喜双逢 (Closed)

平日食lunch 都好趕時間，成日行過皇后大道中，都唔多為意有一間有好有歷史的中式餐廳係附近。呢間中式餐廳好有西方風格，裡面有酒吧台，主色調係紅色黑色，但假天花掛著好多紅色的掛飾，有兩隻紅色龍雕塑擺放廳的一邊，充滿中國色彩！  我地主要想食中式點心，叫左蝦餃，杞子燒賣，炸流沙包，煎腸粉，馬拉糕，春卷，壽包，花雕綿花雞，牛肉，豉汁蒸鳳爪， 燒腩仔， 炸蝦餅，啫啫唐生菜。  點心質素其實比較一般，價錢比一般酒樓貴，比較出色係啫啫唐生菜, 用蝦醬炒得好香好入味，燒腩仔都好淋身好味。 各人都食得唔太飽，每人消費$180，以中環食飯來說價格質素都係一般，但餐廳服務唔錯，無論帶位，上菜服務員都好有禮貌，好有笑容!

我好耐以前飲過幾次茶，今日久別再吃，咪道還可以，最可怕係點心中發現了小強，當刻已經想嘔。望向bar枱，見到活生生既小強係度遊走... 救命啊，如此食店可會好好注意一下衛生問題？

有位好兄弟，不時都相約行山，話題又啱傾啱講，是日工作唔太忙，相約食晏晝飯，當然奉陪啦。由最初話食「大家樂」，變咗嚟「喜双逢」飲茶，絕對喺即興。酒樓位於「萬邦行」內嘅老餅商場，近門口喺一排排卡位，我哋兩丁友就被安排坐晌房內挨牆死角位，雖然逼啲，但啱我喎，竄埋一角少啲人騷擾。然而，由於啲枱櫈排到密密麻麻，所以，整體都喺嘈啲。環境一室鮮紅，就連點心紙都喺紅色，感覺有點娘。食物有齊晒點心、小食、推介、甜點、炒粉麵，並登晒價錢，不過，定價真喺幾貴吓。鹹脆花生 $20每份收廿蚊，現成貨，無乜美味可言，絕對喺過橋濕腳酒樓賺硬你嘅技倆，其實，小弟就最唔鍾意中菜館呢啲經營手法。茶芥收$18位，一樣偏貴，唯一就喺有碟XO醬，之但喺，唔喺個個客都喜歡食XO醬囉，查實碟XO醬都幾好食，鹹鹹鮮鮮而微辣。水晶瑩鮮蝦餃 $58去唔少酒樓食籠蝦餃皇，貴極都喺三十五蚊左右，呢度一籠4粒就盛惠$58。佢哋嘅蝦餃無話特別大隻，餃皮亦未至於晶瑩剔透，但壓紋工整，餃皮唔黏牙，而啲鮮蝦餡真材實料，爽彈又堆到滿滿，極富鮮蝦味。杞子燒賣王 $58平時見放蟹籽嘅燒賣皇就多，改放粒杞子，雖然味道唔會話特別唔同，卻有種古早味。燒賣做得豐滿

這間酒樓開咗咁多年以前都係同啲家族老一輩嘅前輩一起來吃晚飯、所有嘢食都很不錯他們自己做的點心！連燒賣都比較懷舊放一粒杞子在上面的！今天帶了兩個星加坡的朋友過來飲茶他們都讚不絕口覺得很有特色！如果鍾意帶啲朋友去一啲比較特色嘅酒樓這間酒樓是不錯的除了蓮香樓、陸羽、就是這間我覺得不錯的懷舊酒樓

前晚(24-5-2018 Thur)同老公o黎呢o度食姨娚女滿月兼妹夫生日飯,佢o地訂o左一圍共12人o既枱,我同老公準時到,酒樓俾o左一間房我o地.親戚們陸續到o黎,侍應都先問我o地上唔上小食,啊,上o左先啦.1. 煙燻素鵝經理介紹呢個係煙燻過o既,食落,真係唔同,有煙燻過o既香味,唔太俗;腐皮脆口,內裡餡料o既味道清淡,o岩o岩好.味道: 4分2. 陳醋雲耳有陳醋o既酸亦有啲辣,我覺得味道唔多夾, 雲耳就爽口o既.味道: 4分3. 香煎墨魚餅呢個正常冇問題.味道: 3分4. 炸豆腐外脆內滑又熱騰騰,帶少少辣,唔錯o既.味道: 5分人齊喇,主菜即上:5. 即燒乳豬Size o岩o岩好,皮脆冇肥膏,熱騰騰又唔太鹹.味道:4.8分6. XO醬海鮮炒菜份量唔少,帶子又多又算大粒,重有魷魚片,口感正常又唔會太辣.味道:4分7. 海皇翅又係好熱o既,質地夠杰,味道又正常.味道:3分8. 豉油皇乾煎蝦碌大大隻入味又唔太鹹.味道:5分9. 清蒸海斑蒸得o岩o岩好,肉滑.味道:5分10. 上湯浸腐竹時蔬腐竹o既豆味好濃又滑,上湯味道又唔太鹹.味道:5分11.炸子雞熱騰騰,皮薄又脆,雞肉嫩滑,不過我覺

同同事去飲茶，四個人，去咗中環喜雙逢酒家，我第一次黎，book左台，但係黎到都等左一陣間，中環... 如果walk in 我唸要等到兩三點😅叫左十樣野，蝦餃、鳳爪、燒賣、xo醬腸粉正常水準，炸奶黃飽好特別，第一次食，熱騰騰，好好味👍🏻，推介大家試。燒南仔同紅米蛋白飽幾好. 叫左兩碗紅豆沙，4個人分，麻麻地, 好彩已經飽，所以無一人一碗.落樓埋單連加一 $754，每人$200有找，中環lunch, 算中位價啦～

喜双逢嘅點心做得唔錯，材料新鮮又夠熱，其中推介嘅有：鮮蝦燒賣王、蜜汁燒鱔、雪山杏汁餐包、魚湯斑粒泡飯。鮮蝦燒賣王（$56）真係好大粒，蝦又好新鮮爽口，熱騰騰很好吃！一籠係有四粒嘅，由於太吸引，忘記要相機食先😝呢個蜜汁燒鱔（$82）燒得趣卜卜，甜甜地好惹味，喺其他中式酒樓未見過啊！魚湯斑粒泡飯（$268）價錢有點貴，不過真係好足料喎，好多班粒，個湯底亦係真正魚湯，灑上炸過嘅飯粒（有點像窩巴），口感一流！一窩可分六至八碗總括而言，喜双逢食物唔錯，但環境比較迫。

年三十晚去了食日本串燒，到了雞年大年初一的第一餐，怎樣也要應一下中國人傳統，食番中餐，農曆新年最佳選擇當然是去飲茶食點心。如果揀住宅區的酒樓，唯一好處就是鄰近拜年的地方，但肯定很逼人兼難搵位，質素也極大機會有所下降。所以再次有一點點反其道而行，地點揀中環商業區的「喜双逢」，但當然也需要提早訂位，話晒大年初一。酒樓位於有幾十年歷史的商廈萬邦行內，印象中已經開業多年，但已經好耐沒有去過。上網翻查一下，原來早幾年前加盟了香港某個餐飲管理集團，怪不得重新裝修後格調新派、顏色及物料選材摩登大膽。樓底雖然不高、酒樓面積也不大，但空間感相當寛趟，沒有逼逼挾挾的感覺，坐得廷舒服；加上唔知道是否因為大年初一，服務又特别殷勤，無法避免派幾封利是。除了主餐牌之外，只有一張前後兩面印刷的點心紙，全部標明《假日美點》及《假日小食》；究竟與平日上班日子午市時段有什麼分別，就不得而知了。點心款式唔算太特別，好唔好食就要試過至知。小食（脆花生）及XO醬（每碟 $18）。脆花生味道沒有特別，農曆新年期間如果換上了炸腰果會更有意頭。XO醬顏色深紅，雖然見不到蝦米碎及一絲絲乾瑤柱，但卻充滿了打爛成碎粒的配料，用筷子挑起一小

今晚相約了家人和遠房親戚晚飯，有老人家在，吃中菜是指定動作，於是小妹就選了這裡，夠方便大家，而且這家店是老公第一次見小妹媽媽的地方，對我們也有特別的意思。都有一段時間沒來了，來的途中參看網上食評，發現食評好像不太好，心裡有點不安。進店內，竟然一枱食客也沒有，包了場一樣....心想：死啦，好驚中伏。 點餐了，店員推介這裡的招牌菜，頭抽雞，煲仔上，頭抽甜甜的，味道濃，雞肉入口嫩滑，好，第一道菜過關。 蝦子柚皮，特意為遠房親戚點的，在外國確實很難會吃得到如此地道的菜式，雖則蝦子的份量確實比平時吃的為少（蝦子理應密密麻麻地把整塊柚皮覆蓋），不過柚皮的味道不錯，很有蝦子味，口感腍和多汁。 燒鵝例牌，賣相得，皮薄，肉質鮮美，不過脂肪較多。 梅菜扣肉煲，老公和家人的至愛，賣相專業，味道惹味，扣肉完全吸收梅菜的味道，令我們不得不添飯～ 甜品時刻，雪山叉燒飽，為店的名菜之一，牛油外皮，香氣四溢，加上內裡的半固態狀的杏汁，很香很滑，小妹覺得飽太小了，一啖已經把整個吞下。 小妹覺得整體上這裡的食物質素及服務態度都尚算滿意，價錢亦算合理，家人也吃得開心，也不是其他食評說得那麽差呢，開頭真是心都有點離呀...

午膳時間到中環辦點事，完事後約了在中環工作的好友飲茶一聚。飲茶的地點是喜双逢，上回吃過晚飯印象不俗，今次一試茶市希望有好水準。點心選擇不算很多，大部分要四五十元一碟，炒粉麵飯要百餘元起，定價略貴。小吃芝麻叉燒酥，酥皮略厚，腍身而稍欠酥脆。叉燒餡切得細細粒，食味口感不算特別突出。 蒸點試了水晶鮮蝦餃及老干媽蒸鳳爪。蝦餃包得幾靚，餃皮不算特别薄，算上合理。餡料蝦肉份量足，食味爽鮮。老干媽蒸鳳爪醃得入味腍身，味道中規中矩喇！ 小食試了煎粟米墨魚餅、避風塘雞中翼及紅燒妙齡乳鴿三款。煎粟米墨魚餅食味香口，墨魚味對辦，口感亦見彈牙。避風塘雞中翼夠熱夠酥香，亦見乾身不膩口，但味道調較稍稍鹹了少許。紅燒妙齡乳鴿，選材雖細了少許，但肉香頗濃幾好食。 主食點了店方推介的砂鍋鮑魚雞粒燴飯，份量十足，出品熱辣，開蓋一刻香氣四溢。燴飯粒粒沾上鮑汁，色水幾平均，拌上雞粒味道調較濃香不俗。主角鮑魚有四小只，雖然體積很小，但味道口感都算有交代。整體來說，酒家的點心小吃皆富一定水準，但計及用膳環境，還是覺得貴了一點。

if i need some good chinese food for dinner and dont wanna stress over reservation in central, this is my pick.  lunch is fast and busy, but comes dinner, it is quite quiet, the dishes quite food.  the highlight will be their pig lung soup, which i love to order whenever i eat out.  another dish worthy of mentioning is their pan fried eel, it is very yummy but way too expensive. my picture belows show 8 little slices of eel at i think ard 12 bucks per piece....kinda ridiculous...though yummy

其實要在中環找地方吃中午飯，實在是一件非常困難的事情，要又平又好食又容易搵位，難。。。今次有同事介紹去了「喜相逢」飲茶，只要訂好位，侍應們就會有禮地帶領我們入坐，而且地點方便，食物質素也出奇地好，真的是好介紹這天我們叫了相當多的時點心，全部新鮮熱辣冇揸流攤：燒鱔味道焦香，蜜味足，值等一試：而且有幾項我覺得絕對值得一試，包括有「涼拌海蜇頭」、「煙燻素鵝」及「斑粒海鮮泡飯」：煙燻味足：魚湯的味道是非常的降，沒有味精感：最後埋單人均約$120，我覺得是非常值

今日有神秘老闆請食飯，一於佢出錢，我哋出力⋯食！😋喜双逢（無錯「雙」字是簡體字的）是中環數一數二既精品酒樓！位於萬邦行既喜双逢裝潢簡潔清雅，walk in 碰運氣的話機會近乎零！黑椒牛粒： 黑椒牛柳粒肉質軟淋但略嫌鬆肉粉味重， 配以薄身芥辣汁後牛味有所提升！花蜜脆鮮鱔： 物以罕為貴， 白鱔豐腴魚油經燒煮後減少油膩，脆皮外層掛上香甜花蜜，滋味在心頭！😍蜜汁叉燒： 半肥瘦叉燒的外層有少少焦香！水晶鮮蝦餃： 無得輸， 大大粒海蝦仁係入面架！😍鮮蝦燒賣： 原隻鮮蝦係頂，正！鮮磨杏汁豬肺花膠湯： 電話預訂才有的主角！不能文字形容的鮮杏汁同足料老火炖湯，豬肺難得可放心食用😅🙈😍七味炸豆腐： 七味粉炸的豆腐，可以鮑汁炒飯： 上湯鮑魚炒飯，上菜是以瓦煲上，啫啫聲很是興奮，令人食指大動！👍雪山杏汁餐飽： 菠蘿餐飽表面，內裡是鮮杏汁！鮮杏汁養眼無敵，鮮甜味美！特式脆麻花： 彷似糖蒽餅既脆麻花香口脆甜。太多美食不能盡錄，總括來說令我們肚子「滿載而歸」，服務okay, 有漏單情況但部長盡力解決，不錯！

晚上和家人於萬邦行喜双逢吃晚飯，餐廳環境傳統中國格調洋溢，並帶點古舊風。食品方面，當然亦以傳統中國菜為主，是晚美食如下：招牌蜜汁叉燒拼鬆化燒腩仔：叉燒蜜味重，但略瘦小，鬆軟度一般。燒腩仔外皮香脆，肥瘦適中。杏汁花膠燉白肺：杏汁香氣清淡，湯質富膠質，證明花膠發揮其功效，食感滋潤。淮香海生蝦：海中蝦夠大隻新鮮，味甜肉彈，點點淮鹽調味，鹹香到位不過火。柱侯蘿蔔牛坑腩煲：牛坑腩很腍很入味，肉香足，蘿蔔同樣清甜軟身。豆抽瓦罉雞：出品熱辣，雞肉豐碩，滑度雞香中規中矩，豆抽口味帶甜，調味不俗。蝦籽柚皮：蝦籽香氣給力不足，柚皮炆得軟腍入味。上湯浸豆苗：豆苗幾綠嫩，不俗。生磨合桃露：合桃香氣OK，但整體質感稀了一點。杞子桂花糕：質感軟硬恰宜，桂花香洋溢，味道不俗。雪山杏汁包：出品熱辣，皮脆香口，流心杏汁甜度味道對辦。整體而言，食物水準不俗，有師傅，服務亦見親切懇勤，可再到訪。

下星期一就是中秋了, 中秋佳節, 能夠人月兩團圓, 再一同吃吃月餅, 才感滿足. 您選購了月餅沒有? 謝謝公關朋友送來的換領券, 這天, 我就試了喜双逢的雙黃白蓮蓉月餅.還記得去年曾經吃過喜双逢的奶黃月餅, 是年就改變口味, 來一客傳統一點的雙黃白蓮蓉月餅. 其實喜双逢是邀請了老字號蓮香為他們製作月餅, 蓮香的蓮蓉一向是信心保證, 如蓮蓉包及八寶鴨就是馳名之作. 蓮香出品的雙黃白蓮蓉月餅, 自然教人有更大期待.雙黃白蓮蓉月餅 $218: 8分, 一客有四個月餅, 是傳統的尺寸, 份量十足, 最適合一家人分享. 切開看看, 帶漏黃的情況, 那兩個大大隻的鹹蛋黃, 油香充足, 自然是相當吸引. 餅皮不會太厚, 白蓮蓉亦很香甜, 蓮子香突出. 或許會是偏甜一點, 但其實傳統的月餅, 就是這種味道, 難得再吃回這種傳統滋味, 也好.除了雙黃白蓮蓉月餅, 喜双逢還供應金華火腿月餅, 每客$228. 大家可以到喜双逢, 霞飛會館以及霞飛點心拉麵選購. 喜双逢的雙黃白蓮蓉月餅, 由老字號蓮香製作, 鹹蛋黃油香充足, 白蓮蓉香甜, 蓮子香突出, 以這款傳統味道的月餅來跟家人渡過中秋, 相信長輩們一定會