壹食就醉

Open Now

Now Closed

尖沙咀上樓通常都會搵到一啲食肆，呢間食肆除咗打邊爐，仲有小菜私房菜。餐廳唔算好大，我哋今次就叫咗卜卜蜆。會有一鍋蜆，份量好多。店員會幫你滾熟，然後等你慢慢品嚐；再加上清酒調出個味來。份量非常之多，兩個人食一定夠。個蜆肉雖然細細隻，但係味道都OK。小菜就叫咗椒鹽鮮魷，雖然份量唔算好多，但係新鮮炸起，面上仲有啲避風塘風味。另外再叫咗XO醬炒黑豚肉，大蔥份量比較多，黑豚肉嘅份量相對地冇咁多。黑豚肉好入味，加埋白飯就剛好。