Jimmy's Kitchen (Moved) New Location

超級老牌餐廳, 全店裝潢保留了英國殖民地風格特色, 高貴典雅, 格外有情調, 招呼貼心周到! 奈何食物性價比越來越低, 可幸仍然有一班只活於中環的捧場客! 牛扒有點靭, 薯條唔脆! 海鮮更是失望透, 魚煎得過熟, 蝦竟是雪藏貨! 收呢個價錢食物質素應該可以好好多! 甜品一定點 “火焰雪山”侍應淋上威士忌酒到蛋白霜前, 會問食客是否已準備好相機, 全晚最期待的點火位! 切開後, 內裡有仍未溶化的雪糕, 配上濃濃酒味的幼滑蛋白霜, 最精彩始終只有您! 

最鍾意去懷舊風的餐廳！這家餐廳已有過百年歷史想試好耐終於搵咗個特別日子去試下先講環境 有一陣英國殖民地風格牆上還保留了一塊塊的花崗岩加上木柵的天花 配上紅的的沙發還有枱上的爉燭有種很高貴的感覺。前菜今次我們選了crab cake $158外脆內軟 蟹肉分量得足夠 不會只得麵粉這個很不錯👍🏻主菜點了daily special 牛仔排薄薄的 很juicy 不過略嫌有些少蘇 (可能是我的問題？)配上焗薯 麵包 蔬菜 都夠飽甜品當然有最出名的baked Alaska! 會著火的蛋糕原來入面是雪糕！好味推薦

每當想起懷舊西餐時其中總會想起佢 ： Jimmy's Kitchen 今日就同家人一齊來重溫舊式扒房。一入門口感覺依然充滿著舊時的味道Waiters 服務方便呢度永遠會給你一種細心的感覺，先會問你要溫水或凍水，其後會供上當日的麵包作介紹和給客人選擇今次就選擇了Oat bread & Tomato mix bread，配上牛油，作為一個開端最好不過 來到今日好期待的 Traditional French Onion Soup ($84)味道真係好正！再配上一少塊 toast + Gruyère cheese ，每啖湯充滿濃郁洋蔥味道，而且洋蔥相當多，冇得輸。簡直係一種享受呀 English Crab Cake ($158) is coming !!來到一家人都好鍾意的 Crab Cake, 整個蟹餅都係蟹肉沒太多多餘的材料可以講係真材實料處理 ，充滿口感！食過其他蟹餅好多都偏乾身同硬，呢度偏偏做到係好濕潤同乾身比例剛剛好而且 size 夠大件，想 share 都可以呢。Double Rib Lamb Chops ($398)主菜之一要出場了！呢個 Lamb Chops 肉質好好 而且火喉

適逢Restaurant Week，訂了位同家人重温舊式扒房据扒。星期四晚上的中環，街上人來人往，位處雲咸街頭的Jimmy’s Kitchen 非常易找。餐廳有酒吧部分，下次再跟友人Happy Hour。餐廳保留舊式扒房裝潢，非常有情調。老爸說自己幾十年前於中環番工時有光顧，小妹倒是第一次。Restaurant Week 有特別的餐牌，三道菜晚餐$298，實在抵食。我幫老爸點了surf & turf （+$88），其餘我們各點了牛扒及龍蝦，前菜有三文魚沙律及法式洋蔥湯，我當然點洋蔥湯，畢竟我是看中了餐牌有法式洋蔥湯而訂枱的。其實一坐下來，侍應已經拿著麵包籃過來，麵包選擇有法包、香草包、蕃茄包、麥包，我們每人都點了2款麵包，個人覺得法包最好，香脆可口，蕃茄包太濕，妹子說她選的香草包有很濃香草味，她很喜歡未幾，侍應奉上前菜，除了妹子選三文魚沙律，我們都選法式洋蔥湯。不枉我為洋蔥湯而來，洋蔥湯香氣四溢，湯上的法包芝士焗得香脆。評定一碗洋葱湯的好壞，首先由洋葱味道是否夠濃開始，第二重要的是洋葱要熟要軟，但必須保持質感，還有是湯身要較稀。在湯面的麵包要乾身耐泡，芝士要金黃但份量不能太多，否則會搶

乾咖哩蝦飯，濃濃咖哩味又粉粉黃色乾咖哩，對於食到大辣的我只是有少少辣啦，再加上彈牙新鮮除殻蝦同入曬乾咖哩精華，十分滋味餐廳位置係地牢，但一進入進餐廳，充滿懷舊英倫風格，而且環境悠靜，可與以三朋幾友去敍舊也是不錯選擇呀

大學同學飯聚，他知我為食，所以約了在這間老牌名店。已經好幾年沒有來，但是裝修及其懷舊味道依然不變，風采依然。難得來到，當然要點這裏的名物牛尾。牛尾果然名不虛傳，非常嫩滑入味，香濃味美，雖然餐已經跟了白飯，最後還是忍不住加飯。順帶一提這裏的另一名物三色包和羅宋湯水準亦甚佳。雖然現在高水準西餐廳越開越多，分子料理、Fusion菜等等大行其道，但是偶爾來這些老店，吃功底極之紮實的西餐，感覺還是相當舒服。

肉眼扒依然 juicy ，燉牛肉肉質鬆化，入口即溶，牛味香濃令齒頰留香。除咗食物，絕對感受英國殖民地風格，有90年歷史嘅Jimmy’s Kitchen，無論裝修氣派、待應服務都滲著英殖花樣年華。英國社會盛行精英主義，卻有教無類，總會留一度階梯讓下層樓憑著努力往上流。而離開餐廳，行過兩條街嘅中環IFC都差不多只聽到普通話。

好少可lunch食禁豪見同事lastday就開心一次啦呢間就係快要離職既同事揀佢話呢間同時係佢同佢太太會慶祝周年紀念既餐廳餐廳裝潢富有外國式設計原來係早期英殖時期開業既餐廳之一菜色方面推介咖哩因為以前印度都係英國殖民地所以英國人煮咖哩都有8/9成似除此之外仲叫左羊肉批 法式羊蔥湯同埋焗豬手焗豬手非常出色 皮脆肉軟底下有酸菜 夾住食完全沒有油膩感最後 叫左火熖雪山作一個總結外層蛋白非常滑 唔會太甜同時又有比火烘過既少少燶味加上內層凍冰冰既雪糕非常完美

好耐之前已聽朋友讚呢間老牌高級餐廳，終於都有機會來試，平日晚上唔太多人，侍應服務態度很好，會細心介紹每道菜。餐廳環境都唔錯，典雅舒服。前菜叫咗蟹餅，唔算大份，但蟹味十足，幾好食。招牌洋蔥湯，的確唔錯，很濃足料，喜歡洋蔥湯的人，必試。主菜叫了肉眼扒，牛味都算濃，中規中矩。讚一讚，免費的餐包有4款可選擇，每款都很好食!雖然好飽，但忍唔住要食埋個甜品，叫咗"火焰雪山", 都幾大份，如唔大食，3/4個人分都得。外層係蛋白，內層係朱古力雪糕，味道唔錯，火燒雪山果一刻，都幾精彩。推介留肚食呢個甜品!晚餐價錢唔算平，不過味道唔錯，環境又舒服，都會再來…佢有dinner set,  如餐單啱食，叫set就相對地抵好多。

返工成日都經過呢間餐廳，只知道佢好有歷史，但從未帮襯過。今次捉埋老公一家人試吓，睇吓有乜特别先。入到去，好classic, 掛滿香港嘅舊照片，木椅子，皮梳發，舊式扒房嘅樣子，好有feel呀！我哋有五個人，侍應安排咗一張圓枱俾我哋，好讓我哋好好聊天。Menu 應有盡有，好難揀！點咗onion soup, lobster bisque , Sunday roast set menu, chicken a la king, Jimmy's beef stronganoff, Angus New York striploin 。餐包都有三款，暖暖地，唔搽牛油都好好食。onion soup 好足料，半溶厚厚嘅cheese, 超多洋葱，yum! lobster bisque 好smooth 加埋蟹肉，好鮮，但唔夠味，要加少少盬。Sunday roast 好fatty, juicy, 喺係香港食過最好，脂肪渗着牛嘅甘香，肉好嫩滑，唔腻。配埋椰菜仔同Yorkshire pudding, 簡直一絶！chicken a la king, 全鷄胸，但一D都唔鞋，好！Beef stronganoff, 牛肉

Jimmy’s Kitchen 算係一間充滿懷舊又有情調嘅餐廳，最啱拍拖二人世界❤️❤️今晚我哋order 支紅酒丶生蠔丶西冷丶三文魚扒，我覺得西冷very good 😋, medium 煮得啱啱好， 而且好新鮮， 必食👍🏻。不過生蠔就麻麻地啦，如果以餐牌上嘅價錢， 可以食到質素好D嘅

一間很有歷史的餐廳，門上的字體不知用了多少年，但仍感到不少的活力。就如餐廳內的侍應一樣，雖然不少都是上了年紀的，但感覺他們不但勸快，而且盡力提供好的服務。午餐的前菜很特別：牛油果醬多士。第一次吃牛油果醬，很有質感，像是新鮮用牛油果製成的。配合香脆的多士，口感和味道都十分好。主菜是黑鱸魚柳，味道較為淡了一點。不過以白酒製成的醬汁就有助提升魚的味道，不錯。最後甜品就是這一餐的亮點：雪糕班尼。甜甜的雪糕配合甘味的黑朱古力班尼，味道豐富。加上一冷一熱，令整個口腔頓時豐富起來，叫人一試難忘。

吃飯最重要有三個元素，第一是跟誰吃，第二是在哪兒吃，第三是吃甚麼，所以除了食物質素外，餐廳的環境對我而言也是相當重要。占美廚房是香港的老牌西餐廳，儘管已經易手，但環境還是老樣子。剛進店內，我便立即被這裡的「傳統英國風」所吸引。這裡的侍應都相當資深，服務細心到位，我們剛坐下，侍應便拿著一籃麵包供我們挑選。吃完麵包，喝過香濃的洋蔥湯，便開始吃主菜，朋友吃燒春雞，我吃煎魚柳，魚肉鮮嫩味美，肉質富彈性。吃完一個傳統的英式布丁作甜品，再喝一杯咖啡，便完成了這一頓令人相當滿意的午餐。

Jimmy kitchen 以前香港的高級老牌餐廳，裏面的職員都是老夥計老人家,但是卻很有親切感，而且面帶笑容 令人感覺很溫暖！😁九月的時候 正在推廣生蠔優惠，半打生蠔 送一杯白酒，200多元 ！澳洲生蠔，爽甜 飽滿，而且很新鮮 很重的海水味！令人想一吃再吃！😋叫了一客 西冷牛扒，薯條炸得香脆，而且不太油膩，只是牛扒有點失望，牛味不太重，雖然還是外脆內嫩的！但是我比較喜歡吃牛味比較重，所以這個價錢 對我來說有點失色！朋友叫了 薯蓉包雞柳，一切開 香濃的湯 馬上流了 出來，很有驚喜，味道就不過不失吧！只是做功很精緻，很考功夫！攞嚟拍片一流😁

真係退步神速，啲食物難吃，以前嘅蘑菇湯都無絞碎，所有嘅食物都係凍嘅。啲三文魚好鞋，所謂daily special 的豬煮得好熟，完全係唔好食，服務勁差，一味得個大聲，不知所謂，茶餐廳不如。都唔知搞乜，呢間野真係好差好差，快啲執咗佢，大家唔使再去