JD Euro (Jade) Cafe & Bar (Closed)

完晒sem梗係搵D好野食，我地就係油麻地搵到間餐廳係酒店裡面，價錢唔會好貴，所以就決定去食！我地叫左一個soup of the day、沙津、香草雞、香蒜雜菜烤雞腿，同埋一個JD Euro pizza。我地坐左係落到玻璃格離，一邊食野一邊望住出面都幾舒服～個湯落左唔少香草，少少creamy。沙律菜好新鮮、好爽口，特別係D蕃茄好鮮甜。沙津醬既份量都岩岩好。依個薯條係跟個雞腿既，熱辣辣既薯條配三色椒，再加埋牛油果醬同沙津醬，口感味道豐富左好多！JD Euro pizza 同左好傳統既材料，例如：三色椒、洋蔥火腿、蘑菇、大量芝士同蕃茄醬，除左材料好豐富，個芝士好多同埋都幾濃郁，我最鐘意就係個pizza夠薄身、又脆口，所以唔會好膩。香草雞係配白飯同一個脆餅，雞好嫩滑，份量都好多，個脆餅可以撈埋D咖喱汁，個味道幾特別！香蒜雜菜烤雞腿肉身好juicy，肉好淋，雞腿烤得好香口，D香草令個雞更香，點埋D蒜汁好惹味，整體味道都唔會鹹。最後有個甜品係龍鬚糖，好多層既糖絲，而且糖絲十分之脆，甜度岩岩好！

25/12 想食特別菜式,所以選了這間餐廳,一入去餐廳的人都好nice 環境都好舒適及優雅之後我的朋友那晚點了很多款式食物,請看圖片,全部好味到震。雖然三文魚熟左少少,整體所有都好味和特別。

為慶祝結婚週年紀念，兩口子走到位於油麻地海景絲麗酒店19樓的>>> JD Euro (Jade) Cafe & Bar<<<用膳。 酒店在油麻地天后廟旁邊，位置方便。 餐廳在酒店頂樓，坐在窗旁，景觀開揚。 餐廳主打土耳其菜，侍應是外籍人士，查詢要用英文，但餐牌中英對照，指指點點，即可點餐。這晚選擇了 Dinner Set for 2 (HKD498/2位) 。 首先是餐湯。這是扁豆湯，第一眼看到，還以為是南瓜湯哦。看起來是水汪汪的模樣，但原來口感非常豐富，是已經破開了的豆粒，豆味相當濃厚，還帶一些芝士香；習慣清淡湯水的話，則未必喜歡矣。 特色小食是香草薯條，醬汁香甜，味道很有特色。除了薯條以外，還加入三色椒和茄子，用料更多元化，感覺相對健康。 主菜是招牌羊肉配香草飯。羊架肉質鮮嫩，肉汁豐富，羊膻味挺濃的，相信未必人人喜歡，但這可是吃羊的必需條件啊。 最後以菠蘿特飲作結，甜美的果汁，教人開懷。 短期內還未有機會到土耳其一遊，這頓晚飯，可算是土耳奇初體驗吧；期待他朝一日可以親身經歷哦...... 除了土耳奇美食，心裡還是期盼親眼目擊棉花堡

餐廳位於酒店的十九樓，視野很好，未試過俯瞰油麻地夜晚繁華街頭的感覺，一入黎未食野，淨係呢個寧靜舒適的寬闊環境及可以透過落地玻璃欣賞的夜景，我覺得都值回票價。因為我們到達的時間不是餐廳的繁忙時間，所以我們三人得以享受私隱度極高的悠閒晚餐hahaha我地一行三人，餐廳的大廚特意安排了一個二人套餐同土耳其特色之一既沙煮咖啡~位處於酒店的餐廳，一個二人套餐收hkd$498再加10% service charge。個湯都幾好飲既，飲得出有磨碎左既豆，都幾真材實料既~特色沙律係 JD euro沙律，裡面有細蕃茄、生菜、青瓜，d沙律菜都新鮮，幾o岩d keep 緊fit 既女士們。Pizza~芝士爆多，好易整到拉絲既感覺，芝士控應該幾開心。餅底夠薄~食厭左厚餅底既人應該都幾鍾意食烤得又脆又薄既餅底。烤雞腿飯第一次食土耳其菜，沒想到原來土耳其菜都跟我們平時食開的港式野都唔係有好大分別炸wo食落都幾有親切感啊~可能個有紅色黃色綠色既混醬先係其特色HAHAHA可以見到現場即煮既沙煮咖啡都幾大開眼界，自問都幾鍾意飲咖啡，可以一日一杯個種~呢個沙煮咖啡比我預期既淡，廚師話呢個沙煮咖啡係冇咖啡因，24小時都飲得

突然想吃在油麻地吃土耳其菜，搜尋後選了這間在酒店內的餐廳。星期日晚6點半來到，整間餐廳還未有客人！老闆安排我跟朋友2人入座非常闊落的卡位，旁邊的窗有開揚夜景！不想思考吃什麼，就叫了set dinner兩份。首先是餐湯，好有中東風味，豆味香濃😋沙律就正正常常，不過不失小食是薯條及紅/黃椒，有少許特色醬汁，不錯主菜羊架，上菜時飄來一陣騷味，但食落完全不騷，幾香肉味，連我怕騷都覺得很不錯，香草的味道剛剛好，不會搶了肉味👍🏻招牌燒雞反而一般般，沒有羊架出色🤔最後有土耳其糖及龍鬚糖，都太甜😅整晚除了我跟朋友，就只有另外一家八口，坐得非常舒適的晚餐😌

土耳其餐係香港比較少見又食到既茶式今日有機會試下土耳其特色，究竟土耳其菜有咩特別同特色就去試試。入到去由土耳其人管理十分有禮貌而且好用心去照顧客人，餐廳佈置滲入少少土耳其風好似掛燈咁富有色彩得黎花紋款色好靚打返係牆上有特有顏色折射，仲有一款好有色彩既茶壺佢地用熱沙去保存茶壺內茶既温度暖得黎又唔會太熱飲落好舒服茶香味濃而不澀。土耳其廚師推介了2入晚餐由佢做主意幫我同朋友設計餐單對於選擇困難症既我又唔太識土耳其特色菜既我係一個好好既選擇。首先係頭盤沙律以各款蔬菜混合而成不過不失，之後係餐湯，餐湯比較特別係將豆麻死蓉再加上忌廉湯又成口感係有豆蓉渣雖然唔滑但好香豆味。主菜係羊肉及雞肉。羊肉以羊架燒熟上菜，肉質軟易咬開唔會過熟令肉質好乾仍有少許羊味，配菜既麵餅簿脆烤得好香脆帶少少甜味。雞肉以咖哩調味烤得香配上夾飲一齊食用感覺有少少似中東夾餅雞肉粒爽口調味好入味。甜品係龍鬚糖質感好輕盈入口即溶面上加少少朱古力醬做成人樣表情好得意。

為了有個特別的特別紀念日，我們決定一試一些特別的菜色享用，難得於網上找到了土耳其菜作我們的晚餐。餐廳位於油麻地旺區，心想即使是酒店餐廳也定必人影處處。到了酒店的大堂，感覺就是金碧輝煌，光線充足光潔如新，搭乘升降機直達餐廳忽然覺得到了別國的氣氛，心中的人流及繁忙完全沒有，卻是聽到民族歌及英文歌曲。另外是沒有太多人客，我們可隨意選擇坐位，感覺舒適。翻開菜牌，各款菜色好像似曾相識卻又是從未試過的樣子。於是我們就選了晚餐套餐。先出來了特色沙律菜，沙律菜與一般西餐沒有大分別，只是沙律油感覺比較酸一點點，言而選用蔬菜都是很新鮮，青瓜和小蕃茄都很有咬口。餐湯是豆溶湯，有點像南瓜湯的口感，味道不算突出，一試無防。特色小食是香草雜菜薯條，這是我較為喜歡的一度菜，皆因有茄子及三色蕉一同與薯條食用使味覺更加豐富，加上沙律醬用上了較為香甜的配搭，雖然熱氣，但有蔬果配合而感到較為溫和。大家值得一試。素食風味薄餅是主食之一，濃郁的芝士味，熱騰騰的芝士絲，很有意式風味，可能薄餅底鬆軟，即使是素食沒有甚麼配菜亦非常可口，素食人士的不二選擇。另一主菜就是香草燒羊架配飯，肉質厚厚且彈牙，可是本人不喜歡羊穌味，即使點配醬汁

除了食過Turkish delight, 我未食過土耳其餐。見這間酒店有，所以來試一試。真的千奇百趣，增廣見聞。用熱沙煮熱咖啡真的是我第一次親眼見到。店員不斷熱心地說用沙煮到起泡是最佳的煮法。不喜歡咖啡的人絕對要試，因為佢沒有咖啡味。由於沒有咖啡因，24小時都飲得🤤個杯真的超級別緻，港女絕對要用來打卡！ 😍✨我們試了扁豆湯，這個好飲！豆味濃郁！可以一試。而且佢令我食得出大學時食清真飯堂的味道。說到飯堂, 店員見我們第一次食土耳其菜，佢特別介紹我們一款叫"chicken leg rice" 的主食。這個雞腿飯意外地和香港的相似！看來土耳其菜和香港菜意外地夾口味。如果未來我去土耳其旅行又思鄉，我一定會點這個飯！中間個龍酥糖也是香港的fusion 吧？ 不過又有些地方不同。這個甜品裡的Turkish delight和我香港食開的，或者手信有點不一樣。佢偏硬身，但想有點口感的話，這個會好一點。 另外那個黃色的口感則非常軟，形成強烈對比和互補。店員說是用了天然蜜糖做，朋友都食得出有點蜜糖味~另外店員還給了我們飲茶~個壺真的好靚，又是打卡的好時機！✨這兒因為位於酒店頂層，境色佈置不錯。而且私隱度超

今日同朋友去咗食一間土耳其餐廳， 佢係喺一間酒店嘅十九樓嘅地方。 因為都高而且算比較僻，所有顧客唔多，但就有個靚夜景。 如果想兩三個朋友靜靜地食餐飯，呢個餐廳係一個絕佳嘅選擇。我哋兩個人叫左個二人套餐同埋酒店嘅 沙煮咖啡。一開始例牌有個湯呢個湯都幾好飲，唔會好甜。因為佢可能有啲豆碎加左喺入面呀，飲起呢有少少質感，幾好飲。跟住係 JD euro沙律個沙律有啲生菜，青瓜，胡蘿蔔 ，蕃茄仔 ，成個沙律同平時嗰啲沙律冇乜大分別。佢係無肉係入邊，所以素食者可能會幾鐘意。素食風味薄餅素食pizza 個餡有洋蔥，三色椒，西蘭花， 菇菌同蕃茄醬。 嗰批嘅特色係個批底真係好薄 ，薄到同一張硬卡紙嘅厚度差唔多。烤雞腿飯個雞烤得都ok，好嫩滑又幾香口。有個混醬比你點隻雞，無甘乾身。伊斯坦堡龍鬚糖個糖比較硬身，要用幾大力先叉得到，入邊得D花生碎。個龍鬚好輕好薄身。土耳其沙煲咖啡佢個沙煲咖啡係主打無咖啡因，所以任何時候飲都得。十分推介比想靜靜地食飯傾計既朋友去依度食。

見到朋友嚟食，本身我好中意食土耳其菜，呢間新開未試過，即刻嚟試試當日lunchtime諗住BOOK定位，點知openrice app顯示full，於是冇booking膽粗粗上去啦唔知係咪老細嘅全程態度超級nice，好好招呼，見我等人又用個好靚茶壺斟茶俾我飲住等嚟之前都冇target食咩菜，反面一定想試turkish coffee，冇諗過即叫即整!前菜叫咗個伊斯坦堡雜菜薯仔，結果嚟咗薯條，好好味!都好多菜~羊架好好味，但係細舊，不過配飯夠哂飽啦聽佢推介叫多份煎三文魚，上碟「嘩咁大舊」油多咗d，冇計煎三文魚出油多d又有少少配菜，正甜品土耳其軟糖加類似龍鬚糖配咖啡好夾成晚就係佢招呼我地啦~ 好nice個杯好靚，特別有feel我諗如果有機會去土耳其旅行我會買番個要贊係可能平日去坐得好舒服雖然餐廳係酒店頂樓，但唔好太有期待「嘩係酒店餐廳會好有情調」當普通餐廳咁裝修唔錯，闊落光猛，人流少少位置好近油麻地地鐵站係廟街隔離

今日係油麻地睇完戲行行下後街巷見到一酒店門口推介性價比不錯既土耳其餐廳而且餐廳位置仲係酒店既頂層一於去試試.入到去睇到高處挑望既夜景,食品款式唔單止有土耳其菜仲有其他西餐,店長係土耳其籍身廉廚師作為老闆都親力親為.今次就點左dinner set for 2,由廚師發辦做決定,廚師首先問左我地唔食咩肉後就幫我地做準備,首先上菜既係沙律上菜幾特別碟下放左一塊原木既墊,沙律係雜菜沙律配上芝麻醬蔬菜有唔同款色最特別係有西蘭花估唔到西蘭花做沙律都幾特別.之後餐湯上菜上枱熱辣辣飲左一啖原來係豆蓉湯豆蓉打碎後飲落帶有少少碎蓉幾香味道淡淡地唔太濃容易入口配上蒜蓉包沾上少少湯再咬一口又多重口感.特色小食係將新鮮炸好既薯條配上炒好既3色椒加上芝麻醬伴匀,薯條親鮮炸好熱辣辣而且脆口三色椒甜甜地加上芝麻咸香食落幾特別.主菜廚師煮左一款羊架同雞,羊架全熟但咬落唔會咬唔開面層上黑椒但帶有少少羊膻味,雞肉以咖哩粉燒帶燒烤味又同時濃咖哩味雞肉都幾滑唔鞋口.甜品係特色酥糖感覺好似一層層既棉花糖同龍鬚糖既混合體甜甜地幾特別食完又唔會太滯再配上土耳其菜化膩.

香港係美食天堂，中、法、意、日、俄、韓等等應有盡有。前两天係油麻地圖書館搜集完資料，想食特別嘅晚餐，上Openrice找尋到一家位於上海街海景麗絲酒店19樓叫JD Euro (Jade) Cafe & Bar食土耳其美食嘅餐廳。就膽粗粗上去試試。 嘩！餐廳華麗典雅，左邊係一個開放式嘅酒吧，右邊座位全部採用軟淋淋嘅梳化。天花同牆壁嘅裝飾好有特色。睇餐牌期間，侍應已遞上一杯特色土耳其茶。茶味香純而特別。盛載土耳其茶嘅花茶壺，圖案精緻，顏色鮮豔奪目。放在沙爐上存溫，唔知係咪土耳其茶嘅特色呢？！第一次食土耳其菜，完全冇idea，亂點一通。扁豆湯濃稠適中，充滿豆香味。比起忌廉湯少一份油膩，加上檸檬汁後味道更突出。蕃茄、甘筍、洋蔥、黃椒、生菜及青瓜等全部新鮮爽脆，加入簡單醬汁，令到呢個沙律夠fresh。特色小食灑上蕃茄醬同薄荷醬嘅特色拼盆，薯條外香脆內軟綿綿，薯味十足，而燒茄子就軟稔，真係好有特色。香煎三文魚比手掌還要大，兩面煎到金黃色，三文魚油由內滲出，肉質仍保持嫩滑。薯蓉充滿濃香牛油味，蘆筍及西蘭花青綠爽嫩。龍鬚糖外型同口感好似龍鬚糖，食起來一絲絲入口即化，土耳其軟糖軟稔，兩者同樣甜在心裡。呢

以往慶生吾係中菜就係西餐，無乜新意。估唔到Honey今年有進步，搞搞新意思，預早book咗位於上海街海景麗絲酒店19樓嘅JD Euro (Jade) Cafe & Bar 為我慶生。步入餐廳的感覺就似進入酒店一樣，裝潢高雅，環境清靜，空間感 非常大，配合柔和嘅音樂令人感到舒適，環境已加分。剛坐下，型男熱情地斟上獨特嘅土耳其香茶，味道香而不濃。而盛載香茶嘅壺好靚。簇新嘅餐牌內有餐湯、甜品、pizza、沙律、下午茶、主菜、套餐及餐飲。是日晚餐Dinner set A for 2 扁豆湯扁豆湯好creamy，啖啖都充滿豆蓉。忌廉除咗裝飾個湯之外，滴上幾滴檸檬汁，令味道更提升。特式沙律 沙律菜新鮮爽脆，紅紅綠綠顏色豐富。特色小食薯條新鮮香脆，再加上茄子、紅椒。係第一次食到咁特別嘅配答，值得推介。招牌雞肉 香煎三文魚叫得招牌雞肉 ，當然係好嘢啦。 雞肉嫩滑juicy，配菜爽甜。再沾上特別嘅醬汁，味道清新，同中式嘅完全唔同。飯粒粒分明煙韌，有嚼口。因為對牛羊不太喜好，服務員窩心地提議我哋揀香煎三文魚。大大塊三文魚，兩面煎到金香色，而配菜亦不馬虎，薯蓉香軟，露筍同西蘭花就爽脆嫩綠。今年嘅"生日蛋糕

環境清淨舒適，食物的味道很不錯，最重要服務非常貼心周到！沒有鬧市中一般餐廳熙來攘往及趕客的態度，土耳其職員除了細心介紹地道食物及飲品外，連土耳其的平靚正酒店及景點等都推薦俾即將起行的飯局中的朋友們，非常熱情❤️好客，讚👍🏻、讚、讚......最後是非常驚喜的地方是觀賞了在熱沙爐上用傳統方法煮咖啡，嘩，一餐飯裡除了享受食物，還有異國風情，真心希望能保持如此水準，下次、下次的飯局都繼續光顧呢！

香港人一提起土耳其，一定會聯想到熱氣球，除此之外，仲會諗起土耳其咖啡，今次黎到一間土耳其餐廳食晚餐，靜靜地聽住土耳其歌，飲杯咖啡，融入土耳其文化。一埋位就叫左個二人餐，set 包左薯仔湯、沙律、薯條小食、蕃茄意粉，甜品，同埋兩杯飲品。先介紹一下薯仔湯、沙律同小食。薯仔湯啖啖都有薯仔蓉，每飲一啖都好有嚼勁。加上少量淡忌廉點綴，令成碗湯口感帶來香滑，味道更濃郁。沙律新鮮，份量多，唔同款式嘅沙律菜、蘿蔔都有，味道清新。小食係薄餅配薯條。薄餅味道咸咸甜甜，塊皮又薄又腍。薯條有茄汁配上，薯味重，好香脆，搭上青椒同紅、黃椒，呢款小食好有特色。食得越多越開胃，停唔到口。蕃茄意粉味道唔錯，一上碟已經聞到香噴噴。意粉用大量肉碎烹調，牛味十足，加上香草令意粉味道提升。一碟本來平平無奇嘅蕃茄意粉，經過用心製作，出來嘅效果可以如此不一樣，值得推薦。甜品係兩粒用朱古力醬畫上笑臉圖案嘅龍鬚糖。以白砂糖、麵粉、油三種材料製作出來嘅甜品，糖絲一般用上幾千條絲，拉絲之後捲成一團而成，食落有啲似棉花糖，軟綿綿。土耳其人製作個陣有時仲會加入椰絲、花生一齊食，甜甜地又易入口。餐飲嘅兩杯飲品選擇左土耳其咖啡同埋蘋果茶。咖啡味道