玖五牛肉麵 (Closed)

得知超蓮喺銅鑼灣開左呢間牛肉麵，味道配方都參考台灣做法，做到盡善盡美!叫左招牌紅燒牛肉麵$78-牛肉都幾林同入味，湯底牛肉味香濃，但食食下慢慢會覺得咸左d。麵質有台灣風味，有咬口睇得出用心特製個湯底。另外，仲叫左小食甜不辣$24-幾抵食，又整得幾好味，好似彈牙既魚片咁，配個醬汁吊返d味，幾有水準。紅燒牛筋冬粉$88-冬粉即是粉絲，粉絲索哂d牛肉湯，更加入味。牛筋份量多，夠林，味道唔錯。我鐘意食冬粉多d。價錢可接受，可以一試。

.行過見冇乜人霖住試下，叫左兩碗麵 一碟小食。牛筋好似隔夜味，係酸嘅！牛肉好大舊，但都未到好入味🤷🏿‍♀️份量都足夠，兩人食都食唔完。珍珠奶茶冇想像中咁好味...同平時出面差唔多姐，賣點好似在環保的‘鐵飲管’只能說食一次就算，認真麻麻哋..

記得九月是喺銅鑼灣做完嘢，唔知食咩，當時見到有幾個人排呢一間牛肉麵，咁我就膽粗粗試吓。坐低時見到其他人食香噴噴嘅牛肉麵，咁我就叫咗個三拼牛面（$9x)，因為可以一次過試晒，牛筋牛肚牛肉都煮得好淋好入味，湯底就有少少鹹，面我就唔記得係咩質感，因為太耐前食，最記得係佢每人枱面都有樽酸菜可以任加，落左勁多，超正。個人感覺裝修企理乾淨，係牛肉麵貴左少少，份量以女仔來講算係多， 總括來講呢間可以再食，不過會夜晚嚟食， lunch來講已經覺得自己好豪氣，哈哈

牛肉麵味道一般般價格偏貴小菜也很普通我的照片拍得太美化了 食物味道真的很失望！！因為明星效應特意過來吃但真的和台灣的牛肉麵相差太遠了店面生意也很冷清飯點居然很多空位喔

簡簡單單食個拌麵😍😍麵條彈牙 肉醬夠多 油份剛好 青瓜絲解膩 搞掂晒yeah🤗🤗炸醬有丁點兒辣味 好惹味的!🤤🤤味道：7/10玖五牛肉麵炸醬麵$60📍銅鑼灣

不嬲都鐘意食台灣野，無奈食過本地好幾間台灣餐廳，唔係太濃味，太咸，就係味精超勁！今次係喺毫無research之下，放工八點幾行過謝斐道，見舖面新淨就入左呢間玖五牛肉麵食，都有驚喜喎！叫咗個紅燒湯底牛肉麵，麵底分量唔算多，不過麵質好彈牙，湯底唔會死鹹，牛展亦都好夠腍，唔錯唔錯！去到呢個台灣滷肉飯，味道方面都正常啦，唯獨是係肉燥嘅份量係奇少，真係好少，其實個味道係ok㗎，肉燥份量多份啲個balance會好好多！呢個豆魚係額外叫嘅小食，個驚喜位係，外皮係腐皮炸到香脆，入面係相對清淡嘅芽菜，再淋埋個蔴醬，清新得來口感又濃郁，下次再黎都會再嗌番呢個豆魚！

明星開餐廳通常都會吸引到好多人尼試一試 今日我就係因為何超蓮所以特登去銅鑼灣試下佢既牛肉🐃面係咪真係真材實料啦🙂-先講講環境🏝 老老實實有d似學生飯堂 不過佢又冇加一 而且服務員態度幾好👤 又會問返你好唔好味 值得加分食物方面 個湯底飲落去比較普通 淡淡既 雖然老老實實 我唔係成日食牛肉湯麵🤷🏻‍♂️ 但係我係台北食過比佢好幾多既紅燒牛肉湯麵🍜 麵都中規中矩 我叫左軟 佢亦都係軟 算合格 唯一比較特出既係佢既牛肉🐃 煮得幾淋 食落口唔錯👍👍 -🎈銅鑼灣駱克道399號金禧大廈地舖-平均傷害：$88好味值：5/10

近來於網上介紹最多 非「玖五牛肉麵」莫屬星期五晚上大概7時多 不用排隊便可入座店面裝修簡潔光猛 座位舒適 由於尚有下場 跟朋友都不打算食得太飽兩人都是各點一個麵加個菜就夠了 紅燒招牌三合一麵 $95用料唔少 牛腩及牛筋分別有三大塊湯頭有少許咸 放在枱面任添的的酸菜都不馬虎 不會太重味 再配麵條食就剛好 肉燥燙青菜 $28肉燥味道剛好再配青菜 係台灣平時食到的味道 雖然會比平時的牛肉麵貴 但味道不錯 如果人多可多試幾款小食都算為銅鑼灣帶多個新選擇

今日終於經過駱克道可以一嘗玖伍牛肉麵，服務好，上餐速度奇快飲品方便，紅豆奶茶非常甜，藍莓優格味道還可以!紅燒牛肉麵面質地非常有咬口，但略嫌湯底太凍，成碗野整體來講都算好味嘅!但不得不提就是他們地板感覺好像鋪左層油一樣我着波鞋都爭啲冼親，亦聽到有食客話地板非常油，所以呢方面嘅衛生真係要注重一下位置都算舒服，但價錢來說略嫌偏貴如果不是路過試一次還可以，畢竟在香港還有很多性價比近好近手工的食物值得我們試

由台灣引入到香港的牛肉麵店，前幾年曾在台灣吃過一次，對那香濃惹口的牛肉麵念念不忘，看看香港分店味道又如何～.麻辣三合一麵 HKD$95牛腩、牛筋、牛柏葉三合一的湯麵，湯底濃郁，麵底韌度剛好，只是有點不夠熱。.麻辣鴨血 HKD$32那辣汁調味得剛好，鴨血嫩滑可口👍🏻.冬瓜檸檬珍珠茶 HKD$31甜酸味剛好，很欣賞店裡採用環保鐵吸管👍🏻.珍珠奶茶 HKD$29甜味剛好，珍珠也很Q彈🤤同樣用上環保鐵吸管，經高溫消毒，絕對可以安心使用。

已經係第2次來九五啦！第一次主要想試乾拌，友人叫咗紅燒牛肉麵！半筋半肉乾拌($88)紅燒牛肉麵($78)招牌三合一蕃茄湯底牛肉麵 ($98) 百香果椰果特調($25) (特別喜愛佢地嘅飲品)第二次來突然想試番茄湯底🍅店員稱番茄湯底主要為香港人而設！其實湯麵有3種湯底：紅燒、番茄、麻辣上次偷食朋友嘅紅燒湯底，餐牌寫少辣，但小編覺得其實一D辣都無，連店員都話唔怕叫～味道香，麵條係小編喜愛嘅質感！決定下次來，一定要試埋麻辣湯底最後，大家可能都發現小編兩次都要叫甜不辣($24)。因為香港嘅台灣餐廳並唔係成日有的叫甜不辣架！所以大家唔好錯過，一定要叫喔，好有台灣嘅味道架！

一開張既時候 次次經過見到都有人龍岩岩星期五晚放工去試 已經冇人排隊 仲有吉枱其實見到呢個情況 都估到係得個gimmick 我地兩個人叫左一個招牌紅燒牛肉麵，蕃茄湯底半筋半肉 同兩個小食。招牌紅燒，朋友試完話好酸，我試左蕃茄湯底就覺得正常，不過麵好’un’，半筋半肉都係冇物特別，小菜都係好普通我食到最後直情覺得有d‘利’，食唔哂就賣單走人不過值得一讚係佢好環保，餐牌寫完可以擦，循環再用，飲管都係有metal個種，好支持環保👍🏻 呢到加返d印象分

有一日放工約咗朋友係灣仔，決定一齊試試超蓮嘅玖五牛肉麵！因為見到平日唔使排隊，而且想食好耐啦～～ 入到去見到餐廳嘅裝潢偏簡約，牆上掛滿明星嘅合照，一坐低就見到有張敬軒嘅相，食牛肉麵都見到軒仔，好開心呀！兩個人叫咗兩個主食同小食，滷肉飯同埋三合一紅燒牛肉麵，雖然價錢唔平，但份量都唔少，有齊牛筋、牛肉、牛肚等等，牛筋夠晒軟腍，牛肚都入味。不過湯底呢就唔係我鍾意嘅味道，因為玫五嘅湯底係啡色，帶少少酸，唔係平時食開好濃郁嘅牛肉麵湯底。我最鍾意嘅都係牛肉麵啲麵，呢隻粗粗地又扁嘅麵配湯食係最正！麵質有咬口之餘，唔會太腍唔會太硬，煮得啱啱好！真係淨麵都可以食一個！

🍜❤️已經尼食第二次超年牛肉麵新推出嘅台式骯髒阿華田$30, 同台式冬瓜珍珠奶茶$30都幾有意思😍🔥 惹味濃郁嘅牛肉麵湯底永遠都係令人留戀😍💕👉🏻牛筋面紅燒湯 $88👉🏻半筋半肉番茄湯底 $88👉🏻豆魚 $32👉🏻肉操燙青菜 $28而自從開張至今，我依然好喜歡麻辣系列既紅燒牛筋麵！正如店員所推介嘅，比較濃郁，唔係，係超級濃郁吖!!!😍 好多時出面食到嘅牛肉麵都係湯底同麵分開，但依碗牛筋面完全將佢融為一體，吸晒啲精華嘅感覺！牛筋超爽口彈牙，仲要一啲都唔癡牙！大贊！上次來的時候，成程仲有超年係店內打點一切，好貼地的女子👧🏻，比人一種好親切既感覺，好好的榜樣！ 因為係真實力，相信玖伍一定可以繼續打出名堂

在銅鑼灣逛完街, 想吃牛肉麵時, 便想到這間由何千金開的台灣牛肉麵店。我們六時正進去, 那時人不是太多。餐牌上的指示很清晰, 點牛肉麵也有步驟呢! 先是要選擇湯底口味, 然後選擇肉類和麵條, 再選擇要不要加辣。另外, 我們亦點了一些小菜來分享, 包括滷水蘿蔔、肉燥燙青菜、皮蛋豆腐。飲品方面, 我們點了藍莓優格和黑糖薑母檸檬茶。食物送上的速度很快, 我們枱上很快便放滿食物。蕃茄湯底牛筋麵的麵的分量有很多, 牛筋分量亦非常多, 大件, 很足料。牛筋應該炆了很久, 因為咬下去, 質感夠嫩、淋身, 亦帶微微彈牙的質感, 是我喜歡的口感。牛筋非常入味, 充分吸收到牛腩汁的濃味。麵條質感Q彈, 就算在湯裡浸了很久, 也不會因而變得淋身。但番茄湯底的番茄味不突出。鹵水蘿蔔很惹味,鹵水味突出, 蘿蔔夠淋身。