K-Palace

Open Now

Now Closed

🔸燉牛排骨 $228排骨好嫩滑，入口軟熟食落有勁香濃嘅牛肉味😻配料有：韓式年糕、白蘿蔔、紅蘿蔔、冬菇、紅棗味道稍為濃一啲會建議配飯食，會更佳👍🏻🔸海鮮葱煎餅 $128 海鮮非常足料！😻蔥餅煎到好脆口👍🏻點埋醬汁黎食味道更加濃郁，鮮味突出🥰不過因為本人食野比較鐘意濃味呢個海鮮葱煎餅個人覺得可以鹹啲🔹環境：座位都好多座位都闊落，幾好坐侍應服務態度都好好👍🏻睇餐單都諗咗一陣叫乜食好🤔但係侍應都喺旁邊耐心等候餐廳侍應全部都係韓國人所以要用英文溝通🤣🗣另需加一服務費-時段及等候時間：星期四 晚 ～0分鐘-味道：7/10性價比：7/10回頭率：4/5-#K-Palace 📍紅磡民泰街41-47號黃埔新邨安榮樓地下D號舖

天氣轉涼，帶住小朋友又唔可以食辣，又想暖暖身，所以揀咗韓國菜！主打目標人蔘雞湯🔸人蔘雞湯雞肉輕輕一開就斷，嫩滑軟淋！老人家小朋友都食得到！湯底淡淡藥材香味，人蔘、紅棗、杞子等食材，配上糯米既飽肚又養生！🔸牛肉紫菜卷有齊多款配料，份量十足！每一件都好大舊，蔬菜、肉類、碳水一客有齊！都算夠健康之選😆總括🔹 餐廳有韓國人主理，同區頗為有質素的韓國菜。可惜帶住小朋友未能夠想試其他款式，唯有下次再試啦～

紅磡美食多不勝數，愈開愈多各式各樣嘅餐廳，其中有我至愛嘅韓國菜，早幾日我食依間韓國菜就係由韓國人主理，夠哂正宗呢天氣凍凍地，叫左個牛肋骨湯暖下身，清甜蘿蔔湯底，牛肋骨煮得幾軟熟，牛肉味濃郁，老闆仲教我地可以落少少胡椒粉作調味，飲落有少少辣同增加幾分香味，幾夾啵食韓國菜點少得石鍋牛肉拌飯，熱辣辣石窩上枱，落韓式辣醬拌勻，芽菜菠菜都幾多，食落好香口又惹味，本身我係菜怪，所以每啖都有菜覺得好正，放耐少少嘅話仲食到個飯底嘅飯焦添，正呢食左頭兩個有啲半飽，全晚最期待嘅鐵板芝士甜酸炸雞黎到啦，面頭滿滿芝士拉絲，甜酸炸雞面頭淋哂汁都無影響炸雞外脆口感，個甜酸醬汁辣味啱啱好，濃郁得黎又唔會過分漿口，放左一陣凍左少少，炸雞依然保持外脆內Juicy口感，真係好好食，好似係韓國食到既味道口感一樣，值得encore呢！整體餐廳寬敞舒適，食物質素唔錯，價錢都合理，重點炸雞真心好味，下次我要買外賣返屋企獨食至得！

♡◌ ◍ ◯ ⊙ ◌✐ 𝙍𝙚𝙫𝙞𝙚𝙬.📍K-Palace𝕃𝕠𝕔𝕒𝕥𝕚𝕠𝕟: #breadaholic_hunghom #breadaholic_whampoa𝕋𝕪𝕡𝕖: #breadaholic_restaurant.❅ Braised Short Ribs 燉牛排骨 ($228)❅ Spicy Buckwheat Noodles 辣拌冷麵($108)❅ Kimchi Pancake 泡菜煎餅($128).// Korean Restaurant located in Whampoa must be very popular in the neighbourhood as it was still packed with patrons after 8pm on weekday night when we made our visit. Picked a few classic dishes that I always opt for when having Korean cuisine – the braised short ribs was a ‘rice stealer’, qu

🥢薄切五花肉套餐(2人) 삼겹살세트 $358· 套餐放好哂泡菜 / 腸仔 / 芽菜 / 青椒 / 蛋捲 / 蒜芯 / 沙律, 自己可以放晒上鐵板燒, 配料吸哂五花腩肉啲油變得更香口, 當然唔少得有生菜包黎食😍 雖然啱啱去完韓國, 但係都係好掛住啲烤肉🥲 五花腩油脂分布算平均, 蒜芯燒起黎超出預期既好味🤤🥢拌泠麵 비빔냉면 $108· 雖然凍凍地, 但都係想食泠麵, 我地見唔套夠醋汁, 所以老闆幫我地加左啲, 令到個麵好撈啲!! 個汁酸微微都幾開胃🥢純豆腐湯 순두부찌게 $108· 湯類係會跟碗飯, 只要咁既組合就會食好多飯😂 唔會太辣得黎又足料💕🥤粒粒梨肉汁 갈아만든배 $25· 梨汁可以減低熱氣感, 食完烤肉飲返罐就舒服哂, 仲有好多梨肉～ 滿足😎

琴日帶咗媽媽去食黃埔新開嘅間韓國餐廳，佢哋有媽咪最鍾意食嘅五花肉，所以我哋一於叫咗個五花肉套餐，同埋泡菜豬肉豆腐煲 (我嘅至愛)。五花肉套餐嘅配菜有好多，好豐富呀，而且五花肉係薄切嘅，食多咗都唔會覺得好肥🤤 原本淨係燒五花肉諗住配生菜食，點知老闆見到就過嚟幫我哋啦。原來係要將所有嘅配菜都放喺鐵板上面燒先得㗎，燒完之後就將五花肉加埋熟左配菜包住生菜一齊食，咁樣食又真係好味啲喎🤤🤤另外個泡菜豬肉湯都非常濃郁，好好飲呀，啲豬肉吸收晒泡菜嘅味道，仲有豆腐，用泡菜湯配埋啲白飯真係好正😋😋媽咪話下次整返嚟再食！

天氣寒冷❄️☃️最啱就係食韓燒，暖笠笠圍爐取暖🔥 唔需要去韓國🇰🇷都可以食到正宗韓燒嘅味道，食評嚟啦🥓急凍薄切五花肉套餐2人 hkd$358🔸配料有卷蛋、香腸、辣蘿蔔、蒜頭、辣椒、蒜香、芽菜、泡菜🔸店員非常之親切幫我哋鋪滿成塊鐵板在燒埋，等我哋慢慢享用🔸五花肉薄切用鐵板燒到金黃色，脆博博，甘香可口，用生菜包埋嚟食簡直就係食韓燒最高嘅感受，連Vienn唔鍾意食五花肉嘅都覺得非常好味🔸配料可以無限𝗿𝗲𝗳𝗶𝗹𝗹🍺食韓燒又點少得配搭𝗯𝗲𝗲𝗿! 𝗖𝗮𝘀𝗮 𝗰𝗼𝗹𝗱 𝗯𝗿𝗲𝘄 𝗯𝗲𝗲𝗿 𝗵𝗸𝗱$𝟰𝟱🍻正啊🍻Overall嚟講唔計𝗯𝗲𝗲𝗿,人均$𝟭𝟳𝟱的確係抵食！𝗼𝗽𝗽𝗮服務超就親切～成日都好熱情幫手燒🤭建議大家去試吓～如果大家中意俾個like支持下🤟🏽 𝗖𝗶𝗮𝗼~🍺K-Palace (紅磡)🍻紅磡民泰街41-47號黃埔新邨安榮樓地下D號舖

無論嗌咩，一開始都會有前菜泡菜偏淡，唔夠酸薯仔甜味，但唔係好甜爽口芽菜 石鍋拌飯(牛肉) $128+1拌飯料好足，都幾大份，🦧食唔哂，要同🐯share我直頭懷疑佢放左唔止一個飯落去😂😂😂可能係因為有埋配菜，所以飽腹感好強豆腐湯<跟白飯 $108+1全場MVP🌟配料幾足，應該有放蜆調番個鮮味出黎豆腐好滑，仲打左粒蛋今日勁凍，食一碗即刻暖番哂整體而言 正正常常 但未至於會山長水遠過嚟食，如果經過嘅話 都可以試吓

天氣凍冰冰，決定同朋友食啲暖笠笠嘅嘢暖暖身，韓式燒烤係一個唔錯嘅選擇😍今日黎到新開嘅K-Palace韓宮🇰🇷店舖夠大，座位闊落，坐得舒服☺️急凍薄切五花肉套餐（2人）（$358）新推出嘅五花肉套餐超級豐盛，有唔同韓式配菜，五花肉嘅份量都算多😆五花肉紋路靚，肥瘦均勻，燒嘅時候肉汁同油脂流晒出黎🤤 貼心嘅係店員會將鐵板打斜少少，方便啲油流出黎，咁食落唔會太油膩😗套餐附送多個韓式配菜，最驚喜嘅係有腸仔同蛋卷，味道唔錯😋 泡菜、蘿蔔絲、豆芽、辣椒等配菜可以就咁食，亦都可以用生菜包住連埋五花肉一齊食，更加惹味😍辣海鮮湯麵（ $108 ）辣海鮮湯麵非常足料，有多隻青口、蝦、蜆同魷魚等海鮮，韓式拉麵麵質彈牙，湯底辣味適中🤩泡菜煎餅（ $128 ）超巨大煎餅🤣 煎餅入面充滿洋蔥、椰菜等蔬菜，係最傳統嘅泡菜煎餅，煎得香脆，點上酸嘅沾醬，中和飽濟感😉

新開嘅韓國餐廳K palace 環境好大，座位夠闊落啲坐得好舒服！  餐廳佈置得好有韓國風格，老闆非常友善，係正宗韓國人，推介咗我哋多款特色韓國美食 ！ 無骨半半炸雞（原味&甜酸）原味&甜酸炸雞各六件, 即叫即炸熱辣辣！ 炸雞外皮脆卜卜唔會太厚粉, 雞肉嫩滑juicy, 加埋配菜食更加惹味！ 石鍋拌飯（辣豬肉）唔好諗住佢細細份驚唔夠飽， 除了有豬肉每一樣配菜份量都好足夠！配菜有脆肉瓜，菠菜 ，紅蘿蔔絲等！ 辣醬係另上所以不吃辣嘅人都適合食！👍🏻👍🏻👍🏻海鮮蔥煎餅煎餅好大快塊， 煎得香脆可口，又有好多魷魚，非常吸引😋😋😋 晚餐非常豐富，性價比高，同朋友都食到撐住肚走😋😋😋

黃埔有間正宗韓國餐廳～連店員都係韓國人🇰🇷而且地理位置都幾方便，好近地鐵站✨急凍薄切五花肉套餐五花肉嘅特別之處就係越覺得油膩，越係令人想食佢🤣搵呢度嘅五花肉，由烤盤開始已經勁有韓國嘅感覺，斜斜地嘅設計可以滴走多餘嘅油份✨（我之前喺韓國食到一間 超好食😋令我念念不忘嘅五花肉點就係咁😍）而且一開始燒嘅時候，會有韓國店員教你點樣燒，先知自己擺錯🤣 五花肉肉味好濃，煎到焦香再包其他配菜，味道真係令人上癮😆 令人驚喜嘅係佢啲配菜好好食‼️配菜🌟涼拌生菜：酸酸地好醒胃，食落唔覺辣，反而好解油膩感👍🏻🌟蛋捲：煎到外脆內軟最正，而且蛋香味十足🥰🌟蘿蔔泡菜絲：酸甜爽脆，正👍🏻🌟芽菜：加咗蔥油特別香✨🌟泡菜：感覺特別新鮮，好爽脆，連唔食泡菜嘅朋友都鍾意💕～另外仲有好多唔同配菜，真係好豐富🥰🥰🥰可以每一啖都配唔同嘅嘢💕整體嚟講，呢度係我覺得喺香港最似韓國烤五花肉嘅地方～不論係食材、店員及環境👍🏻 店員好用心簡介點樣食💕最重要嘅係真係好多韓國客，感覺自己真係去咗韓國咁🤣 呢度值得再食‼️‼️‼️

［正宗韓國五花肉套餐］來到黃埔同友人慶生，她最愛韓國美食，於是來了這間正統韓國人開的餐廳地方闊落，環境舒服，韓燒都沒有大煙五花肉是友人摯愛韓國人整的五花肉最正宗，所以今次特別叫了韓燒薄切五花肉套餐配搭各種伴菜：芽菜、蔥絲、泡菜、腸仔店員會幫忙一起烤，將烤出的油配埋小菜，燒肉汁與小菜配在一起d肉油脂分布都平均，仲要好香最後叫了一個芝士泡菜炒飯，會幫我們燒埋飯，有心心好窩心K-Palace地址: 紅磡民泰街41-47號黃埔新邨安榮樓地下D號舖電話: 23345633

因為住喺紅磡附近 所以以前成日都會同屋企人去黃埔食飯😙但以前黃埔真係冇咁多好嘢食的！今次同屋企人行街經過見到真係多咗好多各種類型嘅餐廳😝於是就揀咗間好近黃埔地鐵站嘅韓式烤肉店食😎一入到去老闆就好親切咁招待我哋見佢哋都係韓國人 就知道啲嘢食一定夠晒地道🇰🇷店舖環境都好開揚 有充足嘅位置 可以容納到大組嘅客人👨‍👩‍👧‍👦食食下都見到陸續有客人入座有一枱直情係全部外國人😮睇嚟連外國人覺得呢度夠晒正宗👍🏻打開menu見到佢哋都有好多唔同韓國食品嘅種類！燒肉又有 熟食又有 好似真係去咗韓國咁😂天氣轉冷特別想食燒嘅肉 所以就決心叫個冷凍五花肉二人餐食🥩冷凍五花肉二人套餐 $298之前冇聽過咩係冷凍五花肉🤔原來係已經切咗薄片嘅五花肉片雖然係急凍 但睇上去肉質都好粉嫩！有別於以前食開一大條 上層好多白色油脂嘅五花肉呢一種冷凍五花肉係比較肥瘦適中食上去唔會太過heavy 好有驚喜😍除咗肉呢個主角之外 個套餐仲包咗好豐富嘅伴菜🤩有基本嘅泡菜 芽菜 蔔葡絲仲有伴菜絲 雞蛋卷 韓式ham 同埋供我哋包肉食嘅生菜 大蔥 蒜🧄加埋點肉食嘅醬汁😋要有嘅都有！不得不提 佢哋嘅泡菜好好食 食得出唔係出面買現成嗰種即食

天氣凍凍地最岩食烤肉😍😍😍今日黎到黃埔行Aeon 、食韓燒！🇰🇷🇰🇷🇰🇷發現餐廳都幾多韓國人黎食，隔離枱都係講韓文😂見到部隊鍋都幾受歡迎，下次可以試埋😌Btw 我地就叫左個薄切五花肉二人餐，300幾蚊，非常抵食！有足夠二人份量嘅五花肉，另外，配菜都非常豐富，有蒜苗、泡菜、豆芽、蘿蔔絲、泡菜等等。可以夾埋配菜一齊食，減低油膩感，食落冇咁肥。而且有大量生菜提供，真係唔洗怕愈食愈滯～想食韓燒黎開附近行街可以試下呢間👍

點樣食推介✨⭐️黃埔韓國菜⭐️K-Palace 地址：紅磡民泰街41-47號黃埔新邨安榮樓地下D號舖🍖急凍薄切五花肉套餐(2人) $358 (7/10)擺盤擺得好色彩繽紛(⊙ω⊙)，有芽菜、泡菜、腸仔、青椒、蒜芯、蛋捲、沙律等配料，同五花肉片一齊燒黎食，d配料索曬d豬油食會更香口😆，當然仲有大量嘅生菜比你包住食，冬天食燒肉真係最好feel🍖拌冷麵 $108 (7/10)份量對得住個價錢，超多麵(´･Д･)」🍖豬肉泡菜湯 $108 (7/10)會跟個飯，個湯都濃泡菜味-回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)-