九份•十分 (Closed)

台灣嘢一向都受香港人歡迎，皆因味道有濃有淡，但係上水好少見台式餐廳，一見呢間「九份。十分」打正台灣口味旗號嘅餐廳開，即刻要嚟試一試。晚市有套餐，抵食架。我地叫了三個小菜，分別為：水煮牛肉/干扁四季豆/鹽酥三兄弟。牛肉正到不得了，首先雖說水煮，它並不太辣，而各種配料混合一齊就好香辣。牛肉仲keep到嫩，同d香辣湯一齊食，正！干扁四季豆，睇到d四季豆漲卜卜，就知它用料上乘！肉碎西季豆，香氣撲鼻，調味正宗，唔太鹹，好食。鹽酥三兄弟，即係鹽酥豬粒/炸魷魚鬚/炸菇，最緊要d炸粉唔厚，食材新鮮，炸完食一口唔覺油，三樣之中，魷魚鬚至愛，因為家下係香港買少見少，仲要大大條，好有兒時食果種感覺，like! 炸菇都好得，原來炸完唔乾，而且加上調味，有另一種好味道。係台式餐廳，點都要叫番杯珍珠，今次叫朱古力珍珠/香芋珍珠。呢度嘅珍珠good，軟硬適中，啱我地口味。朱古力同香芋都好飲，唔過甜，掂。

><㩒飛仔等嗌號碼 繁忙時間要預咗搭人枱 或者俾人搭枱鹽酥雞扒麵($45)有得揀粗麵定幼麵 湯底幾清配上酥炸雞扒熱氣嘢 可以平衡翻枱上有調味粉 可以畀你shum落鹽酥系列食品芝士 梅子 香辣 咖喱 紫菜 原味 鹽 胡椒仲有其他調味料鮮柑桔檸檬有半個柑桔仔浮喺面記得睇清楚單 有冇連人哋搭枱食嘅嘢 打埋落你張單到><><><><><><><><><><><><><><九份•十分 Jiufen Shifen上水彩園路8號彩園廣場3樓26號舖

岩岩係e間野食早餐 食完諗住結帳 佢冇俾單我 本身就咁走佢都會以為我埋左單（因為對面有果單丁友 埋左單）咁我出去俾錢 收銀條友話我 你冇單落唔到野食 我話我食完要俾錢 佢話邊果幫我落單 （係話 唔係問）仲唔想收我錢 收左其他人先我就爆佢 話唔知以為你係客

九份十分係沙田圍開嘅時候已經想試，但位置有啲遠。依家係上水開左緊係要即刻去試啦。九分十份嘅野食同野飲有勁多選擇，有選擇困難症嘅我真係好難揀，樣樣都想試。野飲揀左海綿寶寶($52)，係芒果沙冰，超大杯超有驚喜呀。仲要有芒果肉同埋就算溶左都唔會變到好淡食台灣野點少得滷肉飯($18)同麵線($28)，好有台灣嘅味道另外仲點左鹽酥雞($48)，有8款唔同嘅調味料俾客人自己加。芝士味好正呀！雞好脆，粉唔厚。蚵仔肉碎泡飯($58)，蚵仔同蜆嘅份量都好多，湯非常鮮甜。甜品點左草莓雪糕鬆餅($62)，每粒士多啤梨都整左粒心心，非常有心思，鬆餅都非常鬆軟。除左野食非常美味之外，服務員嘅態度都值得一讚，每一位都非常有禮貌，而且笑容滿面，令到食客都食得開心啲。

和朋友行完山出上水找地方吃晚飯，平時多數行去上水廣場那邊，今次怕人多，看到彩園邨那邊有個商場，就過去看看，果然找到這間合心水的想試試。坐低打開menu，頭幾版也是飲品，接著才到小食，餸菜，飯麵，還有火鍋，最後是甜品，相信這裡是主推飲品。我點了最愛的蚵仔肉碎泡飯$58，份量頗大，有好幾隻蚵仔都非常飽滿，飯湯比例剛好👍飲品選了熱柑桔檸檬，檸檬是綠色那種，非常甘香。朋友點了金門綜合海鮮飯(福建炒飯)$88，份量很大，足料好味另外兩位點了韭黃肉絲脆脆麵$68和阿嬌擔仔米$28，沒有嘗試，但賣相不錯。這餐廳店員亦親切有禮。

今日去完朋友屋企玩，咁岩係上水，就決定一齊食埋個晚餐。經過彩園廣場，行下行下見到間好特別既台灣餐廳「九份·十分」，睇下menu見幾岩食就決定試一試！入到去職員好有禮貌咁帶位，見呢排天氣凍又準備暖水比客人，真係好窩心！餐廳裝修都幾特別，配合返台灣既特色，有好多名信片既裝飾掛牆，而且座位都幾舒服！Menu都有好多選擇，我地叫左個半筋半肉牛肉麵，牛肉麵有得揀粗/幼，我地揀左粗麵。湯底都幾濃，有少少辣，牛肉份量都幾多，幾抵食！鹽酥雞都係必食的，餐廳預備左8重口味既調味粉係到比你自己落，任由你選擇！鹽酥雞新鮮炸起，好脆口，而我自己就鐘意芝士口味，絕配！哈哈！之後仲叫左個蚵仔泡飯，蚵仔好新鮮好肥美，一啲腥味都冇，除左蚵仔仲有蜆係入面，湯好鮮甜，難怪差不多每一枱食客都有叫！值得一試！最後緊係唔少得甜品，叫左個士多啤梨窩夫，由於係即叫即製，所以可能要等耐少少！嘩，一上枱，比佢個貌相吸引住，睇得出好比心機整，窩夫熱辣辣好脆口，配埋士多啤梨味雪糕同士多啤梨，簡直有冰火既感覺😂今餐食得好開心，值得再試！

呢間野係上水都開左一排最近見唔洗排隊終於有機會試店內裝修幾好比一般餐廳高level少少食台式野當然唔少得鹽酥雞同埋滷肉飯啦首先每張每張枱隔離都會有啲試管入邊裝住唔同嘅調味料客人可以按自己喜好落加唔同口味雞塊來講炸得真係好脆係脆到咬落有聲果隻都好高汁但滷肉飯啲汁質雖然好味但係唔係太夠另外跟餐仲可以加一杯台式野飲真係一個餐就可以體驗晒d台式風味我就叫左珍珠奶茶味道唔算太甜珍珠幾大粒總括來講都唔錯但有少少貴

上水火車站附近多數是連鎖快餐，彩園叫做有多啲選擇。我地去左呢間9份，十分。店員都好有禮貌既，而且枱面放左7色鹽同埋啲醬油，好似好吸引，點左兩個晚餐，分別是鹽酥雞腸仔肉燥飯同埋一個鹽酥雞排面，點知隔離台遲過我地黎，佢地食完我地啲野食都未到，我地追單佢先話無落單，但該名侍應三張台一齊落，得我地無入單，攪錯呀。點知再落單又入錯枱，仲大大聲疾呼，個客自己換左枱，個下堅嬲⋯又漏單又入錯單，仲話返個客轉頭，我唯有捉個侍應同佢講我無換台，你地做錯野唔好屈人。頭尾等左9個字先有野食，朋友話個肉燥好味，啲鹽酥雞都好滑有雞味，台灣豬肉腸就正常，仲搭咗幾條菜。我個鹽酥雞排面個面底好普通，蘿蔔無味又有渣，個湯都無咩味，係雞排份量算大大舊，但粉厚，肉質有啲乾，係勝在有唔同味既鹽可以玩，包括咖哩，海柳苔，之士，梅味，另外一樽是鹽，胡椒粉及正常椒鹽。總括黎講，食物唔差，價錢算值既，但如果服務好一點就更好了，最起碼唔好屈人先。P.S.雖然見佢有同返入漏單既員工講返，而佢都好似俾人擺上台，因為是收銀同事無入。希望個位同事自己留意下啦。

上水近日新開左九份十分，鐘意台灣野既我緊係忍唔住去幫襯下一打開menu,勁多選擇，剩係揀飲咩都揀左好耐，最後我叫左杯Orea曲奇珍珠奶茶，Oreo雪糕就食得多，奶茶真係未飲過，杯奶茶面鋪左層碎Oreo,個奶茶都有少少oreo色，飲落去有d oreo碎令成杯野飲落好有口感，鐘意食Oreo既朋友應該會鐘意，珍珠都好彈牙！我就叫左杯水果茶比媽媽，水果茶入面有勁多種水果，眼見有蘋果、橙、青檸，好有果味，好fresh,佢比左個杯仔你每飲一次倒一次，隨住時間慢慢過去，茶包浸得愈耐茶味愈出，個人覺得攪耐d好飲d黎食台灣野，點可以唔叫返個鹽酥雞！佢本身每張台都放左一排鹽酥雞粉，想食咩味可以自己落，每舊雞都好大件，而且炸得好香口，就算唔另外落粉就咁食都已經好好食，係平時食開果種味，但自己落粉就可以試下唔同味我地仲叫左個蚵仔肉碎泡飯，成個飯好有鮮味，本身以為泡飯會好淡味，但個湯有海鮮味之餘唔會令人覺得重口味，d蚵仔都幾大粒，冇縮水，咬落去好有口感，d飯都泡得岩岩好，唔會話淋到好似食緊粥咁最後當然唔少得甜品，我地叫左個草莓雪糕鬆餅，本來以為會好細份，但上碟果陣真係嘩一聲，好大份而且賣相唔錯，個窩夫岩岩出爐所

今日呀媽放假，我就陪左佢去探下婆婆，婆婆屋企附近新開左間九份十分，我地之前係其他分店食過覺得好好食，所以晚餐就決定左果到啦上水分店同我之前係其他分店食過既好唔同，佢本menu無論係飲品食物同甜品都多好多款，仲有埋dinner set,唔知係剩係上水分店先有定我太耐冇幫襯唔知所以分店都係咁依加黑糖珍珠鮮奶賣到周街都係，估唔到連呢到都有，我忍唔住即刻叫返杯試下，睇下同出面有咩分別呢到既黑糖珍珠鮮奶都有用黑糖圍住杯邊，望落都幾吸引，我諗同出面最大分別係，呢到既冇咁甜，完全可以飲到牛奶味，黑糖珍珠黑糖味好足，但成杯野甜味既來源，怕甜既朋友可以試下，出面果d名店既一般都好甜，但呢杯就岩岩好我地突登叫左杯熱飲比婆婆，我地點左杯熱蜂蜜菊花薑蜜，婆婆話杯野好好飲，甜甜地又幾暖身，如果帶屋企老人家黎食飯既朋友可以考慮下點呢杯！我媽媽平時同fd成日食水煮魚，估唔到連呢到都有，呀媽一見到就話要黎一份，呢到水煮魚有幾多配料，首先個湯底夠哂麻夠哂辣，但味道係出面從未試過，都幾新鮮。魚好嫩滑，入口即溶，d黑木耳都好爽口，本身以為得魚同菜，個唔到有薯粉係入面！勁驚喜我地仲叫左個涼拌三小碟，可以係個list到自選三個

平時去開沙田圍間九份十分，知道上水彩園商場開咗間九份十分，今晚同老友就去開餐！先來一個甜菜根田園沙律拌意大利黑醋，紅菜頭好甜，沙律菜好多又新鮮，意大利黑醋好香，配得好好前菜，醉小三（鴨舌，雞，豬手）陣陣醉香味，正除了沙律之外，叫多個菜食，干煸四季豆，欖菜好香，四季豆又脆口見到餐廳有提供酸菜魚片，立即叫個食下先，魚片薄身，冇骨，酸菜，芽菜又多，微微辣，同酸味配得好出色，夠醒胃！叫咗個松子薑米蛋白素菜炒飯，好多松子粒，我最愛，少盬少油，健康之選朋友叫咗杯陳年老桔蜜，好潤喉我叫咗杯熱黑糖薑母茶，好暖身！枱上有個調味架，好別緻，好吸晴！有好多調味料，任君選擇！好貼心餐牌第一頁好有趣，係有關台式特飲，叫自己話事，可以選擇凍飲時揀冰的份量，糖份多少，夠窩心！最值得一讚的是店內的服務人員，每位都笑容可嘉，有禮貌

繼續逼爆枱面嘅節奏yoyo😄😄一夾起ju麵已經巧興奮 啲麵粗過條皮帶啊😂😂擔保你啜得吃力 + suet到成面都係🤣🤣當然保證口感十足啦😋😋湯底也是濃味的😊😊可是那鹽酥排骨原來是呃秤der🤨🤨冇肉嘅🙄🙄呢隻豬係咪每次都爭食失敗養到得棚骨啊😢😢食得我好唔開心呀😭😭味道：6.5/10九份十份鹽酥排骨拉麵 (粗)$58

今日同friend去開上水，去到夜晚就去搵野食，行左好耐，見到呢間餐廳好新淨，又好多人幫襯，就一於去試一試!!! 入面d位好闊落，都幾多卡位坐，環境幾舒服, relaxing~~~ 我地叫左個芭樂鳳梨鹽水雞，佢d汁好正，酸酸地又撈埋芝麻醬!!!好開胃!!! 我地再叫左個 台式肉鬆芝士蛋卷，都好大份，正!!! 食台灣野當然唔少得鹽酥雞啦!!!!! 我地叫左一份鹽酥雞，d雞好大件，又唔會好厚粉，所以好好食!!!! 間餐廳好細心，每張枱都有自助調味料，有好多選擇，唔錯!!!! 主食我地就叫左一個 基隆海鮮雜錦泡飯!!!! 個泡飯都幾大碗，我地每人都分到2碗!!! 個泡飯仲好足料，有蝦有蜆!!! 好好食!!! 野飲我地叫左 暗黑系甜心，即係oreo曲奇沙冰，同埋黑糖珍珠鮮奶！！好大杯，好好飲！正呀～

今午去大西北效遊，咁啱有朋友住上水，就約佢晚飯聚一聚。佢話彩園美食廣場新開了間台灣嘢，叫我同佢試下喎，咁當然無問題啦。聽講話彩園廣場得4間食肆，咁就梗係時時要排晒隊啦，好彩朋友早少少去攞位，唔係都要等下喇。餐廳好大，裝潢新式，一啲都唔似屋邨茶記餐廳。睇睇餐牌大部分都是台灣菜式，亦有少量廣東或者西餐，照顧不同需要。台菜一定點牛肉麵，見有牛三寶當然就點這個啦：牛腩牛肚牛筋各有三大件，牛腩軟而不削，濃牛味，毛肚腍滑，牛筋夠腍唔會爛同胡口，麵條爽滑有咬口，湯底有少少藥材味，濃淡適中，出色！醉豬手：豬皮雪白爽彈，幾濃酒味，都有少杞子清香。酸菜魚：魚很滑無骨，無腥味，酸菜酸豆味醒神，有少少辣，鍋底還有水晶粉同芽菜。水煮魚：比起四川重慶那種辣味比較輕，但都幾辣㗎，魚片同酸菜魚一樣又滑又甜，鍋底都有水晶粉，但請小心因會吸收了辣汁，會幾辣的。老乾媽炒飯，好有鑊氣，味調得幾好，只有蛋同肉碎都已經😋😋😋。蚵仔煎：蠔仔好多又飽滿，粉漿Q彈，有蛋香，加埋甜辣醬非常惹味。維多利亞秘密：即係雜苺和乳酪打成的沙冰，嚟到時真係嚇一大跳，係成座山咁高😂好底飲，微酸唔太甜，味道清新又抗氧化，女士首選👍💗

今日同兩個朋友去開上水, 上水真係好多人, 又唔想食譚仔, 有人提意去食台灣野~ 我突然醒起係彩園邨有一間新開叫"九份十分"既台式料理店~ 今日就一於去試下~ 星期二晚8點~ 去到九份十分, 都幾多人~ 8成入座, 好好彩我地WALK IN 都有4人卡位~ 實在係太好了~ 坐底睇下個餐牌又唔貴喎~ 我地叫咗兩個紅燒三寶麵, 一粗一幼麵, 各$65 醉豬手$52, 蚵仔煎$38 細滷水併盆$68 飲品叫咗維多利亞的秘密$52 同熱芋香珍珠 $28 首先講下佢個芋香珍珠奶茶, 好耐都無飲過真係手搖出黎既珍珠奶茶(睇面頭D奶泡) 係真係香滑D, 珍珠有咬口, 好飲過出面個D啦~ 紅燒三寶麵--- 牛腩好厚, 牛筋炆得好林~ 粗麵好似係手幹面咁, ~ 好煙UN~ 湯底好濃, 整體成碗面都好高分~~ 小食醉豬手好香花紹酒味~ 好爽口, 好好味~ 蚵仔煎做得好傳統台灣味道~ 煙煙UN UN咁~ 正~~~ 維多利亞的秘密, 其實即係雜莓沙冰~ 好大杯~ 要兩個人SHARE先飲得哂~ 同埋不是太甜~ 幾好~ 值得一讚~ 全部食物都好好味~ 值得推介~ GOOD~