壹食就醉 (Under Renovation)

小編都係離不開油尖旺區😂今次同友人食飯嚟到尖東一間樓上中菜館「壹食就醉」仲有邊爐打可惜近來比較不適宜食火鍋😟不過唔緊要嘅 可以炒下小菜 一樣咁滋味開心！🥳簡簡單單叫左三道菜 有炸有蒸 捧腹滿意離開☺️黃金蝦 ($198)共有六隻蝦係小編最愛嘅鹹蛋黃醬！配大蝦真係一流 披係蝦身滿滿嘅鹹蛋黃醬固然又香又好味 更讚嘅係蝦煎炸得脆身乾身 完全係連殼食埋😋半隻沙姜雞 ($158)剛蒸好 熱辣辣上枱淡淡沙姜味好送飯雞肉唔韌唔鞋口椒鹽鮮魷 ($78)炸蒜比得大方！又一碟香口小菜粉漿唔厚 即使剛炸起 入口亦唔油膩😛

最近大家聽到打邊爐都怕怕，所以今晚就選擇了食小菜。只要打卡和分享就可以有免費飲品，不要錯過。點了滋潤竹庶茅根，不會太甜。*黃金蝦($198)蝦全隻炸得很透，如果接受到的人，可以連殼食；咸蛋味道剛好，不會太膩；那少少的咸蛋醬用來拌飯真的很開胃。*秘制沙姜雞(半隻)($158)雞肉沒有特別滑，不過不失；沙姜的味不算太濃；加上有少少洋蔥味。*椒鹽鮮魷($78)炸得很香口的鮮魷，很脆身；椒鹽味不會太咸，很好餸飯。*白飯($10/碗)*茶芥($20/位)

朋友帶我去呢間火鍋店 入面有好多個房仔呢間房就淨係得四張枱 唔會太嘈可以傾下偈 今日叫咗呢幾樣食物 胡椒豬肚花甲鍋 湯底有豬肚同埋蜆 個胡椒味都幾香 唔會太濃 淡淡地胡椒香 有好多蜆同埋豬肚 夠足料 另外見到餐牌有呢個牛胸爽 之前未食過就叫下 出到嚟原來唔係紅色一片片嘅牛肉 食起嚟都幾爽嫩口 有d似牛柏葉口感 不過就味濃d西班牙黑豬肉 呢個豬肉好好食 一d都唔鞋 而且肉味濃 唔會好多油脂太肥 我地追加多碟 因為真係好味 貴妃蚌 夠新鮮 灼少少時間已經食得 夠晒鮮甜

近期比較少出外食飯，突然間想去食下海鮮小菜。今日去咗壹食就醉。尖沙嘴區地點方便，卜卜蜆鍋叫咗個細，二人份量一定夠食。蜆會配上清酒，店員會幫你調好味道，個蜆煲都黎到都好多蜆，越食越多咁。份量真係非常之多。蜆肉細細粒，雖然有少少沙，但係都尚算鮮甜。另外，想叫個肉食。叫咗XO醬炒黑豚肉，肉係薄片，食落好似肥牛咁；而且充滿醬汁，都幾濃味。仲有其他配菜，唔會太齋。本身想食椒鹽九肚魚，咁岩今日冇就叫咗椒鹽鮮魷。炸得幾香，如果飲埋啤酒就正！喺社交平台打卡仲送飲品，我哋叫咗羅漢果茶一渣。

尖沙咀上樓通常都會搵到一啲食肆，呢間食肆除咗打邊爐，仲有小菜私房菜。餐廳唔算好大，我哋今次就叫咗卜卜蜆。會有一鍋蜆，份量好多。店員會幫你滾熟，然後等你慢慢品嚐；再加上清酒調出個味來。份量非常之多，兩個人食一定夠。個蜆肉雖然細細隻，但係味道都OK。小菜就叫咗椒鹽鮮魷，雖然份量唔算好多，但係新鮮炸起，面上仲有啲避風塘風味。另外再叫咗XO醬炒黑豚肉，大蔥份量比較多，黑豚肉嘅份量相對地冇咁多。黑豚肉好入味，加埋白飯就剛好。

❤和朋友去尖沙咀飯聚去了一家樓上私房菜點了幾款小菜，味道都不錯清酒卜卜蜆非常鮮甜可口蜆肉雖小，但粒粒甜美開口卜卜叫湯味清甜帶酒香飲到不亦樂乎椒鹽鮮魷口感好，而且脆香引人每件都是充滿均勻的椒鹽香氣非常好吃南乳豬手煲南乳味香噴噴，豬手入味又香軟好適合來一碗白飯一口吃下去，滿咀骨膠原小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆❤壹食就醉尖沙咀金巴利道77號東南大廈1樓❀感恩呢❤❤❤❤拍個好碼頭！❤❤

呢間係一間上樓嘅中餐感覺幾舒服因為佢唔會放太多枱如果一班人嚟仲可能會安排房講返嘢食首先我試咗個黃金蝦黃金炸醬非常香口濃濃嘅鹹蛋黃味包住成隻蝦蝦殼炸得好脆都可以食埋 啱晒唔鍾意剝殼嘅人不過如果分量多番少少就好我同朋友兩個男仔兩三下就食晒之後我哋叫咗個椒鹽鮮魷炸醬唔厚魷魚夠爽彈作為餐前小食相當唔錯送住啤酒更加一流 本身想食九肚魚但佢咁啱冇貨希望下次試到最後叫咗個魚腩煲 薑蔥味好香 魚腩炆得好入味而且啖啖肉 我比較喜歡食魚食埋個皮因為比較有魚味有啲人可能會怕腥但呢個煲佢整得唔腥仲好香添咁樣一個煲可以夠我食成大碗飯

第一次嚟呢度食飯雖然我哋兩個人但係安排左四人枱坐得好舒服望咗個Menu一陣 諗咗好耐都決定唔到打邊爐定係食小菜因為佢個Menu實在太多嘢揀最後都係決定食小菜😂😂😂😂因為可以送飯..椒鹽鮮魷一上枱已經聞到超香炸漿好薄 鮮魷係啱啱熟再配上啲炸蒜 好香口惹味👍🏻👍🏻👍🏻..豆豉鯪魚油麥菜呢碟菜一份量好大不過有啲太油 ..黃金蝦用鹹蛋黃醬包住中蝦嚟炸超級滋味😻😻😻😻..啫啫滑雞煲上枱時熱辣辣雞肉嫩滑 調味剛剛好不錯不錯..食到一半侍應叫我地likeFacebook然後送咗一渣羅漢果俾我哋最後飲唔晒😂實在太多

今次同朋友去左尖沙咀既樓上私房菜打邊爐，坐既座位寬敞，好適合同三五知己一齊打邊爐或者食私房菜。我地今次打邊爐，店主推介我地食胡椒豬肚花甲做湯底。湯底既豬肚同花甲多到滿，已經可以當做一個餸，胡椒酸菜既味道夠哂濃，但又唔會搶左花甲既味道，打邊爐一流。另外，我地叫左佢地既手打牛丸🐮、牛胸爽同娃娃菜做火鍋料。佢地既牛丸十分彈牙，咬落去仲好多汁，份量都夠晒多。之後，我地仲叫左出面未見過既牛胸爽黎試！顧名思義，牛胸爽既質感非常爽口，食落去勁重牛肉既味，同佢白色外表俾人想像截然不同，鍾意食牛肉既人不妨一試。因為我地打邊爐既關係，店員話可以Like佢地個Page，然後就送左免費既羅漢果茶俾我地潤下喉。

呢間餐廳如果你無搜尋過應該係唔會知道有一間私房火鍋店因為佢係樓上店路面都見唔到佢個店鋪名 凍凍哋又想食下火鍋大又唔想太嘈所以就搵咗呢間餐廳胡椒豬肚花甲鍋 內有豬肚同埋花甲即係胡椒豬肚都會試過配埋花甲呢個配搭又真係幾特別 可能係花甲會增加嗰個湯嘅甜度胡椒豬肚就有少少辣味都幾香 入面豬肚同埋花甲都唔少 價錢嚟講算抵西班牙黑豬肉 同平時中國豬肉好唔同 絕對唔鞋口 同肥牛片有得比 甚至比肥牛片少油脂 肉味濃郁牛胸爽 我以為白色一片片係脂肪 仲話朋友亂點 原來係胸腔肋骨中間的軟骨位 食起上黎幾爽口 牛胸爽同黑豬肉夾著食 口感層次都加倍提升 既爽又淋

位於尖沙咀既壹食就醉係一間具有火鍋、刺身同私房菜既中餐廳，今次我同朋友就食左中式火鍋。火鍋黎到之前，店員幫我地上左不同既調味品供打邊爐用，仲送黎普洱茶俾我地解渴。今次同朋友叫左韮菜餃子、桂花蚌同午餐肉。火鍋店既韮菜餃皮夠薄，但淥完都唔會穿，菜同肉既比例完美，仲好多汁添！另外，佢地啲桂花蚌都好新鮮，完全唔會有雪味，食落好爽口彈牙。而午餐肉既厚度適中，份量都好多，切到大小岩岩好。另外，餐廳設有特別優惠益街坊，只要你上佢地Facebook專頁Like and Share就可以免費送羅漢果茶，可以清下熱氣。以下係佢地既點菜紙：

和男友二人世界，上樓吃了一家樓上火鍋店。而呢間店係隱匿於一橦商廈內，旁邊兩邊都是韓國餐廳，要小心望望以免走過頭呢。餐廳有小菜和火鍋，商量下，我們要了火鍋。先上一個調味架，裡面有辣椒、蔥、醬油。可以落很多很多蔥，大愛。點心紙上類別不少。有海鮮、刺身、肉類、蔬菜、澱粉等等。蕃茄薯仔鍋$58裡有蕃茄、蔥和一塊豆腐，味道濃郁。手打牛丸$58夠彈牙，質素很高，好食。點了油麥菜$38和唐生菜$38，來到時二碟變一碟。蔬菜新鮮，配上蕃茄湯好美味。

去尖沙咀睇燈飾行到累累地，去了有俗稱韓國街嘅柯士甸路找晚飯吃。在街頭見到街招有火鍋吃，便跟著地址上去。走樓梯上一層，便到了「壹食就醉」。店子有幾個私人包廂，每個包廂坐到一圍，如果一班人都很熱鬧。我們住大房那邊，有5張臺。先點了一個蕃茄薯仔腐鍋，蕃茄湯夠濃味，飲到沙沙的口感，就咁飲都幾好飲。再點了一個特級安格斯牛頸脊（小），$238。雪花很美，牛肉色澤紅潤，吃入口無渣，食得出係靚牛。牛肉再配上蕃茄湯底，味道很夾。

尖沙咀有一條好出名既韓國街,入面有好多唔同既韓國食物😌 但原來入面都有中餐食既😛 更比較特別係，佢係一間係住宅一樓既餐廳🤨 入去都要按鐘😂所以都幾有feel 😌上到去發現佢地主要都係中餐，我地一共叫咗三個唔同既餸，有我最中意既黃金蝦，鮮魷bb仲有薑蔥魚腩煲😌 最中意就係食黃金蝦，雖然份量唔係好多😌但係咸蛋黃真係好入面😛 超惹味😌食極都唔會夠😂越食越多鮮魷我就覺得正正常常，好似厚咗少少d脆漿 ，不過就好香口，真係啤酒殺手😂魚腩我就覺得幾香口😗要識食骨先至好叫，因為都幾多骨

今次嚟到尖沙咀嘅壹食就醉食卜卜蜆～～～清酒🍶煮蜆最能夠帶出海鮮嘅美味，店員喺我哋落order後，將一鍋用蒜蓉、辣椒、清湯調好味嘅卜卜蜆放上枱，我地再用電磁爐加熱，水滾就淋上清酒，聞到香味撲鼻就食得！卜卜蜆size唔係大大隻，但勝在份量多，所以我同朋友都食唔停口，好鮮甜～～～另外，我地再order多個粉面食，同樣高水準，芝士海蝦伊面！濃濃芝士鋪滿伊面，好creamy~~海蝦有海水嘅鹹味，而且肉質爽彈，係新鮮蝦嘅質感，伊面底份量多，抵食！