菜式 老闆仲推介呢个当地既咖啡連個杯都甘有feel  餐廳可以見到仲Seaview  我地兩個人食大約都係$250左右 味道同賣相都唔錯 個老闆同員工好nice

點了set dinner, 有沙律、pizza、燒牛排、煎雞同燒羊架，都燒得剛剛好！外面燒得焦香，內裡juicy，我愛羊，就係鍾意羊肉獨特的羶香！好味！外藉老板好好人，好有耐性介紹餐牌，仲送咗 cocktail 比我地 😊 超夢幻的顏色！靚到唔捨得飲！最後試埋個特式熱沙咖啡，好得意，係沙度轉轉轉咖啡就會滾起出泡泡。佢地話傳統唔落糖唔落奶（即係齋啡😓）但都可以要求佢加糖加奶一齊煮。我地叫咗加糖加奶，冇咁濃，好易入口，咖啡杯裝飾好靚！

鬧市行攰了 想揾新野食見到有新餐廳開- 😯 久違了的土耳其味道好懷念呢一於試下😁本身香港好小好味既土耳其餐廳我地想食得更地道 見有土耳其大廚所以就叫Chef Design (大廚說 天天不同的喔!)今晚既Chef Design 係Turkish Salad - 菜好新鮮乾淨, 配上獨特既土耳其香料, 好fresh 好好味西蘭花薯仔湯 - 材料全都熔入湯中, 好香濃,口感醇厚炸薯條可以令人錯覺普通不過炸得火喉岩岩好最重要係其實入面仲有炸得好香口惹味既三色椒, 西蘭花 同 茄子配埋廚師特別調製既足料茄醬真係食唔停口烤雞肉 - 燒得好香，入面唔老，好好味手工pizza - 看似普通，入口先知有幾出色！ 😆 薄薄的皮底 - 香脆 但唔乾！ 仲有煙靭口感！材料份量同芝士/茄醬配合得好juicy好好味，食完一件再一件😂餐廳內配以土耳其地道裝飾很懷念當地風土人情呢

同朋友第一次黎呢間Turkish coffee, 我地簡左試呢杯Turkish coffee on the sand, 就咁睇佢整既過程已經覺得好得意好用心，值得一試呀！我地仲叫左個JD Euro pizza with chicken, 真心好味唔會太飽😋林走老闆仲送埋個藍色Turkish ice cream, 好味😝打算下次再約朋友黎呢度晚餐🍽

台灣同事唻香港玩住呢間酒店，玩咗成日送佢番酒店都成十點，餓餓地又懶得搵附近有咩食，見酒店餐廳仲有開，二話不說就上19/f。對呢種酒店餐廳本來就沒有太大期望，純粹諗住醫飽個肚，點咗個煎漢堡同Green Salad，估唔到又幾好喎。漢堡扒唔係雪藏貨，彈牙有肉嘅鮮味，煎得好香。經理話新開張送咗兩杯 cocktail 比我地，nice

OT 到九點幾先走得，一定要飲番杯放鬆吓平衡吓心理！一行4 人唻試新 Bar，鬼佬老板好好傾，送咗 round JD Euro signature cocktail 比我地！心情好番晒！cocktail 睇個樣好似平平無奇，但估唔到又幾好，易入口又 refreshing！後來十點幾佢地 tune 暗燈，仲開始播 dancing music！ Surprise！high high 地仲開咗支香檳！ 難得油麻地酒店有呢個地方，唔雜又可以 relax 吓！我會再唻架！

是東西歐菜式，聲說廚師也來自不同國家，他們會有感而發，配搭一些其他國家如泰國丶印尼丶印度丶日本和韓國等等地方色彩來設計新菜式👍🏻😋。我約了一班朋友聚會，好朋友介紹一間在油麻地海景絲麗酒店樓上19樓，這裡環境唔錯，讓我們可以慢慢享受晚餐和美酒，到了晚上11點過後是酒吧時段，有特別美酒和廚師新設計Cocktail。這裡除了散叫Menu外，也有廚師特別為客人設計的菜單，我個人喜歡他們香草羊架和慢煮香草燴牛尾，好有肉感。如果食素朋友也可要求廚師設計全素食料理，真細心! 😘😍😋

雞翼表層香脆，帶有鹽粒和黑椒粒，內裡肉質仍然很嫩滑，加上沙津菜都很新鮮，吃起上來罪惡感大大減低哈哈哈。煎三文魚是他們的新菜式，雖然是煎過的，但一點都不油膩 薯蓉帶有牛油香 極力推介！還有不得不提的土耳其咖啡！咖啡味十分香醇老闆親自出馬動手沖泡，誠意十足。建議不習慣喝咖啡的朋友可以加入半包白糖，減低苦澀度，比較容易入口，大家可以來到這裡坐在窗邊一邊欣賞九龍一帶的日落風景，一邊飲咖啡。十分寫意，人生樂事，不過如此。

油麻地酒店的企理親民西餐廳，外藉經理好 nice，為我地推介菜式，招乎周到。點了蕃茄雜菜意粉同燒牛扒，好味！medium well 牛扒控制得剛剛好，外面焦香內裡 juicy，份量也很不賴！我們兩人吃得飽飽的！餐廳客人唔多，經理話佢地今個月才開業，唻緊會有多D 宣傳。我自己幾鍾意呢種親民舒適的餐廳，唔會有高高在尚冷冰冰的感覺，放鬆心情悏意享受一頓美味晚餐，好滿足！p.s.: 估唔唔到呢度都睇到少少幻彩詠香江！見到D 激光幾得意呀！

一向覺得油麻地比較local，坐得舒服企理的餐廳比較少，又或者已經爆滿。星期六係戲院中心睇完戲，五點幾時間尚早，同友人邊行邊諗，有咩地方可以坐吓、食埋晚飯傾吓計，行行吓去到絲麗海景酒店，見到介紹 JD Euro Cafe，環境好似幾好，即管試試。上到去一個人都冇，有少少擔心，原來係新開試業中，咁靜靜地傾計幾舒服嘅。我地先唻 round 啤酒吹吓水，望住日落黃昏嘅城市景色，真係好正！之後叫咗pizza 同燒羊架，唔錯，燒羊架好juicy，我地心思思想 encore 叫多份，又怕食唔晒，最後都係冇叫。總括唻講呢間餐廳幾好，會再唻😋