JK Brother’s (Closed)

火煱既蓋都冇，等左半個鐘都唔識滾，員工淨係拎隻碟蓋住個煱😡😡😡😡😡😡😡😡魚生方面三文魚有筋，墨魚片冇味，泰式虎蝦好明顯係用凍水浸住解凍變（梅左）所謂既活八爪魚連鬚都見唔到韓式醬油蝦同鮑魚，只不過就係豉油同蒜浸，啲蝦仲要係寶達可以買到個啲紅蝦黎，完全稱唔上韓式醬油自助既所謂既熱食係凍既，個爐冇哂gas員工見到都唔換，要直接同佢講先會處理下自助拎既蝦竟然係用響鈴個兜比人裝住，仲要有好多都係死左，比人撥哂埋一邊完全失望 ☹

Lunch 貴個餐 ($163)去之前睇過好多YouTuber 介紹，睇落好似幾好，所以同咗朋友去試。我哋揀咗壽喜燒湯底，個人覺得甜得濟。-好坦白講，Lunch 食物同飲品嘅選擇合理，但冇乜值錢嘅嘢食，我剩係狂食牛同飲茶。自助區配料剩係試咗花膠同蜂巢豆腐，兩樣都ok，同個湯底都夾。熟食試咗奶黃牛角包、雞翼、麥樂雞同薯角。麥樂雞就係普通嘅麥樂雞，薯角有啲擺咗好耐嘅感覺唔係太好食，雞翼有毛所以冇食哂成隻，奶黃牛角包唔夠熱但質素ok。牛肉一開始有一盤個樣怪怪哋(左上角張相），之後全部都冇問題，算有肉味，我大概食咗50塊左右。所以我唸如果Lunch 食貴牛餐主力都係食牛。-總結來講，如果要試呢間應該Dinner 嚟，如果Lunch去就食平啲（$97）嘅餐啦。 :0-味道/Taste: 7.4/10抵食/Value of money: 7.2/10環境/Environment: 6.5/10服務/Service: 8.2/10

係近佐敦同尖沙咀交界嘅呢間樓上邊爐，聽過好多人話好食，於是早一個星期book位，佢有個apps去confirm同提醒booking，食飯個日職員會再打俾你confirm多次，真係幾好。我哋食嘅星期六夜晚，248元另加10元，可以食兩個鐘。夠哂韓國啦鋪頭唔大，但基本都有哂，而且熟食都有好幾款。自己海鮮自己撈，大頭蝦係必撈。湯底我哋揀咗韓式雪濃湯鍋，味道真係幾濃，菜都好夠味，唔駛煮太耐。食呢間牛唔係重點，係所有海鮮類！大頭蝦膏夠多，又夠新鮮，唔駛滾太耐。不過由於幾生猛，撈起記得用冰蓋住，免得彈走。醬油系列都必點，食到我哋狂點，夠味，又彈牙。多款飲品，有酒無酒都有，連梅酒清酒都有。甜品方面真係無得輸，movenpick係最正，如果你食個日仲見到佢，請記得拎黎食。

星期六中午大約12:50，我們到這間餐廳門口排隊等候入座，等候地方非常窄，門口位置空間大約企了10人左右，隨即之後，有位身形肥胖的男子說行入啲，之後好快有職員低位入座。入座後，我們好快點了一個價錢最平的美國穀飼肥牛。第一輪是職員遞上三碟肥牛，油脂分佈比例大約一半，可算是正常。而其他熟食，都可以叫不過不失。第二輪，我們再點多兩碟肥牛，結果強差人意，其中有一碟油脂分佈比例幾乎是全塊是肥膏🤬🤬🤬⋯⋯一分錢一分貨是這個質素嗎？

今年生日飯 本來朋友話去酒店食慶祝但係想幫襯下「良心」店 所以轉嚟呢間「良心」店如果玩唔耐 都要多謝呢啲同行諗住大家同路人會有禮貌一點對大家原來唔會 你有禮貌 對方都可以冇禮貌而且態度好差 唔好講呢一個係咪服務行業係做人最基本嘅禮貌都冇 坦白講我唔需要好好嘅服務但係我希望有返個基本嘅尊重我都好公道 啲嘢食係唔差不過如果本着一個啲嘢好抵食半賣半送你仲想點 嘅心態 你侮辱咗你啲客人 侮辱咗同路人奉勸各位 如果你想食得開心一點千祈唔好嚟呢間，會貼錢買難受呢間野連基本嘅尊重都俾唔到你Book咗6點 ，員工話8點交枱 遲咗少少 6點3上到去，入坐時間6點18分到咗8點 已經趕人離場，我話可唔可以俾多少少時間食埋杯雪糕，5分鐘內就可以，一位企門口嘅女店員走埋嚟 好態度勁惡咁趕我哋走，鬧我哋話講到明8點交枱首先我哋應承8點交枱，係諗住6點入坐，食120分鐘可以8點交枱，但係6點18分入坐，expect食到8點18分先走，8點就開始趕人走，但係因為知道自己本身自己遲，所以都冇要求食足120分鐘只係希望多5分鐘時間食埋個雪糕，都要俾人勁惡咁趕走，連嗰5分鐘都唔俾你。講到明係食120分鐘，食唔足120分鐘

#wetdodo_尖沙咀💛之前見有碗話碗都話抵食即刻bookmark！試過之後真係覺得cp值好高🤩放題有海鮮都唔出奇～但佢係比客自助係水缸到撈出黎就少見了😛咁就真係保證新鮮🤩刺身都好幾新鮮💦而且無論係炸物、飲品、自助火鍋料同甜品都多選擇🥳除左食物質素普遍中上且款式多樣放題最驚係佢拖好耐都唔上嘢食！叫牛同刺身都上得好快～都5分鐘左右就到係咁忙炒晒場既情況下員工都好有禮🙆‍♀️而且自助區既食品都refill得密同快Order既食品都上得快同冇漏過單真係幾乎無可挑剔既任食打邊爐🌝🔅入座後Scan QR Code落單🔅🔆記住訂左枱先黎🔆—————————————————————🥩美國Prime牛板腱肉類我地就咁同員工口頭order想講啲牛板腱碟碟都唔同頭兩碟係佢一開波就比之後再叫左3 round 係每次都比上一轉靚🥴重牛味而且食落冇咩肥肉🐂而且另外想讚黎得勁快 每次都五分鐘內就到🍲火鍋料🍲自助區都係大路既火鍋料基本款既菜、蜂巢豆腐、響鈴、蟹棒、腸、菇、餃子等等都有比較值得一提係丸類試左三款有餡既 感覺都值得一試（排名分先後）1️⃣爆芝牛丸王：第一次食牛丸夾芝心！其實入面芝心同平時方型有少少橙點既白色

從來都冇食過咁忙嘅放題火鍋，成餐飯都唔得閒同friend傾偈🤣🤣5:00準時到，已經一大班人喺門口排隊，我哋係食五-7 pm 198@一入到去，即刻撈海鮮我哋主力大頭蝦，大蜆大頭蝦夠大隻，又有膏，好鮮甜大蜆都唔錯，都好鮮最正係醬油蝦，醬油鮑魚都係任叫任食個汁唔鹹好好味，我哋不停encore再encore其他食材就係大路嘢，冇咩特別不過佢啲酒都係任飲，呢個就好驚喜有梅酒，燒酒，啤酒等等呢個價錢我真係唔知老闆點樣賺錢🤣🤣佢仲有啲刺身、熟食嗰啲我哋都已經唔得閒食呀總之成餐飯都好忙，傾偈都冇時間食足兩個鐘

見朋友介紹話有高質牛肉同大頭蝦任食，加上見到openrice都有唔少正評，就book位試下，booking都full，我係黎之前早幾日book只可以book到5:30pm朋友仲介紹左醬油鮑魚，係惹味不過有少少辣牛肉都不錯，好有牛味，我個人感覺就有啲膩可惜食完第一round牛肉諗住去撈大頭蝦，貝類海產隔離個缸係吉既，位置高啲個缸就放左大頭蝦，我問職員係咪撈位置高啲果一缸都得，職員話果缸係留俾下一round，指住貝類海產隔離個缸話：冇晒就冇架喇我呆左企係度，心諗又話任食既...職員問我幾點入座，之前撈左幾多，我話我一隻都冇撈過，職員就話可以幫我撈幾隻...我接返個兜只係得五隻，唯有留俾朋友食...朋友搣左一隻蝦俾我試，一啲蝦味都冇...冇咩事我都係出返去食牛，叫左第二round牛，夾都夾唔到放落鍋，因為完全未溶雪食食下都冇乜心機想走，我諗唔會再黎喇...

湯底- 牡蠣土手鍋🦪🍲umm其實感覺就係日式麵豉湯 仲有幾粒蠔🦪飲落唔算濃郁 可能試過其他高質火鍋放題既高質湯底 所以相比起呢個偏普通🥲🥲‼️食材雖然選擇唔算多 但全部都高質💛‼️海鮮🦞有蝦蜆蟶子係個大水缸到比你任撈任食 ⋯d蝦生猛到 我驚🥲🥲 要保持社交距離🥲仲要有得比你任食醬油蝦同醬油鮑魚！！！回本啦！鮑魚都任你食 仲要係爽口彈牙🥺刺身全部都好新鮮 唔會瘀瘀黑黑咁 🤩🤩呢間野真係好癲 連燒酒都一枝枝放係到比你任飲！ 🍶🍶 唔飲酒既仲可以瘋狂飲朱奶！你無睇錯！連維他朱奶都有啊！好癲！最尾仲有movenpick 雪糕！仲有韓國雪糕雪條！完全無hea你🍻🍻

記得之前係泰國試過自己夾生猛嘅大頭蝦去燒🙈估唔到香港都有得自己夾大頭蝦去打邊爐～-入到嚟都係俾佢嘅海鮮area吸引咗😍😍櫈都未坐暖就即刻衝出去夾海鮮啦！種類非常豐富，除咗有最出名嘅大頭蝦之外，仲有唔同嘅貝類😍最愛聖子仔～😋-本來都擔心會唔會海鮮係佢哋嘅主角，搞到牛肉嘅質素唔好~點知擔心都係多餘嘅🤣牛肉嘅質素係中上，好食過好多肥牛😋😋-打完邊爐之後，食到勁飽嘅女人果然有兩個胃，出面嘅雪糕一啲都唔慳皮，竟然有movenpick😍😍

海鮮好新鮮，食咗成兜蜆都係得一兩隻有沙，牛肉都算有牛味，不過湯底就好普通，無咩驚喜。整體質素算是不過不失，但就未必會有下次。同埋有個企係收銀處的金色頭髮女店員態度十分惡劣，希望可以改善下

之前聽聞有間黃火鍋，又平又好食。。。不過勁多人同只可book位 幾經辛苦前排終於喺Google嗰度book咗位準時去到，等一陣間就入得！做平價任食場，都唔會預會坐得特別舒服，都係咁啦，兩個人去，坐張四人枱都OK嘅不過有刺身，有熟食，海鮮任你撈，任飲！仲有甜品雪糕。。。500幾蚊兩個人算係咁㗎啦熟悉就一般，刺身都可以接受。仲有韓國嗰啲燒酒任飲，日本梅酒等等最鍾意係有貝殼類同埋蝦咁你撈任你食淨係食刺身同海鮮都值啦不過去之前一定要book唔接受Walk in

我地四人book咗七點，我地早咗齊人，六點七左右上咗去攞位，但帶位話冇枱要等！但唔可以喺佢lift口等！因為佢地唔夠地方！我地係見到有張枱冇人，好疑惑點解唔俾我地坐！仲勁趕我地走，唔俾喺度等！要落街夠鐘先俾我地上嚟！正所謂未開餐已經冇唒胃口！我地好攰，附近又冇嘢行冇位坐！lift完全冇人，我地死都唔走！點知...突然又招待我地入坐！呢度啲侍應有啲好差，有啲又好好真係好難明揀咗韓式雪濃湯，得個咸字！好重口味揀咗貴啲嘅牛，一嚟放低兩碟，都算係咁！唔太肥，脂肪均勻，牛味唔重，入口唔算鞋出面自取嘅串燒蝦，我朋友話佢嗰霉，我嗰隻就冇事，仲有膏有得自己撈蝦、蜆、聖子仔最好笑，放蝦個缸得幾隻死蝦以為係裝飾only！點知竟然有fill到蝦！都幾生猛！韓式醬油蝦同飽魚，完全唔係嗰回事，鮑魚得個辣字刺身反而ok, 正正常堂啲丸反而幾好食，尤其芝心牛肉配料其實都幾多選擇！仲有啲熟食可以自取呢個奶黃流心牛角包同芝士撻都幾好食雪糕有movenpick任食，放題嚟講算好大方啦⋯⋯仲有幾款其他牌子選擇，有雪條，仲有鯛魚燒飲品都算多選擇，仲有梅酒、清酒、啤酒...都算幾好食物質素好參差、有好有壞，但價錢唔太貴，選擇款

你好，我係之前有book到剛剛食完放題5:30pm-7:30pm嘅唐小姐。其實我入坐都5:48pm(可以睇翻QR code單據)，都唔緊要，因為我係book 5:30pm，咁你地係話食2小時，我都接受。店員講完last order 之後，我係last order入面叫咗豬肉、攞咗生蝦，但係都未到7:30pm已經有店員催收枱。我話想食埋少少，你哋一位好惡有d高嘅女店員話我哋已經坐咗1小時15分鐘，出面好多客等緊，然後就同其他店員講：「唔好理，掃晒佢哋d嘢走。」連比我講句嘢嘅時間都冇，已經執走晒。我本身都係一個尊重時間、尊重別人嘅人，所以我唔會自私到令人遲咗食。但係今次，明明時間都未到就比人用：「唔好理，掃晒佢哋d嘢走。」去對待，我le餐食得好難受，明明係慶祝成功辭職脫苦海嘅一餐比你哋店員搞到咁，感到非常不被尊重。

睇完YouTube 介紹+黃店，諗住黎支持下，難得男朋友開綠燈比小妹食火鍋！ 新鮮海鮮包括蝦、有蜆、聖子、善貝、其他火鍋材料，又有熟食炸蝦、牛角包 、蛋撻、三文魚刺身、生蝦、油醬鮑魚etc.選擇。間野主打新鮮海鮮，可惜果日眼見水入面蝦都有唔少係反左肚，完全唔郁。但係...話雖如此，整餐最好食就係啲蝦。 蜆我試哂唔同類型，隻隻都有苦味，善貝就好好好細粒，其他火鍋材料就不過不失。 最後，我想講食完呢餐第二日我肚痛到醒左兩次 先知係腸胃炎。但我男朋友係無事的。果日同佢早午晚都一齊用饍，所以我唔會斷言話係呢間令到我肚咁。但我心目中呢間係已經black list左絕無下次。 而且佢同另一間X大人 差唔多一樣價錢，實在被比下去