喜双逢 (Closed)

最近得知中環有新酒樓開業，而且價錢唔平宜，咁就約新舊同事一行四人去試新~上到去，環境ok，但見門口帶位小姐有手忙腳亂感覺，心諗可能人多亂少少，無。入到去坐低，睇張點心紙，點心只得十款八款，仲要大部份有蝦，對於我呢對蝦有敏感同埋要戒掉海鮮大肚婆講真係無咩其他選擇。當我仲諗緊有咩其他選擇時，部長已經急不及待咁走埋，不斷咁問我要咩食，於是我就用番九秒九時間落order，然後佢又問我要唔要個魚湯浸白菜仔，我話好呀，要個菜，但話都未講完，個部長已經一支箭咁去落單(走得咁快~ 超高效率!!)，我即刻叫住佢，因為白菜仔對於大肚婆講好似比較寒，唔係咁好，就問佢有咩菜可以揀，佢仍然係句啦：白菜仔。最後我叫藍梅叉燒酥、帶子餃、素餃、炒飯同魚湯浸西蘭花，味道無咩特別，藍梅叉燒酥無藍梅味又無叉燒味。等食期間，有個哥仔係我後面打爛碗，碎片飛到我隻腳上，好彩我對棉襪，先無比碎片割傷，我即時話："碎片彈到我!" 哈，原來個哥仔識得選擇性失聰架.... 厲害厲害!大肚婆同事食食發現菜有虫，伙記即刻話換碟其他菜比我，我又問佢有咩選擇，答案依然係：白菜仔! 咩話? 乜白菜仔今日當灶咩? 問佢有無豆苗，佢話無，跟住我話唔要

睇雜誌介紹，一家人一齊黎試。星期六中午，必定要預約，唔約冇位。一到門口，我話我姓咩，book左幾多點，兩個知客一齊搵左10分鐘，到搵到幾個同姓的，就大大聲問「你係Cynthia，Jenny，Kathy，Helen，Jacqueline定Amy呀？」，哈！我完全知道晒當日那個時段有幾多個同姓唔同名既人訂位o羅！地方好逼，d 枱 好密，椅背貼住人地椅背，見到人地卡位仲搞笑，4個人坐仲逼過翠華茶餐廳，樓底矮仲要整大舊大舊既天花板裝飾，感覺好侷侃。野食好麻麻。杏汁餐包--- 傳說個餡好似流沙包咁，但實情好似蒸蛋咁既質地，暖，唔夠熱燒賣--- 同屋村茶樓冇乜分別，暖，唔夠熱蒜容春卷--- 齋黎架！貴過出面d大蝦春卷，暖，唔夠熱XO醬炒蘿白糕--- 又係，同屋村茶樓冇乜分別，暖，唔夠熱菊花杞子糕--- 好濃郁的菊花精jelly蛋白杏仁茶--- 得兩啖，暖，唔鮑熱杏汁炖果皇---「拾」完個木瓜，「liu」左個核，放d蛋白杏仁茶入去，係炖就出奇桂花炒瑤柱---我見唔到瑤柱，齋食炒芽菜，暖，唔夠熱脆皮燒肉---食晒所有野覺得唔對路，問阿經理，佢又幾好野，check都唔洗check立刻話「呀，賣晒冇話你知