九份•十分 (Closed)

今晚同屋企人去屋企附近呢間台式餐廳食飯，睇睇menu，超多選擇，揭咗好耐先睇哂！好不容易終於點到菜台式鹽酥雞枱面有好多款調味粉可自行調配，令客人可以一次過試匀哂咁多款口味，真貼心！其中我最喜歡嘅就係芝士同梅子味台式烤香腸好有心思，香腸𠝹開咗，放咗蒜片，每一口都有香蒜味道。台灣腸本身都燒得好香，味道香濃，不錯。老虎醬鴨舌鴨舌超肥美，啖啖肉！個醬係微辣，好香，送酒一流萬巒豬手豬手好腍好入味，我地好快就食哂。櫻花蝦高麗菜煎蛋餅比想像中大份，個醬酸酸甜甜好開胃，材料簡單但成個配搭好夾。剁椒蒸比目魚魚肉好滑，唔會太多骨。魚上鋪滿蒜蓉，辣辣地，啱哂我口味。鮮柑桔🍊檸檬🍋由於太多野食，揀咗款清清地嘅飲品，酸酸甜甜，味道ok。

這餐廳超多台灣菜選擇，很多都很好吃😋環境美美的，以台鐵爲主題作裝修。先點了炸小吃，有雞軟骨，魷魚和炸杏鮑菇，炸很很好👍🏻不油膩但超級脆喔！而且還有不同味道的粉可以加上面，有原味，香辣，咖哩，梅子等等，個人覺得咖哩幾好味飲品點了黑武士之劍，很特別，杯中的是牛奶冰棒，淋上熱朱古力令冰棒溶化，朱古力味超濃，很香很好飲😆也很好玩。甜品點了珍寶三色粉，有很多料，還有燕窩喔！很高級！青瓜梳打很特別👍🏻青瓜肉打溶了，很香醉小三，超濃酒味這個凰梨蝦球有很多隻蝦，蝦肉也很爽，醬汁甜甜酸酸很開胃，好吃😋忌廉芝士磨菇雞奕，是去骨的，很合懶人吃😂 裏面有滿滿的忌廉和磨菇，又香又滑，外皮焗得很香，有少少脆。整體很好吃，真是超多選擇，真心喜歡這餐廳😋會再來

香港人愛到台灣旅行, 主要原因就是被台灣的美食所吸引, 因此有越來越多的台式餐廳在香港開業, 其中一間就是九份•十分, 在食友口中得知原來這店的水準不錯，那就事不宜遲, 找了一晚上來試試。來的時候是周五，店內裝修潔淨企理，座在其中感覺還不錯。坐下來, 先看看餐牌, 飲品有多款選擇，個人而言喜愛在台灣已有很久歷史的冬瓜茶, 飲落味道清甜自然，配合台式食物也合適。先來醉小三, 包括有醉鴨舌、醉雞和醉豬手, 其實「醉」菜式是一點不易做的，食物要有酒香又要維持口感。醉鴨舌夠凍而肉質也爽，酒味香而不過濃, 涼涼的也好吃。醉雞的雞肉浸得很軟滑，肉質鮮嫩入味，口感就像吃浸過酒及放涼了的雞肉。醉豬手的皮厚且爽脆, 肉質軟腍, 有濃濃的酒香味道。紅燒牛肉麵是其中一道招牌菜, 先喝一口牛湯，湯頭夠熱, 味道濃郁，牛肉炆得鬆化而不韌，牛筋食落爽口, 也不會炆得過腍, 麵條有咬口之餘, 索滿牛湯同吃, 就更加滋味。甜品環節有花美男遇見, 包括有花美男、芋圓及愛玉, 淋上花奶及煉奶, 芋圓十分有咬口，愛玉滑嘟嘟，花美男就非常Q彈，有水準的一道甜品。以這個食物水準和價格,理應不愁生意，就當晚所見人客也不少, 看來

好日也不來上水，就開一下openrice 看有甚麼好吃，就看到這家九份十份，台灣東西排名又好像不錯。點了一點下午茶，叉燒薑粒菜菜飯，濕的，我還為台式炒飯是這樣。盛載的器皿就像個狗盤的鐵兜，我以為這是台式的做法。鹽酥雞是冷的，像KFC的8塊的一口雞粒，唯枱上有枝枝的味粉，甚有玩味，有咖哩粉、芝士粉和梅子粉等等。蜂蜜珍珠奶茶沒珍珠，然後珍珠黏在一起，在咀裡就黏在牙間。珍珠奶茶沒珍珠就可見得員工的認真程度就這樣，而且味道也十分差。不要看到台灣兩個字就衝進去。

新開業時大概2/2019 第一次食，食完個刻同自己講唔會再黎食，因為：鹽酥雞肉燥飯（鹽酥雞竟然有骨，炸粉太多，冇咩雞肉，同唔夠味，雖然可以自己落調味粉，但出粉個孔太細，落咗都係覺得唔夠味）6/2019決定再黎試下有冇改善，竟然有驚喜：魚腐瓜粒鹽酥雞湯飯（今次鹽酥雞啖啖肉，炸粉適中，味道適中，魚腐瓜粒煮得好清甜，好啱小朋友食）鹽酥排骨闊麵（炸粉較厚，味道偏淡，太多骨，闊面好似手打咁好彈牙，湯底唔算濃味）柯仔煎（粉漿太多，有菜響底，唔太啱我口味）珍珠奶茶(珍珠好彈牙同大粒，不過茶味偏淡)凍咖啡（奶太多，咖啡味淡，有待改善）

台式店黎講，環境唔錯，舒適的👍🏻但食物一般，當然這個價錢是合理的，當日我點了一個白肉冷麵，賣相唔錯😍但本人覺得食物太濃味😓我叫了一杯熱奶茶，質數都係港式奶茶好味，可能因為係台式口味，所以茶味唔夠濃😆但都可以接受的，職員服務唔錯👍🏻雖然本人覺得食物一般，但環境舒適關係，我都會再去😌

今日下午二時多，經過上水彩園廣場，見到呢一間食台灣野，於是入去試吓！地方都幾闊落，座位充足！大約有90個座位！有梳化位提供！店員都幾有禮貌。落單點食物都好快手。我點了三款食物和一杯飲品。第一款係忌廉芝士蘑菇雞翼，雞翼內有芝士和兩塊蘑菇，咬落去軟林林，重重嘅芝士味好好食，賣相亦都不錯，有蔬菜伴碟。第二款係阿嬌擔仔麵，跟「度小月」一樣的份量，細細一碗，有quota叫多幾款小食。第三款係芭樂鳳梨鹽水雞，餐牌寫着是辣的，份量比餐牌的多好多，足夠三個人食嘅份量，內有芝麻醬整成嘅切雞肉、菠蘿、芭樂、紫洋蔥和青瓜，係一款好開胃嘅夏天小食！飲品方面我點了綜合水果茶，賣相幾靚，有一個小杯子俾你倒落去飲，杯子入面有一片檸檬，水果有蘋果、青檸、橙同埋一棵話梅，甜甜地酸酸地，好適合夏天飲！總結，這間餐廳食物不錯！

呢間餐廳雖然唔係開左好多年，但近期成為左我地lunch 大熱。餐廳環境同茶餐廳差唔多，不過就靜小小，佈置優雅小小。食物種類有好多，餐牌都有更新過。不過主要都係食台灣菜。雞扒，涵肉飯麵等等都有。之前通常都係食雞扒麵，麵底唔差，唔會太淋亦有小小彈性，湯底就無特別烹調過既，至於雞扒就炸得脆，大塊，但唔會好油。餐廳特別之處，就係佢有好多調味米，客人可以自由選擇，為自己既雞扒同其他餸菜調味。有海苔，咖哩，酸梅等等。今次叫左個常餐，性價比好好，有一碗大既米粉，配有炒蛋同雞扒，全部既調味都好夠，雞扒都唔乾身，辣米粉令人好滿足。不得不埋，個常餐既麵類同肉類都係可以自由搭配。同事食炸雞粒都話好好食

今日放工, 見攰攰地就去上水火車站附近彩園商場覓食, 記得上次去'九份.十分'餐廳食過台灣菜, 環境幾乾淨, 座位又 舒適, 光線充足及室內燈飾怖置好有創意, 有台式及中式茶式, 咁今次再來我哋就叫中式小菜啦, 我點了 '宜蘭車站火腩大膳煲' - 大膳片份量冇諗過會有咁多片呀, 肉質又結實彈牙, 加上火腩及其他配料炆得好入味, 跟住再點了 '沙茶牛肉濕炒河'-雖沒有太大驚喜, 但上碟時夠熱騰騰的, 牛肉又軟淋冇筋, 獻汁味道也夠濃厚, 價錢$68一碟, 相對比較出面酒家或飯店價錢及質數還要好及抵食, 朋友話想清清地食蒸豆腐, 咁就隨意叫了 '深坑老街蝦膠蒸豆腐' 真係簡簡單單呀, 不過'蝦膠肉'就好有成意, 真係好夠彈牙又大舊, 最後叫了我最最喜愛之 '醉鴨舌', 酒香很濃, 到店必點, 加上台式珍珠奶茶, 好飽好滿足店內還有很多台式飲品及甜品, 因為今次碟碟餸都大大碟, 沒有辦法再食, 下次一定要食我喜愛之涼粉芋圓呀

第一次到呢個商場覓食，發現原來有好多選擇，今次同朋友試左台灣美食。一聽餐廳名「九份十份」就覺得好有親切感☺️果然睇menu就見到好多熟悉既台灣菜。不過除左台灣菜，仲見到有d港式小炒類，多選擇到樣樣都想食😂😂鹽酥三兄弟分別有雞脾菇，魷魚酥同雞軟骨，作為前菜真係一流，一次滿足曬幾個願望忌廉磨菇芝士雞翼入面有滿滿的餡，去曬骨，不過由於加左忌廉同芝士，食落有d飽😂涼拌三小碟有好多野揀，最後我地揀左青瓜，五香牛展，山葵雞絲粉皮，個人覺得雞絲粉皮最有驚喜，撈左wasabi, 令成個菜都好開胃😋😋醉小三試埋佢既醉雞同醉豬手醉鴨舌，鴨舌好肥美呀，好多肉，花雕酒味幾濃，適合中意花雕酒煮餸既朋友基隆夜市炒蜆好大碟，有穫氣，送飯一流👍唔覺唔覺食曬成碟珍寶三色涼粉最後點少得唔叫甜品，有好多選擇，鬆餅涼粉芋圓都有，好台式！我地點左最勁既三色涼粉，裡面除左有涼粉仲有好hit既桃膠，芋圓，雪燕多種配搭，岩曬我地呢d樣樣想食既朋友呀！上甜品時我地都呆一呆，因此真係好！大！份！呀整體來講，呢間餐廳選擇多，份量大，值得試試

吃了數次，味道是不錯。但今次去，突然出現一堆邏輯混亂、無禮貌、手腳不協調，且帶鄉音的女侍應。-首先，今次我一個人去，由2,3個侍應安排坐在一個已坐下3人的4人枱。我一坐就點餐，剛安排我坐下的其中一個侍應問我是否1個人⋯⋯-然後，落單混亂，我問黑糖珍珠奶茶可否少甜，一時話有一時話無，再者覆單唔清唔楚，但總算成功落完。-再然後過了20分鐘，有另一位客人坐了我對面，他們可以把新來的客人跟我的單合併在一起。新客人問單是否出錯，她們一開始還指責新客人不明白單的內容。到底是誰不明白？-再再然後，旁邊兩位客人其中一個電話響，行開了聽電話，在枱面還有食物飲品的情況下，她們竟然馬上安排另一位新客人坐下⋯⋯-最後，我的黑糖珍珠奶茶過了30分鐘還未到，直到我食完所有食物，再三查詢先出現。-還有一堆抹枱手勢混亂、拿Menu撞到我頭、講野談天大聲⋯⋯

今日同女朋友黎到上水揾食 聽朋友講有間台灣野幾好食 所以今日黎試下可能因為今日食得比較夜 人好少 上菜快 但快得黎質素冇影響 呢下抵讚食台灣野點可以唔食『招牌滷肉飯』 飯既軟硬度係中上 偏向硬果邊 可能係因應有汁既關係 食落岩岩好 滷肉既香味滲晒入D飯到 大讚『櫻花蝦高麗菜煎蛋餅』蛋餅好厚身 但唔會好實 好多櫻花蝦好香口 加埋高麗菜 好有口感 有層次女朋友好鐘意『黃金四季豆』四季豆軟淋入味 咸蛋既咸香入晒四季豆 鹽都唔駛落 可以另到唔鐘意咸蛋既我都係咁食『黃金脆豆腐』咸蛋味比四季豆重好多 好實在 豆腐炸得岩岩好 唔會有過熟既情況出現 好味黎到飲品 我叫左Oreo珍珠奶茶 保持到珍珠奶茶既水準 只係多左陣Oreo味 女朋友叫左杯『黑武士之劍（360北海道牛乳冰棒+比利時朱古力）』朱古力上桌既時候係野 將冰棒放落去 搞勻佢 味道有D似維X朱古力奶 好滑口 好濃朱古力味 有飲開朱古力奶既人 一定會鐘意👍👍👍

「九份‧十份」，聽個名就估到係食台式野，近來上水開分店，難得幾近就試下啦！😬果晚好夜先去到，好怕佢會唔比再落單，點知見到接近10點都仲有人坐低點野食。😲—Menu有勁多勁多選擇，中式台式西式，乜都有。淨係揀食咩都揀左勁耐。😂—調味架有哂唔同既調味料，可以根據個人口味去落。不過果晚所有野食都好夠味，唔洗加任何野都得啦。😉—台式肉躁飯10幾蚊一碗飯，睇落去細細碗，但份量都算唔錯啦。肉躁既味道唔會好咸，撈飯好夠味。☺️一開始見到個底好似有啲水咁，後來男朋友話係油黎。啲飯偏濕，好似油飯咁，幾香。😚—黃金四季豆「黃金」既菜式食唔少，但配四季豆既真係未試過。😱咸蛋黃炒既菜式通常都好咸，但係呢個出奇地唔會喎。有咸蛋黃味，但唔會好咸好漏，就咁空口食都得。成晚藍妹都主攻食呢個😆太大碟，兩個人都食唔哂。—櫻花蝦高麗菜煎蛋餅（海山醬）呢個蛋餅睇到已經好飽，好厚身！佢呢個蛋餅唔係「實的的」果種，裡面既蛋係一層層既，唔會覺得食緊成舊粉餅咁。😊櫻花蝦味道都幾濃，不過如果好似藍妹咁唔鐘意食蝦同醬，都可以直接撥走佢。😂3大塊，食哂都咪話唔飽。—黃金脆皮豆腐藍妹後來先發現叫左兩樣黃金既菜式，有啲重複添。🙄不過好神奇，兩個

點了肉碎蠔仔粥:來到面前竟然混雜蜆肉的蠔仔粥， 令到蠔仔粥的鮮味完全消失。我問 當時的職員 是否有人放錯了蜆肉入內， 他們竟然說由開鋪頭已來 ，蠔仔粥內是有蜆肉的。因此我好奇問他們，是否蠔餅內亦都有蜆肉？ 職員也說蠔餅內，亦是混有蜆肉的。若果一心想吃，只有蠔仔 加蛋的蠔餅， 請考慮清楚， 是否 在此店吃 ？真的太神奇了 ，竟然我想食嘅蠔仔粥內， 蜆肉 還多個蠔仔， 令到 粥內的蠔仔鮮味消失了。 他們的 食品別樹一格，令我不敢 再幫襯。

住喺大西北有時真係搵間正常既餐廳都有困難，今晚去左呢間九份十份覺得佢好有試意，真係唔好以為係領展d商場就無好野。首先聽個名就知道係食台灣菜，餐廳都裝修得好有特色，好有台灣地道小食既感覺，而且座位夠闊落坐得好舒服，感覺唔錯。食物方面，首先係冷盤芭樂鳳梨鹽水雞，鳳梨夠甜好開胃，估唔到到咸咸地既鹽水雞咁夾。台灣鹽酥排骨粒幾有驚喜皮夠酥脆排骨又入味，仲可以按自己口味落調味料粉。忌廉芝士磨菇雞翼啖啖肉，芝士味香濃好邪惡但又好好味。紅燒三寶幼麵真係重點推介，首先份量勁多，三種餸都夠淋又夠入味，湯底好香，麵質彈牙煮得啱啱好，成碗麵都好出色，性質比好高。另一推介係宜蘭車站火腩大鱔煲，呢個黎遠都已經覺得好香，肉質彈牙，火腩夠哂入味，咸咸地好香口。最後係特飲宇治抹茶紅豆鮮奶，奶滑茶香，我覺得味道比平時街邊一杯杯果d更好飲。青青草原好重茶味帶有少少奶香既沙冰，解暑一流。九份十份已經成為我北區其中一個食堂👍